Се одржа традиционалниот Виенски бал, гости и Зоран и Зорица Заеви

Во Скопје синоќа се одржа традиционалниот Виенски бал, под покровителство на Австриската амбасада во земјава.. На него присуствуваше и премиерот Зоран Заев, заедно со сопругата Зорица.

Advertisements

Средба на Премиерот Заев и Канцеларот Курц: Република Австрија е и останува голем пријател и поддржувач на Република Северна Македонија

Претседателот на Владата на Република Северна Македонија, Зоран Заев денеска во Виена оствари средба со Канцеларот на Република Австрија, Себастијан Курц.

Истакнувајќи дека секоја посета на Република Австрија е задоволство, Премиерот Заев му се заблагодари лично на Канцеларот Курц, но и на Владата на Република Австрија за сѐ што направиле за Република Северна Македонија, но и за целиот регион на Западен Балкан.

Премиерот Заев ја почна официјалната посета на Романија, средба со премиерката Данчила

Претседателот на Владата на Република Северна Македонија, Зоран Заев ја почна официјалната посета на Романија, со средба со романската премиерка, Виорика Данчила.

Премиерката Данчила соопшти дека во Романија се почнати процедурите за ратификација на Протоколот за пристап на нашата држава во НАТО што е изгласано во Домот на пратениците. Во изјавата за медиуми таа рече дека очекува брзо заокружување на тој процес и дека Република Северна Македонија во најбрзо време ќе биде 30. членка на НАТО.

Романската премиерка Данчила ја реафирмираше позицијата за продолжување на проширувањето на ЕУ, врз индивидуални заслуги за земјите од Западен Балкан. Таа изјави дека очекува дека во јуни ќе бидат потврдени политиките на проширување на ЕУ и охрабри нашата земја да продолжи со исполнување на реформските аргументи.

Премиерката Данчила јавно честиташе на премиерот Заев за неговиот придонес низ храброста и енергијата во големите процеси за нашата држава, што смета дека е инспирација за целиот регион.

Премиерот Заев на средба со норвeшката премиерка Солберг

Претседателот на Владата на Република Северна Македонија Зоран Заев, во придружба на министерот за надворешни работи Никола Димитров, во рамките на неговата агенда од учеството на Минхенската конференција за безбедност, денеска се сретна со Претседателката на Владата на Кралството Норвешка Ерна Солберг, која од своја страна беше придружувана од министерката за надворешни работи Ине Ериксен Сореиде.

Премиерката Солберг на средбата истакна дека Норвешка уште еднаш силно го поздравува Договорот од Преспа и решавањето на спорот со Грција, како важен момент за процесите за вклучување на Република Северна Македонија во НАТО и ЕУ.

Претседателката на норвешката влада му посака добредојде на премиерот Заев и на нашата земја во НАТО, каде што нашата земја веќе го зазеде своето место веднаш до Норвешка и каде што ќе го помине периодот на ратификација на Протоколот за пристапување како поканета земја членка, по што ќе го добие статусот на полноправна членка со право на глас во сите работни тела на алијансата.

Норвешка во Република Северна Македонија гледа како на земја сојузник, и е подготвена да ја продолжи својата поддршка бидејќи смета дека нашата држава сериозно придонесува во европската агенда и е сериозно посветена на отворање на поглавјата за преговори со ЕУ.

Заев и Ципрас синоќа наградени со „Еван Фон Клајст“наградата

Сакам да му се заблагодарам на мојот народ и на посредникот на Обединетите нации Метју Нимиц кој помина децении обидувајќи се да најде решение за долготрајниот спор за името.

Премиерот Заев на Минхенската конференција за безбедност се сретна со премиерот на Косово Харадинај

Претседателот на Владата на Република Северна Македонија, Зоран Заев и членовите на делегацијата што ја сочинуваат заменичка на претседателот во Владата на РСМ и министерка за одбрана, Радмила Шекеринска и министерот за надворешни работи, Никола Димитров и пратеникот во Собранието на Република Северна Македонија, Џевад Адеми и член на собраниската комисија за одбрана, како дел од своите активности денеска се сретнаа со претседателот на Владата на Република Косово, Рамуш Харадинај.

Двајцата премиери изразија големо задоволство од односите меѓу двете земји меѓу кои не постои отворено прашање и изразија подготвеност да настојуваат на зацвсртување и на проширување на соработката во многу области, особено во делот на соработката и размената на информации за безбедносни прашања.

На средбата косовскиот премиер Харадинај им честиташе на претставниците на делегацијата на Република Северна Македонија за статусот поканета членка во НАТО и изрази надеж дека ратификацијата на Протоколот за пристапување ќе заврши многу брзо со што нашата земја ќе се стекне со полноправно членство во Алијансата.

Оваа нова реалност на Западен Балкан е од особено значење за целиот регион, беше истакнато на средбата и означува момент кој ќе придонесе и мирот и стабилноста како основа за севкупен и економски развој на регионот во целина.

На разговорот меѓу членовите на делегацијата на Северна Македонија, предводена од премиерот Заев и делегацијата на Косово, предводена од премиерот Харадинај е потврдена и натамошната взаемна поддршка меѓу двете земји и за европските аспирации како стартешки интерес за граѓаните на двете земји.

Заев во посета на „Костал” во Охрид

Премиерот Зоран Заев заедно со министерот Горан Сугарески и со в.д. градоначалникот на Охрид, Константин Георгиевски, вчера беа во посета на германската компанија „Костал Македонија ДООЕЛ Охрид“.

Зоран Заев како Александар Македонски во пропагандниот спот на ,,Независни Грци“

Со спот, во кој македонскиот премиер Зоран Заев се трансформира од ликот на Александар Велики и вели дека веќе никој нема да оспорува дека сме Македонци и зборуваме македонски јазик, од ,,Независни Грци“ прашуваат: ,,Ќе го оставиме Заев да зборува во име на Александар Велики?“ – ,,Северномакедонци, ниту ќе бидам јас, ниту вие ниту децата, заради тоа што јасно е утврдено дека сме Македонци, зборуваме македонски јазик. И многу е важно што повеќе тоа никој нема да ни го оспорува – е делот од изјавата на Заев од 6 декември 2018 искористена во спотот на Независни Грци, а потоа следи пораката: „Александар Велики не може да зборува. Ќе го оставиме Заев да зборува во негово име? “-пишува МИА.

Вечерва во грчкиот Парламент се гласа за ратификација на Договорот од Преспа.

На Заев му пикна филмот: “Никој не ме прашува како стигнав од 49 до 80 пратеници и колку време и енергија тоа ми зеде”

На Заев му пикна филмот: “Никој не ме прашува како стигнав од 49 до 80 пратеници, како ги постигнав договорите со Грција и Бугарија, колку време и енергија тоа ми зеде, сите само критики и само паметни се прават…”

Премиерот Заев во Сараево одликуван за Европска личност на годината

Претседателот на Владата на Република Македонија, Зоран Заев, во Сараево е прогласен за Европска личност на годината од Агенцијата за избор на најдобар менаџер во БиХ, Југоисточна и Средна Европа и Европското здружение на менаџери.

Премиерот Заев ја доби златната плакета за европска личност на годината од врвни менаџери и политичари, како што е наведено во Одлуката, „за исклучителни заслуги за стабилизација и подобрување на односите меѓу европските држави, посебно меѓу соседите, како и за економска, културна и секоја друга соработка меѓу државите и народите во регионот, за надминување на сите стереотипи и барање најдобри можни решенија во постоечките услови на соработка и пријателства“.

Златната плакета – Европска личност на годината, на премиерот Заев му ја врачи претседавачот со претседателството на БИХ, Денис Звиздиќ.

Заев со честитка за 27-от роденден на СДСМ

“Драги сограѓани, драги сопартијци,

Со гордост го честитам 27-от рoденден на СДСМ – Социјалдемократски сојуз на Македонија

СДСМ докажа, низ годините и денес, дека е државотворна партија, дека знае да учи од своите и од туѓите грешки, дека има капацитет, желба, волја, енергија, сила – да предводи – напред!

Ја добивме честа од граѓаните да ги претставуваме. Да ве видам сакам сите одговорни и на висина на задачата.

Ова е обврска што си ја поставив себе си и ја очекувам од секој еден од вас.

За сите има место на ова парче убава земја – нашата Република Македонија!”

Премиерот Заев на средба со ученици-иноватори

Претседателот на Владата на Република Македонија Зоран Заев, заедно со директорот на Фондот за иновации и технолошки развој (ФИТР) Јован Деспотовски, се сретнаа со ученици иноватори и нивните ментори и професори, кои како тим „MAKBot Pioneers“ ќе ја претставуваат Македонија на Светското првенство, во Детроит во САД, организирано од Асоцијацијата за препознавање на наука и технологија и од компанијата ЛЕГО.
Тимот „The MAKBot Pioneers“ е составен од девет ученика од сите основни и средни училишта од Кочани. Тимот функционира во склоп на СОУ „Гошо Викентиев“ и работи како дел на кабинетот по роботика.

Ученикот Горјан Илијевски пред присутните ја престави работата на роботот направен од Лего коцки, со разни приклучоци во зависност од мисијата која треба да ја извршува.

Преземено од http://vlada.mk

Заев ги пречекуваше гостите на вечерата во Камник

Премиерот Заев и високата претставничка на ЕУ Могерини, приредија заедничка вечера во ресторанот во Камник. На вечерата присуствуваа и лидерите на земјите од Западен Балкан, Еди Рама, Ана Брнабиќ, Рамуш Харадинај, Душко Марковиќ и Денис Звиздиќ.

Започна средбата помеѓу Заев и Ципрас

Започна средбата помеѓу премиерот на Македонија, Зоран Заев и неговиот грчки колега Алексис Ципрас, на маргините од Светскиот економски форум во Давос, Швајцарија.

Столтенберг за Заев: Тој е мојот херој

На крајот на заедничката прес конференција на генералниот секретар на НАТО, Јенс Столтенберг и македонскиот премиер Зоран Заев се случи интересна ситуација. Имено, на крајот новинарите побараа од Столтенберг и Заев уште еднаш да се ракуваат, а при ракувањето, Столтенберг за Заев рече:

-Добар пријател. Тој е мојот херој.