“Сирилик” снимија спот со велешанката Валери Димовска

Прилепското електронско дуо „Сирилик“ повторно напаѓа со нов сингл, а овој пат на браќата Андреј и Бојан Иваноски им се придружи велешанката Валери Димовска. Резултатот од нивниот заеднички труд е насловен „Доволни“, а како автори на музиката и стиховите се самите „Сирилик“ и Дина Јашари, со која ги снимија и хитовите „Во тебе се гледам“, „Feel Like“ и „Right Here“, продукцијата е исто така на „Сирилик“, додека миксот и мастерингот им се заеднички со Ивајо, во чие студио е снимена и самата песна.

Advertisements

Сузана Гавазова жешка и намачкана

После песната „Хало“, која се покажа како вистински погодок, Сузана Гавазова продолжува со походот за освојување на српскиот и балканскиот музички пазар.
Со првата песна и спот, Гавазова веднаш го привлече вниманието на балканската јавност, а тоа се докажа со многуте гостувања на српските и регионални ТВ канали во емисиите и шоуата на Прва, Гранд, Пинк, а и големиот број прегледи и коментари за „Хало“.
Нашата пејачка не чекаше да помине долго време, па затоа повторно околу себе собра проверена екипа и повторно изненади со нов проект.

Новитетот на нашата пејачка е насловен „Намазана“ (Намачкана).
Тимот кој работеше на оваа песна се Саша Диниќ и Ана Диниќ, а видеото го работеше “НН Медиа продукција”.

Тијана Дапчевиќ го прослави роденденот со нова песна

Наместо со роденденска торта, Тијана Дапчевиќ нè почести со нова песна насловена „Презир“, која доаѓа по минатогодишната преработка на „Километрите“ од Лозано, како и по хитот „Ресет“, чии автори се потпишуваат и на новиот сингл. Имено, автор на музиката и стиховите е Александар Делиќ – Динге, а аранжманот го направи Махир Сарихоџиќ.

Зоки Шумадинац – „Свесен сум дека сите ме гледаат како будала, но тоа не ми смета”

Зоки Шумадинац преку ноќ стана интернет сензација со својата песна „Аутотјин“, која веќе има милиони прегледи на каланот „Јутјуб“.

Пејачот Зоран Петровиќ, познат како Зоки Шумадинац, направи вистински бум со оваа песна, која за само три седмици достигна неверојатни 3.2 милиони прегледи.

„Дупер“ го имаат најбелиот спот на македонската сцена за синглот „Ние сме 2“

Едно од најнадежните нови имиња на македонската музичка сцена, скопското трио „Дупер“ штотуку го претстави својот нов, трет по ред сингл насловен „Ние сме 2“, кој стигна во комплет со видео. Наследникот на хитовите „Не сум твој тип“ и „Тело за на ТВ“ е уште едно авторско на самите членови на бендот, а за снимањето, миксот и мастерот се погрижија Ангел Ќосев и Драги Иванов во студиото „Подрумот“.

За белата екранизација на „Ние сме 2“, пак, беа задолжени режисерот Томи Акимовски, камерманот Томислав Живковиќ и монтажерот Иван Костадинов. Како што споменавме, ова е трет сингл за ексклузивците на „Авалон“, па се надеваме дека до крајот на годинава ќе нè почестат и со цел албум

Билбилов ги екранизираше своите „Чудни места“ во Кокино

Макфестовската „Чудни места“, со која Роберт Билбилов се врати на музичката сцена (како изведувач) по пауза од неколку години, сега си доби и соодветна, вселенска екранизација, а како локација уште посоодветно беше избрана една од најстарите мегалитски опсерватории во светот – Кокино. Воодушевувачките пејзажи и визуелните екфекти одлично ја дополнуваат песната, симболизирајќи ја љубовта како исто толку универзална, мистична и бескрајна како вселената.

Robert Bilbilov – Cudni Mesta (Official Video) 4K

Македонските пејачи ја претставија божиќната „Небо и земја“

 

Со намера да се возобноват православните традиции за прославување на Христовото раѓање, дел од македонската естрада годиниве ја препеа темата „Вечниот Бог“, а сега репертоарот е дополнет и со „Небо и земја. „Небо и земја“ ја изведуваат Елена Ристеска, Влатко Лозаноски, Викторија Лоба, Димитар Андоновски, „Некст тајм“, „Љубојна“ и дечињата од „Златно славејче“, а снимена е во студиото „Алшар“ . Повеќе…

Светско а наше | Мартија ја заокружи годината со „Get Crazy“

Само неколку дена до крајот на 2018, Мартија Станојковиќ одлучи оваа мошне успешна година да ја заокружи со темата насловена „Get Crazy“. Станува збор за уште еден потенцијален хит за талентираната кумановка, кој повторно го потпишуваат американските автори  Џеф Герити, Џош Глејзер, Алија Џејд и Ерл Коен, со кои соработуваше и за претходно објавените „Next To Me“ и „That’s The Way We Like It“.

„Фанк шуи“ ги претстави своите „Деца“

Скопското трио „Фанк шуи“ ја заокружува годината со ново видео за темата насловена „Деца“.

Песната е снимена во студијата „Подрумот“ на Ангел Ќосев (микс и мастеринг) и „Тра-ла-ла“ на Мите Димовски, со помош на Драги Иванов, а за видеото се погрижија самите членови на „Фанк шуи“ со Борис Ралев зад камерата.

Хитот на Билбилов, „Избриши ги ти солзите“ доби нова верзија

Еден од најголемите хитови на Роберт Билбилов – макфестовската „Избриши ги ти солзите“ (2006) си доби нова, освежена верзија, отпеана во дует од Александар Тарабунов и Барбара Поповиќ.

Триото „Кладенец“ ја екранизираше „Да си вечна земјо моја“

„Да си вечна земјо моја, темата со која вокалното трио „Кладенец“ се претстави на годинешниот „Лешочки фолк-фест 2018“, доби и свој автентичен видеозапис, кој деновиве беше промовиран и пуштен во македонскиот медиумски етер.

Инаку, вокалното трио „Кладенец“ е оформено од Сашо Костадиновски, дипломиран етнокореолог на Факултетот за музичка уметност во Штип и Уметнички раководител на  КУД „Кирил Пејчиновиќ“ – Теарце. Преку вокалното трио „Кладенец“, тој и неговата вокална дружина, која покрај него уште ја сочинуваат  Бобан Трпковски и Мирослав Симјановски, негувајќи ги изворните македонски песни, придонесуваат за зачувување на традиционалните вредности на Република Македонија, а изворниот фолклор е секако една од нив.

„Око мое“ е новиот хит на Стојне Николова

Фолк-пејачката Стојне Николова деновиве го промовираше видеото за својата најнова песна насловена „Око мое“, чија музика и аранжман ги потпишува постојаниот соработник на пејачката – Бобан Мојсовски, додека стиховите се дело на проверениот лиричар, текстописецот Огнен Неделковски. Песната е снимена и продуцирана во музичкото студио „Анастасија“, а во нејзината реализација уште учествувале и Јане Рафаиловски на кларинет и Дуле Божиновски на хармоника.

Stojne Nikolova – Oko moe(official video)

ЕКСКЛУЗИВНО – „Reminder“, нов сингл и видео на Кирил Џајковски

Македонскиот композитор и продуцент Кирил Џајковски го објави новиот сингл Reminder“, за кој е изработен и одличен видео спот, а со кој Џајковски се враќа на сцената по подолга дискографска пауза. Песната „Reminder“ е прва соработка со новиот член на неговиот концертен бенд, вокалистот Дејвид Лајон (David Lion) и претставува храбра комбинација на балкан-бит звукот со глич-хоп и реге-влијанија.

Djaikovski Ft David Lion – Reminder (Official Video)

ПРЕСПАВ Сезона 3 (Трејлер) „Нов Газда“

После успешните две сезони на хит серијата “Преспав” ќе следува и трета сезона. Премиерата ќе биде на 17 декември 2018година на МРТ1 од 20 часот и 15 минути

Официјална најава за трета сезона на македонската ТВ серија “Преспав”.

Третата сезона на “Преспав” најавена со видео спот

После успешните две сезони на хит серијата “Преспав” ќе следува и трета сезона. Премиерата ќе биде на 17 декември 2018година на МРТ1 од 20 часот и 15 минути

„Куршлус“

Таму некаде на север од југот, едно малечко местенце Преспа се прочу во светот. Се појави чудовиште, се бараше нафта, дојдоа странски претставници, се организираа избори, и што ли уште не!

Пансионот што никогаш не спие.

Таму некаде е ПРЕСПАВ!

режија и монтажа: Ла Сандра Ѓоргиева

директор на фотографија: Дејан Димески

музика, текст и аранжман: Мите Димовски, студио „Тра ла ла“

продуцент: Пеце Талески

Гавазова започна да ја освојува Србија со „Хало“

Фолк-ѕвездата Сузана Гавазова неодамна ги соопшти своите планови за освојување на српскиот пазар, а сега конечно ја имаме и нејзината прва песна на српски јазик насловена „Хало“. Сакајќи успехот да биде загарантиран, пејачката ги здружи силите со едни од најпознатите српски автори, па така стиховите на „Хало“ се дело на хитмејкерот Драган Брајовиќ Браја, а музиката и аранжманот ги потпишува Динајл Екс.

Слаткаристика денеска го промовираше својот нов сингл и видео насловени „Амстердам“

Марко Маринковиќ – Слаткаристика денеска го промовираше својот нов сингл и видео насловени „Амстердам“, а како што може да се претпостави и од самиот наслов, темата е поврзана со контроверзната тревка, чија легализација е цел и на Здружението за канабис и зелени политики „Билка“.

Соодветно со насловот на песната, видеото се снимаше токму во Амстердам, град што е веројатно најпознат по слободната употреба на марихуана, како и по „Квартот на црвените фенери“ (Red-Light Distict). Освен што ја изведува, Слаткаристика се потпишува и како автор на музиката и стиховите, додека аранжманот, миксот и мастерингот се на Иван Јованов – Ивајо и Јован Јованов. Видеото го изработи екипата на продукцијата „Мелем“, под режисерската палка на Огнен Шапковски, а како изгледа и звучи „Амстердам“ дознајте во продолжение. Уживајте!

По пауза од пет години, култниот поп-рок состав „Ареа“ со нова песна

По пауза од цели пет години, култниот поп-рок состав „Ареа“ конечно се враќа на сцената со нов материјал, а како најава за она што ќе биде шесто студиско издание за бендот, деновиве беше претставена темата „Зрак“. Станува збор за авторско дело на гитаристот Ивица Брчиоски, кој се потпишува на музиката и аранжманот, а стиховите се дело на неговата сопруга и вокалистка на бендот, Ружица Брчиоска.

Каролина Гочева со видео запис за „Бели цветови“!

Најновиот видеозапис на Каролина Гочева е за песната „Бели цветови”, нумера која е дел од албумот „Извор”.
Спотот се снимаше на повеќе локации низ Скопје, во режија на Чедо Поповски.

За новиот спот Каролина вели:
„Драги мои, со задоволство ви го претставувам видеозаписот за највеселата песна од албумот, ‘Бели цветови’. Се надевам дека нашава убава приказна дополнително ќе ви ги разубави овие последни сончеви денови. Уживајте!”

Калиопи доби „Пресуда“

По кусата пауза од музичката сцена, Калиопи конечно има нова песна. Станува збор за уште една емотивна балада насловена „Пресуда“, која повторно произлезе како резултат од долгогодишната соработка со нејзиниот некогашен сопруг Ромео Грил. Тој се потпишува како комплетен автор и продуцент на оваа песна, чие снимање се одвивало во студијата „ГМП“ во Базел (Швајцарија) и „Морис“ во Загреб, додека сниматели биле Дон Карло Џовани и Филип Видовиќ, кој стои и зад миксот и мастерингот.

Повеќе…

Лозано има нова песна – „Надеж“

Оваа јубилејна, десетта година од кариерата на Влатко Лозаноски се покажа како најплодна досега, па освен со анимираната „Камо тебе да те имам“, велигденската химна „Километри“ и летниот хит „Јако, јако“, кичевскиот славеј сега нè почести и со уште еден потенцијален хит, кој слободно можеме да го вброиме меѓу неговите најдобри песни досега.

Станува збор за оптимистичната тема насловена едноставно „Надеж“, чии автори секако дека се неговите најверни соработници Лазар и Магдалена Цветкоски, кои и овој пат се надминаа себеси, а во создавањето учествуваа уште и Бојан Рафајлоски на гитара и Сирта Сакс на саксофон.

Повеќе…

По стапките на вујко си Тоше: Кристијан Ристески дебитира со „We Are Blood“

„We Are Blood“ е насловот на првиот официјален сингл на младиот Кристијан Ристески, кој ќе се најде на новиот постхумен албум од неговиот славен вујко Тоше Проески, чија промоција е закажана за в петок, 2 ноември, на големиот концерт во чест на легендарниот пејач. Музиката и аранжманот ги создаде тимот на англискиот продуцент Енди Рајт, во чие студио и се снимаше целиот материјал на англиски јазик на Тоше, а стиховите заеднички ги потпишуваат Енди и Кристијан.

Повеќе…

Kristijan – We Are Blood (Official video)

Елена Ристеска со нов спот – “Снаге За Крај”

Елена Ристеска го збогатува своето музичко портфолио. 32-годишната пејачка ја објави својата нова песна „Снаге за крај“, која е на српски јазик.

Музиката и текстот на „Снаге за крај“ се дело на Сергеј Ќетковиќ, за аранжманот и продукцијата се погрижи Дарко Димитров.

Спотот Елена го снимаше во Македонската опера и балет на почетокот на јули.

„Фанк шуи“ го објави својот „Крик“

„Кога никој не слуша, можеби е време да зборуваме потивко. Свету, ова е ’Крик’, паметно гласен, разбирање и љубов“, вака скопското трио „Фанк шуи“ го претстави својот нов сингл и видео насловени „Крик“.

Автори на музиката и стиховите се самите членови на бендот, а продукцијата им е заедничка со Бен Милчев, чиј потпис стои и на миксот и мастерингот, додека снимањето се одвиваше во студијата „Подрумот“ на Ангел Ќосев и „Тралала“ на Мите Димовски.

Лука, Давид и Михаил се погрижија и за визуализацијата на „Крик“, а како изгледа и звучи сето тоа дознајте во продолжение. Уживајте!

Марио Еди со ремикс на хитот „Не сум твој тип“ од Дупер

Дебитантскиот хит-сингл на триото „Дупер“ продолжува да ја освојува публиката, но и да ги инспирира колегите од музичкиот свет да му дадат и свој печат на овој заразен рефрен. Имено, „Не сум твој“ тип неодамна доби ремикс и поддршка од маестралниот Роберт Билбилов, а сега сето тоа го добива и од младиот прилепски диџеј и продуцент Марио Еди.

Марија Спасовска со прекрасната балада „Дома“ ќе ги брани боите на нашата земја на детскиот Евросонг

„Секое дете заслужува топол дом“, порачува Марија Спасовска со прекрасната балада „Дома“, песна со која ќе ги брани боите на нашата земја на детскиот Евросонг, чие 16. издание ќе се одржи следниот месец во белоруската престолнина Минск. За овој прв евровизиски предизвик, 13-годишната надежна пејачка ги здружи силите со еден од нашите најдобри автори со богато искуство на овој фестивал – композиторот и продуцент Дарко Димитров, како и со својата постара колешка и наша евровизиска претставничка со најдобар пласман досега – Елена Ристеска, чиј потпис како коавтор стои на стиховите.

Marija Spasovska – Doma – Official Video – Junior Eurovision Song Contest 2018 HD

Дуа Липа има уште еден потенцијален хит со корејската сензација „Блекпинк“

„Kiss And Make Up“ е насловот на штотуку објавениот нов сингл на Дуа Липа, за кој популарната пејачка со косовско потекло соработуваше со корејските поп-кралици „Блекпинк“. Двојазичниот сингл излезе како најава за реизданието на деби-албумот на Липа, кој е дополнет со уште неколку нови песни, вклучувајќи го мегахитот „One Kiss“ со Келвин Харис и „Electricity“ со „Силк сити“.

Новата песна наскоро ќе добие и свое официјално видео, а додека ја очекуваме неговата премиера, слушнете како звучи оваа интересна англиско-корејска тема. Уживајте!

„Пеперминт“ му посветија песна на Лазар Бараков

„Фан на Лазар Бараков“ е насловот на новата песна на „Пеперминт“, во која групата го опеа македонскиот актер најпознат по улогите во македонските народни приказни. „Жално е за овие, ама Лазар Бараков сите ги шие! Секој може да е славен, ама Лазар Бараков за мене е главен“, пеат „Пеперминт“ откако ќе ги набројат имињата на светски музички и актерски легенди, а како звучи сето тоа дознајте во продолжение. Уживајте!

Светско, а наше – Томи Тасев и Полина дебитираат со „Broken“

Светско, а наше – вака може да се опише првенчето на младиот диџеј и продуцент Томи Тасев, кој за темата насловена „Broken“ ги здружи силите со својата братучетка Полина Тасева, а крајниот резултат е навистина воодушевувачки. Талентираните струмичани се вистинско освежување на нашата музички сцена и сигурни сме дека најдобро од нив допрва доаѓа.

„Broken“ е авторско дело на самиот Томи, чиј потпис стои на музиката, а стиховите му се заеднички со Давид Димовски, додека аранжманот е на Иван Петровски. Сето тоа го визуализираа Сашо Достинов и Ѓорѓи Вацев, со поддршка од „Лолипоп ентертејнмент груп“. Како звучи и изгледа ова одлично првенче на младите струмичани дознајте во продолжение. Уживајте!

„Кога ме сакаш ти“ е новиот хит на „Нокаут“

Како загревање за претстојниот славенички концерт, кој ќе се одржи на 23 ноември во СРЦ „Кале“, „Нокаут“ денеска го претстави најновиот сингл што го најавува нивниот 4. студиски албум. Станува збор за темата насловена „Кога ме сакаш ти“, чиј автор на музиката е Дарко Димитров, а стиховите се на Огнен Неделковски, со кого бендот соработува за првпат, додека аранжманот им е заеднички на Дарко и фронтменот на „Нокаут“, Никола Перевски – Пере.

Дрејк запеа на шпански во новиот сингл на Бед Бани – „Mia“

Порториканската рап-ѕвезда Бед Бани, кој со соработката со Карди Би за хитот „I Like It“ се искачи на врвот на Билбордовата, а и на многу други топ-листи ширум светот, деновиве го претстави својот нов сингл насловен „Mia“. Потенцијалниот мегахит доби засилување од канадскиот колега Дрејк, кој своите стихови ги изведува на шпански јазик!

Роберт Билбилов им направи ремикс на „Дупер“

Ремиксот на Билбилов стигна во пакет со видео во режија на Зоран Зонде Стојановски, а како изгледа и звучи сето тоа дознајте во продолжение. Уживајте!

Тајзи во Колумбија! Ексклузивно слушнете го најновиот балкански хит „Пабло“!

Нашиот познат пејач Тајзи не престанува да не изненадува со нова музика и спотови. Како што најави работи на повеќе проекти и песни  на македонски, англиски и српски јазик а една од нив е токму темата Пабло која од денес е во етер и можеме да ја слушаме на сите балкански радио мрежи.

Спотот е навистина со холивудски сцени, Колумбија во мало и нешто што навистина ретко се гледа на овие простори.Колумбиски картели ,згодни девојки, аеродроми, сиромашни гета, ретро автомобили, оружје, карактеристичен стајлинг,многу статисти и секакако една моќна порака…Како режисер на ова прекрасно дело се потпишува охриѓанецот Даниел Јовески кој уште еднаш покажа зошто е еден од најдобрите на Балканот.

Антонија го претстави видеото за победничката на Макфест „Никогаш не вели никогаш“

Победничката на 33. издание на фестивалот „Макфест“, Антонија Гиговска го претстави видеото за првонаградената композиција „Никогаш не вели никогаш“. Ова авторско дело на нејзините веќе редовни соработници – хитмејкерите Лазар и Магдалена Цветкоски – собра најмногу гласови и од жирито и од публиката, а сето тоа сега е дополнето и со одлична визуализација, за која се погрижи режисерот Даниел Јовески. 

Во урбаната и романтична екранизација, каква и што доликува за една млада пејачка ѕвезда како Антонија, се појавува и моделот Павле Николов, а како изгледа и звучи победничката тема на „Макфест 2018“ дознајте во продолжение. Уживајте!

Тијана ја препеа „Километри“ од Лозано

По пауза од речиси година и половина, Тијана Дапчевиќ конечно се враќа со нова песна и видео. Станува збор за српска верзија на велигденскиот мегахит на Лозано, „Километри“, чиј автор на музиката и аранжманот е Лазар Цветкоски, а новиот текст на српски јазик е на Милан Милетиќ. И двајцата соработуваат со Тијана за првпат.

Во создавањето на „Километри“ како придружни вокали учествуваа и самиот Лозано, Магдалена Цветкоска и Лазар Цветкоски, а гостуваат и Димитар Андоновски на виолина и Сирта Сакс на кларинет. Сето тоа е дополнето и со соодветна визуализација што ја изработи екипата на продукцијата „Сторителер“, под режисерската палка на Антонио Павловски, а како изгледаат и звучат новите „Километри“ на Тијана дознајте во продолжение. Уживајте!

Мина Блажев ја екранизираше макфестовската „Во други души“

Мина Блажев полека се докажува како една од најнадежните млади музички ѕвезди во Македонија, па откако нè претставуваше на минатогодишниот детски Евросонг, летово нè почести со хитот „Веќе нема“, а на првата полуфинална вечер на „Макфест 2018“ се рангираше на првото место според вкупниот резултат од жиријата и публиката.

На макфестовската сцена таа се претстави со темата „Во други души“, чиј автор на музиката, аранжманот и продукцијата е Роберт Билбилов, а стиховите ги потпишува Ивана Димова. Сето тоа веднаш доби и соодветна, црно-бела екранизација, која одлично ја дополнува песната и за која се погрижи режисерот Зоран Зонде Стојановски. 

Мартија продолжува да реди хитови со „Next To Me“

Tалентираната кумановка Мартија Станојковиќ продолжува да реди хитови во својата кариера, а следен во низата е штотуку објавениот сингл насловен „Next To Me“. Станува збор за песна отпеана на англиски јазик, чии автори се Џеф Герити, Џош Глејзер, Алија Џејд и Ерл Коен, во чие студио се снимаше, продуцираше и миксаше самата песна.

Мијата објави видео-приказна за нејзината песна „Дај ми ДА“

Мијата објави видео-приказна за нејзината песна „Дај ми ДА“, која е дел од кабаре-концертот „Јаболки и круши за уметнички души“ што изминативе неколку месеци патува низ Македонија, а ќе заврши во Скопје на крајот на ноември. Видеото е извадок од перформансот „Јаболки и круши за уметнички души“, а и пораката е силна: „Слободата на секој од нас“ – порачува Мијата.

Јелена Розга го претстави новиот сингл „Остани“

Хрватската ѕвезда Јелена Розга го промовираше видеото за својот нов сингл насловен „Остани“, кој е резултат од соработката со колешката Емина Јаховиќ и нашиот композитор и продуцент Дарко Димитров. Токму Емина се потпишува како авторка на музиката и стиховите, а Дарко беше задолжен за аранжманот и продукцијата. Тандемот во план има и уште неколку соработки кои би требало да ги слушнеме и видиме во наредниов период.

„Тело за на ТВ“ е новиот сингл на „Дупер“

Откако ја освои македонската публика со деби-синглот „Не сум твој тип“, триото „Дупер“ продолжува со исто темпо и со штотуку објавената песна насловена „Тело за на ТВ“. Станува збор за уште еден потенцијален хит од талентираната тројка, која се потпишува на музиката, текстот и аранжманот, а за снимањето, миксот и мастерот се погрижи Дејан Момироски во неговото студио „Икс-ел“. Сето тоа визуелно го дополни Томи Акимовски, чиј потпис стои на режијата на придружното видео за „Тело за на ТВ“.

„Чалгии мерак“ продолжуваат со „Бог да бие Наумчето“

По воведната тема од својот нов проект, „Три години стана“, македонскиот етно-состав „Чалгии мерак“ го претстави видеото и за втората песна „Бог да бие Наумчето“. Проектот се реализираше благодарение на Јован Лесански (видео), Томе Димовски (аудио), Јунус Емре и НУ Музеј на Република Македонија.

Невидено досега: Sara Fashion приреди светско шоу

Со спектакуларно модно шоу Diamond Sensation модниот бренд Sara Fashion
за сите свои соработници и потрошувачи, ја презентираа најновата колекција есен-зима 2018/2019,
и го одбележаа својот јубилеј, 19 години успешна македонска приказна.

Слаткар со “Отворено Писмо” до јавноста за подршка на референдумот

Познатиот македонски рапер кој успеа да се пробие на Балканот, по шест месеци објави нов потенцијален хит.

Марко Маринковиќ, или за широката јавност само Слаткар, вчера сподели нова песна со наслов „Отворено писмо“, во која ја опејува општата ситуација во нашата држава.

За новата песна, Слаткар веднаш добри позитивни критики од своите колеги и соработници, како и дел од медиумите, додека на на Јутуб каналот мислењата на неговите обожаватели се поделени.

Дуа Липа ги покажува своите танцувачи способности во новото видео „Electricity“

Иако сè уште е актуелна со мегахитот „One Kiss“, соработка со шкотскиот колега Келвин Харис, Дуа Липа продолжува со походот за освојување на топ-листите и со нови песни. Имено, таа деновиве ја објави темата насловена „Electricity“, снимена во соработка со „Силк сити“, односно со продуцентите Дипло и Марк Ронсон, која воедно е најавен сингл за реизданието на нејзиниот деби-албум „Dua Lipa“, закажан за 19 октомври.

Од 21.09-23.09 Штипска Пастрмалијада – која ќе биде главната ѕвезда?

Штип продолжува да го негува брендот на Штипската Пастрмалија. Годинава очекуваме голем број посетители на оваа манифестација.
Музичарите ќе приредат одлична забава, а
штипјани ќе бидат добри домаќини.

Тамара Тодевска со нов хит – „Довидување таго“

По три години музичка пауза и денови посветени на мајчинството, Тамара Тодевска вчера точно на пладне го промовираше својот нов сингл насловен „Довидување таго“. И зад оваа песна се потпишува тимот кој што веќе години наназад, животот на Тамара го раскажува низ песна. Музиката и аранжманот се на Роберт Билбилов, текст Игор Џамбазов, видео запис Чедо Поповски.

Се споија Симона Попоска и Роберт Билбилов – резултатот е заразен хит

Летен хит кој го промовираше минатиот месец во радискиот етер, во сосема поразличен стил од предходните песни чие комплетно авторско дело е на Роберт Билбилов.  За изработка и реализација на видеото се погрижи Андреј Ѓоргиевски, снимен е на три локации; главната локација во Охрид на плажа, на Галичица и во Скопје.

Спотот изобилува со летни и помалку жешки сцени, затоа што и песната со нејзиниот стил го бара тоа.

„Badman World“ е новиот сингл на „Конкеринг Лајон“

Македонските реге-предводници „Конкеринг лајон“ (Conquering Lion) го претставија видеото за својот нов сингл насловен „Badman World“, кој е снимен во соработка со италијанскиот колега Рафаел. За аудио продукцијата се погрижи Гоце Трпков (С.А.Ф.), додека видео продукцијата ја заврши Бренсис (Rotosotop Ent). Видеото се снимаше во градовите Охрид и Тетово

Покрај српската верзија на својот нов сингл, Ања Ветерова ја пушти во етер и македонската – „Ми доаѓа на вриснам“

Откако ја објави српската верзија на својот нов сингл, Ања Ветерова ја пушти во етер и македонската, овој пат насловена „Ми доаѓа на вриснам“. Како и на голем дел од претходните нејзини песни, така и на оваа автори се хитмејкерот Дарко Димитров и колешката Елена Ристеска, а видеото во режија на Марко Тодоровиќ и Петар Драшковиќ, го изработи екипата на српската продукција „Ај-ди-џеј“.

„Mala mia“ е новиот хит на Малума

Колумбискиот шармер Малума го продолжува успешниот поход за освојување на светот, па откако се проби на интернационалната сцена, благодарение особено на трите одлични соработки со колешката Шакира („Chantaje“, „Trap“ и актуелната „Clandestino“), на ред дојде неговиот нов соло-сингл насловен „Mala mia“.

Евровизиската „Нинанајна“ на Елена доби турска верзија

Нашата евровизиска песна со највисок пласман досега, со која Елена Ристеска во 2006 година го освои 12. место во финалето, „Нинанајна“ 12 години подоцна доби верзија на турски јазик. Станува збор за песна во изведба на турската пејачка Севту Касапбашолу (Sevtuğ Kasapbaşoğlu), овој пат со наслов „Tam Vakti“ (Цело време).

Хрватската ѕвезда Северина го претстави видеото за својот нов сингл насловен „Магија“

Хрватската ѕвезда Северина го претстави видеото за својот нов сингл насловен „Магија“, во кој гостува колегата Јала Брат. Босанскиот рапер и продуцент се потпишува и како автор на музиката и стиховите, за што му помогна Буба Корели, а аранжманот е на РимДа. Режисер и кореограф на разиграното видео е Анже Шкрубе.

Лина Пејовска ја претстави и македонската варијанта, на „Одлучи се“

Веднаш откако ја објави српската верзија на својот нов сингл насловен „Одлучи се“, Лина Пејовска ја претстави и македонската варијанта, овој пат со наслов „Топло-ладно“. Како и на претходната, макфестовска балада „Ако ме сакаш“, автор на новиот сингл е Дарко Димитров, кој се потпиша на музиката, аранжманот и продукцијата, додека стиховите се дело на Елена Ристеска.

Лина Пејовска воодушевува со новиот сингл и видео за „Одлучи се“

Станува збор за вистинско освежување на македонската, но и регионалната сцена, имајќи предвид дека песната е снимена во две верзии – на македонски и на српски јазик, а сето тоа визуелно спакувано од Бошко Столиќ и продукцијата „Меџик рекордс“ прави целиот производ да звучи и изгледа свежо, модерно и тренди.

Овој одличен сингл е чекор во вистинската насока за младата Пинкова ѕвездичка, за која веруваме дека ѝ претстои успешна и блескава кариера, а како изгледа и звучи „Одлучи се“, дознајте во продолжение. Уживајте!

Марија од Ај Кју сними песна со пеачка од Карибите

Летен хит со карипски шмек – вака може да се опише деби-синглот на младата пејачка Татјана, во кој гостуваат нашите годинашни евровизиски претставници „Ај кју“.

Талентираната русокоса, која доаѓа токму од егзотичните Кариби, заедно со Марија Ивановска во дует ја отпеа песната „On My Mind“, а сето тоа го екранизираше режисерот Јован Куциновски покрај идиличното Охридско езеро.

Родена на остров на Карибите, откако го пропатува светот, Татјана сега е во Македонија, каде што го живее својот живот со музика и уметност. Со првиот сингл, таа го комбинира своето карипско потекло со новите европски импресии“, пишува на официјалната веб-страница на младата пејачка, а како звучи ова одлично првенче со поддршка од нашите „Ај кју“ дознајте во продолжение. Уживајте!

Tatjana Feat. Maria Ivanovska – On My Mind

Стојне Николова и Џамбо Агушев ги здружија силите за „После мене“

Фолк-пејачката Стојне Николова деновиве го промовираше своето најново музичко остварување насловено „После мене“, во кое гостува колегата Џамбо Агушев. Станува збор за авторско дело на нејзиниот долгогодишен соработник Бобан Мојсовски, чиј потпис стои на музиката и аранжманот, а стиховите се дело на Љупче Василев, кој ја игра и главната машка улога во видеото.

Песната е снимена во студиото „ХЛ Момировски“, а на видеото работеше екипата на продукцијата „Зона М1“, во чии простории се одржа и самата промоција, додека снимањето се одвиваше на повеќе локации, меѓу кои и коњичкиот клуб „Бравадос“ од Скопје. Уживајте!

„Продиџи“ (The Prodigy) се враќаат со „Need Some1“

По пауза од три години откако го објавија изданието „The Day Is My Enemy“, британскиот електронски бенд „Продиџи“ се враќа на сцената со нов сингл. Станува збор за темата „Need Some1“, кој воедно е најава за седмиот студиски албум на бендот што ќе го носи насловот „No Tourists“ и е закажан за 2 ноември.

Нов сингл од Јелена Розга: „Земам колку што ми даваш“

„Узмем колико ми даш“ е насловот на новиот сингл кој хрватската пејачка Јелена Розга деновиве го промовира заедно со ведра и позитивна екранизација. Станува збор за уште едно авторско дело на нејзините долгогодишни соработници Тончи и Вјекослава Хуљиќ, кои ги потпишуваат музиката и стиховите, а аранжманот го направи Лео Шкоро, додека видеото е во режија на Дарио Радусин.

„Колонија“ со нов летен хит

Хрватската група „Колонија“ го објави видеото за песната „Алармантно“, петиот сингл од новиот албум „Нова ера“. Изданието, чиј наслов е соодветен со промената во бендот, односно со доаѓањето на новата вокалистка Ивана Ловриќ на местото на Индира Левак, е во продажба нешто повеќе од месец дена и не се симнува од врвот на најпродавани музички изданија во Хрватска.

Роберт Билбилов ѝ направи хит на младата ѕвезда Мина Блажев

ткако одлично нè претстави на минатогодишната детска Евровизија во Грузија, младата пејачка надеж Мина Блажев неодамна го објави својот нов сингл, овој пат подготвен во студиото на еден од најдобрите музички автори во Македонија и регионот – Роберт Билбилов. Неговиот потпис стои на музиката, текстот, аранжманот и продукцијата, а темата насловена „Веќе нема“ визуелно ја дополни Александар Ристовски Принц.

Ќерката на Цеца, Анастасија дебитира со песна од Дарко Димитров

Ќерката на балканската дива Цеца, Анастасија Ражњатовиќ тргна по стапките на својата славна мајка, а како прв чекор во нејзината музичка кариера денеска беше претставена песната насловена „Савршен пар“. Автор на музиката и аранжманот е нашиот Дарко Димитров, а стиховите си ги потпишува самата Анастасија, додека видеото е во реализација на продукцијата „Ај-ди-џеј видеос“, под режисерската палка на Андреј Илиќ.

За само неколку часа од објавувањето, под видеото се наредија бројни позитивни коментари од нејзините обожаватели, опишувајќи ја песната како летен хит. Уживајте!

„Бог е жена“, Аријана Гранде со нов сингл

„God Is а Woman“, или „Бог е жена“, е насловот на вториот официјален сингл на Аријана Гранде, со кој пејачката го најавува својот нов албум што ќе го наследи „Dangerous Woman“ од 2016 година. Песната стигна заедно со визуализација во режија на веќе редовниот соработник на Гранде, режисерот Дејв Мејерс, кој вметна и извадок од монолог на Мадона.

Ariana Grande – God is a woman

„Ring Ring“ е новиот хит на Џекс Џонс

Една од главните ѕвезди на годинашниот „Охрид колинг“, британскиот диџеј и продуцент Џекс Џонс го претстави својот нов сингл насловен „Ring Ring“, во кој гостуваат колегите Мејбл и Рич д Кид. Сето тоа спакувано со ретро-видео претендира да го повтори успехот на претходниците „Breathe“ и „You Don’t Know Me“, кои се искачија до самиот врв на повеќе топ-листи ширум светот.

„Љуби, љуби ме“ е новата песна на Ѓоко Јовиќ

Ѓоко Јовиќ деновиве го промовираше видеото за уште една од песните што се најдоа на неговиот нов албум „Корени“, чија промоција се случи на почетокот на мај. Токму атмосферата од овој настан е доловена и во екранизацијата за темата „Љуби, љуби ме“, на која како автори се потпишуваат тетовските хитмејкери Лазар и Магдалена Цветкоски.

Антонија Гиговска и Панчо ДНК со заедничка песна – „Ванила“

Една од најнадежните нови музички ѕвезди на македонската сцена, Антонија Гиговска продолжува да реди хитови, а нејзиниот четврт по ред сингл пристигнува во вистинско време за да ни ги разубави летните денови. Младата пејачка и овој пат соработуваше со братско-сестринскиот тандем Лазар и Магдалена Цветкоски, кои се потпишаа како автори на темата насловена „Ванила“, а поддршка ѝ даде колегата Панчо од дуото ДНК.

ПРОМОТИВЕН СПОТ ЗА ГОЛЕМАТА ПРОСЛАВА ВО САБОТА ВО ПОГОЛЕМИТЕ ГРАДОВИ ВО МАКЕДОНИЈА

15 ГРАДОВИ – 40 ИЗВЕДУВАЧИ:

Скопје / централна прослава
Градски парк (зад споменикот на Гоце Делчев) – 21:00
Изведувачи: Кирил Џајковски, Архангел, Këpurdhat

Куманово
Градски плоштад – 21:00
Изведувачи: Muhamed Ibrahimi, Шутка Рома Рап, PMG Kolektiv, Фолтин

Велес
Амфитеатар (Младински парк) – 21:00
Изведувачи: Слаткаристика, Ферус Мустафов

Кавадарци
Градски плоштад – 21:00
Изведувачи: Кристина Арнаудова, Нокаут

Кичево
Градски плоштад – 21:00
Изведувачи: Владо Јаневски, Adrian Gaxha

Прилеп
Градски плоштад – 20:00
Изведувачи: 5+ бенд

Охрид
Градски плоштад – 18:00
Изведувачи: Лозано, Исмаил Лумановски

Битола
Широк Сокак – 21:00
Изведувачи: Дуке Бојаџиев, Горан Кан, FLOODER, DEJAN DEX

Тетово
Градски плоштад – 18:00
Изведувачи: BIG MAMA, Дани Димитровска, HIGH CONTROL, SHPAT KASAPI

Гостивар
Градски плоштад – 21:00
Изведувачи: Ареа, FECKY FARRIS

Штип
Плоштад – 21:00
Изведувачи: ДНК, Елена Ристеска

Кочани
Трговски центар – 21:00
Изведувачи: Лепи Џони, БАКЛАВА & special guest KING NAAT VELIOV, Conquering Lion

Струга
Чаршија – 21:00
Изведувачи: Blla Blla Blla, С.А.Ф., Maci Stojanovic

Гевгелија
Плоштад – 21:00
Изведувачи: Ерик Фокс, Бени Нон Стоп + Златко Ориѓански

Струмица
Пред Дом на култура – 21:00
Изведувачи: Чалгија Саунд Систем, Љубојна

Излезе постхумната песна и спот на Влатко Илиевски

Колекцијата песни на Влатко Илиевски побогата за уште една, односно постхумното дело насловено како „До крајот“.

Видео записот е снимен од „Фабрика продукција“, кои вчера го објавија на нивниот профил на Фејсбук.

Манекенката Дунавка Трифуновска во новиот спот на Владо Јаневски за песната „Главен град на тагата“

Манекенката Дунавка Трифуновска ја игра главната женска улога во новиот спот на поп-ѕвездата Владо Јаневски за песната „Главен град на тагата“ денес промовирана во Скопје.

Песната „Главен град на тагата“ е уште едно авторско дело на Владо Јаневски, со аранжман на Роберт Билбилов и во продукција на Дарко Димитров. Режијата на спотот е потпишана од Бане Поповиќ а продукцијата на видеото е на Томато. Спотот е сниман во текот на јуни во Скопје на познати градски локации преку кои се пренесува и летната атмосфера, љубовта и младешкиот дух со кои зрачи и песната.

Еве го хитот на лето 2018 ❤ Само Лозано знае како…”Јако Јако”

После мега хитот “Километри”, Влатко Лозаноски сними нова песна и спот кои ќе бидат вистинска летна сензација.

Песната “Јако, Јако” е новото ремек дело на Лозано, а ќе ве освои од првото слушање.

Се работи за љубовна балада, певлива и со одличен ритам.

Музиката и аранжманот се дело на Лазар Цветкоски, а текстот на Магдалена Цветкоска-Ена.

LOZANO – JAKO JAKO (2018)

🔈 Audio: 🎶 Music / Muzika: Лазар Цветкоски 🖍 Lyrics / Tekst: Магдалена Цветкоска – Ена 🎹 Arr / Аранжман: Лазар Цветкоски 🎚Mixed and Recorded – Лазар Цветкоски 🎛 Mastering: Лазар Цветкоски 🎸 Instruments / Инструменти: – Guitar: Лазар Цветкоски – Bass: Лазар Цветкоски – Back Vocals: Магдалена Цветкоска, Лозано, Лазар Цветкоски Модел: Мартинија Георгиевска 🎬Director: Даниел Јовески Благодарност до: ⛱Туристичка агенција – SAVANA Tourist Enterprises 🎡Fantasy – Aqua Park, Kuşadası, Turkey 📱Huawei Mobile 🚗 Шкода Јосифов – Битола 👓 Диоптра Оптикс – Скопје и Струмица 🎓 Славјански Универзитет – Свети Николе и Битола 👔 Casual Corner – Тетово ✂ Studio Iv – Скопје 👙Sara Fashion

Александра Јанева и Наташа Малинкова ги фати „Еуфорија“!

„Еуфорија“ е насловот на штотуку објавениот дует на познатите пејачки Александра Јанева и Наташа Малинкова, кои со својата прва соработка дефинитивно успеаја да направат хит! Песната со разигран ритам е авторско дело на Столе Аврамов, долгогодишен соработник на Малинкова, кој стиховите ги потпишува заедно со Александра Јанева, а за продукцијата му помогна колегата Зоран Алексиќ. Сето тоа визуелно го дополни екипата на „Пинестел“, односно Ѓорѓи Вацев, Пеце Здравковски и Борче Георгиев.

Мартија Станојковиќ нè разнежи со емотивната балада „Те сакам“

Пинковата ѕвездичка Мартија Станојковиќ, со својот моќен глас ја воодушеви публиката во целиот регион, а подоцна и во цела Европа, претставувајќи ја Македонија на детската „Евровизија“ во 2016 година. Кумановската тинејџерка потоа нè разигра и со хитот „I Don’t Know Your Name“, а сега, во малку позрело издание, имаме можност да ја слушнеме и со една моќна и емотивна балада.

“ПИНОКИО” премиерно ! 📢 после долго време нов сингл и спот на АРХАНГЕЛ!

Музика, лирика и аранжман: РИСТО ВРТЕВ

Изведувач: АРХАНГЕЛ

Актери: ПЕТАР СТЕВАНОВИЌ, СЛАВЕН АРСОВСКИ и ИВАН ВРТЕВ

Сценарио и режија: ИВАН ВРТЕВ

Продукција: AURELIO и TOMATO

„Девојките“ (The Chicks) ја препеаа “Доживотно” од Елена Ристеска

„Девојките“, односно Наталија Мејанџиева, Сандра Јорданова и Моника Ѓорѓиева, се познати по одличните преработки на познати хитови, како и по бројните настапи ширум земјата.

Трите девојки од Велес, „The Chicks“ пред две години запливаа во музичките води и ја освоија публиката со својот талент и музика, а денес нивната агенда е полна со настапи, а пак од публиката добиваат премногу поддршка. Како звучи и изгледа нивната верзија на „Доживотно“ дознајте во продолжение. Уживајте!

Аријана Гранде и Ники Минаж ги здружија силите за „The Light Is Coming“

Откако го најави новиот албум со хитот „No Tears Left To Cry“, Аријана Гранде повторно го зачести присуството на топ-листите и со неколку гостувања, како што се „Dance To This“ на Трој Сиван и „Bed“ на Ники Минаж, а хип-хоп кралицата ѝ возврати со гостување на вториот сингл насловен „The Light Is Coming“. Уште од првото слушање може да се забележи дека виновникот за продукцијата е Фарел Вилијамс, што дефинитивно придонесе да слушнеме една поинаква страна на Аријана.

Гуру Харе и „Нокаут“ со нова песна и спот – “Ти Си Таа”

 Момците од „Нокаут“ продолжуваат со работа на нов материјал, па откако ја објавија соработката со Игор Џамбазов за темата „Што бараш ти во мојата песна“, на ред дојде гостувањето во новото музичко парче на уште еден долгогодишен пријател на бендот – Гуру Харе.

Насловена „Ти си таа“, оваа одлична соработка веднаш ќе им влезе в уво на слушателите, а сигурни сме дека особено ќе им ги разубави претстојните летни денови. Игор Атанасоски – Харе е автор на музиката и текстот, додека аранжманот и продукцијата се на лидерот на „Нокаут“, Никола Перевски – Пере, а и двајцата музичари освен што пеат, свират и на гитара (Харе), клавир и на перкусии (Пере). Придружните вокали се на Михаела Перевска – Миа, Трајко Симоновски – Таци гостува на бас, Бојан Перевски на усна хармоника, а миксот и мастерингот се направени во студиото „Тралала“.

„Хепи енд“ ја промовираше песната „Кога би била моја“

Момците од „Хепи енд“ ја промовираа својата прва песна „Кога би била моја“
На песната, како автори се потпишуваат Лазар и Магдалена Цветковски, а спотот го изработи „Фабрика“ продукција.

„Хепи енд“ функционираат од 2012. година, а досега свиреа на иста сцена со Саша Ковачевиќ, Милица Тодоровиќ, Адил, Аца Лукас, односно на нивни концерти како предгрупа, а сега конечно го промовираат и своето прво „чедо“.

Северина и „Милиграм“ имаат летен хит

Освен работата на сопствениот материјал, хрватската ѕвезда Северина Вучковиќ наоѓа време да сними и по некоја соработка со колегите од регионот, а овој ги здружи силите со српските колеги од групата „Милиграм“. Предводена од познатиот хитмејкер Александар Милиќ – Мили, групата ја покани Севе да им се придружи во нивниот најнов сингл насловен „Од лета до лета“, чиј наслов и самиот кажува дека се работи за летен хит.

„Унапријед готово“ е насловот на штотуку објавениот дует на хрватските ѕвезди Северина и Петар Грашо

„Унапријед готово“ е насловот на штотуку објавениот дует на хрватските ѕвезди Северина и Петар Грашо. Како што вели Северина, станува збор за „прекрасна, емотивна и едноставна песна со необичен крај, на која мојот пријател Петар Грашо и го даде оној свој единствен зачин што го нема никој друг…“, а Грашо додаде: „После 18 години пријателство, еве нè заедно и во песна“.

Видеото, кое се снимаше на повеќе локации низ Хрватска, се снимаше под режисерската палка на долгогодишниот соработк на Севе, Дарко Дриновац

Македонската кошаркарка Едина Муса и модел од Америка во најновиот спот на ДНК

Бројни пријатели, поддржувачи и колеги од музичката сцена вчера присуствуваа на промоцијата на ар-ен-би дуото ДНК, каде беше промовиранао најновото видео за песната „Дијамант“.

Покрај Панчо и Андреј, во видеото можеме да ги видиме и „македонската Ријана“ – Едина Муса, кошаркарските ривали Џордон Крафорд и Маркус Гинјард, кои играат за МЗТ и КК „Работнички“, а тука се уште и Тифани Росарио, фотомодел која доаѓа од САД, и заштитниот лик на ДНК, Буцо Битбокс.

Вил Смит, Ники Џам и Ера Истрефи ја пеат новата химна за СП во фудбал

„Live It Up“ е насловот на штотуку објавената официјална химна за годинашното СП во фудбал, во изведба на доста интересното трио составено од познатиот холивудски актер и некогашен рапер Вил Смит, латино-ѕвездата Ники Џам и младата косовска ѕвезда Ера Истрефи, а продукцијата е на исто толку популарниот продуцент Дипло.

Live It Up – Nicky Jam feat. Will Smith & Era Istrefi (2018 FIFA World Cup Russia)

 

Светски звук кој доаѓа од Македонија – дуото DISCONNECTED со нова песна!

Прилепско-струмичкиот електронски тандем (Mario Eddie и The Marshall), дуото Disconnected, кое дефинитивно важи за едно од најдобрите во Македонија, излезе со самостојно издание за нивната нова песна под наслов “Money on my mind”, заедно со Monark Supremo.

Видеото во режија на Филип Пашоски, го разубави Антонела Димова, а за испишувањето на стиховите во истото се погрижи Никола Китаноски. Проектот поддржан од „Лолипоп ентертејнмент груп“ можете да го видите и слушнете. Уживајте!

Александра Јанева нè почести со нова песна – “Ќе се вратам некој ден”

Популарната струмичанка и двократна победничка на фестивалот „Макфест“, Александра Јанева нè почести со нова песна. Иако е зафатена со бројните настапи ширум Македонија, пејачката продолжува да работи со полна пареа и на нов материјал, а песната насловена „Ќе се вратам некој ден“ доаѓа по минатогодишниот хит „Бам бам“, во кој можевме да ја видиме и слушнеме во ново светло.

Музиката е на Панче Касапски, текстот на Панче Касапски и Огнен Неделковски, додека аранжманот на Иле Спасев. За видеото се погрижија од Rewind production. Уживајте…

Келвин Харис и Дуа Липа го екранизираа заедничкиот сингл „One Kiss“

Одличната соработка на шкотскиот диџеј и продуцент Келвин Харис со една од најголемите нови ѕвезди во моментов, Дуа Липа, конечно доби своја екранизација. Слично како и минатогодишните хитови на Харис, така и „One Kiss“ е визуализирана во ретро-стил и опуштена атмосфера, соодветна за претстојните летни денови.

Она кога ќе се спојат Русинка и кумановец | Викторија Лоба и Тајзи – Каде сме ние

Викторија Лоба и Тајзи го промовираа својот дует насловен „Каде сме ние“, кој стигна во пакет со соодветно, ултрамодерно видео. Станува збор за уште едно врвно музичко и продукциско дело на хитмејкерот Роберт Билбилов, чиј потпис стои на целокупниот аудио-производ со светски квалитет, а сето тоа одлично го визуализираше охридскиот мултиталент Даниел Јовески.

VICTORIA LOBA ft. TYZEE – KADE SME NIE (Official video)

 

Тајзи со нов хит – “Параноја”

Се работи за песна на македонски јазик и е вистински весел летен хит, кој го продуцираше Александар Иван Миличевиќ, млад и талентиран продуцент кој е роден и работи во Шведска. Во иднина Тајзи најавува уште соработки со продуценти од Шведска, бидејќи моментално тие се едни од најактуелните на светската музичка сцена.

Музика: Tyzee, Flexx

Текст: Tyzee

Аранжман: Александар Миличевиќ-Фјаза

Mix i master: Robert Bilbilov

Режија: Tyzee

DOP: Ilija Zogovski

Асистент: Boris Josifovski Montaza i kolor: Filip Paunovski

Модел: Ninna Red

Локација: Makedonija

„Тропико бенд“ со нова песна и спот – “Sinove Tame”

„Тропико бенд“ со нова песна и спот „Синови таме“ во која соработуваат со колегата Џенан Лончаревиќ. Режисерската палка, но и една од главните улоги во оваа неверојатно крими-приказна и овој пат му е доверена на еден од најдобрите актери од помладата генерација во соседна Србија, Вук Костиќ, со кого бендот има соработувано и претходно.

TROPICO BAND FEAT. DZENAN LONCAREVIC – SINOVI TAME (OFFICIAL VIDEO) 4K

Од недела Сашо Орданоски започнува со нова емисија на 1ТВ, ова е најавата

Во недела, 22 април, во 21 часот, стартува нова емисија на 1ТВ, „Печат на неделата“ со Сашо Орданоски.

„Ти ми зеде сè“ е првиот соло-сингл на Кали

Калина Велковска, или само Кали, е една од најнадежните нови ѕвезди на македонската сцена.

Талентираната пејачка со препознатлив вокал сега го има и својот прв соло-сингл насловен „Ти ми зеде сè“, чиј комплетен автор е познатиот композитор и продуцент Александар Масевски. Сето тоа стигна спакувано со интересна, дури и визуализација, за која се погрижи Александар Ристовски – Принц, а Кали танцува по кореографија на Јана Петровска и Ивана Балабанова од „Битрикс кру“, додека за изгледот се погрижија Зорица Николова (шминка и фризура) и Еми Норис (накит).