ВО ЖИВО | Ракомет| 🇲🇰 Македонија – Грција 🇬🇷

Advertisements

Горан Пандев „нападнат“ од Бугари во Банско

Академија Пандев денеска во Банско, Бугарија, го одигра првиот свој пријателски натпревар за време на подготовките за Лига Европа славејќи со 1-0 против Локомотив Пловдив, освојувачот на Купот на Бугарија изминатава сезона.

Но, во центарот на вниманието во Бугарија, сепак беше капитенот на македонската репрезентација Горан Пандев, сопственик на струмичкиот прволигаш, кој користи дел од одморот во Џенова да биде и со својот клуб овие денови. Па, Пандев во Банско беше „нападнат“ од фанови на Локомотив Пловдив со бројни барања, секако, за фотографија и автограм од најдобриот македонски фудбалер.

Наташа Андонова прва Македонка фудбалерка во финале на Лига на шампиони

Македонија имаше тројца фудбалери Панчев, Најдоски и Пандев што ја почуствувале атмосферата на најзначајното финале во светскиот клубски фудбал, финалето во Лигата на шампионите, а од скоро и една фудбалерка – членката на големата Барселона Наташа Андонова. Таа пред неколку недели беше дел финалето во женската лига на шампионите меѓу Барселона и Лион, во кое францускиот прволигаш ја освои титулата. Фудбалерките на шпанскиот клуб тагуваа за загубениот трофеј, но ние имаме причина за радост бидејќи имаме македонка која играла на еден ваков натпревар.

“Бевме сите тажни после натпреварот затоа што изгубивме од Лион 4-1, тој е најдобриот клуб моментално во Европа, ние бевме среќни и горди на нас, поради успехот кој го постигнавме оваа година и затоа што се пласиравме во финалето.”

Салах помислил дека новинарката ќе го бакне, неговата реакција стана хит

Фудбалерот Мохамед Салах стана вирален хит по интервјуто со шпанската новинарка Изабел Форнер по победата на Ливерпул во финалето од Лигата на шампионите.

Новинарката го интервјуирала Салах на теренот, а бидејќи сè уште имало врева на стадионот, таа му се приближила на фудбалерот за подобро да ја чуе. Но, се чини дека Салах помислил дека таа има намера да го бакне, па брзо се тргнал и ги подигнал рацете за да се “одбрани” од неа.

Плоштадот е полн, се чека пристигнувањето на ракометарите на Вардар

Нема игла каде се фрли на плоштадот „Македонија” во Скопје, илјадници граѓани во центарот на градот чекаат да пристигнат Вардарци и хероите од Келн.

Гледајте го во живо натпреварот Вардар – Веспрем (ЛИНК)

Финалето на Ф4 турнирот во Келн почнува од 18 часот, а екипата на Вардар во него ќе се бори за победа против составот на Веспрем за трофејот.

После вчерашната победа над Барселона вардарци сакаат уште еден триумф за уште поуспешен викенд во Келн. Им претсојат можеби најтешките 60 минути, но јасно е дека денеска на вакви средби се раѓаат шампионите.

За разлика од вчера денеска натпреварот ќе биде пренесуван на првиот канал на АренаСпорт, а доколку овој канал го немате кај своите оператори еве видео тука

Неверојатно – Судија постигна гол на фудбалски меч во Холандија

Неверојатна ситуација ни доаѓа од фудбалските терени во Холандија, а во прашање е една од ниските лиги „Дерде дивизија“. Во најсилната аматерска фудбалска лига во Холандија, се сретнаа Харкмес Бојс и ХСВ Хоек.

Домаќините триумфираа со 4-2, а еден од четирите гола не го постигна ниту еден од фудбалерите на Харкмес, туку судијата на натпреварот. Тој се најде во непосредна близина на голот на Хоек, кога топката го погоди во ногата и се одби во голот.

19.05.2002 – Денот кога Кометал Ѓорче Петров стана европски шампион во ракомет

Кометал Ѓорче Петров останува посебен  во историјата на македонскиот спорт. На денешен ден, 19 мај 2002 година екипата која израсна во скопското предградие, на Македонија и ја донесе првата европска титула и најголемата спортска радост.

И 17 години подоцна Македонија со носталгија се присетува на „Кометал шампионе“, на победите и на единствените моменти во „Кале“, на неизмерната радост што ја обедини цела Македонија.

Неверојатна вечер на „Енфилд“, Ливерпул ја посрамоти Барселона (4 – 0) за финале во Мадрид!

Со спектакуларна победа, премиерлигашот Ливерпул ја анулираше предноста над Барселона од 3-0 од првиот меч и ја елеминираше од полуфиналето од Лигата на шампионите.

Екипата на Јирген Клоп триумфираше со резултат 4-0, доволен за да го фрли на колена каталонскиот гигант.

Во вториот дел од натпреварот веќе се беше во знак на Ливерпул, кој му одржа вистинска лекција на Барселона.

Вајналдум во 54-та и 56-та минута од натпреварот постигна два погодоци, кои очигледно беа пресуди за триумфот на Ливерпул. Барселона се обидуваше да стигне до погодок, но Клоп одлично го постави тимот, а каталонците немаше што да бараат вечерва во Англија.

Иако многумина се надеваа на продолженија, сепак разиграниот Дивок Ориги, по заспаноста на одбраната на Барселона, погоди и го однесе Ливерпул во финалето, каде ќе се сретне со подобриот од мечот помеѓу Ајакс и Тотенхем.

Untitled.png

Македонија преку Барди израмнува на 1-1 против Словенија

Енис Барди носи израмнување на Македонија во 47 минута од натпреварот, Алиоски им побегна на чуварите, Барди погоди за 1-1.

Untitled.png

Деби гол на Елмас – му го посвети на Пандев и стана втор најмлад стрелец за Македонија!

Македонскиот фудбалски бисер Елиф Елмас влезе од клупата за резерви на натпреварот против Летонија на местото на Ферхан Хасани и веднаш се запиша во листата на стрелците (2-0).

По краток временски интервал, „бисерот“ на Фенербахче погоди во 30. минута, по една одбранета топка по шут на Илија Несторовски. Елмас немаше шанса да погреши, затоа што беше осамен пред мрежата.

Елмас со 19 години и шест месеци, со голот против Летонија стана втор најмлад стрелец во историјата на Македонија, по Горан Пандев (19 години и 1 месец) и Влатко Грозданоски (19 години и 8 месеци).

Untitled.png

Пандев – Алиоски…., Македонија веднаш го скрши отпорот на Летонците

Македонската репрезентација, согласно посакувањата, во раната фаза од натпреварот стигна до водство против Летонија во првиот натпревар од квалификациите за пласман на ЕП 2020.

На националната арена „Филип Втори“, Македонија дојде до водство уште во 11. минута од натпреварот со погодокот на Езгијан Алиоски. Горан Пандев одлично поведе акција асистирајќи по левата страна за Алиоски чиј удар од околу 15 метри заврши во мрежата на Летонците….

Untitled

Вејн Руни го постигна првиот хет-трик во Американската MLS лига

Вејн Руни минатата година ја напушти Англија и во моментот игра за D.C. United каде денеска го постигна својот прв хет-трик во MLS лигата.

(Видео) Несторовски му донесе три бода на Палермо со два гола и асистенција

Илија Несторовски се погрижи Палермо да дојде до нови три бода со кои што ќе биде во конкуренција за едно од првите две места кои носат директен пласман во Серија А. Македонскиот репрезентативен напаѓач во победата на Палермо од 4:1 над Карпи учествуваше со два постигнати гола и оствари една асистенција.

Пандев со гол му „пресуди“ на Јуве – прв пораз на Јувентус оваа сезона (видео)

Горан Пандев постигна гол, а Џенова со 2:0 го победи Јувентус, нанесувајќи му го на италијанскиот шампион првиот пораз во Серија А оваа сезона.

Ова е прв пораз на Јуве во Серија А оваа сезона, но „бјанконерите“ остануваат убедливи лидери со 75 поени пред Наполи со 57 (и натпревар помалку). Џенова полека излегува од опасната зона на табелата и сега е 12. со 33 поени.

Брејкденсот може да стане официјален олимписки спорт

Брејкденсот може и официјално да стане признат спорт на Олимписките игри во Париз во 2024 година, придружувајќи им се на дисциплини како што се карате, сурфање, бејзбол и искачување како нови олимписки спортови, кои ќе дебитираат во Токио 2020.

Имено, Меѓународниот олимписки комитет го зеде предвид овој предлог и ќе донесе одлука до декември следната година. Комитетот претходно најави дека сака да ги модернизира игрите, внесувајќи нови спортови со цел да се зголеми вклученоста на младите и да претстави „микс од универзални и урбани спортови во подем кои им се привлечни на младите“.

Брејкденсот беше вклучен во Младинските олимписки игри во Буенос Аирес во 2018, но настанот беше од ревијален карактер и земјите можеа да учествуваат на покана на организаторите.

Баерн Минхен си даде автогол по само 13 секунди игра

Аугзбург поведе против Баерн Минхен само што го почна натпреварот од центарот. 13 секунди подоцна поведе со 1-0 и тоа благодарение на несмасната реакција на Леон Горецка.

Одбојкарско оро…Историски пласман на ЕП… За прв пат ќе играме на европско

Македонските одбојкари остварија историски пласман на Европското првенство. Со триумф од 3-0 во сетови над Унгарија, го зграпчија она што одамна го заслужија, пласирајќи се меѓу „среќните пет“ второпласирани селекции во квалификациите, откако беа втори во нашата група Ф, зад Украина. Следеше и познатото одбојкарско оро...„Само една има вистина, има една Македонија…“ 

Столе Стоилов си замина поради албанскиот јазик во „Изборот на спортист на Македонија“

Стоилов ја напушти манифестацијата уште при доделувањето на првите две награди за училишен и за средношколски спорт кои ги добија училишта од Чаир и од Тетово. Тетовскиот добитник на признанието на присутните им се обрати на албански, па во тој моментот Стоилов револтирано си заминал…

Англичанка се расплака од радост – Подарок македонски дрес од Алиоски за Божиќ

На Твитер осамна и видео од неизмерната радост на млада Англичанка, очигледно голем фан на Алиоски (фудбалер на Лидс), која за Божиќ од својот татко доби оригинален дрес од македонската репрезентација токму на Езгијан Алиоски… Солзите радосници кога го виде подарокот доволно кажуваат…

Видео што урива рекорди во САД: НФЛ – играч и стави амонијак под нос на спортска новинарка

Играчот на Аризона кардиналс, Лери Фицџералд, направи скандалозен потег, ставајќи и амонијак под нос на новинарката Пем Оливер. Нејзината реакција стана вирален хит низ целиот свет…

Македонија лесно го среди Гибралтар со 4-0 и е на два чекора од ЕП 2020!

Македонската фудбалска репрезентација ја оправда фаворитската улога против Гибралтар и на „Филип Втори“ Арената во Скопје славеше со 4-0 (1-0), со што обезбеди место во плеј-офот во кој ќе се разигрува за пласман на Европското првенство (ЕП) во 2020 година.

Untitled.png

Еврогол на Барди и „Нестор гол“ за остварување на целта – триумф во Лихтенштајн од 2-0

Македонија стигна до посакуваната победа на гостувањето против Лихтенштајн во Вадуц каде славевме со 0-2 (0-0). Сето тоа за задржување на првото место во Групата 4 од лигата Д на Лигата на нациите кое за да го зачуваме до крајот од групната фаза ќе ни биде неопходно само бод на последниот натпревар против Гибралтар за три дена во Скопје.

Творци на победата на Македонија беа Енис Барди со мајсторски гол од слободен удар во 53. минута, и Илија Несторовски во првата минута од судиското продолжение кој по подолго време запишува погодок во националниот дрес.

За љубителите на теории на заговор – чуден гол од Русија

На меч од руската втора лига меѓу екипите на Волгар Астрахан и Спартак од Владивосток, стоперот Роман Локтионов дал ист гол како и пред седум години против ист противник, од исто место и во исто време.

Погба се помајтапи самиот со себе за изведувањето на урнебесниот пенал против Евертон

Фудбалерот на Манчестер јунајтед, Пол Погба, уште е во центар на внимание поради начинот на кој го изведе пеналот против Евертон во неделата.

На Погба за изведување на тој пенал му беше потребно повеќе време, отколку на Јусеин Болт да го урне рекордот на 100 метри, па Французинот беше критикуван поради тоа.

Сега реши сам да се пошегува на своја сметка, па сними едно видео на кое го покажува новиот начин на влегување во автомобил.

Големо славје на Грците по триумфот над нашите ракометари од 28-26

Македонија претрпе пораз од Грција со 28:26 во второто коло од квалификацискиот циклус за Европското првенство во 2020 година.

На крајот Грците сосема очекувано славеа како да освоиле Светско првенство…

Untitled.png

Барса може и без Меси да го растури Реал! …и тоа со 5 – 1

Барселона го декласира Реал Мадрид со 5-1 во најголемото дерби на шпанскиот и на европскиот фудвал, популарното „Ел Класико“. Иако каталонскиот тим беше без повредениот Лионел Меси, сепак, демонстрираше завиден квалитет, и сосема заслужено ги победи „кралевите“. За првпат во историјата беше употребен и ВАР – системот, кој ’пресуди’ дека има пенал за Барса, што го реализираше Луис Суарез.

Untitled.png

Грците без свиркање со мал аплауз ја испратија македонската химна

Коректна атмосфера на квалификацискиот натпревар меѓу Грција и Македонија во Кожани.

Од Грчката ракометна федерација се одлучија да не пуштат билети во слободна продажба а влез во салата да биде дозволен само за строго дефинирани гости, кои се единствено со покани од домаќините и со официјални акредитации за натпреварот.

Руни ли е, Бекам ли е? Голчиште на Руни од 30 метри

Не е подивен само Ибра од ветераниве кои одат да се донаиграат и да дособерат пари во САД. Легендарниот напаѓач на Манчестер Јунајтед има постигнато 6 гола на последните 5 меча и вкупно 10 за ДС Јунајтед кој има серија од 5 победи по ред. Со Торонто ја реши на маестрален начин во Бекам стил.

Голманот Столе Димитриевски им подари 4 гола на ерменците, Македонија доживеа срамен пораз од 4-0

Македонската репрезентација доживеа срамен пораз од 4-0 на гостувањето против Ерменија во четвртиот натпревар од Д лигата во УЕФА Лигата на нации.

Без разлика на очајното судење на шведскиот делител на правдата, без разлика и на повеќе од агресивните Ерменци кои секако очајно ја посакуваа победата… останува фактот дека Македонија доживеа срамен пораз пред се поради сопствените грешки. Голманот Столе Димитриевски им подари четири гола на домашните, комбинирајно со лошото издание на целокупниот среден ред и несигурните дефанзивци на крајот за заслужен триумф на Ерменија… И секако повеќе од навремено наше трезнење пред финишот на групната фаза од Лигата на нациите во која на крајот, како и да е, мора да стигнеме до првото место.

Armenia vs Macedonia 4-0 – All Goals & Extended Highlights – UEFA Nations League 16/10/2018

Untitled.png

Лихтенштајн демолиран со 4-1 од Македонија

Фудбалската репрезентација на Македонија ја оствари и третата победа во Лигата на нации, совладувајќи ја селекцијата на Лихтенштајн со 4-1 на арената „Филип Втори“. Трајковски беше двоен стрелец, Пандев асистираше и постигна еден погодок, а серијата ја затвори Алиоски. Ова е огромен чекор напред кон првото место во групата, кое води во плејофот за пласман на Европското првенство во 2020 година. Истовремено, трае и низата од десет натпревари без пораз на „црвено-жолтите“.

Македонските репрезентативци го потврдија епитетот фаворити на дуелот со Лихтенштајн. По поразот на Ерменија од Гибралтар, енергично ја грабнаа шансата и го декласираа противникот.

Macedonia vs Liechtenstein | 4 – 1 | Goals and Highlights

Усаин Болт ги постигна првите два гола како професионален фудбалер

Светскиот рекордер во спринт на 100 и 200 метри, Усаин Болт ги постигна првите два гола за професионален фудбалски тим.

Тоа се случи при победата на австралискиот Централ Коуст Маринерс со 4:0 над Мекартур Саут Вест Јунајтед.

Јамајканецот, кој е на проба во тимот, го реализира третиот и четвртиот гол на натпреварот и со нив го оформи крајниот резултат.

Untitled

Апсолутно надреално – Голот на годината доаѓа од Русија…

Наградата „Ференц Пушкаш“ за следната година веќе доби еден голем кандидат. Неговото име е Норик Авдалјан кој демонстрираше вистинска мајсторија за вториот тим на Рубин Казањ.

Младиот 22-годишен фудбалер изведе пенал притоа со салто наназад стрелајќи под гредата. Голманот на противничката екипа, но и сите фудбалери на теренот, останаа едноставно без здив.

Хаос во Лас Вегас – Мекгрегор го предаде мечот, па настана општа тепачка!

Кабиб Нурмагомедов го победи Конор Мекгрегор и ја одбрани титулата во лесна категорија, но после мечот настана вистински хаос.

Шампионот го здрма Мекгрегор со силен удар на почетокот на втората рунда и потоа повторно го фрли на под и целосно доминираше, сепак Ирецот успеа да се спаси и со недозволен удар со колено го удри Кабиб.

Третата рунда донесе неколку добри удари на двете страни, Кабиб не бегаше дозволуваше Мекгрегор да го удира, но често имаше и добар одговор. Во оваа рунда Ирецот имаше поголем број важни удари и на крајот и успеа да ја доби оваа рунда.

Фрлањето на под на Кабиб започна во четвртата рунда. Успешно го контролираше и Конор го предаде мечот, а потоа настана вистински хаос и тепачка. Кабиб тргна во публиката да се пресметува со еден од тренерите на Ирецот.

UFC 229 McGregor Khabib SCARY BRAWL, ALL ANGLES Crowd/Octagon

Ова е можеби најлудиот автогол на сите времиња во Бундеслигата

Голманот на екипата на Штудгарт, Рон-Роберт Цилер, влезе во историја! Тој е одговорен за можеби најлудиот автогол на сите времиња во Бундеслигата.

Златан повторно на сцена: Нов спектакуларен гол за ЛА Галакси

Фудбалерите на ЛА Галакси синоќа славеа против Ванкувер со 3-0 во МЛС лигата, а повторно на сцена блескаше Златан Ибрахимовиќ со два гола.

Ибрахимовиќ првиот гол го постигна од пенал уште во 4. минута, но вистинското шоу го приреди кон средината на второто полувреме… Со одлична финта исфрли еден противнички фудбалер, а потоа од врвот на казнениот простор „закуца“ во мрежата на Ванкувер…

Кој вели дека Лига Европа не е интересна – Постигна гол од пенал па “пропадна во бездна”

На натпреварот од Лига Европа помеѓу АЕК Ларнака и Цирих се случи интересна случка. Откако нашиот интернационалец Даниел Мојсов (АЕК Ларнака) играше со рака беше досуден пенал, а стрелецот на голот Benjamin Kololli отиде малку предалеку со славењето на погодокот и буквално пропадна. Погледнете

Untitled.png

Роналдо доби директен црвен картон, со солзи го напушти натпреварот со Валенсија

Кристијано Роналдо во 29 минута од натпреварот меѓу Јувентус и Валенсија доби директен црвен картон по една спорна ситуација во противничкиот шестнаесетник.

Роналдо беше во дуел со еден противнички играч кој падна, а Потругалецот тргна кон него. Помошникот судија сугерираше дека имало дуел за црвен картон по што Роналдо беше испратен во соблекувалната.

Тој не можеше да се помири одлуката, по што во плач и солзи го напушти теренот.

Untitled.png

Ибрахимовиќ го постигна 500-тиот гол во кариерата во негов стил

Ѕвездата на ЛА Галакси, Златан Ибрахимовиќ синоќа го постигна 500-тиот гол (клуб или репрезентација) во својата кариера на неверојатен начин

Италијанка со „Зајди, зајди“ освои бронза на СП во ритмичка гимнастика…

Италијанската гимнастичарка Александра Агургукулезе го освои бронзениот медал на Светското првнество во ритмичка гимнастика кое се одржува во Софија. Таа имаше брилијантна изведба и тоа со македонската „Зајди, зајди“, па се искачи на подиумот иако беше осмопласирана пред завршните настапи.

Александра Агургукулезе е родена во Романија, но живее во Удине и е дел од италијанската репрезентација.

 

Роберто Карлос си дроби на футсал

45 години не се баш ок за 11 на 11, ама за во сала се таман, особено за еден од најдобрите и најпрепознатливи бекови во историјата на бразилскиот фудбал. Каква само рутинирано заврши две акции. Браво царе.

На сред трка му стискаше кочница на моторот на противникот

Италијанскиот тркач Романо Фенати беше дисквалификуван од Гран-прито на Сан Марино а причина за тоа е неспортско однесување за време на трка од Moto2 на етапата во Мизано.

За време на една борба за подобра позиција со Стефано Манци, Фенати му се доближува и му притиска на кочницата. Судиите набрзо извадиле црно знаме кое значи суспензија.

ЛИГА НА НАЦИИ: Поразена и Ерменија со 2-0, ова е победничка Македонија

Фудбалската репрезентација на Македонија ја оствари и втората победа во Лигата на нации, совладувајќи го директниот ривал за првото место, селекцијата на Ерменија со 2-0 на арената „Филип Втори“. Клучен за триумфот беше капитенот Горан Пандев, кој изнуди пенал во 13.минута, а во 59.минута стрелаше прецизно во мрежата на Ерменија. Сигурен реализатор на пеналот во првото полувреме беше Езгјан Алиоски.

Untitled

 

Македонија го совлада Гибралтар со 2 – 0 во првиот натпревар од Лигата На Нациите

Македонската фудбалска репрезентација со победа стартуваше во Лигата на нациите славејќи со 0-2 (0-2) на гостувањето против Гибралтар. Во игра под очекувањата, посебно во второто полувреме кога не создадовме ниту една посериозна шанса, македонските фудбалери сепак стигнаа до однапред планираните три бода, само како увертира за она што ги очекува за три дена против Ерменија во Скопје.

Untitled.png

Мислеше дека освои сребро, застана еден круг порано и остана без медал

Лона Салпетер е најголемата лузерка на Европското првенство во атлетика што се одржува во Берлин, откако Израелката предвреме застана за време на трката на 5.000 метри, мислејќи дека ја минала целната рамнина.

Таа водеше битка за првото место, но на еден круг пред крајот застана мислејќи дека трката е завршена и дека ќе се закити со сребрениот медал губејќи од Сифан Хасан од Холандија. Проблемот беше што таа не го слушна ѕвоното што го означи последниот круг, па додека да се свести веќе ја загуби битката, па од второ во преостанатите 400 метри падна на четврто место и остана без медал.

Ливерпул го растури Јунајтед со 4-1, евро-гол на Џердан Шаќири

Ливерпул го декласираше вечниот ривал Манчестер јунајтед со 4-1 на пријателскиот натпревар одигран во Мичиген, САД, во кој деби од соништата за Ливерпул имаше Џердан Шаќири.

Швајцарскиот ас влезе во игра на стартот од второто полувреме на местото на Салах, асистираше до Стариџ за вториот гол за „црвените“, пред со евро-гол со „ножички“ да стави печат за конечните 4-1.

Претходно, Мане го доведе Ливерпул во водство од пенал по стартот врз Салах, Переира израмни пред крајот на полувремето, за во вториот дел тимот на Јирген Клоп да постигне три гола, преку Стариџ, Оџо и Шаќири.

„Топчиите“ со пет проектили го потопија ПСЖ

Екипата на Арсенал ја забележа првата победа на Интернационалниот Куп на шампиони во Сингапур и со убедливи 5-1 (1-0) го совлада францускиот првак Пари Сен Жермен.

„Светците“ на турнејата се без ниту една своја ѕвезда, па на терен истрчаа со шарен лик. Единствено звучно име беше Џиџи Буфон, кој мина нешто повеќе од едно полувреме меѓу стативите на францускиот тим и прими три гола.

Резултатот се отвори уште во 13. минута од мечот, кога погоди Месут Озил, по асистенција на Пјер Емерик Обамејанг. На пауза „топџиите“ заминаа со еден гол предност, потоа, Нкунку изедначи во 60. минута на 1-1 од пенал, а во последните 20 минути следеше експлозија во која паднаа три гола.

Двоен стрелец беше Александре Лаказет, кој постигна два гола во мрежата на Буфон. Францускиот фудбалер прво погоди во 67. минута, а потоа и во 71. минута за предност на Арсенал од 3-1. Точка на триумфот ставија Холдинг во 88. минута од средбата, како и младиот Нкетиа со погодок во самиот финиш. На двата последни гола, асистент беше 18-годишниот Рајс Нелсон.

Arsenal vs PSG 5-1 – All Goals & Extended Highlights – Friendly – 28072018 HD

Untitled.png

Неуспешен крај на хрватската бајка: Франција вторпат на светскиот трон!

Франција по втор пат во својата историја е светски првак во фудбал, откако денеска во големото финале на Мундијалот во Русија ја совлада Хрватска со 4-2.

„Триколорите“ повторно се на светскиот трон, по 1998 година, кога беа домаќини на турнирот. Денеска на „Лужники“ Хрватска играше, а Франција даваше голови.

Натпреварот почна баксузно за „коцкестите“ откако Марио Манџукиќ го отвори резултатот и тоа со гол во својата мрежа во 18-тата минута. Иван Перишиќ успеа да израмни десет минути подоцна. Франција повторно се врати во водство, откако Иван Перишиќ играше со рака во својот шеснаесетник, а судијата Нестор Питана покажа на белата точка откако се консултираше со ВАР-технологијата. Антоан Гризман беше прецизен од белата точка во 38-та минута.

Во вториот Хрватска продолжи да доминира, но Франција со два брзи гола од далечина успеа да си ја обезбеди титулата светски првак. Прво погоди Пол Погба во 59-тата минута, а шест минути подоцна реализираше и Килијан Мбапе. Манџукиќ успеа да ја погоди вистинската мрежа во 69-тата минута, откако францускиот голман Иго Лорис кисираше за конечни 4-2.

Untitled

Англија се враќа дома без медал, Белгија трета светска сила

Фудбалската репрезентација на Белгија го освои третото место на Мундијалот во Русија, откако успеа да ја совлада Англија со 2-0 во денешното „мало финале“.

Во битката на ’ранетите полуфиналисти’ во Санкт Петербург, избраниците на Роберто Мартинез подобро се снајдоа и успеаја со брз погодок да ја разбијат англиската одбрана. Томас Муние во четвртата минута го отвори резултатот на овој меч. Еден Азар во 82.минута постигна втор гол за Белгија и ги разреши дилемите околу победникот.

Belgium v England – 2018 FIFA World Cup Russia™ – Play-off for third place

Untitled

Хрватска со триумф во 109 минута над Англија се избори за историско финале на СП!

Фудбалот ќе почека уште најмалку две години за да се врати дома. Фудбалската селекција на Хрватска е вториот финалист на Светското првенство во Русија, откако во полуфиналето на „Лужники“ во Москва со 2-1 (1-1 во регуларниот дел) по дополнителните 30 минути славеше над репрезентацијата на Англија. За „коцкестите“ ова е прво финале во историјата, досега најголем успех им беше полуфиналето на СП 1998 година, кога беа елиминирани од домаќинот, а подоцна шампионот Франција (2-1).

Англија стартуваше фантастично со прекрасен гол од слободен удар на Киран Трипиер по само пет минутри игра на „Лужники“. Хрватска не делуваше добро во првото полувреме, но затоа пак се разбуди откако Иван Периѓиш ја погоди мрежата на Џордан Пикфорд во 68-та минута.

„Коцкестите“ играа фантастично, а преку Перишиќ кратко по голот можеа и да поведат со 2-1, но фудбалерот на Интер ја погоди стативата. Во продолженијата Џордан Пикфорд ја спаси Англија, откако Манџукиќ шутираше од близина. Ако не постигна гол во првото продолжение, во второто Манџукиќ не погреши и го матираше англискиот голман во 109-тата минута за голема победа на Хрватска и пласман во големото финале.

Untitled.png

Франција е прв финалист на СП, Умтити со златен гол ги сруши соништата на Белгија

Во првото полуфинале на Светското првенство Франција минимално славеше над Белгија (1-0) и е првиот учесник во големото финале. Избраниците на Дидие Дешамп ќе играат за втората светска титула во својата историја, откако првата ја освоија пред 20 години пред своите гледачи.

Untitled.png

Колинда е закон: Влета во соблекувална и пееше со фудбалерите

Претседателката на Хрватска, Колинда Грабар – Китаровиќ, на посебно емотивен начин ги доживува натпреварите и успесите на фудбалерите. Таа се радуваше на постигнатите голови, изведе шоу пред Медведев и Инфантино, а по пенал – триумфот се симна и во соблекувалната, лично да им честита на хрватските фудбалски херои за новиот успех. Таа пееше и играше заедно со фудбалските репрезентативци…

Инфарктна победа на Хрватска по пенали, „коцкестите“ во мундијалско полуфинале 2-2 (4-3)

Хрватска е последниот полуфиналист на Светското првенство во Русија, откако по изведувањето на пенали ја совлада Русија со 4-3, откако натпреварот во регуларниот тек заврши 1-1, а по продолженијата 2-2. Во второто полуфинале в среда Хрватите ќе излезат на мегдан против Англичаните, а влогот е големото финале на 14 јули во Москва.

Пенал рулетот им донесе повеќе среќа на Хрватите. Субашиќ го одбрани ударот на Смолов, а Фернандез го промаши голот. За Хрватите не реализира само Матео Ковачиќ.

Untitled.png

По 28 години, Англија се врати во полуфинале на СП

По 28 години пауза, Англија повторно ќе игра во полуфинале на Светското првенство. „Трите лава“ успеаја да ја совладаат репрезентацијата на Шведска со 2:0 и се пласираа во битката за медали на СП 2018. Погодоците ги постигнаа Хари Мегваер и Деле Али .

 

Untitled.png

Бразил се враќа ДОМА, Белгија во полуфинале!

Фудбалската репрезентација на Белгија е вториот полуфиналист на Мундијалот во Русија, откако вечерва го совлада Бразил со 2-1 и првпат по Мундијалот во Мексико од пред 34 години успеаја да се пласираат во едно полуфинале на Светско првенство.

Белгијците имаа и среќа. До предност стигнаа со несреќниот автогол на Фернандињо кој после еден изведен корнер си ја смести топката во својата мрежа.

Бразилците напаѓаа, меѓутоа не знаеја да го пронајдат патот до мрежата на Тибо Куртоа. Во 31.минута, Кевин де Бруин по еден брз противнапад зголеми на 0-2, со прецизен удар од 25 метри.

Во вториот дел, Бразил ги зби своите редови, заиграа поангажирано и играта вроди со плод. Во 65. минута се случи ВАР ситуација, по која веројатно Бразил беше оштетен за пенал, но не беше досуден, за неколку минути подоцна, Аугусто да намали на 2:1, за враќање на неизвесноста, но до крајот не успеа да постигне уште еден гол.

Brazil v Belgium – 2018 FIFA World Cup Russia™ – Match 58

Untitled.png

Франција во полуфинале: Варан и Муслера скапо го чинеа Уругвај

Светскиот првак од 1998 година, Франција е првиот полуфиналист на 21-от Мундијал во Русија, откако „триколорите“ попладнево славеа со 2-0 против Уругвај во првиот четртфинален меч на шампионатот.

Франција не го надигра Уругвај, ама си ги искористи двата кикса на јужноамериканците за да дадат два гола и со тоа да бидат првите полуфиналисти на ова СП. Пет минути пред крајот на полувремето, Рафаел Варан со глава ја скрши уругвајската дефанзива за водство од 1-0, а Ентоан Гризман на половина час пред крајот со погодок благодарение на голманот Фернандо Муслера го дуплираше водството и практично стави точка на прашањето кој ќе оди во полуфинале од овој меч.

Uruguay v France – 2018 FIFA World Cup Russia™ – Match 57

Untitled.png

Драма во Москва: Англија по пенали до битка со Шведска на СП

епрезентацијата на Англија е последниот патник во четвртфиналето на светскиот шампионат во Русија. „Гордиот албион“ оваа вечер по еден исцрпувачки меч и по изведувањето на пенали успеа да ја турне Колумбија и да се најде меѓу осумте најдобри селекции на овој 21 мундијал.

Англија беше подобра и поконретна во регуларниот дел, но не го реши на време прашањето околу победникот и прими гол во 93 минута од дефанзивецот Мина за 1-1 и продолжение во Москва. Дополнителните 30 минути не донесоа ништо позначајно, па се пристапи кон изведување на удари од 11 метри во кои момците на Герет Саутгејт беа поуспешни и со 4-3 закажаа битка со Шведска.

Хендерсон не реализираше за Англија, додека пак на спротивната страна промашија Урибе и Бака.

Untitled.png

Шведска е во четвртфиналето, заврши настапот за Швајцарија

Шведска со минимални 1-0 ја победи Швајцарија и се пласира меѓу осумте најдобри на Светското првенство во Русија.

Шведска е претпоследниот четвртфиналист откако денеска за еден гол беше подобра од Швајцарија.

Шведска беше подобар противник во најголемиот дел од натпреварот, особено пред постигнувањето на единствениот погодок.

По неколкуте пропуштени шанси, Форсберг погоди во 66. минута и донесе водство од 1-0 кое на крајот се покажа и како конечен резултат.

Untitled

Кошаркарите на Филипини и Австралија се испотепаа на квалификации

Кошаркарите на Филипини и Австралија се испотепаа за време на квалификациите за светското првенство во Кина во 2019 година. Филипини веќе губеа со доста поени кога почна кошкањето кое заврши со групна тепачка и мавање кому иде.

18 годишна девојка ги издрибла фудбалерите на Норвешка

Познати фудбалери од Норвешка ги очекуваше големо изненадување кога 18 годишна девојка успеа да ги издрибла како мали деца. Мислеа дека се на обично интервју и требаше да и покажат на девојката по некој трик со топката, арно ама останаа со подотворена уста.

Watch Lisa (18) pull off tricks on soccer stars

Ваков епски пресврт на Светско немало 48 години | Белгија се врати од мртвите за да ја шокира Јапонија во 94.минута

Насер Чадли донесе победа за Белгија против Јапонија од 3-2 во 94-тата минута и обезбеди пласман во четвртфиналето на Светското првенство.

Во Ростов се одигра сензационално второ полувреме, бидејќи Јапонија од 48-та до 52-та минута поведе со 2-0, преку Харагучи и Унуи. Белгија успеа да воскресне и за пет минути го израмни резултатот преку среќниот гол на Јан Фертонген во 69-тата минута, а потоа и Маруан Фелаини погоди за 2-2.

Јапонија тргна на сè или ништо во финишот, а во контра напад „црвените ѓаволи“ знаеја како да казнат. Во четвртата минута од судиското продолжение преку Насер Чадли дојдоа до победата и си обезбедија дуел со Бразил во четвртфиналето.

ВЕІGІUМ vs JАРАN – НІGНLІGНТS – 2018

Untitled

Бразил го разоружа Мексико – Нејмар и дружината итаат кон мундијалско финале

Фудбалската репрезентација на Бразил го совлада Мексико со 2-0 и се пласираше меѓу најдобрите осум на Мундијалот во Русија, каде ќе играат против подобриот од вечерашниот дуел Белгија-Јапонија.

Мексиканците на последните шест мундијали редовно ја минуваа групната фаза, но не успеваа да ја прескокнат првата пречка во нокаут натпреварувањето, црна серија што продолжи и со денешниот пораз

Untitled

Франција ја победи Аргентина во спектакуларен меч

Нокаут фазата на Светското првенство почна моќно, Франција и Аргентина одиграа фантастичен натпревар со седум погодоци кој го добија Французите со 4-3.

Untitled.png

Роналдо и Португалија капитулираа: Уругвај јуриша на Франција во четвртфиналето!

Кристијано Роналдо и европскиот првак Португалија го завршија својот пат на фудбалскиот Мундијал во Русија, поразени од Уругвај, во осминафиналето.

Уругвајците ја совладаа Португалија со 2-1, понесени од фасцинантната партија на Единсон Кавани.

Untitled.png

 

Данска доживеа болна елиминација на пенали во осминафиналето на Светското првенство од Хрватска

анска доживеа болна елиминација на пенали во осминафиналето на Светското првенство во Русија. Хрватите беа за нијанса посреќни, а на Данска не и помогнаа ниту трите одбранети пенали на извонредниот чувар на мрежата Каспер Шмајхел. Тој ја спаси својата селекција од пораз во продолженијата, кога му одбрани пенал на Лука Модриќ, а потоа и во пенал – рулетот скроти уште два удари на противничките фудбалери. Но, и тоа не беше доволно за Данска да мине во четвртфиналето.

Untitled.png

Русија ги издржа сите налети и по пенал рулетот ја исфрли Шпанија од мундијалот

Руската фудбалска репрезентација го направи првото големо изненадување во нокаут фазата на Светското првенство, откако направи подвиг во Москва елиминирајќи ја фаворизираната селекција на Шпанија.

Untitled.png

Јанузај ја реши Англија, Белгијците избраа дуел со Јапонија

Белгија ја оствари и третата победа на Мундијалот, совладувајќи ја Англија со 1-0, во битката за првата позиција во групата Х. Тоа значи дека избраниците на Роберто Мартинез, кои групниот сегмент го заокружија со максимални девет бода, во осминафиналето ќе играат против селекцијата на Јапонија. Поразената Англија, како второпласирана од оваа група, ќе вкрсти во осминафинална пресметка со Колумбија.

Untitled.png

Јери Мина херој за Колумбија, жолтите картони го оставија Сенегал без осминафинале на СП!

Расплетот на групата Х на Светското првенство во Русија ни ги донесе и најголемите возбудувања, бидејќи на крајот решаваа жолтите картони за тоа кој ќе биде втор патник во осминафиналето покрај Колумбија.

Ова попладне на распоредот беа дуелите меѓу Колумбија-Сенегал и Јапониј-Полска, а во случај кога во текот на сите 90 минути постојано се менуваше распоредот на групата, на крајот Колумбијците сами си ја решија судбината, додека Јапонците со голема среќа се пласираат во осминафиналето.

Колумбија го победи Сенегал со 1:0, а херој на „кафетеросите“ беше Јери Мина кој имаше небесен скок во 74-та минута за водство и пласман во осминафиналето. До овој момент, први во групата беа играчите на Сенегал, но сепак последните 20-тина минути со судиското продолжение се покажаа како премалку да постигнат гол за израмнување. Така, Сенегалците од добитна ситуација, на крајот се ставија во положба да испаднат од мундијалот, а верувале или не, причина за тоа е фактот што имаа два жолти картони повеќе од Јапонците во трите одиграни натпревари во групната фаза.

Untitled.png

Јапонија и покрај поразот од Полска (0-1), се пласираше во осминафинале, поради помалиот број на жолти картони кои ги доби на Мундијалот

Јапонија и покрај поразот од Полска, се пласираше во осминафинале, благодарение на помалиот број на жолти картони кои ги доби на Мундијалот.

Во израмнет натпревар, Полска преку Јан Беднарек успеа да постигне гол за победа од 0-1 и утешен триумф со кој се збогуваат од Светското првенство во Русија.

За првпат на годинешното Светско првенство се случи ваква ситуација, откако Јапонија и Сенегал имаа ист број на бодови, како и иста гол разлика, но поради разликата во жолти картони (Сенегал има шест, Јапонија четири), Јапонците ја завршија групната фаза на втората позиција.

Untitled.png

Швајцарија со реми (2-2) против Костарика обезбеди осминафинале

Фудбалерите на Швајцарија на „Нижни Новгород стадион“ ремизираа против Костарика со резултат 2-2 (1-0) и како второпласирани од групата Е обезбедија пласман во нокаут-фазата.

Switzerland v Costa Rica – 2018 FIFA World Cup Russia™ – Match 42

Untitled.png

Србија немаше сили против Бразил (0-2), Бразил како лидер патува во нокаут-фазата!

Фудбалската селекција на Бразил не дозволи уште едно огромно денешно изненадување и со сигурна победа над Србија обезбеди „виза“ за нокаут-фазата на Светското првенство во Русија. „Кариоките“, иако не блеснаа со сиот свој сјај, одиграа онолку колку што беше потребно да го надигра нашиот северен сосед и со головите на Паулињо и Тиаго Силва стигна до рутинска победа од 2-0, која им донесе лидерско место во групата

Serbia v Brazil – 2018 FIFA World Cup Russia™ – Match 41

Untitled

Шведска го совлада Мексико со 3-0 и се пласира во осминафиналето

Шведска одигра многу силен меч и го победи Мексико со 3:0. Скандинавците ги постигнаа сите три гола во второто полувреме. Дефанзивецот Аугустинсон го отвори резултатот малку по паузата, капитенот Гранквист зголеми на 2:0 од пенал во 62-та минута, а резултатот беше оформен по автогол на Алварез.

Mexico v Sweden – 2018 FIFA World Cup Russia™ – Match 44

Untitled

Чао за шампионот, Германците изгубија од Јужна Кореја со 2-0

Светскиот шампион е на колена, се враќа дома по првата фаза од Мундијалот. Ниту Германците веќе не победуваат секогаш во фудбалот, ова е ново време. Селекцијата на Јоаким Лев се извлече со триумф во 95.минута и погодок на Тони Крос против Шведска во второто коло, но денеска загуби од Јужна Кореја (0-2).

Со тоа „панцирите“ ги пакуваат куферите и си заминуваат дома. Ким Јонг – Гвон и Хјонг Мин Сон ја казнија во финишот слабата реализација на Германците, промашените шанси на Брант, Гомез, Милер, Хумелс, и останатите избраници на Јоаким Лев, па светскиот првак завршува како последнопласирана селекција во групата.

Untitled

Новинарот кој му донесе среќа на Меси

Новинарот: По првиот натпревар ви дадов амајлија што ми ја даде жена ми, не знам дали ја фрливте или…? Меси му ја покажува дека ја носел во нога, новинарот воодушевен, се врти накај камера и не може да поверува.

СП 2018: Аргентина се врати во игра, оди во осминафиналето по победата над Нигерија од 2-1

Аргентина конечно успеа како феникс да се извлече од пепелта пред елиминација и да се врати во полн сјај. Во осминафиналето, Аргентинците ќе си ги одмерат силите со Франција која во групната фаза не ја покажа сета своја сила.

На моменти изгледаше гаучосите се пакуваат за дома, посебно откако цврстите Нигеријци оддолеваа на нападите при 1:1, пред Маркос Рохо, неколку минути откако беше „ослободен“ од вината и не беше досуден пенал по играта со рака во својот шестнаесетник, да го постигне најзначајниот гол во неговата кариера.

Nigeria v Argentina – 2018 FIFA World Cup Russia™ – Match 39

Untitled.png

СП 2018: Хрватска со победата над Исланд од 2-1 обезбеди влез во осминафиналето

Тимот на Исланд не успеа да направи ново чудо на еден голем фудбалски собир. Малата островска земја одигра одлични три натпревари во групна фаза не стигна до посакуваната победа во последниот натпревар со Хрватска, кој заврши со триумф на „коцкестите“ од 1-2. Со овој исход, Исланд остана на последната позиција во групата Д, во која пласман во осминафиналето обезбедија Хрватска и Аргентина.

Untitled

СП 2018: Перу со почесна победа над Австралија заминува од Мундијалот

Перу ја совлада Австралија со 2:0 во натпревар од групата Ц на Светското првенство во Русија.

По двата минимални порази од Франција и Данска, за Перу ова беше прва победа на мундијал по пауза од 36 години.

Андре Кариљо во 36-та минута донесе водство за Перуанците од 1:0, а во вториот дел Паоло Гереро беше прецизен во 50-та минута за конечни 2:0.

Untitled

Смешно реми и анти-фудбал: Франција и Данска си завршија работа

Франција и Данска со реми од 0-0 во меѓусебната пресметка рутински си ја одработеа задачата во третото коло, обезбедувајќи си го пласманот во осминафиналето од мундијалот. Нерешениот исход им одговараше и на двете селекции, „триколорите“ за да се задржат на првото место во групата, а Данска за да биде сигурно втора, па токму поради тоа и едните и другите многу повеќе размислуваа на сочувување на сопствената мрежа, отколку на напади кон противничкиот гол.

Denmark v France – 2018 FIFA World Cup Russia™ – Match 37

Untitled

Еврогол на Кварезма, Португалија ремизираше со Иран (1-1)

Португалија ремизираше со Иран (1-1) и го освои второто место во групата Б. Рикардо Кварезма со фантастичен погодок во 45.минута донесе водство за актуелниот европски првак, а во последмите мигови од мечот, Карим Ансарифард од пенал донесе израмнување. Кристијано Роналдо на овој меч промаши пенал, откако во 53.минута голманот Беиранванд го одбрани неговиот удар.

IR Iran v Portugal – 2018 FIFA World Cup Russia™ – Match 35

Untitled

Шпанците и со реми против Мароко (2-2) стигнаа до дуел со Русија

Шпанија изненадувачки ремизираше против Мароко (2-2), но ќе патува во осминафиналето како првопласирана селекција од групата Б, а за противник ќе го има домаќинот Русија.

„Црвената фурија“ одигра очајно слабо во одбраната, а грешката на Иниеста и на Рамос ја искористи Калид Бутаиб во 14.минута за водство за аутсајдерот. Само пет минути подоцна, Шпанците израмнија со голот на Иско, по асистенцијата на Иниеста. Но, во вториот дел, Јусеф Ел Несири во 81.минута со одличен удар со глава по корнерот од десната страна, донесе ново водство за Мароканците. Во 90.минута, Иаго Аспас сепак ја спаси „црвената фурија“ од пораз, а со тоа дојде и до првото место во групата Б

сп мар

СП 2018: Египет поразен и од Саудиска Арабија со 2-1

Тимот на Саудиска Арабија го победи Египет со 2:1 во натпревар без значење во групата А на Светското првенство во Русија.

Во 22-та минута, Мохамед Салах го доведе Египет во водство. Во додаденото време на првиот дел, Салман Ал Фараџ изедначи од пенал, а во 95-тата минута Салем ја донесе победата на Саудиска Арабија.

Untitled

СП 2018: Уругвај го нанесе првиот пораз на домаќинот Русија

Уругвај ја освои битката за првото место во групата „А“, откако ја победи Русија со 3-0, со што го нанесе првиот пораз на домаќинот на Светското првенство.

Погодокот на Луис Суарез (10), автоголот на Денис Черишев (23) и прецизниот удар на Единсон Кавани во последната минута ја донесоа третата последователна победа на „урусите“, кои се уште немаат примен гол.

Untitled.png

Колумбијците ја совладаа Полска со 3-0

Фудбалската репрезентација на Колумбија ги зголеми надежите за пласман во осминафиналето на Светското првенство, совладувајќи ја Полска со убедливи 3-0. По непријатниот пораз од Јапонија, фудбалерите на Хозе Пекерман вечерва блеснаа во полн сјај и одиграа на високо ниво. Колумбија сега има три бода, и ќе мора да одигра најдобро што знае и умее и во третото коло против Сенегал, кој има бод повеќе, исто како и Јапонците.

Untitled

Четири гола, за Јапонија и за Сенегал по четири бода (2-2)

Јапонија и Сенегал ремизираа 2-2 во интересен дуел од групата Х и сега двете селекции имаат по четири освоени бода во пресрет на последното коло од овој сегмент на Мундијалот.

Untitled

Два пенали, еден хет-трик | Англија со 6:1 ја декласираше Панама за осминафинале

Англија убедливо ја совлада Панама со 6:1 во натпревар од групата Г на Светското првенство во Русија.

Англиската репрезентација одигра одличен натпревар и благодарение на победата обезбеди пласман во осминафиналето на Мундијалот.

Со хет-трикот против Панама напаѓачот на Англија Хари Кејн изби на чело на листата на стрелците со вкупно пет постигнати голови.

Untitled

Никогаш не ги отпишувајте Германците: Крос со супер-гол за триумф во последен час

Актуелниот светски првак Германија беше на работ на амбисот и можна елиминација по првата фаза од Мундијалот, но сепак во последен момент стигна до триумф (2-1) против Шведска во второто коло од групата Ф. „Панцирите“ имаа негатива од 0-1, во финишот и играч помалку, но Тони Крос во петтата минута од судиското продолжение постигна прекрасен гол за триумф.

Germany v Sweden – 2018 FIFA World Cup Russia™ – Match 27

Untitled.png

Вела и Чичарито ја решија Јужна Кореја

Фудбалската репрезентација на Мексико ја оствари втората победа на Мундијалот, совладувајќи ја селекцијата на Јужна Кореја со 2-1. Мексиканците го потврдија епитетот на фаворити и поведоа со голот од пенал на Карлос Вела во 26.минута, а Хавиер Хернандез во вториот дел постигна и втор погодок за „сомбреросите“. Тоа беше 50.гол во репрезентативниот дрес за популарниот Чичарито.

Јужна Кореја многу доцна се разбуди, а најдобриот фудбалер на оваа репрезентација, Хјонг-мин Сон во третата минута од судиското продолжение го постигна почесниот погодок.

Untitled.png

Белгија го победи Тунис со 5-2 во нај ефикасниот натпревар на ова светско првенство

Фудбалската репрезентација на Белгија ја оствари втората победа на Светското првенство совладувајќи го убедливо Тунис со 5-2. „Црвените ѓаволи“ се веќе во осминафиналето и се израмнија со Русите, кои исто така постигнаа осум гола на првите два мундијалски меча. Ова воедно е првпат во историјата на белгискиот фудбал, селекцијата да постигне пет гола на мундијалски натпревар.

Untitled

Бразил чекаше судиско продолжение за да ја „скрши“ Костарика

Бразил одигра натпревар далеку под очекувањата, долго се мачеше да стигне до триумф против Костарика и успеа со два гола до 2-0 дури во судиското продолжение, во 91. и 97. минута со головите на Кутињо и Нејмар.

Brazil v Costa Rica – 2018 FIFA World Cup Russia™ – Match 25

Untitled

Нигерија го шокираше (2-0) Исланд, за надеж и за Меси и компанија…

Репрезентацијата на Нигерија ја направи Групата Д на Светското првенство во Русија и тоа како интересна пред последното трето коло откако славеше со 2-0 против Исланд.

Нигеријците сосема заслужено стигнаа до триумфот по што, по поразот од Хрватска на стартот, сега се вратија во игра и за осминафиналето на Мундијалот 2018.

Nigeria v Iceland – 2018 FIFA World Cup Russia™ – Match 24

Untitled

Прв пресврт на СП: Швајцарија ја разоружа Србија во вториот дел

Србија се радуваше на почетокот, Швајцарија на крајот од натпреварот во Калининград во рамки на второто коло во групата Е на Светското фудбалско првенство во Русија. Александар Митровиќ погоди во петтата минута за северниот сосед, Гранит Џака израмни на 1:1 во 52. минута, а трите бода за швајцарската репрезентација (1:2) ги обезбеди Џердан Шаќири по контрата во 90. минута.

Serbia v Switzerland – 2018 FIFA World Cup Russia™ – Match 26

Untitled.png