Со фустан во виножито Тамара пееше за гордоста на Парадата

Advertisements

Со „Бело лице љубам јас“ Тијана и Тамара ја разиграа публиката во „Никогаш не е доцна“

Речиси сите музички емисии во регионот не можат „глава да кренат“ од Македонците, кои постојано докажуваат дека нашата земја е расадник на музички таленти. Освен како натпреварувачи, Македонците понекогаш се и дел од жирито, а таков беше случајот и со најновата епизода од шоуто „Никогаш не е доцна“, каде што публиката уште еднаш беше воодушевена од кумановката Ленче Кукиќ, а во жирито беа нашите сестри Тијана Дапчевиќ и Тамара Тодевска.

Секако дека нивното гостување не можеше и не смееше да помине без песна, така што сестрите добија предивик да застанат на сцената и да запеат песна што ќе ја отсвири бендот. Првиот избор беше добро познатата „Џипси сонг“ на Влатко Стефановски, а веднаш потоа забавата продолжи со народната „Бело лице љубам јас“. Додека сестрите пееја, речиси цела публика беше на нозе, играше и пееше заедно со нив. Уживајте!

„Сирилик“ со неверојатен ремикс на евровизиската „Proud“

Секогаш е интересно да се слушне како музичарите ги преработуваат и им го менуваат „ликот“ на песните од своите колеги, преместувајќи ги во сосема нов жанр и давајќи им свој печат, а токму тоа го направи прилепското дуо „Сирилик“ со евровизиската балада Proud“ на Тамара Тодевска.

Талентираните музичари сè повеќе се активни и со авторска музика и хитови како што се „Во тебе се гледам“со Дина Јашари и актуелниот „Доволни“ со Валери, но одлично се снаоѓаат и со ремиксите, а овој најновиов само дополнително ќе ја зголеми армијата следбеници, и нивната и на Тамара.

Песната која беше победник според гласовите на жиријата и во втората полуфинална вечер и во финалето, претходно доби ремикс-изданија и од белградскиот диџеј и продуцент Грамофонџие, како и од Роберт Билбилов, кој воедно е дел и од авторскиот тим на оригиналната верзија, а како звучи „Proud“ низ призмата на „Сирилик“, дознајте во продолжение. Уживајте!

Tamara Todevska – Proud (Cyrillic Remix)

 

 

Слатко ќе ве насмее: Ќерката на Тамара, Хана ја пее евровизиската „Proud“ на свој јазик

Познатата пејачка Тамара Тодевска на својот профил на Инстаграм објави видео на кое може да се види како нејзината ќеркичка Хана ја пее евровизиската песна „Proud“.

Тамара не можејќи да се воздржи, се смееше додека пееше Хана.

Погледнете како тоа изгледа:

Што велат Американците за Тамара и „Proud“?

„Евровизија“ полека станува сè попопуларна и во САД, а доказ за тоа е и американската верзија на фестивалот што веројатно ќе започне веќе во 2021 година, како и фактот дека голем број од евровизиските новинари се токму Американци. Европскиот фестивал изминативе години беше тема и на канали што снимаат реакции на луѓе од различни возрасти, а сега на ред дојде и годинашното 64. издание што се одржуваше минатата недела во Тел Авив.

Имено, на учесниците, меѓу кои и еден Македонец (Ненад), им беа покажани десетте највисоко пласирани песни и тие требаше да погодат на кое место завршиле. Додека го гледаа настапот на нашата Тамара, коментарите беа претежно позитивни, особено за нејзиниот моќен вокал, а една девојка рече дека ја потсетува на Дизниева песна, па како изгледаше сето тоа дознајте во продолжение.

Тамара ГОРДО запиша нов рекорд со осмо место на „Евровизија 2019“

Не само што ја скрши „клетвата“ на шестгодишното отсуство од главната битка, Тамара Тодевска и официјално забележа нов рекорд во нашата евровизиска историја и го освои осмото место во финалето на „Евровизија 2019“! Особено возбудлив беше првиот дел од резултатите, кога песната „Proud“ се покажа како еден од најголемите фаворити на жиријата, од кои добивме и рекорден број десетки и дванаесетки, односно со вкупно 237 поени беше втора зад шведската песна „Too Late For Love“, која имаше само два поена повеќе – 239, додека холандската „Arcade“ беше трета со 231 поен.

Откако беа соопштени резултатите од жиријата, на ред беа поените од телефонското гласање. За жал, публиката имала други фаворити, па од гледачите ни беа доделени само 58 поени и со вкупно 295 поени завршивме на 8. место.

Тамара се пласираше во финалето на Евровизија 2019

Тамара Тодевска ја претстави нашата земја настапувајќи 17-та на втората полуфинална вечер на овогодинешното издание на фестивалот Евровизија.

Таа ја отпеа песната „Proud“ беспрекорно, со широка насмевка и многу емоции, за што доби бурни овации од публиката и пласман во финалето.

На сцената стоеше сама, во зелена тоалета креирана од македонскиот дизајнер Ношпал.

Освен Македонија од втората полуфинална вечер во финалето се пласираа и Албанија, Швајцарија, Данска, Шведска, Малта, Русија, Норвешка, Холандија и Азербејџан.

Tamara Todevksa – Proud – North Macedonia – LIVE – Second Semi-Final – Eurovision 2019

Роберт Билбилов направи ремикс на евровизиската „Proud“

Евровизиската песна „Proud“, со која Тамара Тодевска ќе ги брани боите на нашата земја на „Евровизија 2019“, штотуку си доби уште еден ремикс, овој пат од еден од авторите на оригиналот – Роберт Билбилов. Долгогодишниот соработник на Тамара, кој заедно со колегите Дарко Димитров и Лазар Цветкоски се потпиша на музиката и аранжманот на „Proud“, емотивната балада ја „преточи“ во ново руво, а како звучи сето тоа можете да слушнете во продолжение.

Tamara Todevska – Proud – Robert Bilbilov Remix

Пробајте да не заплачете: Тамара ја изведе „Proud“ за Нина, девојката со Даунов синдpом

Годинашната евровизиска претставничка, Тамара Тодевска ѝ приреди на Нина Костовска незаборавно изненадување со песната „Proud“.

Таа се појави во нејзиниот дом и предизвика бура од емоции кај оваа прекрасна девојка.

Нина е родена со Даунов синдром. Кога се родила, докторите им рекле на нејзините родители да не се надеваат дека ќе постигне нешто во животот.

Денес, таа самостојно обучува наставници и професори во нашата земја како да се справат со децата со попреченост.

 

Српскиот диџеј Грамофонџие со ремикс на евровизиската „Proud“ на Тамара

Евровизиската песна „Proud“, со која Тамара Тодевска ќе нè претставува на претстојното 64. издание на „Евровизија“ во Тел Авив, штотуку си доби и ремикс-верзија, и тоа од познатиот српски диџеј и продуцент Марко Миличевиќ – Грамофонџие. 

Tamara Todevska – Proud (Gramophonedzie Remix)

Промовирана песната со која Тамара ќе настапи на Евровизија

Музичкото видео за песната „Горда“ (Proud) на Тамара Тодевска, македонски претставник за Евровизија во Израел, беше премиерно емитувано вечерва во централните вести на јавниот сервис.

Главна ѕвезда на музичкото видео на Тамара е нејзината тригодишна ќерка Хана.

Музичкото видео вклучува и појавувања од жени кои ја инспирирале Тамара, докажувајќи дека соништата се остваруваат.

„Горда“ e авторско дело на тимот што како потписници на музиката го сочинуваат Роберт Билбилов, Лазар Цветковски и Дарко Димитров, а текстот е дело на Коста Петров и Сања Поповска. Музичкото видео го режираше Чедо Поповски.

Тамара Тодевска со нов хит – „Довидување таго“

По три години музичка пауза и денови посветени на мајчинството, Тамара Тодевска вчера точно на пладне го промовираше својот нов сингл насловен „Довидување таго“. И зад оваа песна се потпишува тимот кој што веќе години наназад, животот на Тамара го раскажува низ песна. Музиката и аранжманот се на Роберт Билбилов, текст Игор Џамбазов, видео запис Чедо Поповски.