Премиерот Заев во Рим на покана на италијанскиот премиер Конте

Advertisements

Италија и Велика Британија го ратификуваа протоколот за членство на Македонија во НАТО

Британија денеска го ратификуваше протоколот за членство на Македонија во НАТО. Го потпиша британскиот министер за надворешни работи Доминик Раб.

Одбојкарите пречекани со трубите на Агушеви и “Бисер Балкански”

Одбојкарската репрезентација на Македонија денеска се врати во Скопје откако го заврши настапот на Европското првенство.

Иако не се пласиравме во осминафиналето, одбојкарите имаа убав пречек во Скопје. Беа пречекани со трубите на оркестарот „Џамбо Агушеви“ кои им ја отсвиреа и неофицијалната химна „Бисер Балкански“ која често ја пееа во Словенија.

ПРЕМИЕРОТ ЗАЕВ ПОЗДРАВЕН СО АПЛАУЗ, ЧЕШКИОТ ПАРЛАМЕНТ ГО РАТИФИКУВАШЕ ПРОТОКОЛОТ ЗА ПРИЕМ НА МАКЕДОНИЈА ВО НАТО

Парламентот на Република Чешка денеска го ратификуваше Протоколот за членство на Република Северна Македонија во НАТО.

НАЈВИСОК ТРИУМФ ВО ИСТОРИЈАТА: Македонија (U21) со 7-1 ги здроби Ф. Острови (U21)!

Фудбалската репрезентација на Македонија до 21 година со сигурна победа ги почна квалификациите за Европското првенство (ЕП) во 2021 година и во Скопје ги декласира Фарските Острови (7-1).
Untitled

Лесно победена Летонија со 2-0, Македонија остана во игра за второто место

Победа според планот во Рига и прв гостински триумф за македонската репрезентација. Совладана е Летонија со 0-2 (0-2) за приклучок кон врвот на групата во евро-квалификациите.

Во 14. минута Елмас проби по левата страна, несебично го најде капитенот Пандев, кој со ефектен удар под пречка ја погоди летонската мрежа (0-1). Само три минути подоцна, Летонците не ја расчистија опасноста по уште една акција по левата страна, па Барди натрча и со прецизна дијагонала ја дуплира предноста (0-2).

„Златен“ гол на Адеми, Македонија преживеа во израелскиот пекол

Фудбалската репрезентација на Македонија ремизираше (1-1) против Израел во Бер Шева во петтиот натпревар од квалификациите за Европското првенство 2020 година. Можеме да жалиме и за трите бода поради огромната шанса на Елиф Елмас во судиското продолжение од мечот. Излезе сам пред протовничкиот голман и реши да проигра, наместо да шутира и да егзекутира.

Ова е второ реми за нашиот национален тим и петти освоен бод, а прекината е низата од два порази. За четири дена следи дуелот со Летонија во Рига и со евентуален триумф Македонија ќе биде во позиција да се бори и за второто место во групата.
Еран Захави во 56.минута го доведе Израел во водство на „Тото Тарнер“ стадионот во Бер Шева, а израмни Аријан Адеми девет минути подоцна.

“КРАЛОТ НА КАНАБИСОТ”, НАЈАВУВА 40 000 ВРАБОТУВАЊА ВО МАКЕДОНИЈА ВО СЛЕДНИТЕ 3 ГОДИНИ ВО КАНАБИС ИНДУСТРИЈАТА

Канабис-ѕвездата Мајк Штрауметис познат како Биг Мајк на заминување од Македонија преку видео на Инстаграм најави отворање на 30 до 40 ијлади работни места во земјава во следните две до три години.

Тој го пофали премиерот Зоран Заев велејќи дека ја согледал можноста и сфатил дека од канабисот може да се подобри економијата.

Стартуваше заедничкото гранично управување со Србија на ГП Табановце

Македонско – српската граница од денеска ќе се преминува по поедноставена процедура. Двете држави го воведоа „one stop shop“ системот кој предвидува помалку контроли, а границата ќе се поминува со едно чекање, каде ќе се спроведува пасошка и царинска контрола.

Апокалиптично видео од пожарот кај Велес

На социјалните мрежи беше објавено видео од страшниот пожар во околината на Велес.

Видеото е снимено пред неколку часа. Сега пожарот е локализиран и се смирува.

МАКЕДОНИЈА СЕ ГАСИФИЦИРА Дронски снимки: Увид во магистралниот гасовод, секција Неготино-Прилеп-Битола

Заклучно со јули завршени се нешто повеќе од 70 проценти од градежните и машинските работи на кракот од магистралниот гасовод Неготино – Прилеп – Битола. На магистралниот гасовод Неготино – Штип се изведуваат завршните работи, а магистралата Скопје – Тетово – Гостивар се очекува да биде завршена до крајот на следната година.

„Гасот доаѓа се поблиску до индустријата и до граѓаните, со што се отвораат можностите да влеземе во фазата за определување оператори на секундарната мрежа кои ќе треба да го обезбедат преносот и приклучокот на гасот до домаќинствата и до индустриските капацитети по конкурентни цени“, додаде Заев.

Главната мерно регулациона станица Битола е со најголеми капацитет на овој крак со 28 илјади кубни метри гас, што според Заев е особено значајна, бидејќи еден дел од овој гас ќе биде наменет за транзиција на работата на РЕК од производство на електрична енергија од јаглен во процес во кој гасот ќе стане новиот енергенс за производство на електрична енергија.

„Музичко дрогирање“ – Бени Шаќири со моќна изведба на македонската химна

Познатиот пејач Бени Шаќири со својот моќен глас и изведбата на македонската химна го отвори годинешниот меѓународен турнир во ракомет „Струга 2019“ кој се одржува по 47-ми пат.

Слушнете ја изведбата на Бени кој очигледно е над сите „мизерни“ обиди на дел од политичката елита да се направи и пренесе слика на меѓуетничка тензија во секојдневниот живот во земјава. Шаќири со талентот покажа дека без оглед на етничката припадност музиката може да не обедини сите!

Во Италија Израелци, Перуанци, Италијанци и Португалци играа македонски ора со македонски песни

Од 30 јули до 7 август, ансамблот “Етнос” од Скопје беше учесник на 41-от фолклорен фестивал во градот Атина, Италија. Освен од Италија и Македонија, учесници имаше и од Перу, Русија, Израел, Мексико, Тајланд. Пред големото дефиле, музичари од Израел, Италија, Перу и Португалија им се придружија на нашите претставници и се направи едно големо оро.

Погледнете ја програмата и фотографиите од учеството на “Етнос”

Untitled.png

ОД 30 ЈУЛИ ДО 7 АВГУСТ АНСАМБЛОТ „ЕТНОС“ БЕШЕ УЧЕСНИК НА 41 ФОЛКЛОРЕН ФЕСТИВАЛ ВО ГРАДОТ АТИНА – ИТАЛИЈА ПЕРУ, РУСИЈА, МЕКСИКО, ТАЈЛАНД, ИЗРАЕЛ, ПОТРУГАЛ, МАКЕДОНИЈА, СИЦИЛИЈА И ДРУГИ ИТАЛИЈАНСКИ АНСАМБЛИ. ПРЕКУ ФОТОГРАФИИ ВИ ПРЕНЕСУВАМЕ МОМЕНТИ ОД ФЕСТИВАЛОТ. „КУМАНОВКА“, „МЕГДАН“, МАЛЕШЕВКА“, „ПИРИН“, „ПИЈАНЕЦ“, „РОНЕНКА“…ДЕЛ ОД ПРОГРАМАТА СО КОЈА СЕ ПРЕДСТАВИ АНСАМБЛОТ „ЕТНОС“ НА ФЕСТИВАЛОТ, ВО АВТЕНТИЧНИ НОСИИ И ОРКЕСТАР ОД НАРОДНИ И ТРАДИЦИОНАЛНИ ИНСТРУМЕНТИ. ВО СПЕЦИЈАЛОН ПРИПРЕМЕНАТА РЕВИЈА НА НАРОДНИ НОСИИ, ПОКРАЈ ПРОГРАМСКИТЕ НОСИИ, ГИ ПРЕЗЕНТИРАВМЕ И „НЕВЕСТИНСКА МИЈАЧКА НОСИЈА,“, „СКОПСКА БЛАТИЈА – ВОДИЧАРКИ“, „ПОСЕЉЕ – ДОЛНИ ПОЛОГ“ . ДЕВОЈКИТЕ И МОМЦИТЕ ОД „ЕТНОС“ БЕА СЕКОГАШ ВО ЦЕНТАРОТ НА ВНИМАНИЕТО… НА ОТВАРАЊЕТО И ЗАТВАРАЊЕТО НА ФЕСТИВАЛОТ, НА СЦЕНАТА ЕЧЕШЕ „МАКЕДОНИЈА“, „МАКЕДОНИЈА“. НА КРАЈ, „ЕТНОС“ ДОБИ ТРИ ОТВОРЕНИ ПОКАНИ ЗА ГОСТУВАЊЕ ВО НАРЕДНАТА ГОДИНА….ПОРТУГАЛИЈА, СИЦИЛИЈА – ИТАЛИЈА И ИЗРАЕЛ. ЕТЕ ТОА Е „ ЕТНОС“. ОД НАРЕДНАТА ГОДИНА ПОЧНУВААТ ЗАВРШНИ ПРИПРЕМИ ЗА ГОСТУВАЊЕ ВО ИЗМИР – ТУРЦИЈА.

Шеќеринска им честита на новите 125 професионални војници кои денеска се придружија на Армијата

Денеска договори за работа добија нови 125 професионални војници во Армијата на Република Северна Македонија.

Министерката за одбрана радмила Шекеринска по тој повод упати честитки.

„Честитки за новите 125 професионални војници кои денеска се придружија на нашата Армија. Со новите измени на законите за служба во Армијата и за одбраната, предвидуваме дополнителни шанси и подобри услови и за војниците и за офицерите.“ – напиша таа на својот ФБ профил.

 „Ја подмладуваме Армијата и создаваме идни генерации кои што ќе ја претставуваат нашата земја како дел од најмоќниот военополитички сојуз. Тоа покажува дека овие две години од една страна го сработевме членството во НАТО, но од друга страна не ја заборавивме нашата Армија, обезбедивме поголеми буџети, успеавме да обезбедиме две години по ред зголемување на платите и успеавме две години по ред да примаме нови професионални војници.“ – додава Шекеринска.

Општина Могила ја собира отпадната слама и од неа прави пелети за загревање на училиштата

Untitled.png

Општина Могила ја собира отпадната слама и од неа прави пелети. Јавното комунално претпријатие под раководство на ве-де директорот Александар Чагорски заедно со вработените ја собираат сламата во атарот на селото Могила. Сламата потоа се преработува во пелетарката сопственост на општината. Покрај намалувањето на трошоците за греење се внимава и на намалување на загадувањето на амбиенталниот воздух.

Македонскиот пат до Европската унија – кога и како започна процесот за пристапување кон ЕУ

Тајмлајн видео за македонскиот пат до Европската унија. Информирајте се кога и како започна процесот за пристапување кон #ЕУ, кој бил вклучен и кога има најголем напредок

Историја за македонската атлетика: Стојоски е шести во Европа на 400 метри, до 23 години!

Членот на АК Охрид, Јован Стојоски го запиша најголемиот успех во историјата на македонската атлетика со освоеното 6. место на Европското првенство до 23 години кое се одржува во Шведска.

Во финалето на 400 метри, Стојоски истрча со време на личен рекорд од 47.01 секунди на крајот стигнувајќи до шестата позиција, а оддалечен само 85 стотинки од пиедесталот. Златниот медал на 400 метри го освои Французинот Фабрисио Саиди пред Британецот Камерун Чалмерс. Бронзата ја освои Италијанецот Брајан Лопез.

Македонското знаме се вееше највисоко на концертот на Мајли Сајрус на Гластонбери фестивалот во Англија

Очиглено Мајли Сајрус има фанови со “подлабок џеб” од Македонија кои присуствуваа и уживаа во нејзиниот настап на Гластонбери фестивалот во Англија. Инаку Гластонбери е фестивал кој се одржува повеќе денови во местото Пилтон, Англија и тоа секоја година, почнувајќи од 1970 година  кон крајот на јуни и почетокот на јули.

Оваа година фестивалот се одржа од 26-ти до 30-ти јуни а помеѓу големиот број изведувачи беа Мајли Сајрус, Килерс, Кајли Миног, Шон Пол, Џенет Џексон, Ен Мари, Хемикал Брадерс…

Македонското знаме се вееше највисоко на концертот на Мајли Сајрус на Гластонбери фестивалот во Англија

Турција ќе го ратификува протоколот за нашето членство во НАТО

Пристапниот протокол за членството на Македонија во НАТО помина и во парламентарната комисија на турското собрание и наскоро ќе се најде на дневен ред на Парламентот.

На социјалните мрежи се појави вознемирувачка снимка на која се гледаат првите моменти по страшната несреќа кај скопската обиколница

Еден од повредените полицајци кај скопската обиколница во тешката сообраќајна несреќа им подлегнал на повредите. Тој беше дел од двочлената сообраќајна полициска патрола која настрада откако камион со огромна брзина влетал во сопрено возило БМВ кое се запали од силината на ударот, а возачот го изгуби животот во пламенот.

Канада го ратификуваше протоколот за членство на земјава во НАТО

Канада го ратификува протоколот за членство на Македонија во Алијансата и со тоа стана 18-та земја членка која го поддржи НАТО процесот за земјава.

Изградени 480 км патишта, 216 км гасовод и 23 нови градинки

“Изградивме 480 км патишта и реконструиравме 10 железнички станици и 216 км гасовод.

Децата ширум земјата добиваат 23 нови градинки и 6 нови основни училишта.

Денес го градиме нашето утре. За нашите деца, овде, во нашата земја!” напиша премиерот на Фејсбук

 

„Не плашете се, кажете им на децата дека се Македонци“-Со оваа порака Виножито ќе учествува на евроизборите во Грција

Партијата на Македонците во Грција, Виножито, како членка на Европската слободна алијанса (ЕФА – алијанса на партиите на малцинствата во Европа), на 26 мај ќе учествува на евроизборите во Грција.

Виножито го помина филтерот на Вpxовниот cyд на Грција и таа ќе биде една од 40-те партии кои ги исполнија условите за европските избори. Виножито е 31 партија на списокот.

За овие избори Виножито подготви и видео спот. Пораката на овој спот е следна: „Ако не кренеш глава не гледаш, Виножито не гледаш. На евроизборите на 26 мај гласаме за ЕСА Виножито. За една поинаква Грција, во една поинаква Европа. Мили Македонци, зборувајте го нашиот македонски јазик на вашите деца. Кажете им дека се Македонци, не плашете се. Поддржувајте го македонското движење во Грција. Поддржувајте го Виножито“.

Репортажа за Македонија на трети мај на најгледаната патописна емисија во Латинска Америка

Патописна репортажа за Македонија в петок ќе биде емитувана на најгледаната патописна емисија во светот „Глобо Репортер“. Ваквиот епитет емисијата го заслужи поради фактот што во Бразил ја гледаат, во просек, помеѓу 40 и 60 милиони гледачи. Се емитува на Глобо, кој се смета за најголем ТВ-канал во Латинска Америка и еден од најголемите во светот.

GLOBO REPORTER TE LEVA EM UMA VIAGEM PELA MACEDONIA SEXTA-FEIRA 03-05-2019

Американскиот Сенат со аплауз за членството на Македонија во НАТО

Премиерот Зоран Заев вечерва објави видео во кое американскиот државен секретар Мајк Помпео го поздравува министерот за надворешни работи, Никола Димитров и му посакува добредојде во НАТО.

Во вториот дел од видеото Јенс Столтенберг се обраќа пред американскиот Сенат и зборува дека годинава Северна Македонија го потпишала протоколот за членство во НАТО, на што доби аплауз од Сенатот. Потоа Столтенберг вели дека со помош на Сенатот Македонија ќе стане 30тата членка на НАТО.

Грчкиот, Македонскиот и уште четири други воени оркестри ја свиреа химната на Македонија

Воените оркестри на Армиите на Македонија, Грција, САД, Велика Британија и Словенија ги интонираа заедно химните на Северна Македонија и на НАТО, по повод одбележувањето на 70-годишнината на Алијансата.

Македонија преку Барди израмнува на 1-1 против Словенија

Енис Барди носи израмнување на Македонија во 47 минута од натпреварот, Алиоски им побегна на чуварите, Барди погоди за 1-1.

Untitled.png

Победнички старт на Македонија, надиграна Летонија со 3 – 1 во евро-квалификациите

Македонската фудбалска репрезентација одигра одличен натпревар и со победа над Летонија од 3-1 (2-0) ги започна квалификациите за ЕП 2020. Пандев го запиша стотиот настап, а на „Филип Втори“ 10.000 луѓе го поздравија нашиот лидер и репрезентативен капитен.

По почетното испитување на силите, во 11. минута Езџан Алиоски прифати една топка од Пандев по левата страна, биеше по земја и го изненади гостинскиот голман Ванинс, кому топката му побегна под рака и заврши во мрежата (1-0).

По половина час предноста се зголеми на 2-0, откако по ударот на Несторовски, гостинската одбрана одби, а Елмас на вистинското место ја погоди целта и стана втор најмлад стрелец во нашата репрезентативна историја (2-0).

Во второто полувреме еден прекин ги расипа нашите планови и Исајевс со глава ги натскока нашите дефанзивци и го ублажи поразот на 2-1. Нашите репрезентативци бараа недозволена позиција, но судиите го признаа голот. Летонскиот фудбалер за врска Циганикс заради два жолти картони предвреме го заврши натпреварот. Кога сите очекуваа последен судиски свиреж, Елмас со прекрасно пласиран удар со левата нога ги постави конечните 3-1.

Untitled.png

Деби гол на Елмас – му го посвети на Пандев и стана втор најмлад стрелец за Македонија!

Македонскиот фудбалски бисер Елиф Елмас влезе од клупата за резерви на натпреварот против Летонија на местото на Ферхан Хасани и веднаш се запиша во листата на стрелците (2-0).

По краток временски интервал, „бисерот“ на Фенербахче погоди во 30. минута, по една одбранета топка по шут на Илија Несторовски. Елмас немаше шанса да погреши, затоа што беше осамен пред мрежата.

Елмас со 19 години и шест месеци, со голот против Летонија стана втор најмлад стрелец во историјата на Македонија, по Горан Пандев (19 години и 1 месец) и Влатко Грозданоски (19 години и 8 месеци).

Untitled.png

Пандев – Алиоски…., Македонија веднаш го скрши отпорот на Летонците

Македонската репрезентација, согласно посакувањата, во раната фаза од натпреварот стигна до водство против Летонија во првиот натпревар од квалификациите за пласман на ЕП 2020.

На националната арена „Филип Втори“, Македонија дојде до водство уште во 11. минута од натпреварот со погодокот на Езгијан Алиоски. Горан Пандев одлично поведе акција асистирајќи по левата страна за Алиоски чиј удар од околу 15 метри заврши во мрежата на Летонците….

Untitled

Во Битола одбележани 120 години од дипломирањето на Ататурк

Во Битола беше организирана комеморативна програма по повод 120 години од дипломирањето во Средното воено училиште на големиот турски лидер, Мустафа Кемал Ататурк, јавува Anadolu Agency (AA).

На комеморацијата во поранешното Средно воено училиште во Битола, кое денеска е Градски музеј на Битола, учествуваа заменик-министерот за одбрана на Република Северна Македонија, Беким Максути, заменик-министерот за труд и социјална политика, Ѓонул Бајрактар, заменик-началникот на Генералштабот на Армијата на Северна Македонија, генерал-мајор Азим Нуредин, заменик-амбасадорот на Турција во Скопје, Умут Лутфи Озтурк, делегација на Турските вооружени сили под водство на бригадниот генерал Алтан Ер, пратеници, претставници на турските институции и организации во земјата и други гости.

Церемонијата започна со едноминутен молк и интонирање на химните на двете земји, по кој бригадниот генерал Алтан Ер во своето обраќање истакна дека Средното воено училиште во Битола е значајна образовна установа која дала важен придонес во развојот на лидерскиот карактер на Ататурк.

(ВИДЕО) Вo Грција се појавиле летоци за автономија на егејска Македонија?

Како што пренесува Star.gr, се појавиле летоци во околината на Лерин и Серес со содржина која повикува на Автономија на Македонија во Грција.

Летоците се потпишани од ВМРО Обединета и ги повикува Македонските браќа од Егејска Македонија да се обединат за Автономија на Македонија.

Андре Риу и оркестарот ја извежбаа ,,Македонско девојче“ за концертот во Скопје(видео)

Норвешкиот виолинист и медиумска светска ѕвезда, Андре Риу за концертот на 6 јуни во Скопје со неговиот оркестар ја подготвија македонската народна песна ,,Македонско девојче“. Тој македонската публика ја поздрави на македонски јазик.

Албанскиот парламент го ратификува пристапниот протокол за членство на Северна Македонија во НАТО

Со 130 гласа „за“, ниту еден против, албанскиот парламент го ратификуваше пристапниот Протокол за членството на Република Северна Македонија во НАТО.

Македонската футсал репрезентација ја победи Грција со 5:3 во Скопје

Македонската футсал репрезентација ја победи Грција со 5:3 на отворањето од претквалификацискиот турнир во Скопје за пласман во следниот круг квалификации за СП. Погледнете ги головите од пресметката во „Јане Сандански“.

Демонстранти пред грчкиот парламент, запалено Македонското знаме

Демонстрантите што се против ратификацијата на договорот од Преспа со грчки знамиња во рацете и со транспаренти „Македонија е грчка“ се собраа на повеќе локации во Атина.

Протестите се организирани од разни организации и движења, но како главен протест граѓаните го сметаат оној пред парламентот организиран од таканаречениот комитет за борба за грчкиот карактер на Македонија.

Зоран Заев како Александар Македонски во пропагандниот спот на ,,Независни Грци“

Со спот, во кој македонскиот премиер Зоран Заев се трансформира од ликот на Александар Велики и вели дека веќе никој нема да оспорува дека сме Македонци и зборуваме македонски јазик, од ,,Независни Грци“ прашуваат: ,,Ќе го оставиме Заев да зборува во име на Александар Велики?“ – ,,Северномакедонци, ниту ќе бидам јас, ниту вие ниту децата, заради тоа што јасно е утврдено дека сме Македонци, зборуваме македонски јазик. И многу е важно што повеќе тоа никој нема да ни го оспорува – е делот од изјавата на Заев од 6 декември 2018 искористена во спотот на Независни Грци, а потоа следи пораката: „Александар Велики не може да зборува. Ќе го оставиме Заев да зборува во негово име? “-пишува МИА.

Вечерва во грчкиот Парламент се гласа за ратификација на Договорот од Преспа.

Животот на Македонците во Грција почна да се менува на подобро по договорот од Преспа

…СЕГА СЕ ЗБОРУВА ЗА МАКЕДОНЦИТЕ, СЕ ЗБОРУВА ЗА МАКЕДОНСКИОТ ЈАЗИК ВО ГРЦИЈА, ЗА МАКЕДОНСКИОТ ИДЕНТИТЕТ…

Верници во Женева вербално го нападнаа “предавникот” Отец Пимен

Отец Пимен за Богојавление Христиво – Водици во Женева, Швајцарија, извикан предавник, исвиркан и со клетви од нашинците.

Инаку Отец Пимен беше вклучен во кампањата за референдумот и со видео повика да се гласа “ЗА” на референдумот

Спасени македонските скијачи и сноубордери кои паднаа во провалија на Пирин

Спасувачката операција во Пирин заврши успешно. Петмината скијачи и сноубордери, кои скијале надвор од назначени локации и при тоа паднале во провалија, се спасени, соопшти БГНЕС од Планинската спасувачка служба. Повеќе…

Одбојкарско оро…Историски пласман на ЕП… За прв пат ќе играме на европско

Македонските одбојкари остварија историски пласман на Европското првенство. Со триумф од 3-0 во сетови над Унгарија, го зграпчија она што одамна го заслужија, пласирајќи се меѓу „среќните пет“ второпласирани селекции во квалификациите, откако беа втори во нашата група Ф, зад Украина. Следеше и познатото одбојкарско оро...„Само една има вистина, има една Македонија…“ 

Во Кочани годишно се произведуваат и ширум светот извезуваат 30 милиони орхидеи

Антхура е холандска компанија за одгледување на цвеќиња а од 2014 година присутна во Македонија. Во фабриката во Кочани во меѓувреме годишно се произведуваат и ширум светот извезуваат 30 милиони орхидеи и антуриуми.

 

Македонија лесно го среди Гибралтар со 4-0 и е на два чекора од ЕП 2020!

Македонската фудбалска репрезентација ја оправда фаворитската улога против Гибралтар и на „Филип Втори“ Арената во Скопје славеше со 4-0 (1-0), со што обезбеди место во плеј-офот во кој ќе се разигрува за пласман на Европското првенство (ЕП) во 2020 година.

Untitled.png

Еврогол на Барди и „Нестор гол“ за остварување на целта – триумф во Лихтенштајн од 2-0

Македонија стигна до посакуваната победа на гостувањето против Лихтенштајн во Вадуц каде славевме со 0-2 (0-0). Сето тоа за задржување на првото место во Групата 4 од лигата Д на Лигата на нациите кое за да го зачуваме до крајот од групната фаза ќе ни биде неопходно само бод на последниот натпревар против Гибралтар за три дена во Скопје.

Творци на победата на Македонија беа Енис Барди со мајсторски гол од слободен удар во 53. минута, и Илија Несторовски во првата минута од судиското продолжение кој по подолго време запишува погодок во националниот дрес.

Големо славје на Грците по триумфот над нашите ракометари од 28-26

Македонија претрпе пораз од Грција со 28:26 во второто коло од квалификацискиот циклус за Европското првенство во 2020 година.

На крајот Грците сосема очекувано славеа како да освоиле Светско првенство…

Untitled.png

Грците без свиркање со мал аплауз ја испратија македонската химна

Коректна атмосфера на квалификацискиот натпревар меѓу Грција и Македонија во Кожани.

Од Грчката ракометна федерација се одлучија да не пуштат билети во слободна продажба а влез во салата да биде дозволен само за строго дефинирани гости, кои се единствено со покани од домаќините и со официјални акредитации за натпреварот.

Голманот Столе Димитриевски им подари 4 гола на ерменците, Македонија доживеа срамен пораз од 4-0

Македонската репрезентација доживеа срамен пораз од 4-0 на гостувањето против Ерменија во четвртиот натпревар од Д лигата во УЕФА Лигата на нации.

Без разлика на очајното судење на шведскиот делител на правдата, без разлика и на повеќе од агресивните Ерменци кои секако очајно ја посакуваа победата… останува фактот дека Македонија доживеа срамен пораз пред се поради сопствените грешки. Голманот Столе Димитриевски им подари четири гола на домашните, комбинирајно со лошото издание на целокупниот среден ред и несигурните дефанзивци на крајот за заслужен триумф на Ерменија… И секако повеќе од навремено наше трезнење пред финишот на групната фаза од Лигата на нациите во која на крајот, како и да е, мора да стигнеме до првото место.

Armenia vs Macedonia 4-0 – All Goals & Extended Highlights – UEFA Nations League 16/10/2018

Untitled.png

Лихтенштајн демолиран со 4-1 од Македонија

Фудбалската репрезентација на Македонија ја оствари и третата победа во Лигата на нации, совладувајќи ја селекцијата на Лихтенштајн со 4-1 на арената „Филип Втори“. Трајковски беше двоен стрелец, Пандев асистираше и постигна еден погодок, а серијата ја затвори Алиоски. Ова е огромен чекор напред кон првото место во групата, кое води во плејофот за пласман на Европското првенство во 2020 година. Истовремено, трае и низата од десет натпревари без пораз на „црвено-жолтите“.

Македонските репрезентативци го потврдија епитетот фаворити на дуелот со Лихтенштајн. По поразот на Ерменија од Гибралтар, енергично ја грабнаа шансата и го декласираа противникот.

Macedonia vs Liechtenstein | 4 – 1 | Goals and Highlights

Италијанка со „Зајди, зајди“ освои бронза на СП во ритмичка гимнастика…

Италијанската гимнастичарка Александра Агургукулезе го освои бронзениот медал на Светското првнество во ритмичка гимнастика кое се одржува во Софија. Таа имаше брилијантна изведба и тоа со македонската „Зајди, зајди“, па се искачи на подиумот иако беше осмопласирана пред завршните настапи.

Александра Агургукулезе е родена во Романија, но живее во Удине и е дел од италијанската репрезентација.

 

ЛИГА НА НАЦИИ: Поразена и Ерменија со 2-0, ова е победничка Македонија

Фудбалската репрезентација на Македонија ја оствари и втората победа во Лигата на нации, совладувајќи го директниот ривал за првото место, селекцијата на Ерменија со 2-0 на арената „Филип Втори“. Клучен за триумфот беше капитенот Горан Пандев, кој изнуди пенал во 13.минута, а во 59.минута стрелаше прецизно во мрежата на Ерменија. Сигурен реализатор на пеналот во првото полувреме беше Езгјан Алиоски.

Untitled

 

Денот на независноста го слават и нашите војници во Авганистан – трчаа со развиорено македонско знаме

Радмила Шеќеринска на ФБ: “Денот на независноста го слават и нашите војници во Авганистан! Тие секој ден ја заработуваат НАТО поканата и НАТО членството. Нека ви е честит празникот, храбри девојки и момци, вие сте гордоста на АРМ!”

Македонија го совлада Гибралтар со 2 – 0 во првиот натпревар од Лигата На Нациите

Македонската фудбалска репрезентација со победа стартуваше во Лигата на нациите славејќи со 0-2 (0-2) на гостувањето против Гибралтар. Во игра под очекувањата, посебно во второто полувреме кога не создадовме ниту една посериозна шанса, македонските фудбалери сепак стигнаа до однапред планираните три бода, само како увертира за она што ги очекува за три дена против Ерменија во Скопје.

Untitled.png

„Кое е новото име на Македонија” – прашање во турски Милионер

На турскиот квиз Кој сака да биде милионер се појави прашањето кое е новото име на Македонија.

Девојката повика помош од пријател, кој беше сигурен дека го знае одговорот, а прашањето беше за 15.000 лири.