Љубојна со нов спот за “Севдо ле”

Групата Љубојна го промовираше видео спотот за најновата песна “Севдо ле”. Како што напиша на Фејсбук вокалот на Љубојна, пејачката Вера Милошевска – Јосифовска, ова претставува прв сингл од најновиот албум на Џијан Емин и Македонската филхармонија кој излегува наскоро насловен “Phonic Silence”.

“Драги фанови, Тазе од “кујната” на Љубојна. Погледнете го официјалното видео од нашиот нов сингл #СевдоЛе од албумот со Џијан Емин и Maкедонската филхармонија, кој излегува наскоро, насловен Phonic Silence. Благодарност до целата екипа која неуморно работеше на спотот и луѓето кои беа постојано околу нас за се што ни треба”, напиша Милошевска на својот Фејсбук профил.

Инаку, музиката е дело на Оливер Јосифовски, текстот на вокалот и пејачката Вера Милошевска – Јосифовска. Миксот и Мастерингот на Ангел Ќосев од “Студио Подрумот”. Што се однесува до видео спотот, во истиот се појавуваат Наталија Теодосиева и Димитрија Доксевски. Зад камерата работеше Александар Ивановски – Роџо, додека како режисер на видеото се потпишува Сашко Потер Мицевски.

Во продолжение, погледнете го најновото видео од Љубојна.

Advertisements

Македонските пејачи ја претставија божиќната „Небо и земја“

 

Со намера да се возобноват православните традиции за прославување на Христовото раѓање, дел од македонската естрада годиниве ја препеа темата „Вечниот Бог“, а сега репертоарот е дополнет и со „Небо и земја. „Небо и земја“ ја изведуваат Елена Ристеска, Влатко Лозаноски, Викторија Лоба, Димитар Андоновски, „Некст тајм“, „Љубојна“ и дечињата од „Златно славејче“, а снимена е во студиото „Алшар“ . Повеќе…