Бугарска сензација, GABBY G успеа да ја придобие македонската публика со изведбата на “Громови на душа”

Една љубов преку границите на Македонија и Бугарија. Најдоброто од двете држави за сите генерации, “One Love Tour 2019”, по трет пат минатиот викенд се одржа во Скопје и го донесе најдоброто од двете држави за сите генерации.

На настанот зеде учество и една млада девојка од Бугарија, која ги освои срцата и ја расплака многубројната публика на One Love Tour на плоштадот Мајка Тереза во Скопје, каде се собраа едни од најпознатите македонски и бугарски изведувачи.

Вистински музички бран и еуфорија се разлеа на плоштадот во главниот град, а покрај сите изведувачи не остана не заприметена младата петнаесетгодишна Поп и РНБ пејачка позната како Gabby G. која успеа да ја придобие македонската публика со изведбата на “Громови на душа” на ѕвездата Тоше Проески.

Почетокот на летото оваа година таа го промовираше нејзиното првенче “Краен Срок”, кое е дело на македонскиот продуцент и композитор Јорданчо Василковски – Оцко и шведскиот хитмејкер Јохан Бејерхоум, кој е автор на едни од најголемите хитови на Араш.

Advertisements

„Ај Кју“ со преработка: Народната „Јано Мори“ во модерна верзија

По неколкуте синглови со кои „Ај Кју’ смело запливаа во меѓународните музички води како “Dancin”, “Love me hate me” и “Too late” на ред дојде една интересна преработка на песната „Јано мори“.

Дуото кое по настапот на Евровизија 2018 е многу активно низ Европа и Австралија поголемиот дел од оваа година го помина во Лондон работејќи на нов материјал и остварувајќи нови соработки. Бојан Трајковски и Марија Ивановска одлучија да ја изненадат македонската јавност со едно уникатно музичко остварување.

На трансформирањето на еден ваков мелос во модерен и современ звук, тие заедно работеа со нивниот англиски ко-продуцент.

На оваа добро позната мелодија многу природно се надоврзува гласот на Марија кој со својата мекост и ненаметливост ѝ дава свежина на целата песна.

За песната е изработен и видео спот во режија на Кристијан Шемко, кој одлично ја отсликува и визуелизира целата атмосфера на филмот кој го ткаат Бојан и Марија.

Подготвена е и верзија со англиски текст која ќе се промовира на меѓународниот пазар следниот месец.

Антониа Гиговска го препеа евергринот „Кога те нема“ на Хелена Благне

Девојката со ангелски глас Антониа Гиговска го препеа македонскиот евергрин „Кога те нема“ на познатата Хелена Благне, првата победничка на Макфест 1986 година, во Штип.

Ова видео е продуцирано со финансиска поддршка на Европската унија, а снимано е на повеќе локации низ Македонија. Уживајте!

Автор на песната: Кире Костов
Автор на текстот: Васил Пујовски
Режија: Александар Николоски
Сценарио: Јорданчо Милошевски & Александар Николоски
Директор на фотографија: Небојша Петревски
Снимател: Александар Нешковски
Актери: Теодора Волческа и Нинослав Нанков
Продукција: Младински Форум за соработка – Скопје, 2019

Лепа Брена доби конкуренција: Лина го отпеа нејзиниот најголем хит!

Младата пејачка Лина Пејовска не престанува да изненадува. Дека секој музички жанр се труди да го изведе најдобро, докажува во секој кавер што ќе го објави.

Странската поп музика убедливо и е една од омилени и најчесто изведуваните, но често знае да изненади. Имено, овој пат таа на својот Инстаграм профил објави кавер на еден од најголемите хитови на балканската ѕвезда Лепа Брена. „Пожели сречу другима“ дефинитивно нема да ве остави рамнодушни,

View this post on Instagram

❤️ @lepabrenaa

A post shared by PEJOVSKA LINA (@pejovskalina) on

Каролина, Тијана, Јелена, Васил и Вера од „Љубојна“ ја пеат „Во коси да ти спијам“ од Тоше

Новогодишните емисии на македонските телевизии и годинава ги имаше во голем број, а оние што одлучија на најлудата ноќ да останат дома, имаа можност да одберат во чие друштво ќе ја дочекаат Новата 2019 година. Меѓу нив беше и екипата на популарната ТВ серија „Преспав“, која приреди одлично тричасовно шоу, збогатено и со музички гостувања на голем дел од нашите најпознати пејачи.

Особено впечатлив беше заедничкиот настап на актерите Јелена Јованова и Васил Зафирчев со Тијана, Каролина и Вера од „Љубојна“, кои му оддадоа чест на својот легендарен колега Тоше Проески, изведувајќи го неговиот хит „Во коси да ти спијам“, а видеото го сподели и Каролина на својата страница на Фејсбук.

„Девојките“ (The Chicks) ја препеаа “Доживотно” од Елена Ристеска

„Девојките“, односно Наталија Мејанџиева, Сандра Јорданова и Моника Ѓорѓиева, се познати по одличните преработки на познати хитови, како и по бројните настапи ширум земјата.

Трите девојки од Велес, „The Chicks“ пред две години запливаа во музичките води и ја освоија публиката со својот талент и музика, а денес нивната агенда е полна со настапи, а пак од публиката добиваат премногу поддршка. Како звучи и изгледа нивната верзија на „Доживотно“ дознајте во продолжение. Уживајте!

ДНК станаа дет-металци

Популарното дуо ДНК одлучи да го промени музичкиот стил, па од ар-ен-би премина на дет-метал! За нивните обожаватели да слушнат како звучат нивните хитови во ново руво, момците споделија кусо видео од дет-метал верзијата на познатата „Полна месечина“.

„Лудата романтика“ на Слаткаристика стигна до Африка

Нам Македонците секогаш ни претставува особена чест и задоволство кога ќе слушнеме странец да пее македонска песна, а можеби уште поинтересно е кога странецот е од друга раса. Младо момче со псевдонимот Блек Бој (Blakbuoy) направи своја верзија на актуелниот хит на Слаткаристика, „Луда романтика“, кој популарниот хип-хоп артист го претстави на Денот на жената – 8 март.

Погледнете го светскиот хит од Sia – Cheap Thrills во изведба на 12 годишната Марија Спасовска

Создавајќи вистинска уметност со својот глас, нашата млада ѕвезда Марија Спасовска иако има само 12 години, може нескромно да се пофали со многубројни признанија како од кај нас, така и од повеќе земји во светот.

Марија Спасовска со кавер, пролетен и весел , и светски. Станува збор за песната од Sia – Cheap Thrills, а во продолжение погледнете и уживајте …

 

Преработка на евровизиската „Lost And Found“ на „Ај кју“ – како би звучела машка верзија

Слушнете ја машката верзија на песната, каде што задржани се оригиналната музика и продукција, но вокалниот дел е отпеан од момче. Не е познато за кого станува збор, но судејќи по името на самиот канал, овој евровизиски љубител ги заменува оригиналните вокали со спротивниот пол, односно од женските прави машки верзии, а како звучи нашата „Lost And Found“ отпеана од машки вокал слушнете во продолжение. Уживајте!

Детската хит песна “Прва Љубов” со ново видео и звук

Дуото “Рафинерија” кое го сочинуваат Борче Димитров и Зоран Николовски не потсетија и не вратија во детството. Тие направија одлична преработка и видео на големиот детски хит “Прва Љубов” а со тоа не вратија во времето и на потсетија на едно убаво и безгрижно детство. Уживајте

BRASS BROTHERS со преработка на “One Step Beyond” од Madnes

Битолската музичка атракција Brass Brothers, кои ги знаеме по одличните и уникатни преработки на светски хитови  не почестија со уште едно видео, овојпат тие направија преработка на One Step Beyond од Madness. Уживајте!

Во чест на Тоше, „Инструментал бенд“ ја преработи „Полско цвеќе“

И после 10 години од неговата прерана смрт, Тоше Проески останува и понатаму да биде најголема инспирација за новите музички генерации, а голем дел од нив одлучуваат да направат и по некоја преработка на неговите најголеми хитови. Таква одлука донеле и момците од битолскиот „Инструментал бенд“, кои направија одлична преработка на „Полско цвеќе“.

10 години без Тоше одбележани со уште една нова песна

Поминаа точно 10 години откако Македонија и Балканот останаа без својот најголем идол и најсветла музичка ѕвезда, неповторливиот Тоше Проески. Секоја година, 16 октомври ни ја враќа горчината во срцата, потсетувајќи нè на тоа кобно утро кога сите се молевме некој да ги демантира вестите на хрватските медиуми, да рече дека сè е лага…

Но, секоја година имаме и повод повеќе да се потсетуваме на неговото најголемо дело – музиката, а одвреме-навреме да слушнеме и по нешто ново, сокриено во неговата богата архива на необјавени песни, кои ни даваат утеха и го потврдуваат фактот дека Тоше има само датум на раѓање.

2017 е година на Тоше. Освен премиерата на првиот македонски мјузикл во негова чест, насловен по бесмртната „Тајно моја“, годинава ќе биде одбележана и со уште еден албум со досега необјавени песни, од кои неколку веќе ги слушнавме во изминатиот период, а како што беше најавено, денеска својата премиера ја доживеа и темата насловена „Кад волиш“.

Интересно е тоа што станува збор за преработка на хитот од неговата колешка Каролина Гочева, чија македонска верзија го носи насловот „Штом сакаш“ и е сместена на нејзиниот албум „Знаеш колку вредам“ (2003). Автори на песната се Мирко Вукомановиќ (музика) и Снежана Вукомановиќ (текст), а како звучи сето тоа во изведба на легендарниот Тоше можете да слушнете во продолжение.

„Некст тајм“ направија ремек-дело од „Слушам кај шумат шумите“

Во Драмскиот театар во Скопје, братското дуо „Некст тајм“ го промовираше видеото за својата нова песна, која е преработка на добро познатата „Слушам кај шумат шумите“. За овој проект браќата соработуваа со композиторот Никола Мицевски, кој го направи аранжманот, а миксот е на Дејан Момировски.

Прекрасното видео, пак, го изработи екипата на продукцијата „Мелем“, под режисерската палка на Огнен Шапковски, а директор на фотографија е Кристијан Теодоров. Главната улога ја има познатата актерка Ана Стојановска, а покрај неа се појавуваат и Бранко Калеников, Борис Јосифовски, Васко Гегоски, самиот режисер Огнен и, секако, браќата Мартин и Стефан Филиповски.

Во чест на Тоше, Огнен Здравковски ја препеа „Кад вараш ти“

По повод 10-годишнината од смртта на легендарниот Тоше Проески, младиот пејач Огнен Здравковски во негова чест ја препеа баладата „Кад вараш ти“. Снимањето, миксот и мастерингот ги направи Бобан Василевски во студиото „Торус“, на клавир гостува Иван Еминовиќ, на виолина Олгица Здравковска и на виолончело Љупка Манчевска, а видеото снимено во хотелот „Александар Палас“ и на сцената во МОБ го режираа самиот Огнен и Борис Ташковски. Како изгледа и звучи сето тоа можете да погледнете горе.

Панчо (ДНК) ја препеа “Есен Во Мене” од Елена Ристеска

“Драги луѓе. Особена чест и задоволство ни претставува со вас да ја споделиме кавер верзијата за Македонската евергрин класика “Есен во мене” испеана од нашиот феноменален вокал Елена Ристеска. Оваа година нумерата слави точно 10години од нејзиното издавање па заедно со нашиот продуцент Лазар Цветкоски решивме да го прославиме љубилејот на малце поинаков начин 😊
Од срце сме им благодарни на Дарко Димитров ( кој е композитор на оригиналната верзија ) и Елена Ристеска за укажаната доверба и дозвола да направиме unplugged варијанта на оваа безвременска балада.
Се надеваме дека ќе ви се допадне 😬Уживајте 🙏🙏

Ваши

ДНК ” – Напиша Панчо на својот FB профил

Pancho ( DNK ) – Esen vo mene (Elena Risteska cover)

BRASS BROTHERS со нивна кавер верзија на Pulp Fiction Theme

BRASS BROTHERS e уникатен проект со личен печат кој постојано се насочува кон нешто ново, што истовремено е и доста интересно и возбудливо што при изведбата им дава на песните уникатно звучење. Овој состав изведува дела од светската музичка сцена, а исто така и дела од македонски автори. Битолската музичка атракција Brass Brothers повторно не изненадуваат со уште една бомбастична изведба на култната тема од филмот на Квентин Тарантино „Евтини приказни“ (Pulp Fiction). Уживајте!

Brass Brothers – Pulp Fiction Theme

Како Ивана Коскоска нема друга!

По којзнае кој пат ќе се повториме, но Македонија навистина е расадник за музички таленти, а уште еден доказ за тоа е младата охриѓанка Ивана Коскоска, која нè воодушеви со одличната преработка на летниот хит на Лозано, „Како тебе нема друга“.

„Брас брадс“ (Brass Brothers) – „Killing In The Name Оf“

Битолската музичка дружина што веќе неколку години е виновна за одличните забави ширум Македонија, „Брас брадс“ (Brass Brothers) ја претстави својата нова преработка. Станува збор за одлична верзија на темата „Killing In The Name Оf“ (1991) од американските рок легенди „Рејџ агенст д машин“ (Rage Against The Machine), а сето тоа е спакувано и со интересно видео.

Иван Мамучевски со одлична преработка на хит од Саша Ковачевиќ

Талентираниот музичар од Берово, Иван Мамучевски е ново и надежно име на македонската музичка сцена, а за да го докаже тоа, деновиве ја претстави својата прва преработка. Станува збор за баладата „Живим да те волим“ од популарниот српски пејач Саша Ковачевиќ, за која Иван ги здружи силите со колегата Ангел Таковски, со кого настапува низ Источна Македонија како „Ангел и Иван бенд“.

Покрај Таковски, кој свири на пијано, на гитара го придружува Ејуп Оџов, а сето тоа снимено во студиото „Ѕене“ го екранизираше Јована Јовановска.

преземено од http://www.radiomk.com

Наташа Малинкова со кавер-верзија на фаворитската песна (Francesco Gabbani – Occidentali’s Karma) за победа на Евросонг

По одличната преработка на нашата евровизиска песна на Јана Бурческа, Наташа Малинкова подготви уште една кавер-верзија на најголемиот фаворит за победа на годинешната Евровизија, Франческо Габани и неговата „Occidentali’s Karma“.

За кавер-песната Малинкова има и видеозапис снимен на охридското пристаниште, а според првите коментари, оваа одлична преработка звучи и подобра од оригиналната.

Горан Наневски со одлична преработка на евровизиската „Dance Alone“

Песната „Dance Alone“, со која Јана Бурческа за само неколку дена ќе ја претставува нашата земја на годинешното издание на „Евровизија“, стана инстант хит уште од самото објавување во март, па бројни познати и помалку познати музички таленти направија и свои верзии, објавувајќи ги на своите канали на Јутјуб.

Еден од нив е и Горан Наневски, млад велешанец што студира на филолошкиот факултет во Скопје, кој очигледно одлично се снаоѓа и во музичките води

Александра Јанева со инзвонреден римејк на баладата „Зошто баш ти“ од Ноне Неделковска

По повод 10 годинишнината од издавањето на оригиналната верзија на баладата „Зошто баш ти“ пејачката Александра Јанева направи свој римејк.
„Благодарност до целиот мој тим кој веруваше во овој проект и заедно подготвивме уште едно изненадување за публиката“, вели Александра по првите импресии од промоцијата.

„Чалгиска“ на Каролина доби шербет верзија

Младите музичарки познати како триото “Шербет” ја преработија познатата песна “Чалгиска”, на поп-ѕвездата Каролина Гочева.

Снимањето на песната било во паркот на познатата Шарена џамија во Тетово.
“Овој пат одбравме песна од Каролина, која со леснотија нè префрла во едно друго време”, велат девојките од триото “Шербет”.
Групата “Шербет” ја сочинуваат три млади тетовки,  Теодора Ветероска, Ана Марија Блажеска и Марија Костоска. Девојките се познати по преработките на многу македонски песни, и стари и нови.

Нена Мицева со одлична преработка на хитот „Едно тело“

18-годишната Нена Мицева, која е вистински хит на Јутјуб, својата колекција на преработки ја дополни со уште еден македонски хит. Станува збор за соработката на Дарко Илиевски и ДНК, „Едно тело“, која музичарите ја претставија пред точно 7 години. Токму тоа е и поводот за новата и освежена верзија на овој хит, а како звучи сето тоа во изведба на Нена можете да слушнете во продолжение.