Погледнете го победничкиот настап на Денис и Антонија во „Кастинг талент шоу“

Во Македонската опера и балет вчера се одржа суперфиналето на „Кастинг талент шоу“, во чии рамки се одбраа главните улоги за првиот македонски мјузикл „Тајно моја“, насловен по истоимениот евергрин на Тоше Проески.

Иако на самиот крај жирито одлучи на сите 9 суперфиналисти да им додели улоги во претстојниот мјузикл, победниците што ќе ги имаат главните улоги беа Антонија Гиговска и Денис Димоски. Триумфот го одбележаа и со заеднички настап, изведувајќи ја познатата тема „The Prayer“ од Селин Дион и Андреа Бочели, во кој можете да уживате горе.