Трет сет мерки: Картички со 9.000 денари за невработени, ваучери за одмор, викенд без ДДВ

Преземено од https://www.vlada.mk

Вредноста на мерките од третиот пакет изнесува 355 милиони евра и преку нив ќе бидат опфатени 730.000 корисници. Со овој пакет, вкупната помош за економијата од трите сета мерки изнесуваат 550 милиони евра или 5.5% од БДП.

– Околу 100 илјади граѓани на нашата земја ќе добијат платежна картичка вредна 9.000 денари за македонски производи и услуги.

Оваа мерка е достапна за сите невработени лица, баратели на работа кои немаат над 15.000 месечни приходи, како и примателите на гарантирана минимална помош.
Со оваа мерка се зајакнува домашната потрошувачка со фокус на домашни производи и услуги, се зголемуваат безготовинските плаќања и со тоа се намалува сивата економија.

Но пред сѐ, се зголемува куповната моќ на граѓаните и со тоа се олеснува животот во услови на криза.

Оваа платежната картичка може да се користи само за домашни компании, производи и услуги и во определен период од 30 дена. Вредноста на оваа мерка е 16 милиони евра.

– Исто околу 100 илјади наши граѓани ќе добијат ваучер за домашен туризам од 6,000 ден и домашна платежна картичка од 3,000 ден

Со оваа мерка се опфатени сите вработени граѓани што примаат нето плата помала од 15.000 денари месечно и немаат други приходи.
Ваучерот може да се користи во домашните хотели и други сместувачки капацитети, додека со платежната картичка се поттикнува купување на домашни производи и услуги.

– Следува мерката парична поддршка за млади дo 6,000 денари,  платежна домашна картичка од 3,000 денари и ваучери за кофинансирање за обуки за ИТ и дигитални вештини

Мерката опфаќа ваучери од најмногу 6,000 денари за покривање на партиципација во Универзитет или за сместување во студентски, ученички домови и регистрирани сместувачки капацитети за студенти и средношколци кои доаѓаат од семејства со ниски приходи.

Мерката вклучува и платежна картичка за млади, во вредност од 3,000 денари за домашни производи и услуги.

Воведуваме и ваучери до 30,000 денари за кофинансирање на обуки, тренинзи и курсеви за ИТ и дигитални вештини за млади.

Со покривањето на трошоците за тренинзи и обуки, ги подржуваме младите да стекнат знаења и вештини од информатичката технологија кои ќе им овозможат брзо вработување во новата развојна економија.

Оваа мерка ќе опфати 100 илјади млади сограѓани, во вредност од 12 милиони евра.

– Воведуваме викенд без ДДВ за сите граѓани

Преку поевтини цени за граѓаните, поттикнуваме потрошувачка и раст на приходи во одредени продажни сектори, како што се продавниците за гардероба, бела техника, мебел, санитарија, школски прибор и книги.

Очекуваме дополнителен приход од 20 милиони евра кои ќе се слеат во македонското стопанство.

–  Паричен надоместок за сите лица кои останале без работа од 11 март до 30 април 2020

Со оваа мерка им даваме можност за паричен надоместок на сите лица кои ја изгубиле својата работа, вклучувајќи ги и оние кои го прекинале својот работен однос преку писмена изјава, спогодбено, или добиле отказ од работодавачот.

Оваа мерка ги опфаќа лицата кои останале без работа во периодот од 11 март до 30 април кои имаат престанок на работа по сонов на невработеност за давање на писмена изјава за престанок на работниот однос, спогодбен престанок на работниот однос и за престанок на работниот однос со отказ од страна на работодавачот .

Почитувани,

Познато е, и докажани се искуствата кои укажуваат на тоа дека од секоја криза  најважно е да се извлечат поуки и да се прилагодат и прераспределат ресурсите за нов развој во нови услови. Затоа, Владата на Северна Македонија презема мерки и соодветни долгорочни чекори од здравствената, а со неа и од социо-економската и финансиска криза, да се создадат предуслови и  можности за структурни промени и раст.

За да го поттикнеме тоа, на мерките од претходните два пакета, го додаваме и новиот сет од овој трет пакет, како втор столб, за директна поддршка на македонското стопанство за иновативност и развој, за зачувување на постојните и отворање на нови работни места. Овој сет мерки содржи:

– Бескаматни кредити за фирми преку Развојната Банка на Северна Македонија, во вредност од 31 милион евра – поддршка за жените, младите и дигитализацијата во бизнисот

Оваа бескаматна кредитна линија во вредност од 31 милион евра ќе биде достапна за сите микро и мали компании а истата ќе понуди и 30% грант (неповратни средства) за оние компании кои се водени или основани од жени или вработуваат млади лица, се извозно ориентирани или воведуваат иновација и дигитализација во нивното работење.

– Државна гаранција за комерцијални кредити и за обезбедување на царинскиот долг

Државата става на располагање финансиски средства за поддршка на за поддршка на Старт ап и мали и микро компании преку комерцијални банки со 10 милиони евра иницијален капитал за полесен пристап до финансиски средства за поддршка на приватниот сектор, преку преземање на дел од кредитниот ризик. поддршка и преземање на дел од ризикот за комерцијалниот кредит.

Со 3 милиони државна гаранција за обезбедување на царинскиот долг го поддржуваме извозот и го олеснуваме пристапот на суровини за преработка на македонските компании во износ од околу 25 милиони евра, преку Развојната банка на РСМ.

– Нови 25 милиони евра за приватниот сектор – за нови пазари, конкурентност и модернизација

Согласно законот за финансиска поддршка со 25 милиони евра преку програмата за зајакнување на конкурентноста на индустријата им помагаме на компаниите за освојување на нови пазари, зголемување на нивната конкурентност како и модернизација на процесите.

– Дигитална платформа за нови пазари за текстилните компании

Со финансиска поддршка од 1 милион евра ќе им помогнеме на овие индустрии да креираат платформа на која ќе може да ги пласираат своите производи на нови пазари.

– Поддршка за развој на домашни старт-ап продукти и услуги преку ФИТР

Нови 1,6 милиони евра за развој на иновативни продукти и услуги преку ФИТР, како и трансформирање на македонско туристичко село во скопско Нерези во македонско СТАРТ АП село. Директно го стимулираме отворањето нови сопствени бизниси.

– Кофинансирање на настани и конференции со 50% финансиска поддршка од државата најмногу до 30.000 денари

Со финансиска помош од 245 илјади евра ќе им помогнеме на компаниите преку субвенционирање на 50% од трошоците за организација на настани, обуки и конференции, до максимален износ од 30.000 денари.

Доаѓаме до третиот столб кој предвидува директна поддршка за земјоделците за нови приходи од плодната македонска земја

Со новиот пакет мерки во земјоделството вложуваме 76,1 милион евра.

– Првата мерка во овој дел е поддршката на аграрниот сектор од 5 милиони евра  преку Развојната банка

Со 5 милиони евра ги поддржуваме микро, малите и средни претпријатија кои вршат примарно производство, преработувачите и извозот на примарни и преработени земјоделски производи.

– Следува платежната картичка за субвенционирање на 50% од зелената нафта за земјоделците

По ланското субвенционирање од 30%, со оваа мерка го зголемуваме субвенционирањето на потрошувачката на зелена нафта на 50%.

Оваа мерка ќе опфати 50.000 земјоделци, а вредноста е 4,6 милиони евра.

– Воведуваме стимулирање на преработувачите на грозје за производство на нови продукти

Преку оваа мерка ги стимулираме преработувачите на грозје и винариите да произведуваат алкохолен дестилат кој ќе се користи од страна на домашните хемиски компании за производство на средства за дезинфекција. Во следните три години, нашата финансиска поддршка ќе изнесува 3,5 милиони евра.

– Овозможуваме јавни приватни партнерства во лозарството и тутунскиот сектор

Тоа ќе го направиме со поддршка на модернизирањето и ставање во функција на капацитети во производство на преработки од тутун и грозје со цел понатамошно уште посилно развивање на лозарството и тутунскиот сектор, како земјоделски гранки кои се повеќе и повеќе извозуваат.

Оваа стратешка определба ќе донесе голем бенефит, првенствено за македонските лозари и тутунари, но и за самата држава и бруто домашниот производ. На краток рок, очекувањата за инвестициите треба да достигнат 10 милиони евра.

– Воведуваме долгорочен закуп на пасишта

Преку оваа мерка овозможуваме издавање на пасиштата на долгорочен закуп со што сточарите ќе имаат на располагање околу 500.000 хектари пасишта за напасување на добитокот.

– Ќе понудиме окрупнување на земјоделско земјиште за поголема конкурентност на македонското земјоделство

Оваа мерка овозможува ставање во функција на целокупното земјоделско земјиште како и охрабрување на домашното земјоделско производство, но и нови инвестиции во овој сектор. Од оваа мерка очекуваме приходи од 250 милиони евра во следните три години и поголема конкурентност на македонското земјоделство.

– Воведуваме Програма за финансирање на микро земјоделски компании

Со 3 милиони евра ќе овозможиме финансирање на старт-ап семејни винарии и фарми на кои ќе им бидат достапни грантови до 10.000 евра за опрема за преработка, но и за маркетинг на растителни, млечни и месни производи.

– Мерки за модернизација на земјоделство

Со оваа мерка преку кредит на Светска банка од 50 милиони евра ќе овозможиме модернизација на земјоделството со цел зголемување на конкурентноста и профитабилноста.

Почитувани граѓани на нашата земја,

Здравствените работници во битката со КОВИД-19 се во првите редови и тие го заслужуваат целото наше внимание и благодарност.

Заради нивната посветеност, надежта и оптимизмот во битката со КОВИД-19 беа реални, остварливи.

Во име на таа посветеност и во знак на благодарност, во име на народот на нашата земја, докторите и медицинскиот персонал на инфективните клиники и одделенија, на Универзитетската Клиниката за инфективни болести и фебрилни состојби, На Институтот за јавно здравје и Центрите за јавно здравје, како сите членови на тимовите од итна медицинска помош, ќе добијат 20% повисока плата за 2 месеци, која ќе биде исплатена преку домашна платежна картичка.

Почитувани,

Во завршницата на ова мое обраќање, сакам да потенцирам дека на пакетот број 3 од економските мерки правиме поттик за една нова, развојна македонска економија, и стимулираме заштита, промоција и раст на домашната економска понуда, а со тоа и нејзината конкурентност  во регионот и пошироко.

ДНК со нов спот, а во спотот Заев, Мицкоски, Боки 13, Ахмети, Есма, Тоше, Елмас, Стоилов

За некого овие денови на карантин и изолација се денови за седење дома и уживање, но ова не важи и за момците од ДНК кои постојано творат. Така е и сега – Панчо и Андреј имаат нова песна.

„Јави ми“ е насловот на темата, која веќе вообичаено излегува во исто време со спот, а кој повторно поместува граници. „Јави ми“ е дело на Панчо, кој е автор на текстот, и Лазар Цветкоски кој стои зад аранжманот, мастерингот, додека музиката им е заедничка.

Кога станува збор за спотот, пак, тој е една интересно спакувана анимирана приказна за која идејата е всушност да се долови зближеноста и дружењето на познатите личности во едно комично и прилично несекојдневно издание. И воедно еден вид респект за секој поединечно, а кој е дел од проектот. Анимацијата, односно видеото е комплетно авторско дело на Никола Димов Nikola’s Art House (2020).

Во кадрите освен ликовите на Панчо и Андреј ги има и оние на Боки 13, Слаткар, Наум Петрески, Миле Кузмановски, Симон Трпчески, Заев, Мицкоски, Ахмети, Антиќ, Каролина, Есма, Тоше, Ѓорѓи Колозов, Манасков, Стоилов, Лазаров, Пандев, Елмаз, Врчак, Лозано…

DNK – Javi mi (official video)

Пендаровски прогласи нова вонредна состојба за само 14 дена, не 30 како што побара Владата

Претседателот Пендаровски прогласи вонредна состојба за нови 14 дена а не како што предлагаше Владата, 30. Причината за одлуката рече Пендаровски е од аспект на социо-економските мерки поврзани со пандемијата и никако не е поврзана со изборите.

Здравствените власти со оптимистички проекции за ширењето на вирусот

Оптимистички проекции на здравствените власти за ширењето на коронавирусот во земјава. Благодарение на строгите мерки, сметаат надлежните, намалена е стапката на заболување.

ЗА ПРВ ПАТ ПО 23 ГОДИНИ ИЗВОЗ НА МАКЕДОНСКО ЈАГНЕ ВО ЈОРДАН…

За прв пат после 23 години и со авионски карго транспорт, вчера се изврши извоз на свежо разладено македонско јагнешко месо во Јордан. Околу 2.000 јагниња, откупени од домашните одгледувачи на овци, со авионски транспорт вчера доцна попладне се извезоа во Јордан.

 

ЦЕЛАТА ИЗЈАВА

Скринигот почнува утре од градинките, ќе се тестираат 2 000 негувателки

Од утре ќе се тестираат околу 2000 негувателки за да се утврди дали се заразени од КОВИД 19, а немаат никакви симптоми, појаснува министерот за здравство Венко Филипче.

Анастасија Ражнатовиќ ја објави својата прва балада „Промашена“

По еден ипол месец од објавувањето на песната „Волим те“, Анастасија Ражнатовиќ одлучи да ги израдува фановите со уште една нова песна.

Во песната „Промашена“ се зборува за љубовен бродолом на една девојка која неизмерно го сака својот маж, но го губи.

Автор на песната е Александра Милутиновиќ, а додека аранжманот и музиката се дело на Дарко Димитров.

Колегите со заедничка изведба на „Свирете ја зајди, зајди“ го поздравија Драган Вучиќ за последен пат

Група музичари заедно со Олгица Христовска во чест на Драган Вучиќ, го испеаа неговиот голем хит „Свирете ја зајди, зајди“ и се збогуваа од својот колега. Погледнете ја прекрасната преработка:

Роберт Билбилов и Тамара ја изненадија македонската публика со нивниот дует “Светот е”

Една година по огромниот евровизиски успех на “PROUD”, Роберт Билбилов и Тамара Тодевска ја изненадија македонската публика со нивниот нов дует за песната “Светот е”.

“Ова е песна за една безвременска љубов, таква љубов каква што сите ние посакуваме. Можеби во последните неколку недели нашите животи се променија и живееме во еден нов и поинаков свет, но музиката сеуште ја има моќта да не обедини сите. ” изјави Роберт Билбилов.

“Светот е” е авторско дело на Роберт Билбилов а режисер на спотот е Зоран Зонде Стојановски.

10.05.2020 Нови 20 заболени, но и 25 оздравени лица, за првпат по две недели нема починато лице

Нови 20 случаи на КОВИД-19 во земјава но и 25 оздравени лица на направени 275 тестови бележи дневниот билтен на Министерството за здравство.

Димна бомба заврши на трибините кај дипломатите – одбележан Денот на полицијата

На една од показните вежби на полициските сили кои симулираа како изгледа напад и одбрана од непријател, една од димните бомби заврши на трибините кадешто седеа дипломатите и новинарите.

Настанот беше во рамките на одбележувањето на денот на полицијата 7 мај.

ОД ДЕНЕСКА СКОПЈЕ СО НОВ БУЛЕВАР – ПУШТЕН ВО УПОТРЕБА БУЛЕВАРОТ ХРИСТИЈАН ТОДОРОВСКИ КАРПОШ

Градот Скопје е побогат за уште една важна сообраќајница – булеварот Христијан Тодоровски Карпош. Оваа нова сообраќајна врска која ќе овозможи развој на северниот дел од градот денеска и официјално беше пуштена во употреба.

Погледнете како се градеше новиот булевар…

„СКАрантин“ – Суперхикс со нова забавна песна и видео со фанови од изолација

„СКАрантин, сите сме во СКАрантин“ – пеат Суперхикс во својата нова песна снимена во домашна изолација.

Спотот вклучува и снимки од нивни фанови кои се забавуваат во домашна изолација.

„Спотот е изработен во домашно-карантински услови со помош на нашите фанови кои што ни испратија видеа како танцуваат и се забавуваат на нашиот нов сингл ‘СКАрантин’. Многу сме горди и среќни што песната беше прифатена позитивно од нивна страна и ни покажаа уште еднаш дека вреди да твориме и во тешки и во убави времиња“ – изјавија членовите на Суперхикс.

МАНУ бара итно свикување на Собранието

Единствен излез од усложнетата правна состојба со прогласувањето на вонредната состојба е пратениците сами да се вратат на работа или да тоа да го стори Уставниот суд, со цел законодавниот дом да ја преземе должноста што му е одредена .

Никна новата монтажна болница до Инфектвна…

Никна новата монтажна болница до инфективната клиника. Наскоро овој простор треба да ја добие и новата опрема.

„Го поставивме системот со модулите во модуларната маневарска болница до инфективната клиника. За најкраток временски рок ги дуплиравме капацитетите на установата. Со финансиска поддршка на Швајцарската амбасада набавивме и поставивме ‚монтажни модули’, каде се сместени простории за болнички кревети, амбулантски и тријажен простор, соби за одмор на персонал, тоалети за пациенти и персонал, гардеробери и соби за состаноци. Целата оваа структура ја поврзавме со „топла врска“ со зградата на инфективната клиника, а во периодот кој следува ќе ја доопремиме и со потребната немедицинска опрема. Ја амортизираме евентуалната оптеретеност на Клиниката и даваме можност на медицинскиот персонал соодветно да ги распореди сопствените ресурси во борбата за превенција и заштита од коронавирус“, напиша Филипче. 

„Ќе мине сè“ е песната со која велешките музичари му испратија охрабрувачка порака на светот, дека има излез од оваа ситуација…

„Ќе мине сè“ е насловот на песната со која велешките музичари му испратија охрабрувачка порака на светот, дека има излез од оваа ситуација со коронавирусот, но и дека таа не научи дека треба малите работи, а не парите, врските, добрите коли, славата и моќта, го прават човекот среќен.

Песната е снимена на музика од познатиот хит We are the world, која во 1985 година го изведоа тогаш најпознатите музичари на планетата, соединети во проектот USA for Africa, кој имаше за цел да собере пари за гладните во Африка.

Текстот за „Ќе мине сè“ го напиша еден од најпознатите македонски текстописци Огнен Неделковски, аранжманот е на Стојанче Иванов и Оливер Тевчев, а ја изведуваат Дејан Попов, Стефани Алчева, Трајче Бондиќов, Катерина Брезева, Трајче Малинов, Мими Јовановска, The Chicks (Сандра Јорданова, Наталија Мејанџиева, Моника Ѓоргиева), Баже Натов, Стојанче Иванов, Симеон Иванов, Трајче Ристов, Оливер Тевчев, Борче Стојанов и Тихомир Тевчев.

„Ќе мине сè“ е снимена во Импакт продукција, а за миксањето и мастерингот се погрижи Темелко Андреевски. Извршен продуцент е Владимир Тевчев, продуцент на проектот е http://www.batali.net, а промотор е велешкото Радио 5 ФМ.

Првиот скрининг во Дебар покажа дека градот е далеку од колективен имунитет

Првиот скрининг процес во Дебар покажал дека градот сепак нема колективен имунитет.. Само два проценти од околу 2 илјади тестирани покажале присуство на антитела, информира за Канал 5 доктор Арбен Аголи, кој бил вклучен во процесот.

И „Во светот на бајките“ доби своја карантинска верзија

Периодов посведочивме на многу нови верзии на познати песни, на многу онлајн изведби и соработки. Денеска ќе ви презентираме уште една таква.

Се работи за карантинска верзија на легендарната „Во светот на бајките“.

Александар Митервски и Драган Спасов Дац ги поканија членовите на гратскиот хор „Гласот на децата на Скопје“ да ја отпеат оваа песна, која инаку е дело на Славе Димитров и Васил Пујовски.

„Раширете ја љубовта насекаде и споделете. Пејте со нас. Од срце за децата“, стои во описот под објавата.

Јане Стаменов, дипломец на Воената воздухопловна академија на САД, раскажува за искуството на академијата

Јане Стаменов е питомец на Воената воздухополвна академија на САД, и втор Македонец кој некогаш завршил студии на оваа Академија. Ќе се врати во Македонија, каде ќе работи како офицер. Но, не се откажува од авијацијата. Сака да стане пилот во Центарот за воздухополвни единици на Армијата

Наќе Чулев во одбрана на Мицкоски …НЕ НОСЕЛЕ РАКАВИЦИ ВО ТЕРЕТАНА ТУКУ ОД ОТСЈАЈОТ ТАКА ИЗГЛЕДА…

Наќе Чулев во одбрана на Мицкоски дека не бил во теретана туку дека се работи за стара снимка …НЕ НОСЕЛЕ РАКАВИЦИ ВО ТЕРЕТАНА ТУКУ ОД ОТСЈАЈОТ ТАКА ИЗГЛЕДА…

Функционерите на СДСМ и ДУИ ги донираат платите во фондот за борба против Ковид-19

Наспроти одлуката на Уставен суд кој ја укина уредбата за минималец на функционерите, функционерите на СДСМ и ДУИ одлучија доброволно да задржат само минимална плата, останатиот дел го донираат во фондрот за борба против Ковид-19.