(Видео) Несторовски му донесе три бода на Палермо со два гола и асистенција

Илија Несторовски се погрижи Палермо да дојде до нови три бода со кои што ќе биде во конкуренција за едно од првите две места кои носат директен пласман во Серија А. Македонскиот репрезентативен напаѓач во победата на Палермо од 4:1 над Карпи учествуваше со два постигнати гола и оствари една асистенција.

Advertisements

Пандев со гол му „пресуди“ на Јуве – прв пораз на Јувентус оваа сезона (видео)

Горан Пандев постигна гол, а Џенова со 2:0 го победи Јувентус, нанесувајќи му го на италијанскиот шампион првиот пораз во Серија А оваа сезона.

Ова е прв пораз на Јуве во Серија А оваа сезона, но „бјанконерите“ остануваат убедливи лидери со 75 поени пред Наполи со 57 (и натпревар помалку). Џенова полека излегува од опасната зона на табелата и сега е 12. со 33 поени.

Македонија лесно го среди Гибралтар со 4-0 и е на два чекора од ЕП 2020!

Македонската фудбалска репрезентација ја оправда фаворитската улога против Гибралтар и на „Филип Втори“ Арената во Скопје славеше со 4-0 (1-0), со што обезбеди место во плеј-офот во кој ќе се разигрува за пласман на Европското првенство (ЕП) во 2020 година.

Untitled.png

Еврогол на Барди и „Нестор гол“ за остварување на целта – триумф во Лихтенштајн од 2-0

Македонија стигна до посакуваната победа на гостувањето против Лихтенштајн во Вадуц каде славевме со 0-2 (0-0). Сето тоа за задржување на првото место во Групата 4 од лигата Д на Лигата на нациите кое за да го зачуваме до крајот од групната фаза ќе ни биде неопходно само бод на последниот натпревар против Гибралтар за три дена во Скопје.

Творци на победата на Македонија беа Енис Барди со мајсторски гол од слободен удар во 53. минута, и Илија Несторовски во првата минута од судиското продолжение кој по подолго време запишува погодок во националниот дрес.

Барса може и без Меси да го растури Реал! …и тоа со 5 – 1

Барселона го декласира Реал Мадрид со 5-1 во најголемото дерби на шпанскиот и на европскиот фудвал, популарното „Ел Класико“. Иако каталонскиот тим беше без повредениот Лионел Меси, сепак, демонстрираше завиден квалитет, и сосема заслужено ги победи „кралевите“. За првпат во историјата беше употребен и ВАР – системот, кој ’пресуди’ дека има пенал за Барса, што го реализираше Луис Суарез.

Untitled.png

Руни ли е, Бекам ли е? Голчиште на Руни од 30 метри

Не е подивен само Ибра од ветераниве кои одат да се донаиграат и да дособерат пари во САД. Легендарниот напаѓач на Манчестер Јунајтед има постигнато 6 гола на последните 5 меча и вкупно 10 за ДС Јунајтед кој има серија од 5 победи по ред. Со Торонто ја реши на маестрален начин во Бекам стил.

Голманот Столе Димитриевски им подари 4 гола на ерменците, Македонија доживеа срамен пораз од 4-0

Македонската репрезентација доживеа срамен пораз од 4-0 на гостувањето против Ерменија во четвртиот натпревар од Д лигата во УЕФА Лигата на нации.

Без разлика на очајното судење на шведскиот делител на правдата, без разлика и на повеќе од агресивните Ерменци кои секако очајно ја посакуваа победата… останува фактот дека Македонија доживеа срамен пораз пред се поради сопствените грешки. Голманот Столе Димитриевски им подари четири гола на домашните, комбинирајно со лошото издание на целокупниот среден ред и несигурните дефанзивци на крајот за заслужен триумф на Ерменија… И секако повеќе од навремено наше трезнење пред финишот на групната фаза од Лигата на нациите во која на крајот, како и да е, мора да стигнеме до првото место.

Armenia vs Macedonia 4-0 – All Goals & Extended Highlights – UEFA Nations League 16/10/2018

Untitled.png

Лихтенштајн демолиран со 4-1 од Македонија

Фудбалската репрезентација на Македонија ја оствари и третата победа во Лигата на нации, совладувајќи ја селекцијата на Лихтенштајн со 4-1 на арената „Филип Втори“. Трајковски беше двоен стрелец, Пандев асистираше и постигна еден погодок, а серијата ја затвори Алиоски. Ова е огромен чекор напред кон првото место во групата, кое води во плејофот за пласман на Европското првенство во 2020 година. Истовремено, трае и низата од десет натпревари без пораз на „црвено-жолтите“.

Македонските репрезентативци го потврдија епитетот фаворити на дуелот со Лихтенштајн. По поразот на Ерменија од Гибралтар, енергично ја грабнаа шансата и го декласираа противникот.

Macedonia vs Liechtenstein | 4 – 1 | Goals and Highlights

Златан повторно на сцена: Нов спектакуларен гол за ЛА Галакси

Фудбалерите на ЛА Галакси синоќа славеа против Ванкувер со 3-0 во МЛС лигата, а повторно на сцена блескаше Златан Ибрахимовиќ со два гола.

Ибрахимовиќ првиот гол го постигна од пенал уште во 4. минута, но вистинското шоу го приреди кон средината на второто полувреме… Со одлична финта исфрли еден противнички фудбалер, а потоа од врвот на казнениот простор „закуца“ во мрежата на Ванкувер…

ЛИГА НА НАЦИИ: Поразена и Ерменија со 2-0, ова е победничка Македонија

Фудбалската репрезентација на Македонија ја оствари и втората победа во Лигата на нации, совладувајќи го директниот ривал за првото место, селекцијата на Ерменија со 2-0 на арената „Филип Втори“. Клучен за триумфот беше капитенот Горан Пандев, кој изнуди пенал во 13.минута, а во 59.минута стрелаше прецизно во мрежата на Ерменија. Сигурен реализатор на пеналот во првото полувреме беше Езгјан Алиоски.

Untitled

 

Македонија го совлада Гибралтар со 2 – 0 во првиот натпревар од Лигата На Нациите

Македонската фудбалска репрезентација со победа стартуваше во Лигата на нациите славејќи со 0-2 (0-2) на гостувањето против Гибралтар. Во игра под очекувањата, посебно во второто полувреме кога не создадовме ниту една посериозна шанса, македонските фудбалери сепак стигнаа до однапред планираните три бода, само како увертира за она што ги очекува за три дена против Ерменија во Скопје.

Untitled.png

Ливерпул го растури Јунајтед со 4-1, евро-гол на Џердан Шаќири

Ливерпул го декласираше вечниот ривал Манчестер јунајтед со 4-1 на пријателскиот натпревар одигран во Мичиген, САД, во кој деби од соништата за Ливерпул имаше Џердан Шаќири.

Швајцарскиот ас влезе во игра на стартот од второто полувреме на местото на Салах, асистираше до Стариџ за вториот гол за „црвените“, пред со евро-гол со „ножички“ да стави печат за конечните 4-1.

Претходно, Мане го доведе Ливерпул во водство од пенал по стартот врз Салах, Переира израмни пред крајот на полувремето, за во вториот дел тимот на Јирген Клоп да постигне три гола, преку Стариџ, Оџо и Шаќири.

„Топчиите“ со пет проектили го потопија ПСЖ

Екипата на Арсенал ја забележа првата победа на Интернационалниот Куп на шампиони во Сингапур и со убедливи 5-1 (1-0) го совлада францускиот првак Пари Сен Жермен.

„Светците“ на турнејата се без ниту една своја ѕвезда, па на терен истрчаа со шарен лик. Единствено звучно име беше Џиџи Буфон, кој мина нешто повеќе од едно полувреме меѓу стативите на францускиот тим и прими три гола.

Резултатот се отвори уште во 13. минута од мечот, кога погоди Месут Озил, по асистенција на Пјер Емерик Обамејанг. На пауза „топџиите“ заминаа со еден гол предност, потоа, Нкунку изедначи во 60. минута на 1-1 од пенал, а во последните 20 минути следеше експлозија во која паднаа три гола.

Двоен стрелец беше Александре Лаказет, кој постигна два гола во мрежата на Буфон. Францускиот фудбалер прво погоди во 67. минута, а потоа и во 71. минута за предност на Арсенал од 3-1. Точка на триумфот ставија Холдинг во 88. минута од средбата, како и младиот Нкетиа со погодок во самиот финиш. На двата последни гола, асистент беше 18-годишниот Рајс Нелсон.

Arsenal vs PSG 5-1 – All Goals & Extended Highlights – Friendly – 28072018 HD

Untitled.png

Неуспешен крај на хрватската бајка: Франција вторпат на светскиот трон!

Франција по втор пат во својата историја е светски првак во фудбал, откако денеска во големото финале на Мундијалот во Русија ја совлада Хрватска со 4-2.

„Триколорите“ повторно се на светскиот трон, по 1998 година, кога беа домаќини на турнирот. Денеска на „Лужники“ Хрватска играше, а Франција даваше голови.

Натпреварот почна баксузно за „коцкестите“ откако Марио Манџукиќ го отвори резултатот и тоа со гол во својата мрежа во 18-тата минута. Иван Перишиќ успеа да израмни десет минути подоцна. Франција повторно се врати во водство, откако Иван Перишиќ играше со рака во својот шеснаесетник, а судијата Нестор Питана покажа на белата точка откако се консултираше со ВАР-технологијата. Антоан Гризман беше прецизен од белата точка во 38-та минута.

Во вториот Хрватска продолжи да доминира, но Франција со два брзи гола од далечина успеа да си ја обезбеди титулата светски првак. Прво погоди Пол Погба во 59-тата минута, а шест минути подоцна реализираше и Килијан Мбапе. Манџукиќ успеа да ја погоди вистинската мрежа во 69-тата минута, откако францускиот голман Иго Лорис кисираше за конечни 4-2.

Untitled

Англија се враќа дома без медал, Белгија трета светска сила

Фудбалската репрезентација на Белгија го освои третото место на Мундијалот во Русија, откако успеа да ја совлада Англија со 2-0 во денешното „мало финале“.

Во битката на ’ранетите полуфиналисти’ во Санкт Петербург, избраниците на Роберто Мартинез подобро се снајдоа и успеаја со брз погодок да ја разбијат англиската одбрана. Томас Муние во четвртата минута го отвори резултатот на овој меч. Еден Азар во 82.минута постигна втор гол за Белгија и ги разреши дилемите околу победникот.

Belgium v England – 2018 FIFA World Cup Russia™ – Play-off for third place

Untitled

Хрватска со триумф во 109 минута над Англија се избори за историско финале на СП!

Фудбалот ќе почека уште најмалку две години за да се врати дома. Фудбалската селекција на Хрватска е вториот финалист на Светското првенство во Русија, откако во полуфиналето на „Лужники“ во Москва со 2-1 (1-1 во регуларниот дел) по дополнителните 30 минути славеше над репрезентацијата на Англија. За „коцкестите“ ова е прво финале во историјата, досега најголем успех им беше полуфиналето на СП 1998 година, кога беа елиминирани од домаќинот, а подоцна шампионот Франција (2-1).

Англија стартуваше фантастично со прекрасен гол од слободен удар на Киран Трипиер по само пет минутри игра на „Лужники“. Хрватска не делуваше добро во првото полувреме, но затоа пак се разбуди откако Иван Периѓиш ја погоди мрежата на Џордан Пикфорд во 68-та минута.

„Коцкестите“ играа фантастично, а преку Перишиќ кратко по голот можеа и да поведат со 2-1, но фудбалерот на Интер ја погоди стативата. Во продолженијата Џордан Пикфорд ја спаси Англија, откако Манџукиќ шутираше од близина. Ако не постигна гол во првото продолжение, во второто Манџукиќ не погреши и го матираше англискиот голман во 109-тата минута за голема победа на Хрватска и пласман во големото финале.

Untitled.png

Франција е прв финалист на СП, Умтити со златен гол ги сруши соништата на Белгија

Во првото полуфинале на Светското првенство Франција минимално славеше над Белгија (1-0) и е првиот учесник во големото финале. Избраниците на Дидие Дешамп ќе играат за втората светска титула во својата историја, откако првата ја освоија пред 20 години пред своите гледачи.

Untitled.png

Инфарктна победа на Хрватска по пенали, „коцкестите“ во мундијалско полуфинале 2-2 (4-3)

Хрватска е последниот полуфиналист на Светското првенство во Русија, откако по изведувањето на пенали ја совлада Русија со 4-3, откако натпреварот во регуларниот тек заврши 1-1, а по продолженијата 2-2. Во второто полуфинале в среда Хрватите ќе излезат на мегдан против Англичаните, а влогот е големото финале на 14 јули во Москва.

Пенал рулетот им донесе повеќе среќа на Хрватите. Субашиќ го одбрани ударот на Смолов, а Фернандез го промаши голот. За Хрватите не реализира само Матео Ковачиќ.

Untitled.png

По 28 години, Англија се врати во полуфинале на СП

По 28 години пауза, Англија повторно ќе игра во полуфинале на Светското првенство. „Трите лава“ успеаја да ја совладаат репрезентацијата на Шведска со 2:0 и се пласираа во битката за медали на СП 2018. Погодоците ги постигнаа Хари Мегваер и Деле Али .

 

Untitled.png

Бразил се враќа ДОМА, Белгија во полуфинале!

Фудбалската репрезентација на Белгија е вториот полуфиналист на Мундијалот во Русија, откако вечерва го совлада Бразил со 2-1 и првпат по Мундијалот во Мексико од пред 34 години успеаја да се пласираат во едно полуфинале на Светско првенство.

Белгијците имаа и среќа. До предност стигнаа со несреќниот автогол на Фернандињо кој после еден изведен корнер си ја смести топката во својата мрежа.

Бразилците напаѓаа, меѓутоа не знаеја да го пронајдат патот до мрежата на Тибо Куртоа. Во 31.минута, Кевин де Бруин по еден брз противнапад зголеми на 0-2, со прецизен удар од 25 метри.

Во вториот дел, Бразил ги зби своите редови, заиграа поангажирано и играта вроди со плод. Во 65. минута се случи ВАР ситуација, по која веројатно Бразил беше оштетен за пенал, но не беше досуден, за неколку минути подоцна, Аугусто да намали на 2:1, за враќање на неизвесноста, но до крајот не успеа да постигне уште еден гол.

Brazil v Belgium – 2018 FIFA World Cup Russia™ – Match 58

Untitled.png

Франција во полуфинале: Варан и Муслера скапо го чинеа Уругвај

Светскиот првак од 1998 година, Франција е првиот полуфиналист на 21-от Мундијал во Русија, откако „триколорите“ попладнево славеа со 2-0 против Уругвај во првиот четртфинален меч на шампионатот.

Франција не го надигра Уругвај, ама си ги искористи двата кикса на јужноамериканците за да дадат два гола и со тоа да бидат првите полуфиналисти на ова СП. Пет минути пред крајот на полувремето, Рафаел Варан со глава ја скрши уругвајската дефанзива за водство од 1-0, а Ентоан Гризман на половина час пред крајот со погодок благодарение на голманот Фернандо Муслера го дуплираше водството и практично стави точка на прашањето кој ќе оди во полуфинале од овој меч.

Uruguay v France – 2018 FIFA World Cup Russia™ – Match 57

Untitled.png

Драма во Москва: Англија по пенали до битка со Шведска на СП

епрезентацијата на Англија е последниот патник во четвртфиналето на светскиот шампионат во Русија. „Гордиот албион“ оваа вечер по еден исцрпувачки меч и по изведувањето на пенали успеа да ја турне Колумбија и да се најде меѓу осумте најдобри селекции на овој 21 мундијал.

Англија беше подобра и поконретна во регуларниот дел, но не го реши на време прашањето околу победникот и прими гол во 93 минута од дефанзивецот Мина за 1-1 и продолжение во Москва. Дополнителните 30 минути не донесоа ништо позначајно, па се пристапи кон изведување на удари од 11 метри во кои момците на Герет Саутгејт беа поуспешни и со 4-3 закажаа битка со Шведска.

Хендерсон не реализираше за Англија, додека пак на спротивната страна промашија Урибе и Бака.

Untitled.png

Шведска е во четвртфиналето, заврши настапот за Швајцарија

Шведска со минимални 1-0 ја победи Швајцарија и се пласира меѓу осумте најдобри на Светското првенство во Русија.

Шведска е претпоследниот четвртфиналист откако денеска за еден гол беше подобра од Швајцарија.

Шведска беше подобар противник во најголемиот дел од натпреварот, особено пред постигнувањето на единствениот погодок.

По неколкуте пропуштени шанси, Форсберг погоди во 66. минута и донесе водство од 1-0 кое на крајот се покажа и како конечен резултат.

Untitled

Ваков епски пресврт на Светско немало 48 години | Белгија се врати од мртвите за да ја шокира Јапонија во 94.минута

Насер Чадли донесе победа за Белгија против Јапонија од 3-2 во 94-тата минута и обезбеди пласман во четвртфиналето на Светското првенство.

Во Ростов се одигра сензационално второ полувреме, бидејќи Јапонија од 48-та до 52-та минута поведе со 2-0, преку Харагучи и Унуи. Белгија успеа да воскресне и за пет минути го израмни резултатот преку среќниот гол на Јан Фертонген во 69-тата минута, а потоа и Маруан Фелаини погоди за 2-2.

Јапонија тргна на сè или ништо во финишот, а во контра напад „црвените ѓаволи“ знаеја како да казнат. Во четвртата минута од судиското продолжение преку Насер Чадли дојдоа до победата и си обезбедија дуел со Бразил во четвртфиналето.

ВЕІGІUМ vs JАРАN – НІGНLІGНТS – 2018

Untitled

Бразил го разоружа Мексико – Нејмар и дружината итаат кон мундијалско финале

Фудбалската репрезентација на Бразил го совлада Мексико со 2-0 и се пласираше меѓу најдобрите осум на Мундијалот во Русија, каде ќе играат против подобриот од вечерашниот дуел Белгија-Јапонија.

Мексиканците на последните шест мундијали редовно ја минуваа групната фаза, но не успеваа да ја прескокнат првата пречка во нокаут натпреварувањето, црна серија што продолжи и со денешниот пораз

Untitled

Франција ја победи Аргентина во спектакуларен меч

Нокаут фазата на Светското првенство почна моќно, Франција и Аргентина одиграа фантастичен натпревар со седум погодоци кој го добија Французите со 4-3.

Untitled.png

Роналдо и Португалија капитулираа: Уругвај јуриша на Франција во четвртфиналето!

Кристијано Роналдо и европскиот првак Португалија го завршија својот пат на фудбалскиот Мундијал во Русија, поразени од Уругвај, во осминафиналето.

Уругвајците ја совладаа Португалија со 2-1, понесени од фасцинантната партија на Единсон Кавани.

Untitled.png

 

Данска доживеа болна елиминација на пенали во осминафиналето на Светското првенство од Хрватска

анска доживеа болна елиминација на пенали во осминафиналето на Светското првенство во Русија. Хрватите беа за нијанса посреќни, а на Данска не и помогнаа ниту трите одбранети пенали на извонредниот чувар на мрежата Каспер Шмајхел. Тој ја спаси својата селекција од пораз во продолженијата, кога му одбрани пенал на Лука Модриќ, а потоа и во пенал – рулетот скроти уште два удари на противничките фудбалери. Но, и тоа не беше доволно за Данска да мине во четвртфиналето.

Untitled.png

Русија ги издржа сите налети и по пенал рулетот ја исфрли Шпанија од мундијалот

Руската фудбалска репрезентација го направи првото големо изненадување во нокаут фазата на Светското првенство, откако направи подвиг во Москва елиминирајќи ја фаворизираната селекција на Шпанија.

Untitled.png

Јанузај ја реши Англија, Белгијците избраа дуел со Јапонија

Белгија ја оствари и третата победа на Мундијалот, совладувајќи ја Англија со 1-0, во битката за првата позиција во групата Х. Тоа значи дека избраниците на Роберто Мартинез, кои групниот сегмент го заокружија со максимални девет бода, во осминафиналето ќе играат против селекцијата на Јапонија. Поразената Англија, како второпласирана од оваа група, ќе вкрсти во осминафинална пресметка со Колумбија.

Untitled.png

Јери Мина херој за Колумбија, жолтите картони го оставија Сенегал без осминафинале на СП!

Расплетот на групата Х на Светското првенство во Русија ни ги донесе и најголемите возбудувања, бидејќи на крајот решаваа жолтите картони за тоа кој ќе биде втор патник во осминафиналето покрај Колумбија.

Ова попладне на распоредот беа дуелите меѓу Колумбија-Сенегал и Јапониј-Полска, а во случај кога во текот на сите 90 минути постојано се менуваше распоредот на групата, на крајот Колумбијците сами си ја решија судбината, додека Јапонците со голема среќа се пласираат во осминафиналето.

Колумбија го победи Сенегал со 1:0, а херој на „кафетеросите“ беше Јери Мина кој имаше небесен скок во 74-та минута за водство и пласман во осминафиналето. До овој момент, први во групата беа играчите на Сенегал, но сепак последните 20-тина минути со судиското продолжение се покажаа како премалку да постигнат гол за израмнување. Така, Сенегалците од добитна ситуација, на крајот се ставија во положба да испаднат од мундијалот, а верувале или не, причина за тоа е фактот што имаа два жолти картони повеќе од Јапонците во трите одиграни натпревари во групната фаза.

Untitled.png

Јапонија и покрај поразот од Полска (0-1), се пласираше во осминафинале, поради помалиот број на жолти картони кои ги доби на Мундијалот

Јапонија и покрај поразот од Полска, се пласираше во осминафинале, благодарение на помалиот број на жолти картони кои ги доби на Мундијалот.

Во израмнет натпревар, Полска преку Јан Беднарек успеа да постигне гол за победа од 0-1 и утешен триумф со кој се збогуваат од Светското првенство во Русија.

За првпат на годинешното Светско првенство се случи ваква ситуација, откако Јапонија и Сенегал имаа ист број на бодови, како и иста гол разлика, но поради разликата во жолти картони (Сенегал има шест, Јапонија четири), Јапонците ја завршија групната фаза на втората позиција.

Untitled.png

Швајцарија со реми (2-2) против Костарика обезбеди осминафинале

Фудбалерите на Швајцарија на „Нижни Новгород стадион“ ремизираа против Костарика со резултат 2-2 (1-0) и како второпласирани од групата Е обезбедија пласман во нокаут-фазата.

Switzerland v Costa Rica – 2018 FIFA World Cup Russia™ – Match 42

Untitled.png

Србија немаше сили против Бразил (0-2), Бразил како лидер патува во нокаут-фазата!

Фудбалската селекција на Бразил не дозволи уште едно огромно денешно изненадување и со сигурна победа над Србија обезбеди „виза“ за нокаут-фазата на Светското првенство во Русија. „Кариоките“, иако не блеснаа со сиот свој сјај, одиграа онолку колку што беше потребно да го надигра нашиот северен сосед и со головите на Паулињо и Тиаго Силва стигна до рутинска победа од 2-0, која им донесе лидерско место во групата

Serbia v Brazil – 2018 FIFA World Cup Russia™ – Match 41

Untitled

Шведска го совлада Мексико со 3-0 и се пласира во осминафиналето

Шведска одигра многу силен меч и го победи Мексико со 3:0. Скандинавците ги постигнаа сите три гола во второто полувреме. Дефанзивецот Аугустинсон го отвори резултатот малку по паузата, капитенот Гранквист зголеми на 2:0 од пенал во 62-та минута, а резултатот беше оформен по автогол на Алварез.

Mexico v Sweden – 2018 FIFA World Cup Russia™ – Match 44

Untitled

Чао за шампионот, Германците изгубија од Јужна Кореја со 2-0

Светскиот шампион е на колена, се враќа дома по првата фаза од Мундијалот. Ниту Германците веќе не победуваат секогаш во фудбалот, ова е ново време. Селекцијата на Јоаким Лев се извлече со триумф во 95.минута и погодок на Тони Крос против Шведска во второто коло, но денеска загуби од Јужна Кореја (0-2).

Со тоа „панцирите“ ги пакуваат куферите и си заминуваат дома. Ким Јонг – Гвон и Хјонг Мин Сон ја казнија во финишот слабата реализација на Германците, промашените шанси на Брант, Гомез, Милер, Хумелс, и останатите избраници на Јоаким Лев, па светскиот првак завршува како последнопласирана селекција во групата.

Untitled

СП 2018: Аргентина се врати во игра, оди во осминафиналето по победата над Нигерија од 2-1

Аргентина конечно успеа како феникс да се извлече од пепелта пред елиминација и да се врати во полн сјај. Во осминафиналето, Аргентинците ќе си ги одмерат силите со Франција која во групната фаза не ја покажа сета своја сила.

На моменти изгледаше гаучосите се пакуваат за дома, посебно откако цврстите Нигеријци оддолеваа на нападите при 1:1, пред Маркос Рохо, неколку минути откако беше „ослободен“ од вината и не беше досуден пенал по играта со рака во својот шестнаесетник, да го постигне најзначајниот гол во неговата кариера.

Nigeria v Argentina – 2018 FIFA World Cup Russia™ – Match 39

Untitled.png

СП 2018: Хрватска со победата над Исланд од 2-1 обезбеди влез во осминафиналето

Тимот на Исланд не успеа да направи ново чудо на еден голем фудбалски собир. Малата островска земја одигра одлични три натпревари во групна фаза не стигна до посакуваната победа во последниот натпревар со Хрватска, кој заврши со триумф на „коцкестите“ од 1-2. Со овој исход, Исланд остана на последната позиција во групата Д, во која пласман во осминафиналето обезбедија Хрватска и Аргентина.

Untitled

СП 2018: Перу со почесна победа над Австралија заминува од Мундијалот

Перу ја совлада Австралија со 2:0 во натпревар од групата Ц на Светското првенство во Русија.

По двата минимални порази од Франција и Данска, за Перу ова беше прва победа на мундијал по пауза од 36 години.

Андре Кариљо во 36-та минута донесе водство за Перуанците од 1:0, а во вториот дел Паоло Гереро беше прецизен во 50-та минута за конечни 2:0.

Untitled

Смешно реми и анти-фудбал: Франција и Данска си завршија работа

Франција и Данска со реми од 0-0 во меѓусебната пресметка рутински си ја одработеа задачата во третото коло, обезбедувајќи си го пласманот во осминафиналето од мундијалот. Нерешениот исход им одговараше и на двете селекции, „триколорите“ за да се задржат на првото место во групата, а Данска за да биде сигурно втора, па токму поради тоа и едните и другите многу повеќе размислуваа на сочувување на сопствената мрежа, отколку на напади кон противничкиот гол.

Denmark v France – 2018 FIFA World Cup Russia™ – Match 37

Untitled

Еврогол на Кварезма, Португалија ремизираше со Иран (1-1)

Португалија ремизираше со Иран (1-1) и го освои второто место во групата Б. Рикардо Кварезма со фантастичен погодок во 45.минута донесе водство за актуелниот европски првак, а во последмите мигови од мечот, Карим Ансарифард од пенал донесе израмнување. Кристијано Роналдо на овој меч промаши пенал, откако во 53.минута голманот Беиранванд го одбрани неговиот удар.

IR Iran v Portugal – 2018 FIFA World Cup Russia™ – Match 35

Untitled

Шпанците и со реми против Мароко (2-2) стигнаа до дуел со Русија

Шпанија изненадувачки ремизираше против Мароко (2-2), но ќе патува во осминафиналето како првопласирана селекција од групата Б, а за противник ќе го има домаќинот Русија.

„Црвената фурија“ одигра очајно слабо во одбраната, а грешката на Иниеста и на Рамос ја искористи Калид Бутаиб во 14.минута за водство за аутсајдерот. Само пет минути подоцна, Шпанците израмнија со голот на Иско, по асистенцијата на Иниеста. Но, во вториот дел, Јусеф Ел Несири во 81.минута со одличен удар со глава по корнерот од десната страна, донесе ново водство за Мароканците. Во 90.минута, Иаго Аспас сепак ја спаси „црвената фурија“ од пораз, а со тоа дојде и до првото место во групата Б

сп мар

СП 2018: Египет поразен и од Саудиска Арабија со 2-1

Тимот на Саудиска Арабија го победи Египет со 2:1 во натпревар без значење во групата А на Светското првенство во Русија.

Во 22-та минута, Мохамед Салах го доведе Египет во водство. Во додаденото време на првиот дел, Салман Ал Фараџ изедначи од пенал, а во 95-тата минута Салем ја донесе победата на Саудиска Арабија.

Untitled

СП 2018: Уругвај го нанесе првиот пораз на домаќинот Русија

Уругвај ја освои битката за првото место во групата „А“, откако ја победи Русија со 3-0, со што го нанесе првиот пораз на домаќинот на Светското првенство.

Погодокот на Луис Суарез (10), автоголот на Денис Черишев (23) и прецизниот удар на Единсон Кавани во последната минута ја донесоа третата последователна победа на „урусите“, кои се уште немаат примен гол.

Untitled.png

Колумбијците ја совладаа Полска со 3-0

Фудбалската репрезентација на Колумбија ги зголеми надежите за пласман во осминафиналето на Светското првенство, совладувајќи ја Полска со убедливи 3-0. По непријатниот пораз од Јапонија, фудбалерите на Хозе Пекерман вечерва блеснаа во полн сјај и одиграа на високо ниво. Колумбија сега има три бода, и ќе мора да одигра најдобро што знае и умее и во третото коло против Сенегал, кој има бод повеќе, исто како и Јапонците.

Untitled

Четири гола, за Јапонија и за Сенегал по четири бода (2-2)

Јапонија и Сенегал ремизираа 2-2 во интересен дуел од групата Х и сега двете селекции имаат по четири освоени бода во пресрет на последното коло од овој сегмент на Мундијалот.

Untitled

Два пенали, еден хет-трик | Англија со 6:1 ја декласираше Панама за осминафинале

Англија убедливо ја совлада Панама со 6:1 во натпревар од групата Г на Светското првенство во Русија.

Англиската репрезентација одигра одличен натпревар и благодарение на победата обезбеди пласман во осминафиналето на Мундијалот.

Со хет-трикот против Панама напаѓачот на Англија Хари Кејн изби на чело на листата на стрелците со вкупно пет постигнати голови.

Untitled

Никогаш не ги отпишувајте Германците: Крос со супер-гол за триумф во последен час

Актуелниот светски првак Германија беше на работ на амбисот и можна елиминација по првата фаза од Мундијалот, но сепак во последен момент стигна до триумф (2-1) против Шведска во второто коло од групата Ф. „Панцирите“ имаа негатива од 0-1, во финишот и играч помалку, но Тони Крос во петтата минута од судиското продолжение постигна прекрасен гол за триумф.

Germany v Sweden – 2018 FIFA World Cup Russia™ – Match 27

Untitled.png

Вела и Чичарито ја решија Јужна Кореја

Фудбалската репрезентација на Мексико ја оствари втората победа на Мундијалот, совладувајќи ја селекцијата на Јужна Кореја со 2-1. Мексиканците го потврдија епитетот на фаворити и поведоа со голот од пенал на Карлос Вела во 26.минута, а Хавиер Хернандез во вториот дел постигна и втор погодок за „сомбреросите“. Тоа беше 50.гол во репрезентативниот дрес за популарниот Чичарито.

Јужна Кореја многу доцна се разбуди, а најдобриот фудбалер на оваа репрезентација, Хјонг-мин Сон во третата минута од судиското продолжение го постигна почесниот погодок.

Untitled.png

Белгија го победи Тунис со 5-2 во нај ефикасниот натпревар на ова светско првенство

Фудбалската репрезентација на Белгија ја оствари втората победа на Светското првенство совладувајќи го убедливо Тунис со 5-2. „Црвените ѓаволи“ се веќе во осминафиналето и се израмнија со Русите, кои исто така постигнаа осум гола на првите два мундијалски меча. Ова воедно е првпат во историјата на белгискиот фудбал, селекцијата да постигне пет гола на мундијалски натпревар.

Untitled

Бразил чекаше судиско продолжение за да ја „скрши“ Костарика

Бразил одигра натпревар далеку под очекувањата, долго се мачеше да стигне до триумф против Костарика и успеа со два гола до 2-0 дури во судиското продолжение, во 91. и 97. минута со головите на Кутињо и Нејмар.

Brazil v Costa Rica – 2018 FIFA World Cup Russia™ – Match 25

Untitled

Нигерија го шокираше (2-0) Исланд, за надеж и за Меси и компанија…

Репрезентацијата на Нигерија ја направи Групата Д на Светското првенство во Русија и тоа како интересна пред последното трето коло откако славеше со 2-0 против Исланд.

Нигеријците сосема заслужено стигнаа до триумфот по што, по поразот од Хрватска на стартот, сега се вратија во игра и за осминафиналето на Мундијалот 2018.

Nigeria v Iceland – 2018 FIFA World Cup Russia™ – Match 24

Untitled

Прв пресврт на СП: Швајцарија ја разоружа Србија во вториот дел

Србија се радуваше на почетокот, Швајцарија на крајот од натпреварот во Калининград во рамки на второто коло во групата Е на Светското фудбалско првенство во Русија. Александар Митровиќ погоди во петтата минута за северниот сосед, Гранит Џака израмни на 1:1 во 52. минута, а трите бода за швајцарската репрезентација (1:2) ги обезбеди Џердан Шаќири по контрата во 90. минута.

Serbia v Switzerland – 2018 FIFA World Cup Russia™ – Match 26

Untitled.png

Величествена победа на Хрватска, Аргентина декласирана со 3-0

Во ситуација кога на Меси и Аргентина им гореше под нозе, Хрватите ги понижија со 3:0 и се пласираа во осминафиналето.

Во дербито на 2. коло на Светското првенство Хрватска ја оствари можеби најневеројатната победа во својата историја откако ја совлада Аргентина.

Мечот започна со одмерување на силите на двете страни. Аргентинскиот селектор Хорхе Сампаоли ги промеша картите па на клупа ги остави Ди Марија, Игуаин и Пауло Дибала со Меси и Павон во офанзивата.

Хрватите започнаа компактно, сигурно во одбраната и се закануваа преку фантастично организирани напади. Првиот дел заврши без голови а права голеада „Коцкастите“ направија во второ полувреме.

Argentina v Croatia – 2018 FIFA World Cup Russia™ – Match 23

Untitled

Мбапе испиша историја, Франција го совлада Перу со 1-0

Франција е најновата селекција што обезбеди пласман во осминафиналето од СП 2018 откако „триколорите“ денеска стигнаа до нова минимална победа, овојпат од 1-0 против селекцијата на Перу. Килијан Мбапе беше човекот на одлука, постигнувајќи го победничкиот погодок за испишување на историја, како најмлад стрелец (19 години и шест месеци) за „триколорите“ на големите натпреварувања.

France v Peru – 2018 FIFA World Cup Russia™ – Match 21

Untitled

СП 2018: Данска и Австралија ремизираа во Самара

Данска и Австралија одиграа со 1-1 во својот натпревар во вториот круг од групната фаза на Светското првенство во 2018.

Дуелот во Самара понуди убав фудбал, во кој првото полувреме беше изедначено, а второто помина под диктатот на „кенгурите“ на Берт ван Марвијк.

Кристијан Ериксен го отвори резултатот со многу убав гол во осмата минута, додека Миле Једињак израмни од пенал во 37-та минута.

Denmark v Australia – 2018 FIFA World Cup Russia™ – Match 22

Untitled

Шпанија се мачеше со Иран…, еден гол на Диего Коста доволен за триумф!

„Црвената фурија“ се мачеше, имаше на моменти и доволно среќа, за да на крајот ја запише првата победа на Светското првенство 2018 во Русија против Иран од 1-0.

Доволен за Шпанците да дојдат до посакуваните три бода беше погодокот на Диего Коста во 54. минута од средбата…

IR Iran 0 v 1 Spain – 2018 FIFA World Cup Russia™ – Match 20

Untitled

Роналдо испиша историја – Урна рекорд стар повеќе од 60 години (Португалија 1-0 Мароко)

Португалската фудбалска ѕвезда, Кристијано Роналдо го урна славниот рекорд на Ференц Пушкаш и стана најдобриот европски стрелец во историјата на фудбалот.

По хет-трикот за реми против Шпанија (3:3), ја затресе мрежата и на Мароканците за рекордни 85 погодоци, бројка која ниту еден фудбалер ја нема постигнато носејќи го репрезентативниот дрес. Досега рекордот го држеше Пушкаш со 84 погодоци за Унгарија во периодот од 1945-1954.

Роналдо засега е и прв стрелец на Мундијалот во Русија со четири погодоци. До крајот на кариерата ќе ја напаѓа борјката од 100 погодоци во националниот дрес на Португалија.

Portugal 1 v 0 Morocco – 2018 FIFA World Cup Russia™ – Match 19

Untitled

Јапонија – Колумбија 2-1 | Прва победа на една селекција од Азија против ривал од Јужна Америка на светските шампионати

Јапонија го стартуваше настапот на СП 2018 со голема победа над Колумбија, совладувајќи го незгодниот противник со 2-1. „Самураите“ им се одмаздија на Колумбијците за поразот од 1-4 во групната фаза од претходниот мундијал, максимално користејќи ја предноста од фудбалер повеќе по раниот црвен картон што го добија противниците. Ова воедно беше и историска победа, прва на една селекција од Азија против ривал од Јужна Америка на светските шампионати.

Untitled.png

Полска беше целосно надиграна од страна на Сенегал, па овој натпревар заврши со заслужена победа на африканската селекција од 2-1

Вториот меч од групата Х донесе ново изненадување, откако Полска беше целосно надиграна од страна на Сенегал, па овој натпревар заврши со заслужена победа на африканската селекција од 2-1. Сенегалците одиграа дисциплинирано во одбраната, додека во нападот ги искористија грешките на полскиот состав и заслужено стигнаа до трите бода, за голем чекор напред кон осминафиналето на овој мундијал.

Poland 1 v 2 Senegal – 2018 FIFA World Cup Russia™ – Match 15

Untitled.png

Русија е првиот осминафиналист на СП 2018 откако забележа уште една импресивна победа, овојпат со 3-1 над селекцијата на Египет

Русија е првиот осминафиналист на СП 2018 откако домаќинот на овој мундијал забележа уште една импресивна победа, овојпат со 3-1 над селекцијата на Египет. Ниту мундијалското деби на Мохамед Салах не им помогна на „фараоните“, кои беа нокаутирани за десетина минути игра во второто полувреме.

Russia v Egypt – 2018 FIFA World Cup Russia™ – Match 17

Untitled.png

Белгија без мана… Лукаку и Мертенс ја решија Панама (3-0)

Без поголеми проблеми Белгија на убедлив начин со 3-0 против дебитантот Панама славеше на отворањето од мечевите во Групата Г на Светското првенство 2018 во Русија.

Иако, се чекаше дури вториот дел за првиот гол на Белгијците, сепак јасно беше од стартот дека нема да имаат потешките за трите бода.

Belgium v Panama – 2018 FIFA World Cup Russia™ – Match 13

Untitled

СП 2018: Светскиот шампион на колена, Мексико со голема победа на стартот (0-1)

Светскиот шампион Германија загуби 0:1 од Мексико на првиот меч од групата „Ф“ на Светското првенство на стадионот „Лужники“ во Москва.

Ирвинг Лозано го постигна единствениот гол во 35-тата минута за Мексико.

Бундестимот направи серија грешки во првото полувреме, а можеше да прими уште барем еден гол.

Germany v Mexico – 2018 FIFA World Cup Russia™ – Match 11

Untitled

 

Србија слави: Проектилот на Коларов ја реши Костарика

Србија го оствари зацртаниот план, со победа над Костарика (1-0) го стартуваше својот настап на СП 2018 и направи значаен чекор напред кон мундијалското осминафинале. Капитенот Александар Коларов беше човек на одлука, постигнувајќи еврогол кон средината на второто полувреме, за огромна радост на теренот и трибините и конечна капитулација на Кејлор Навас, кој претходно имаше неколку одлич и интервенции.

Costa Rica v Serbia – 2018 FIFA World Cup Russia™ – Match 10

Untitled

Покажаа дека се класа за ривалот: Хрватска рутина со Нигерија (2-0)

Хрватска ја совлада Нигерија со 2:0 во Калининград за затворање на првото коло во групата Д на Светското фудбалско првенство во Русија. „Коцкестите“ во целост се оправдаа во улога на фаворити и со автоголот на Огенекаро Етебо во 32. минута и на капитенот Лука Модриќ во 71. минута од пенал дојдоа до првите три бода на мундијалот.

Croatia v Nigeria – 2018 FIFA World Cup Russia™ – Match 8

Untitled

Репрезентацијата на Перу незаслужено го загуби својот премиерен меч на овој мундијал, со минимални 0-1 против Данска

Репрезентацијата на Перу апсолутно незаслужено го загуби својот премиерен меч на овој мундијал, со минимални 0-1 против Данска во натпревар во кој јужноамериканската репрезентација целосно доминираше, промаши пенал и уште пет-шест шанси, но се беше попусто кога не успеа да го совлада одличниот Каспер Шмајхел.

 

Untitled

СП 2018: Аргентина ремизираше со Исланд, Меси промаши пенал

Еден од главните претенденти за освојување на трофејот на Светското првенство во Русија, Аргентина, го започна со реми учеството на Мундијалот 2018.

Во првиот натпревар од групата „Д“, „гаучосите“ не успеаја да го победат дебитантот Исланд, откако мечот заврши 1:1.

Голем „грешник“ на тимот беше Лионел Меси. Ѕвездата на Барселона беше најактивен за неговиот тим, но промаши пенал во средината на вториот дел. Тоа беше четврто промашување за него од белата точка од неговите последни седум обиди.
Резултатот го отвори Серхио Агуеро во 19-тата, но само четири минути подоцна изедначи Алфред Финбогасон.
Untitled

Франција со бледа игра сепак успеа да триумфира над Австралија (2-1)

Франција со бледа игра сепак успеа да триумфира над Австралија (2-1) и да стигне до цел плен на својот премиерен натпревар од СП 2018 во Русија. Дидие Дешамп се реши за драстично подмладен состав при што првите единаесетмина беа со просечна возраст од 24 години, а Французите со играта беа далеку под очекувањата на своите навивачи. Сепак, на крајот пресуди класата на „триколорите“, кои благодарение на Пол Погба спречија изненадување на овој премиерен натпревар

Untitled.png

 

 

Португалија и Шпанија ремизираа, а Роналдо урна два нови рекорди

Кристијано Роналдо одигра феноменален натпревар на стартот од СП 2018, постигнувајќи хет-трик против Шпанија и испишувајќи нови страници во листата на рекорди.

Хет-трикот постигнат на возраст од 33 години и 130 дена го направи Роналдо најстар играч кој постигнал три гола на еден мундијалски дуел.

Покрај тоа, Кристијано стигна до неверојатно остварување – запишувајќи се меѓу стрелците на осум големи натпреварувања во низа. Станува збор за серија што започна на ЕП 2004 и продолжи на СП 2006, ЕП 2008, СП 2010, ЕВРО  2012, и сега на мундијалот во Русија во 2018 година.

Untitled

Радост на Уругвај – Хименез ги „поправи“ промашувањата на Суарез (Египет 0-1 Уругвај)

Уругвај по голема битка успеа да стигне до цел плен на дуелот со Египет, триумфирајќи со 1-0 благодарение на голот на Хименез постигнат во 90. минута од мечот одигран во Екатеринбург. Во поголемиот дел овој натпревар делуваше многу здодевно, но Уругвајците притиснаа во последните десетина минути, Кавани го погоди и дирекот пред Хименез да го постигне победничкиот погодок. Мохамед Салах и покрај најавите дека ќе игра сепак не се појави на теренот, од клупата за резервни немоќно следејќи го победничкиот погодок на противникот.

Untitled

Иран до триумф во последните минути (Мароко 0-1 Иран)

Иран во последните моменти од дуелот со Мароко стигна до воведната победа (1-0) во групата Б на Светското првенство во Русија. Несреќен за селекцијата на Мароко беше Азиз Бухадуз, кој во петтата минута од судиското продолжение ја затресе сопствената мрежа по една лоша реакција во шеснаесетникот.

Untitled

Русија тргна моќно – „петарда“ за Саудиска Арабија на отварањето на светското

Русија фуриозно го стартуваше настапот на СП 2018, триумфирајќи со убедливи 5-0 на мундијалското отворање против Саудиска Арабија. Избраниците на селекторот Черчесов рутински ја оправдаа фаворитската улога, доминираа од почеток до крај, не дозволувајќи му на противникот да создаде ниту една единствена стопроцентна шанса. Сепак, домаќините се соочија и со сериозен проблем откако во првото полувреме повреда на мускулот заработи нивниот одличен плејмејкер Џагоев, кој по се изгледа нема да може да настапува до крајот на овој шампионат.

 

 

БЕЈЛ СО 2 ГОЛА ЗА НАЈАВНА ШПИЦА ГО ПОТОПИ ЛИВЕРПУЛ ЗА 13. ЕВРОПСКА ТИТУЛА НА РЕАЛ

Шпанскиот Реал Мадрид по трет пат едно по друго ја одбрани титулата во Лигата на шампионите откако вечерва во финалето го совлада Ливерпул со резултат 3-1.

Голманот на Ливерпул, Лорис Кариус направи голема грешка и му подари топка на Карим Бензема, кој погоди за 1-0.

Неколку минути подоцна, Садио Мане ја врати неизвесноста во дуелот, откако по корнер израмни на 1-1.

Потоа на сцена стапи нововлезениот Герет Бејл кој со два гола, од кој првиот со ножички, му ја донесе титулата на Реал Мадрид.

 

Голеада на “Олимпико” | Ливерпул загуби, но ќе го предизвика Реал во финалето од ЛШ!

Ливерпул е вториот патник во финалето од Лигата на шампионите (ЛШ) во Киев, каде вчера место обезбеди бранителот на титулата, Реал Мадрид. Англиската екипа загуби против Рома (4-2) во полуфиналниот реванш во Рим, но со предноста од 5-2 од првиот меч се пласираше во финалето

РОМА                                           ЛИВЕРПУЛ

                                                          9′Sadio Mane
15′ James Milner (o.g.)                
                                                       25′ Georginio Wijnaldum
52′Edin Dzeko
86′Radja Nainggolan
90′Radja Nainggolan (pen.

Епска битка во Мадрид – Реал е во финале | Погледнете ги головите

Реал Мадрид е првиот финалист во Лигата на шампионите, откако „кралевите“ во фантастичен натпревар ремизираа 2-2 на „Сантијаго Бернабеу“ против Баерн Минхен, па благодарение на победата од 1-2 на „Алијанц арена“ го елиминираше баварскиот гигант.

Karim Benzema 11′, 46′ за Реал и Joshua Kimmich 3′, James Rodriguez 63′ за Баерн

 

Real Madrid 2-2 Bayern highlights

Атлетико Мадрид и со десетмина непоразен во Лондон против Арсенал, 1-1 во Лига Европа

Атлетико Мадрид остана непоразен на гостувањето на „Емирати“, играјќи 1-1 против Арсенал во првиот полуфинален натпревар од Лигата на Европа. Иако со десетмина играчи играа цели 80 минути, поради исклучувањето на Шиме Врсљако во 10-та минута

Стрелци: Alexandre Lacazette 61′ за Арсенал и Antoine Griezmann во 82′ заАтлетико Мадрид

Реал го совлада Баерн на гости со 2:1 и влезе во историјата како прв клуб со 150 победи во ЛШ

Големата победа во Минхен воедно значеше и заокружување на фантастичен јубилеј на Реал Мадрид, откако „кралевите“ на „Алијанц арена“ станаа прв клуб со 150 победи во Лигата на шампионите.

Стрелци на головите Joshua Kimmich во 28′ за Баерн и Marcelo во 44′,  Marco Asensio во 57′ за Реал

Погледнете го голот (за 3:0) со кој Рома направи чудо и ја елиминира Барселона за полуфинале во Лигата На Шампиони

Рома е сензационален патник во полуфиналето од Лигата на шампионите откако „волчицата“ вечерва со фантастична игра ја совлада Барселона со 3-0, па со гол повеќе на гостински терен (4-1 на првиот меч) се најде меѓу најдобрите четири екипи во Европа.

Прв гол на Адеми во дресот на Динамо по суспензијата

Македонскиот репрезентативец Аријан Адеми по речиси две и полгодишна пауза го постигна првиот гол во дресот на Динамо Загреб.

Адеми беше стрелец на третиот погодок за Динамо во победата од 4-2 над Истра во четвртфиналето на фудбалскиот Куп на Хрватска.

„Ножичките“ на Жиру се најубавиот гол за 2017 година

ФИФА „Пушкаш“ наградата за најдобар гол оди во рацете на фудбалерот на Арсенал, Оливие Жиру. Напаѓачот на Арсенал во мечот против Кристал Палас на 1. јануари гo постигна водечкиот гол на масторски начин

Македонија пред 24 години го одигра првиот официјален меч | Словенија 1-4 Македонија, 13.10.1993

Денеска се одбележуваат 24 години од првиот меч на македонската фудбалска репрезентација кога во Крањ во историски меч ја совладавме Словенија со 4:1.

Првиот гол во дресот на Македонија го постигна Зоран Бошковски-Чоко уште во 5. минута од мечот, а потоа стрелци беа и Дарко Панчев, актуелниот тренер на Вардар, Чедомир Јаневски (од пенал), како и Драган Канатларовски-Цапар.

Во стартниот состав на Македонија беа Горан Јовановски, Бобан Бабунски, Зоран Бошковски, Кире Грозданов, Чедомир Јаневски, Драган Канатларовски, Љупчо Марковски, Ванчо Мицевски, Зоран Мицевски, Илија Најдоски и Дарко Панчев. Во играа влегоа и Неџмедин Мемеди и Сашо Милошевски. Прв македонски селектор беше легендарниот Андон Дончевски.

Феноменален гол на Јани Атанасов (играч на ФК Академија Пандев) од половина терен против Саудиска Арабија…

Подготвувајќи се за квалификациите за ЕП, младата репрезентација на Македонија за играчи до 19 години одигра два пријателски натпревари против Саудиска Арабија во Словенија а тоа што ќе остане запаметено од пресметките со Саудиска Арабија е феноменалниот погодок на Јани Атанасов од 50 метри

Дебакл: Младите фудбалери загубија од Гибралтар! | (У21) Гибралтар 1-0 Македонија (У21)

По оној срамен пораз од Андора на сениорите, уште една аматерска репрезентација запишува историја против Македонија. Овој пат Гибралтар ќе се запише во историјата со прва победа на било која своја селекција на официјалните интернационални натпреварувања откако младата нивна репрезентација за играчи до 21 година запиша шокирачка, за нас, победа од 1-0 против Македонија во квалификациите за ЕП 2019 во Италија.

У21 – КВАЛИФИКАЦИИ ЗА ЕП 2019 – ГРУПА Л

ГИБРАЛТАР – МАКЕДОНИЈА 1-0 (0-0)

Стадион „Алгарве“ во Фаро, Португалија. Гледачи: 300. Стрелци: Ториља 64′ (Г). Ж. картони: Џоли (Г), Попзлатанов, Абаз, Симовски (М). Црвен картон: Попзлатанов 95′ (М).

ГИБРАЛТАР: Банда, Крисп, Брито, Анесли, Џоли, Ториља, Балантин, Винет, Пизаро, Исола, Хернандез

МАКЕДОНИЈА: Ѓоргев, Попзлатанов, Костов, Амановиќ, Симовски, Тотре, Исени, Георгиев, Петковски, Костадинов, Селмани (55′ Абаз)

Јаховиќ за историја: Автогол, па хет-трик на Македонецот во Гезтепе

Адис Јаховиќ испиша историја во фудбалска Турција како прв фудбалер што постигна автогол, а потоа на спротивната страна запишал хет-трик зад своето име.

Гезтепе на Јаховиќ му гостуваше на тимот на Сиваспор, а во главна улога беше токму поранешниот репрезентативец на Македонија, кој го отвори резултатот откако по еден корнер со силен удар со глава ја смести топката по гредата на својот гол.

Сепак, Јаховиќ покажа карактер и самиот направи пресврт, најпрвин израмнувајќи на 1-1, за потоа со два гола да го комплетира својот хет-трик.

Гезтепе со овој триумф се искачи на делба на првото до третото место на табелата, рамо до рамо со Бешикташ и со Галатасарај.

Sivasspor – göztepe ÖZET 24.09.2017

Разиграни Македонци: И Трајковски и Несторовски стрелци за Палермо!

Извонреден ден за македонските интернационалци ширум Европа. По Езгијан Алиоски за Лидс, Мирко Ивановски за Славен Белупо и Енис Барди за Леванте, и Александар Трајковски и Илија Несторовски денеска се запиша во листата на стрелците…

Трајковски и Несторовски се стрелци во моментов за својот Палермо во 2. коло од Серија Б на дуелот против Специја пред своите навивачи.

Трајковски најпрво погоди во 10. минута од средбата за водство од 1-0…

Несторовски, пак, во 52. минута стрелаше за 2-0 за Палермо. Ова се први погодоци и за двајцата сезонава во втората лига на Италија.

Фенербахче 1-2 Вардар 24.08.2017, Highlights | UEFA Europa League

Погледнете ги головите на историскиот меч каде фудбалерите на Вардар се изборија за настапот во групи во UEFA Europa League
Fenerbahçe 1-2 FK Vardar
Roman Neustaedter 61′, – Jaba Jigauri 68′, Nikola Gligorov 90′