„Саунд-еџ“ и Зои сонуваат „Ден и ноќ“

Скопскиот алтернативен рок-состав „Саунд-еџ“ (SoundEdge) го објави својот нов сингл насловен „Ден и ноќ“, во кој како вокалистка гостува Зои. Таа се потпишува и како авторка на стиховите, а музиката е на „Саунд-еџ“, во чие студио се снимаше и миксаше песната, додека мастерингот е на „Декси мастеринг“ од Шведска. Сето тоа визуелно дополнето од Петар Милиќ ве очекува во продолжение. Уживајте!

Advertisements

Чола го претстави видеото за „Оно мало среће“

Здравко Чолиќ го претстави видеото за насловната тема од неговиот 15. студиски албум „Оно мало среће“, објавен во 2017 година за „Кроација рекордс“. Станува збор за авторско дело на хрватската музичарка Антонија Шола, чиј потпис стои на стиховите, а музиката ѝ е заедничка со Иван Зак, додека аранжманот го направи Никша Братош.

Како и за повеќето видеа изминативе неколку години, така и за ова Чола соработуваше со режисерот Александар Керекеш – Кеки, а крајниот резултат можете да го погледнете во продолжение. Уживајте!

Познатиот македонски музичар Кирил Џајковски го објави својот нов сингл „Music Man“

Познатиот македонски музичар Кирил Џајковски го објави својот нов сингл „Music Man“. Новото дело на Кирил во официјална дистрибуција ќе се појави на 12-ти јули во издание на “Филтер лабел”

Синглот е уште една соработка со пејачот Лајон Д, песната е мелодична комбинација од реге и џангл влијанија, промовирана во живо изминатиов период и одлично прифатена од публиката. Видеото е снимано на неодамнешното издание на “Skopje street festival”.

На 12-ти јули, водечкиот македонски уметник на електронската музика гостува со live настап на “Д Фестивал” во Дојран, каде што на главната бина ја предводи програмата за отворањето на Фестивалот. За оваа прилика, покрај неговиот концертен бенд и вокалистот Лајон Д, со Џајковски на сцената ќе настапи и ТК Вондер, како специјален гостин на ова издание на кое ќе бидат изведени и нови песни од нивната долгогодишна соработка.

Слаткаристика, Мосел и Слоган ја имаат првата македонско-грчка соработка

Музиката нема граници, а тоа сè повеќе го докажува популарниот македонски хип-хоп артист Слаткаристика, кој зад себе има повеќе соработки со колегите од соседна Бугарија, а сега на ред дојде да се „пробијат“ музичките граници и со Грција. Имено, Слаткаристика штотуку ја објави песната насловена „Марија“, за која силите ги здружи со грчките колеги Слоган и Мосел.

Сето тоа е спакувано со видео што го реализираше екипата на продукцијата „Год-ај“ (GodEye Production), а како изгледа и звучи првата македонско-грчка песна, дознајте во продолжение. Уживајте!

Македонците Бејхан и Ленче победници на „Никад није касно“

Во четвртата сезона на тален шоуто „Никад није касно“ победија македонските натпреварувачи Бејхан Рамов и Ленче Кукиќ.

Бејхан доби најмногу СМС гласови од публиката, а наградата му ја врачи Лепа Брена.

– Добро се чувствувам, сакам да пеам и на турски и на српски јазик. Шериф Конјевиќ ми е идол – изјави Рамов по победата.

Бејхан има 45 години и доаѓа од Битола. Со музика почнал да се занимава уште на 9-годишна возраст. Во тоа време пеел турски хитови поради потеклото на неговата мајка. Веќе на 13 години бил приморан да заработува како ѕидар. Се оженил на само 16 години и сега има три деца и еден внук.

Bejhan Ramov – Ti nisi bila to – (live) – NNK – Finale – 23.06.2019

 

 

Ленче Кукиќ која ѝ е добро позната на македонската јавност, ги собра симпатиите на стручното жири, а беше најдобра и според гласовите на Фејсбук.

– Ви благодарам за ова, не знаете колку многу ми значи. Уште сум под импресии. Можам да ви ветам дека ќе продолжам да сонувам и да ја изненадувам публиката – рече Кукиќ откако ѝ го врачија признанието.

Lence Kukic – Lepi moj – (live) – NNK – Finale – 23.06.2019

 

Антониа Гиговска ја “скина” и Лејди Гага, доби стоечки овации од жирито

Само пофални зборови имаше и за вториот настап и изведбата на емотивната балада „I’ll Never Love Again“ од Лејди Гага, за што доби и стоечки овации од жирито.

„Јас толку плачев на оваа сцена што не ми беше добро. Мораме да се потрудиме да ја означиме Лејди Гага на овој настап, таа е доволно голем уметник да го препознае ова што ти го отпеа… Таа мора да го види ова, јас никогаш не сум слушнала некој вака да ја пее нејзината песна. Никој не е ни блиску. Огромна почит и покол за тебе Антонија, заслужи. Како и да заврши вечерва“, рече Гоца.

Антонија дефинитивно доби огромна поддршка и од публиката, но не беше доволна за да стигне до победа, па натпреварот за неа заврши со прогласувањето на најдобрите двајца, односно заврши на 3. или 4. место. Иако не победи ниту првиот пат кога се натпреваруваше во 2016 (тогаш заврши седма), тоа не претставуваше никаква пречка да ја започне својата веќе одлична музичка кариера, збогатена и со бројни награди на домашни и на меѓународни фестиви, меѓу кои и минатогодишниот триумф на „Макфест“.

Како и да е, едно е сигурно – најдоброто од Антонија допрва доаѓа, а нам ни останува и понатаму да ја поддржуваме и да уживаме со сите нови песни, албуми и концерти што нè очекуваат од оваа талентирана млада дама!

 

Со евровизиската „Proud“, Антонија Гиговска блесна во финалето на „Пинковите ѕвездички“

Антонија Гиговска уште еднаш нè направи горди и во вчерашното суперфинале на популарната музичка емисија „Пинкови ѕвездички – сите ѕвезди“, каде што се претстави со две песни, од кои првата беше токму евровизиската балада „Proud“ на Тамара Тодевска.

Антонија дефинитивно доби огромна поддршка и од публиката, но не беше доволна за да стигне до победа, па натпреварот за неа заврши со прогласувањето на најдобрите двајца, односно заврши на 3. или 4. место. Иако не победи ниту првиот пат кога се натпреваруваше во 2016 (тогаш заврши седма), тоа не претставуваше никаква пречка да ја започне својата веќе одлична музичка кариера, збогатена и со бројни награди на домашни и на меѓународни фестиви, меѓу кои и минатогодишниот триумф на „Макфест“.

Како и да е, едно е сигурно – најдоброто од Антонија допрва доаѓа, а нам ни останува и понатаму да ја поддржуваме и да уживаме со сите нови песни, албуми и концерти што нè очекуваат од оваа талентирана млада дама!

Запеа и внуката на Наташа Беквалац, слушнете го првиот сингл „Ето“

Не ретко гледаме членови од исто семејство да се посветат на иста кариера, така што низ светот има бројни сестри, браќа, родители и деца или роднини што станале славни во професии како што се актерството или музиката. Таков е случајот и со српската пејачка Наташа Беквалац, чија внука Зои почна да ги следи нејзините стапки и неодамна го објави својот прв сингл насловен „Ето“.

21-годишната пејачка го покажала својот талент за пеење уште како малечка, а многумина веќе ја споредуваат со нејзината славна тетка, и по изгледот и по бојата на гласот. Освен што пее, Зои се потпишува и како авторка на стиховите на својата прва песна, чија музика е дело на Никола Кирцански Кеи и на Славко Миловановиќ, а сето тоа визуелно го дополни Леонард Фрстнер.

Дали Зои ќе го повтори успехот на тетка си Наташа, останува да видиме во иднина, а како звучи и изгледа нејзиното првенче „Ето“, дознајте во продолжение.

Со „Бело лице љубам јас“ Тијана и Тамара ја разиграа публиката во „Никогаш не е доцна“

Речиси сите музички емисии во регионот не можат „глава да кренат“ од Македонците, кои постојано докажуваат дека нашата земја е расадник на музички таленти. Освен како натпреварувачи, Македонците понекогаш се и дел од жирито, а таков беше случајот и со најновата епизода од шоуто „Никогаш не е доцна“, каде што публиката уште еднаш беше воодушевена од кумановката Ленче Кукиќ, а во жирито беа нашите сестри Тијана Дапчевиќ и Тамара Тодевска.

Секако дека нивното гостување не можеше и не смееше да помине без песна, така што сестрите добија предивик да застанат на сцената и да запеат песна што ќе ја отсвири бендот. Првиот избор беше добро познатата „Џипси сонг“ на Влатко Стефановски, а веднаш потоа забавата продолжи со народната „Бело лице љубам јас“. Додека сестрите пееја, речиси цела публика беше на нозе, играше и пееше заедно со нив. Уживајте!

Лина Пејовска запеа во дует со Нина Бадриќ

Вака или така, Лина Пејовска сигурно ја освои Хрватска. Младата пејачка, која во саботата го прослави својот 17. роденден, стигна до финалето на хрватската верзија на популарната музичка емисија „Ѕвезди“, но иако не победи, таа веќе си го трасираше патот на тамошниот музички пазар. Имено, оваа сезона на шоуто го носеше наловот „Летен хит“, а натпреварувачите беа потенцијални добитници на хит од главниот член на жирито – хитмејкерот Тончи Хуљиќ.

Меѓу бројните пофалби што ги добиваше Лина за секој од нејзините настапи во оваа емисија беше и оној на Хуљиќ, кој рече дека Лина веќе нема каде да напредува бидејќи го достигнала својот врв. „Тебе веќе нема што да те научат, тебе ти треба само песна“, рече тој и додаде дека по завршувањето на емисијата ќе свика состанок со хрватските автори за да им предложи соработки со некои од наптреварувачите од шоуто, дури и со оние кои не стигнаа до полуфиналето или до финалето.

Освен што настапуваше сама, Лина во полуфиналето запеа во дует и со Петар Грашо, а во финалето со Нина Бадриќ. Пејачките ја отпеаја баладата „Да се опет теби вратим“, а Лина беше единствената натпреварувачка која беше на исто ниво со жирито, односно не доби ниту една забелешка за одличната вокална изведба. Како изгледаше сето тоа погледнете во продолжение. Уживајте!

„Сирилик“ со неверојатен ремикс на евровизиската „Proud“

Секогаш е интересно да се слушне како музичарите ги преработуваат и им го менуваат „ликот“ на песните од своите колеги, преместувајќи ги во сосема нов жанр и давајќи им свој печат, а токму тоа го направи прилепското дуо „Сирилик“ со евровизиската балада Proud“ на Тамара Тодевска.

Талентираните музичари сè повеќе се активни и со авторска музика и хитови како што се „Во тебе се гледам“со Дина Јашари и актуелниот „Доволни“ со Валери, но одлично се снаоѓаат и со ремиксите, а овој најновиов само дополнително ќе ја зголеми армијата следбеници, и нивната и на Тамара.

Песната која беше победник според гласовите на жиријата и во втората полуфинална вечер и во финалето, претходно доби ремикс-изданија и од белградскиот диџеј и продуцент Грамофонџие, како и од Роберт Билбилов, кој воедно е дел и од авторскиот тим на оригиналната верзија, а како звучи „Proud“ низ призмата на „Сирилик“, дознајте во продолжение. Уживајте!

Tamara Todevska – Proud (Cyrillic Remix)

 

 

Антонија Гиговска со „Тајно моја“ ги освои сите во финалето на Пинкови ѕвездички

Антонија Гиговска синоќа го воодушеви жирито на Пинкови ѕвездички со изведбата на Тајно моја во финалето. Емотивната изведба беше крунисана со комплименти и со влез во суперфиналето, со што се бори за победник на петтата сезона од музичкото шоу.

На Лина Пејовска и се исполни желбата – направи дует со Петар Грашо

Жирито во хрватската верзија на музичкиот натпревар „Ѕвезди“ имаше само пофални зборови за нашата Лина Пејовска кога младата пејачка се претстави со евровизискиот хит „My Number One“, а водителите уште тогаш ја прашаа со кого од жирито би сакала да запее во дует. Нејзиниот одговор беше Петар Грашо, а желбата ѝ  се исполни веќе со следното претставување во полуфиналето, изведувајќи ја со својот идол баладата „I Don’t Wanna Talk About It“ од Род Стјуарт.

„Никогаш во животот не би помислила дека еден ден сцената ќе ја делам со еден од најдобрите и највпечатливите вокали на Балканот. Ова е доказ дека ако не се откажуваш од целта што си ја замислил и ако даваш сè од себе, ќе ти се врати двојно и ќе им докажеш на сите што не верувале во тебе“, напиша Лина на Инстаграм и најави уште многу изненадувања.

Без изненадување, пејачката си обезбеди место и во големото финале кое ќе се одржи следната сабота, на 21 јуни, а интересно е тоа што токму на овој ден ќе го прослави и својот 17. роденден. Дали ќе има повод за двојна прослава ќе дознаеме наскоро, а во меѓувреме уживајте со нејзиниот дует со Петар Грашо, како и со претходните настапи во оваа емисија!

 

Здравко Чолиќ по трет пат ја докажа неговата големина пред скопската публика

colaskopje150620190038-830x0colaskopje150620190029-830x0

После двата концерти во минатите неколку месеци, најголемата музичка ѕвезда на Балканот, Здравко Чолиќ го оддржа и третиот концерт на Националната арена „Тодор Проески“ во Скопје.

Концертот започна во 21 часот, а очекувано имаше повеќе од 30,000 фанови, а популарниот Чоча како вистински професионалец овој концерт го претвори во уште една незаборавна вечер за скопјани.

Антониа Гиговска падна за време на настап, но и покрај тоа влезе во финалето на Пинкови ѕвездички

За време на најновиот настап во Пинкови ѕвездички, Антониа Гиговска доживеа пад на сцената, но брзо се врати од малата незгода. Фантастично ја отпеа Je t’aime, одлично се снајде и брзо се крена на нозе по незгодата, па со тоа чесно го заслужи местото во големото финале.

Antonia Gigovska – Je t’aime

Дарио има нов летен хит „Горе, горе“!

Популарниот македонски музичар Дарио Панковски го претстави својот нов сингл насловен „Горе, горе“, кој е вистинска победничка химна што носи позитивна порака, сето тоа спакувано со весел ритам како рецепт за летен хит. Сопственикот на едни од најголемите македонски хитови и овој пат ги здружи силите со долгогодишниот соработник и колега Кристијан Габроски, чиј потпис стои на аранжманот и во чие студио се снимаше самата песна, а автор на музиката и стиховите е самиот Дарио.

„Кога имаш лош ден, немој да си тажен! Па не е последен, утре нè чека нов сончев ден“, почнува тој и порачува: „Секој ден е дар, живеј го како цар, не се предавај, во себе верувај и напред гледај“, а потоа ја доловува и суштината со рефренот: „Животот е брод на море, малку доле, малку горе, а јас сакам само горе! Напред-назад, горе-доле, нема назад, нема доле! Секој сака да е горе, сите раце горе, горе!“

Уште при првото слушање, веќе знаеме дека „Горе, горе“ ќе биде најновиот во низата евергрини на Дарио, а во тоа ќе се уверите и Вие откако ќе ја преслушате новата победничка химна што Ве очекува во продолжение. Уживајте!

Dario – Gore Gore! (Official audio)

СО НЕГОВАТА ХАРИЗМА ГО ВООДУШЕВИ ЖИРИТО: Филип Пецовски направи вистинско шоу на сцената!

Во последната емисија на музичкото шоу настапуваше и Филип Пецовски кој од првото појавување на сцената со неговата харизма го воодушеви жирито.

Тој настапи во дуел со кандидатот на Ана Бекута, Александар Гуте Маринковиќ.

Филип кој е под менторство на Јелена Карлеуша, се претстави со песните „Соба за тага“ од Тоше Проески и „Параноја“ oд Тропико со што направи вистинско шоу на сцената на Гранд.

Aleksandar Gute Marinkovic i Filip Pecovski – Splet pesama – (live) – ZG – 18/19 – 18.05.19. EM 35

Слаткаристика и бугарското дуо „СкандаУ“ го претставија видеото за „Динеро“

Слаткаристика го претстави својот нов сингл насловен „Динеро“, за кој силите ги здружи со бугарското хип-хоп дуо „СкандаУ“. Автор на музиката е самиот Марко Маринковиќ – Слаткаристика, а стиховите ги потпишува заедно со „СкандаУ“, односно со Јонислав Јотов (Тото) и Л’чезар Евтимов (Л’чо), додека аранжманот, миксот и мастерингот се на Иван Јованов – Ивајо.

Сето тоа визуелно го дополни екипата на продукцијата „ГодАј“ (GodEye), по сценарио на Томислав С.Т. и со Гордан Божиновски зад камерата и постпродукцијата. Покрај музичарите, во видеото се појавува и моделот Калтрина, а како изгледа и звучи „Динеро“, дознајте во продолжение. Уживајте!

Лепа Брена доби конкуренција: Лина го отпеа нејзиниот најголем хит!

Младата пејачка Лина Пејовска не престанува да изненадува. Дека секој музички жанр се труди да го изведе најдобро, докажува во секој кавер што ќе го објави.

Странската поп музика убедливо и е една од омилени и најчесто изведуваните, но често знае да изненади. Имено, овој пат таа на својот Инстаграм профил објави кавер на еден од најголемите хитови на балканската ѕвезда Лепа Брена. „Пожели сречу другима“ дефинитивно нема да ве остави рамнодушни,

View this post on Instagram

❤️ @lepabrenaa

A post shared by PEJOVSKA LINA (@pejovskalina) on

Лина Пејовска ја освојува Хрватска

Откако ја освои српската публика во „Пинковите ѕвездички“, Лина Пејовска продолжува да го освојува Балканот и во хрватската верзија на овој натпревар наречен „РТЛ звијезде“. Во рамките на третата сезона, чија тема е „Летен хит“, 16-годишната пејачка ја отпеа евровизиската „My Number One“, со која Гркинката Елена Папаризу триумфираше на популарниот фестивал во 2005 година.

Жирито составено од Андреа Андраси, Тончи Хуљиќ, Нина Бадриќ, Петар Грашо и Бранко Ѓуриќ имаше само пофални зборови за нашата Лина. „Ти си совршена, прекрасна си, се движиш на сцената како да е твоја“, рекоа Андреа и Нина, а Тончи додаде дека кога некој доаѓа од Македонија, се знае дека убаво пее.

Својата прва песна Пејовска ја отпеа како дебитантка на „Макфест 2017“, кога настапи со баладата „Ако ме сакаш“, а уште еднаш воодушеви и на ланското издание на фестивалот со темата „Нема“. Иако вели дека повеќе сака балади, одлично се покажа и со побрзите песни, како што беше минатогодишниот хит „Топло-ладно“ и српската верзија „Одлучи се“, па додека го очекуваме следниот сингл од Лина, уживајте со нејзиниот прв настап во хрватските „Ѕвезди“!

Ален Исламовиќ во дует со „босанската Шакира“

Познатиот вокалист на легендарните „Бијело дугме“, Ален Исламовиќ сними дует со својата колешка Енела Палавра, позната и како „босанската Шакира“. Станува збор за темата насловена „Није ми добро“, чиј автор на музиката и аранжманот е Амил Лојо, а стиховите ги потпишува Дивна Миловановиќ.

Песната воедно е и прв сингл од новиот албум на Исламовиќ, кој го носи насловот „Тајно“ и на кој ќе бидат сместени нови и стари песни во нови аранжмани, сето тоа во издание на „Кроација рекордс“. 

ALEN ISLAMOVIĆ feat. ENELA-“Nije mi dobro” OFFICIAL VIDEO 2019

ПРОМОЦИЈА: „Гори“- нов летен хит на Тајзи

„Гори“  е прва од неколкуте песни кои ќе ги чуеме оваа година од Тајзи, повторно во соработка со Балкатон продукција на Раста. Песната  е на македонски јазик и  како и секогаш е нешто различно и автентично од нашиот артист Драган Величковски Тајзи. Последно нешто од овој тим беше „Пабло“, песна која  беше  вистински хит изминатата година и вртеше по радио станиците и клубовите низ целиот Балкан.

„Гори“ е снимена во студиото на  еден од  најдобарите  продуценти  во Македонија, Лазар Цветковски  кој   беше награден со Златна Бубамара на популарноста за 2018 година, автор на многу хитови на наши артисти  како  и на  балкански музички ѕвезди. Тој е дел  и од овогодинашниот евровиски тим на Тамара кој не претставуваше во Израел.

Музиката  и текстот се  на Тајзи, а аранжманот и мастерот на Лазар.
Спотот е во режија на Даниел Јовески , наградуван режисер, кој застанува рамо до рамо со најдобрите режисери во регионот.

Tyzee – Gori (Official Video)

„Мајко“ – нова песна во соработка на Гуру Харе и Аки Ракимовски

Вокал:Аки Рахимовски, музика и текст: Игор Атанасоски – Харе, аранжман и продукција: Диран Тавитјан – студио Парамециум.

Видео: Мелем продукција, режија и монтажа – Огнен Шапковски, директор на фотографија – Кристијан Теодоров.

Улоги во спотот: Виолета Шапковска, Милан Тоциновски, Јан Теодоров, Сеад Хаџиќ. Ронин оператор – Александар Ивановски, асистент на камера – Стефан Дамјаноски, светло: Иван Ѓошев, оператор на светло – Александар Митевски, шминкери: Ирена Сенокозилоска, Игор Петрески, костимограф – Милена Атанасова, пост продукција – Иван Куртевски.

Роберт Билбилов направи ремикс на евровизиската „Proud“

Евровизиската песна „Proud“, со која Тамара Тодевска ќе ги брани боите на нашата земја на „Евровизија 2019“, штотуку си доби уште еден ремикс, овој пат од еден од авторите на оригиналот – Роберт Билбилов. Долгогодишниот соработник на Тамара, кој заедно со колегите Дарко Димитров и Лазар Цветкоски се потпиша на музиката и аранжманот на „Proud“, емотивната балада ја „преточи“ во ново руво, а како звучи сето тоа можете да слушнете во продолжение.

Tamara Todevska – Proud – Robert Bilbilov Remix

Антонија Гиговска ги размрда сите со хит од Ријана

Во најновата епизода од музичкиот натпревар „Пинкови ѕвездички – сите ѕвезди“, нашата Антонија Гиговска настапи со песна во побрзо темпо и ги разигра публиката и жирито со изведбата на хитот „Where Have You Been“ од Ријана и Келвин Харис.

Antonia Gigovska – Where have you been

Струмичанката Ленче Кукиќ повторно доминираше во „Никогаш не е доцна“: Нејзиниот настап беше дочекан со овации!

Добро ви е познато дека во регионалното музичко „Никогаш не е доцна“, кое е многу гледано и во нашата земја има и македонски претставници, а меѓу нив и Ленче Кукиќ од Струмица која досега неколку пати го воодушеви жирито со своите интерпретации.

Во последната емисија на музичкото шоу, Ленче се претстави со песната „Потести ме шта то беше љубав“ од верзијата на Маја Оџаклиевска. Публиката ја поздрави со овации и аплауз, а и овој пат жирито остана без зборови од изведбата на Кукиќ.

Во ревијалниот дел, Ленче и Кеба ја отпејаа песната „Треба времена“, а жирито беше воодушевено и од оваа изведба.

Нова песна на Антониа Гиговска наменета на регионалната музичка сцена

„Могли сме у двоје“ е насловот на темата која денеска ја промовираше младата пејачка, Антониа Гиговска. Оваа песна доби и свој видео запис, кој е снимен под режисерската палка на Даниел Јовески.
Текстот на песната авторски го потпишува Владимир Даниловиќ, а музиката е на Дарко Димитров.

Криско е „Незаменлив“

Бугарската хип-хоп ѕвезда Криско, кого македонската публика најдобро го знае по соработката со Слаткаристика за хитот „Тик-так“, како и по гостувањата во рамките на заедничката турнеја „Една љубов“, деновиве го објави својот нов сингл насловен „Незаменим“. Станува збор за уште едно авторско дело на самиот Криско, чиј потпис стои на музиката, стиховите и на продукцијата, а аранжманот му е заеднички со Шоумјузик и Евгени Димитров – Маестрото.

Имаме претствник и во бугарското талент шоу “The voice” а тоа е Славица Ангелова

Конкуренцијата од 3500 кандидати не беше пречка за 17-годишната Славица Ангелова да влезе во потесниот круг на бугарскиот „The voice“. Таа е единствената натпреварувачка од Македонија, а на сцената покажа и докажа како се пее во Македонија.

Хитот „What’s up“ од 4 Non Blondes беше изборот на Славица, а нејзината изведба го крена целото студио на нозе. Познатата поп пејачка, Михаела Филева и даде зелено светло на нашата натпреварувачка и со тоа ја зема во својот тим.

Антонија Гиговска воодушеви со балада од Тони Цетински

Во најновата епизода на емисијата „Пинкови ѕвездички – сите ѕвезди“, нашата Антонија Гиговска уште еднаш собра само пофални зборови од жирито, овој пат за одличната изведба на баладата „Као у сну“ од хрватската ѕвезда Тони Цетински.

18-годишната пејачка доби пофалби и за изгледот и владеењето со сцената, а како изгледаше и звучеше сето тоа во „Пинковите ѕвездички“ дознајте во продолжение. Уживајте!

Сузана Гавазова со песна му порача: „Роден си за грев“

Сузана Гавазова деновиве ја претстави својата нова, трета по ред песна на српски јазик – Сећање на твој грех“ – за која повторно соработуваше со авторскиот тим што застана зад „Намазана“, а сега ја имаме и македонската верзија насловена „Роден си за грев“.

Автор на музиката е композиторот Саша Диниќ, а аранжер Александар Саблиќ, додека стиховите на македонски јазик ги потпишува Орце Зафировски.

„2Бона“ ја претставија својата „Бела ноќ“

Хип-хоп, рап и ар-ен-би дуото „2Бона“, кое се појави на музичката сцена во 2015 година, деновиве ја претстави својота нова тема насловена „Бела ноќ“. Ова е нивна втора песна за нешто повеќе од еден месец, по соработката за темата „Дијаманти“ со Слаткаристика.

Овој пат се работи за тема во која членовите на дуото – Марио Јелиќ-Кун и Антонио Стојановски-Тонито – се сами изведувачи, додека музиката е авторско дело на Иван Јованов – Ивајо, кој заедно со Кун го направил и миксот и мастерингот, а за видеото се погрижи екипата на продукцијата „Год ај продакшн“ (God Eye Production).

 

Тијана и „Фрајлите“ со нова верзија на хитот „Негатив“

Седумнаесет години од објавувањето на еден од најголемите хитови на Тијана Дапчевиќ, песната „Негатив“ си доби нова, освежена верзија во заедничка изведба со нејзините колешки од групата „Фрајле“.

Ова авторско дело на композиторот Дарко Димитров и текстописецот Драган Брајовиќ Браја, сместено на истоимениот албум на Тијана од 2002 година, во ова ново руво ќе се најде на новиот, петти по ред албум на „Фрајлите“ што ќе го наследи „Љубав на дар“ (2017).

Уште еден македонски кандидат го покори жирито во „Ѕвездите на Гранд“

Во последната сезона на „Ѕвездите на Гранд“ имаме прилика да ги гледаме прекрасните настапи на македонските кандидати меѓу кои Огнен Здравкоски, Мартинијан Кириловски, Адам Лабунски, Елена Миленковска… Благодарение на своите ментори и нивната поддршка, македонските претставници меѓу кои и Дарко Кцевски успеаa да го покорат жирито и да освојат гласови.

Една година од “Километри” на Лозано – 5 400 000 прегледи, 14 800 дневно

Помина една година од објавата на видеото за “Километри” на Лозано на YouTube. Од 30 март 2018 година ова видео е прегледано 5 400 000 пати или во просек по околу 14 800 прегледи дневно. Читајќи ги коментарите ќе забележиме дека Лозано е доста популарен во EX YU републиките но и во Бугарија. Уживајте со ова ремек дело!

Елена Ристеска ја претстави соработката со рускиот рапер Кирил

Елена Ристеска го претстави дуетот со својот руски колега Кирил, со кого започна да соработува минатата година. Станува збор за песната насловена „Superstar“, чија музика ја потпишува Дарко Димитров, а стиховите се дело на самиот Кирил алијас Кеј-Ди-Ди-Кеј (KDDK). Сето тоа стигна спакувано со видео што се снимаше во Мајами и за кое се погрижи Дејан Димковски, а за изгледот на Елена се погрижи Дани Димковска.

KDDK feat Elena Risteska – Superstar

Сите во транс поради Антониа Гиговска

Со голем аплауз и овации, како од жирито, така и од публиката, беше поздравен и овој настап на македонската пејачка Антониа Гиговска во „Пинкови ѕвездички“. Младата скопјанка го помина и овој круг од музичкото натпреварување, а пофалбите и донесоа и сози на очите.

Гиговска овојпат ја пееше „Writing’s on the wall“, песната која ја испеа Сем Смит за последниот Бонд филм.

Своите црвени столчиња веднаш ги подигнаа Милан Станковиќ, Кристина Коцкар и Гоца Тржан, а набрзо тоа го направија и Леонтина Вукомановиќ и Наташа Беквалац. Тие за време на целиот настап извикуваа пофални зборови на сметка на Антониа.

 

Александра Јанева со нов хит „Одговор“

Александра Јанева ја претстави својата нова песна, воедно и најава за нејзиниот деби-албум „Срце отвори“, насловен по истоимениот сингл објавен пред неколку недели. Талентираната струмичанка за првпат се потпишува и како авторка на стиховите, а музиката ѝ е заедничка со Тино Стојановски, додека за аранжманот и продукцијата се погрижи Иван Јованов – Ивајо.

Сето тоа собрано под насловот „Одговор“, со текстуално видео визуелно го дополнија Пеце Здравковски и Ѓорѓи Вацев од продукцијата „Пинестел“, а за изгледот на Александра се погрижи Милена Танаскоска.

Aleksandra Janeva – Odgovor

Анастасија Ражнатовиќ со нова песна од Дарко Димитров – РАНИ (ВИДЕО)

Ќерката на Цеца Светлана Цеца Ражнатовиќ и младата музичка ѕвезда Анастасија Ражнатовиќ издаде уште еден сингл, кој се вика “Рани”. Како во првата, така и во оваа песна е “замешан” Дарко Димитров, каде е композитор и негов е аранжманот. Уживајте!

Anastasija – Rane – (Official Video 2019)

Јордан Митев го промовира неговото најново видео за темата „Наздрави за љубов, наздрави за среќа“

Јордан Митев деновиве го промовира неговото најново видео за темата „Наздрави за љубов, наздрави за среќа“, која е вистински хит во нашата земја и кај нашинците надвор, песна во која се пронаоѓаат сите генерации. Спотот го работеше со „Арт продукција“, а се снимаше во неговиот роден Радовиш.

„Некст тајм“ ја претставија преработката на „Нешто ќе те питам бабо“

Во Драмскиот театар во Скопје вчера се одржа промоцијата на новата песна и видео на „Некст тајм“, која е трета по ред од проектот со преработки на традиционални македонски песни и доаѓа по извонредните „Ја излези Ѓурѓо“ и „Слушам кај шумат шумите“.

Овој пат браќата Филиповски одлучија да ја препеат „Нешто ќе те питам бабо“, чиј аранжман повторно е на маестралниот Никола Мицевски, а сето тоа визуелно го долови екипата на продукцијата „Мелем“, под режисерската палка на Огнен Шапковски.

Ленче Кукиќ од Струмица со сите емоции – “Галебе мој тажен” полн погодок во “Nikad Nije Kasno”

Со македонскиот евергрин “Галебе мој тажен”, Ленче Кукиќ повторно го доби жирито и публиката во балканското тв шоу Nikad Nije Kasno и продолжи понатаму во натпреварувањето

Соња Муличкоска од Прилеп направи вистинско шоу заедно со ќерките во “Nikad Nije Kasno”

Во последната емисија на регионалното шоу „Никогаш не е доцна“ настапуваше и 57-годишната Соња Муличкоска од Прилеп. Соња важи за многу позитивна и насмеана личност секогаш со полна енергија. Таа завршила за моден креатор, а отсекогаш сакала да се занимава со музика. Овој пат таа својот сон си го исполни во регионалното музичко шоу „Никогаш не е доцна“.

Таа во музичкото шоу настапи со песната „Ја те пјесмом зовем“ од Ханка Палдум, а на сцената се појави во креација која самата си ја направила. Соња од жирито доби само пофални зборови за нејзината изведба, а Милица ја пофали и дека одлично изгледа. Потоа, Соња заедно на сцената запеа и со нејзината ќерка и во дует ја отпеаја песната „Шеќерна“.

Sonja i Antonija Mulickoska – Belo lice ljubam jas – (live) – NNK – EM 23 – 03.03.2019

57-годишната модна креаторка од Прилеп си го исполни својот сон во „Никогаш не е доцна“

Во последната емисија на регионалното шоу „Никогаш не е доцна“ настапуваше и 57-годишната Соња Муличкоска од Прилеп. Соња важи за многу позитивна и насмеана личност секогаш со полна енергија. Таа завршила за моден креатор, а отсекогаш сакала да се занимава со музика. Овој пат таа својот сон си го исполни во регионалното музичко шоу „Никогаш не е доцна“.

Таа во музичкото шоу настапи со песната „Ја те пјесмом зовем“ од Ханка Палдум, а на сцената се појави во креација која самата си ја направила. Соња од жирито доби само пофални зборови за нејзината изведба, а Милица ја пофали и дека одлично изгледа.

Sonja Mulickoska – Ja te pjesmom zovem – (live) – NNK – EM 23 – 03.03.2019

Прекрасен настап на Мартинијан во “Ѕвездите На Гранд”, “Километри” ја отпеа подобро и од Лозано

Прекрасната песна „Километри“ на Влатко Лозаноски беше изборот со кој Мартинијан настапи оваа недела на Ѕвездите на Гранд.

Очекувано, песната ја испеа одлично и со многу емоции, што предизвика воодушевување кај публиката.

Martinijan Kirilovski – Kilometri, Milimetar (live) – ZG – 18/19 – 02.03.19. EM 24

Нашиот Дамјан со одличен настап на „Ѕвездите на Гранд“ – Ова младо момче е новата музичка надеж

Со песните „Плавуша“ од Кичо Слабинац и „Во коси да ти спијам“ од Тоше Проески 16-годишниот Дамјан му остави одличен впечаток го импресионираше жирито и предизвика позитивни коментари и воодушевување.

Untitled.png

Ристе Ристески со впечатливо видео за новиот сингл „Неизлечиво“

Охриѓанецот Ристе Ристески, кој (засега) е единствениот македонски победник во „Ѕвездите на Гранд“, деновиве ја промовираше својата втора студиска песна насловена „Неизлечиво“, заедно со мошне интересно и впечатливо видео објавено на неговиот канал на Јутјуб.

„Лилит“ е музичко откритие и вистинско „Чудо“

Зад уметничкото име „Лилит“ се крие една млада, шармантна и симпатична охриѓанка Емилија Колоска, која низ клубовите ширум Скопје и Македонија е позната како вокал на бендот „Балтер“.

Деновиве таа како дел од една екипа вонсериски музичари под името „Лилит“ на јавноста ѝ го претстави своето музичко „Чудо“, огледано во истоимената тема. Необична и чудна, но мошне ефектна фузија на стилови, од џез и блуз, до амбиентална атмосфера зачинета со беспрекорниот вокал на Емилија која на целата тема ѝ дава своевидна мистика, драматика и себесвојствен шарм, правејќи ја неподносливо лесна за слушање и уживање во миксот на комплицирани жанрови

Лозано ја претстави новата емотивна песна „Мајко“

Уште со најавната фотографија за новата песна и видео на Влатко Лозаноски знаевме дека станува збор за уште една емотивна музичка приказна од кичевскиот славеј, овој пат посветена на сите мајки, особено оние чии чеда заминуваат во туѓина… Популарниот пејач, кој на 23 март ќе го одржи својот голем славенички концерт по повод 10 години кариера, отсекогаш добивал особено позитивни критики со изведбите на нашите прекрасни народни песни, а токму во штотуку објавената „Мајко“ го направи можеби најдобриот спој на етно и поп-елементи.

Невена Божовиќ ќе ја претставува Србија на „Евровизија 2019“ со „Круна“

Со темата „Круна“, младата српска пејачка Невена Божовиќ вчера триуфираше на финалето на годинашниот фестивал „Беовизија“, освојувајќи го и билетот за Тел Авив, каде што на 14 мај ќе ја претставува Србија. Божовиќ се потпишува и како авторка на музиката и стиховите, а аранжер и продуцент е нашиот Дарко Димитров, кој втора година со ред е дел од авторскиот тим на Македонија и на Србија.

(ВИДЕО) Во Белград погребан Шабан Шаулиќ со рефренот на песната посветен на сопругата Гоца:”Не плачи душо…”

Кралот на фолк музиката, како што сите со право го нарекуваа(т) Шабан Шаулиќ e погребан во Алејата на заслужните граѓани на новите гробишта во Белград. На самиот погреб непрегледна километарска колона од луѓе, неговата публика, неговите пријатели, почитувачи на неговата музика, неговото семејство, неговите роднини, колеги од естрадата…. Само лелек, солзи, молк…..на сите страни.

Пред спуштањето на ковчегот со телото на Шабан, посмртниот оркестар ја отсвири и најтажната песна која Шабан во 1984 година и ја посветил на својата најголема љубов, сопругата Гоца.

Сузана Гавазова жешка и намачкана

После песната „Хало“, која се покажа како вистински погодок, Сузана Гавазова продолжува со походот за освојување на српскиот и балканскиот музички пазар.
Со првата песна и спот, Гавазова веднаш го привлече вниманието на балканската јавност, а тоа се докажа со многуте гостувања на српските и регионални ТВ канали во емисиите и шоуата на Прва, Гранд, Пинк, а и големиот број прегледи и коментари за „Хало“.
Нашата пејачка не чекаше да помине долго време, па затоа повторно околу себе собра проверена екипа и повторно изненади со нов проект.

Новитетот на нашата пејачка е насловен „Намазана“ (Намачкана).
Тимот кој работеше на оваа песна се Саша Диниќ и Ана Диниќ, а видеото го работеше “НН Медиа продукција”.

Тијана Дапчевиќ го прослави роденденот со нова песна

Наместо со роденденска торта, Тијана Дапчевиќ нè почести со нова песна насловена „Презир“, која доаѓа по минатогодишната преработка на „Километрите“ од Лозано, како и по хитот „Ресет“, чии автори се потпишуваат и на новиот сингл. Имено, автор на музиката и стиховите е Александар Делиќ – Динге, а аранжманот го направи Махир Сарихоџиќ.

Погледнете го настапот на Каролина на МАС 2019 во Белград

Во вторникот, на 29 јануари, во арената „Штарк“ во Белград се одржа првото доделување на регионалните музички награди „Мјузик авордс серемони“, или МАС 2019, во чии рамки настапија и едни од најголемите музички ѕвезди во регионот, меѓу кои и нашата Каролина Гочева.

Пејачката беше номинирана во категоријата најдобра етно-песна, каде што за темата „Ти не дојде“ од актуелниот албум „Извор“ ја освои наградата од публиката.

Токму оваа емотивна балада ја изведе и во живо, а одличната сценографија дополнително го збогати нејзиниот настап кој можете да го погледнете во продолжение.

Зоки Шумадинац – „Свесен сум дека сите ме гледаат како будала, но тоа не ми смета”

Зоки Шумадинац преку ноќ стана интернет сензација со својата песна „Аутотјин“, која веќе има милиони прегледи на каланот „Јутјуб“.

Пејачот Зоран Петровиќ, познат како Зоки Шумадинац, направи вистински бум со оваа песна, која за само три седмици достигна неверојатни 3.2 милиони прегледи.

Светско а наше | Мартија ја заокружи годината со „Get Crazy“

Само неколку дена до крајот на 2018, Мартија Станојковиќ одлучи оваа мошне успешна година да ја заокружи со темата насловена „Get Crazy“. Станува збор за уште еден потенцијален хит за талентираната кумановка, кој повторно го потпишуваат американските автори  Џеф Герити, Џош Глејзер, Алија Џејд и Ерл Коен, со кои соработуваше и за претходно објавените „Next To Me“ и „That’s The Way We Like It“.

Антонија како Шакира во „Пинковите ѕвездички“

Антонија Гиговска е дел од специјалното издание на емисијата „Пинкови ѕвездички“, во кое учествуваат најдобрите изведувачи од претходните сезони на натпреварот. Откако ја слушнавме со изведбите на евергринот „I Will Survive“ од Глорија Гејнор и деби-синглот на Бритни Спирс – „Baby, One More Time“, годинашната победничка на „Макфест“ во најновата епизода се претстави со хитот „Whenever, Wherever“ од колумбиската колешка Шакира.

Хитот на Билбилов, „Избриши ги ти солзите“ доби нова верзија

Еден од најголемите хитови на Роберт Билбилов – макфестовската „Избриши ги ти солзите“ (2006) си доби нова, освежена верзија, отпеана во дует од Александар Тарабунов и Барбара Поповиќ.

Триото „Кладенец“ ја екранизираше „Да си вечна земјо моја“

„Да си вечна земјо моја, темата со која вокалното трио „Кладенец“ се претстави на годинешниот „Лешочки фолк-фест 2018“, доби и свој автентичен видеозапис, кој деновиве беше промовиран и пуштен во македонскиот медиумски етер.

Инаку, вокалното трио „Кладенец“ е оформено од Сашо Костадиновски, дипломиран етнокореолог на Факултетот за музичка уметност во Штип и Уметнички раководител на  КУД „Кирил Пејчиновиќ“ – Теарце. Преку вокалното трио „Кладенец“, тој и неговата вокална дружина, која покрај него уште ја сочинуваат  Бобан Трпковски и Мирослав Симјановски, негувајќи ги изворните македонски песни, придонесуваат за зачувување на традиционалните вредности на Република Македонија, а изворниот фолклор е секако една од нив.

„Око мое“ е новиот хит на Стојне Николова

Фолк-пејачката Стојне Николова деновиве го промовираше видеото за својата најнова песна насловена „Око мое“, чија музика и аранжман ги потпишува постојаниот соработник на пејачката – Бобан Мојсовски, додека стиховите се дело на проверениот лиричар, текстописецот Огнен Неделковски. Песната е снимена и продуцирана во музичкото студио „Анастасија“, а во нејзината реализација уште учествувале и Јане Рафаиловски на кларинет и Дуле Божиновски на хармоника.

Stojne Nikolova – Oko moe(official video)

ЕКСКЛУЗИВНО – „Reminder“, нов сингл и видео на Кирил Џајковски

Македонскиот композитор и продуцент Кирил Џајковски го објави новиот сингл Reminder“, за кој е изработен и одличен видео спот, а со кој Џајковски се враќа на сцената по подолга дискографска пауза. Песната „Reminder“ е прва соработка со новиот член на неговиот концертен бенд, вокалистот Дејвид Лајон (David Lion) и претставува храбра комбинација на балкан-бит звукот со глич-хоп и реге-влијанија.

Djaikovski Ft David Lion – Reminder (Official Video)

Струмичанката Ленче ги воодушеви Жељко и Јована Јоксимовиќ во „Никогаш не е доцна“

Започна и вториот круг на регионалното музичко шоу „Никогаш не е доцна“, а во првата емисија настапуваше и Ленче Кукиќ од Струмица. Пред жирито и публиката се претстави со песната „Не иди од мене, злато мое“, а со нејзинита интерпретација ги воодушеви присутните во студиото и пред ТВ екраните.

Членови на жирито овој пат освен Саша Милошевиќ Маре, беа и Јована и Жељко Јоксимовиќ кои имаа само пофални зборови. Жељко на почетокот истакна дека е воодушевен од пеењето на Ленче и дека за малку ќе паднел од столица поради нејзиниот глас.

„Секоја чест за интерпретацијата, за бојата на гласот и за техниката со која располагаш, секоја чест“, прокоментира Жељко.

Настапот на Кукиќ погледнете го во видеото подолу.

Скопјанецот Филип Пецовски расури во Zvezde Granda, го враќаа и на бис

Уште на самото излегување на сцената публиката го поздрави со силен аплауз. Филип се претстави со „Adio amore“ од Раста и „Волим осмех твој“ од Тоше Проески. Неговиот перформанс беше надополнет со играње, а публиката цело време беше на нозе и го поздравуваше со овации.

Жирито кое седеше во „капсула“ не знаеше што се случува и едвај чекаше да видат за кого станува збор. Филип доби пет гласови, односно сите членови на жирито му дадоа „да“ освен Драган Стојковиќ Босанац.

По неговите изведби жирито беше збунето зошто толку овации и врескање во публиката, па Поповиќ побара уште еднаш да ја отпее втората песна и да биде уште повеќе енергичен за да може жирито да види што се случувало зад капсулата.

Филип уште еднаш ја отпеја „Волим осмех твој“ и направи вистински хаос во студиото на „Гранд“. Неговиот настап погледнете го на 1:06

Светско а наше | Викторија Лоба, Марга Сол и Дарлс Флоу се „Над небото“

„Feel It“ за англиската, а „Над небото“ за македонската верзија е насловот на новата соработка на Викторија Лоба со продуцентите Марга Сол и Дарко Цветкоски или Дарлс Флоу, кои се потпишуваат како автори на оваа дип-хаус тема, а освен што пее, Лоба се погрижи и за стиховите на македонски јазик. Сето тоа визуелно го дополни Дарко Митев, снимајќи на идличниот грчки остров Санторини.

Victoria Loba ft. Marga Sol, Darles Flow – NAD NEBOTO (Official Video)

Гавазова започна да ја освојува Србија со „Хало“

Фолк-ѕвездата Сузана Гавазова неодамна ги соопшти своите планови за освојување на српскиот пазар, а сега конечно ја имаме и нејзината прва песна на српски јазик насловена „Хало“. Сакајќи успехот да биде загарантиран, пејачката ги здружи силите со едни од најпознатите српски автори, па така стиховите на „Хало“ се дело на хитмејкерот Драган Брајовиќ Браја, а музиката и аранжманот ги потпишува Динајл Екс.

Антонија уште еднаш воодушеви во „Ѕвездичките на Пинк“

Антонија Гиговска е дел од специјалното издание на популарната музичка емисија „Ѕвездичките на Пинк“, во чии рамки се натпреваруваат најдобрите натпреварувачи од изминатите сезони. Младата пејачка, која годинава реди само успеси, во новата епизода посветена на мјузиклите настапи со евергринот „I Will Survive“, повторно добивајќи само позитивни критики од жирито.

Калиопи доби „Пресуда“

По кусата пауза од музичката сцена, Калиопи конечно има нова песна. Станува збор за уште една емотивна балада насловена „Пресуда“, која повторно произлезе како резултат од долгогодишната соработка со нејзиниот некогашен сопруг Ромео Грил. Тој се потпишува како комплетен автор и продуцент на оваа песна, чие снимање се одвивало во студијата „ГМП“ во Базел (Швајцарија) и „Морис“ во Загреб, додека сниматели биле Дон Карло Џовани и Филип Видовиќ, кој стои и зад миксот и мастерингот.

Повеќе…

Пејачот Дамјан Димевски го фрапираше жирито на Zvezde Granda

16-годишниот Дамјан Димевски од Скопје му остави одличен впечаток на жирито на Ѕвезде Гранда. Тој од свои 14 години настапува на сцените на Гранд, каде минатата година дојде до финале. Оваа година се натпреварува со возрасните каде треба да се покаже исклучително знаење во пеењето како и перформансот.

Јелена Карлеуша во текот на настапот на неколку пати го пофали пеењето и изгледот, Марија Шерифовиќ остана без зборови, а Саша Поповиќ и самиот нагласи дека е прв кандидат кој ја оставил без зборови.

Погледнете ги и реакциите на жирито

Адам Лабунски после неколку сезони во „Пинкови ѕвезди“ си ја проба среќата во “Ѕвездите На Гранд”

Добро познатиот Адам Лабунски неколку сезони по ред се натпреваруваше во музичкото шоу „Пинкови ѕвезди“.

Иако, жирито во ова шоу на „Пинк“ телевизија беше воодушевено од неговиот настап и пред се неговата појава, Адам не успеа да стигне до финале, ниту пак да направи некој успех.

Каква моќна интерпретација… Струмичанката Ленче Кукиќ растури во „Никад није касно“

И Ленче Кукиќ во музичкото шоу на Гранд ТВ „Никад није касно“, ќе се натпреварува во третата сезона, откако нејзиниот сопруг Горан победи во првата сезона 2016/2017-та.

Таа го помина првиот круг со моќната интерпретација на македонската народна песна „Катерино моме“, со која ги воодушеви и жирито и публиката.

Untitled.png

Мартија продолжува да реди хитови со „Next To Me“

Tалентираната кумановка Мартија Станојковиќ продолжува да реди хитови во својата кариера, а следен во низата е штотуку објавениот сингл насловен „Next To Me“. Станува збор за песна отпеана на англиски јазик, чии автори се Џеф Герити, Џош Глејзер, Алија Џејд и Ерл Коен, во чие студио се снимаше, продуцираше и миксаше самата песна.

Мијата објави видео-приказна за нејзината песна „Дај ми ДА“

Мијата објави видео-приказна за нејзината песна „Дај ми ДА“, која е дел од кабаре-концертот „Јаболки и круши за уметнички души“ што изминативе неколку месеци патува низ Македонија, а ќе заврши во Скопје на крајот на ноември. Видеото е извадок од перформансот „Јаболки и круши за уметнички души“, а и пораката е силна: „Слободата на секој од нас“ – порачува Мијата.

Јелена Розга го претстави новиот сингл „Остани“

Хрватската ѕвезда Јелена Розга го промовираше видеото за својот нов сингл насловен „Остани“, кој е резултат од соработката со колешката Емина Јаховиќ и нашиот композитор и продуцент Дарко Димитров. Токму Емина се потпишува како авторка на музиката и стиховите, а Дарко беше задолжен за аранжманот и продукцијата. Тандемот во план има и уште неколку соработки кои би требало да ги слушнеме и видиме во наредниов период.

Покрај српската верзија на својот нов сингл, Ања Ветерова ја пушти во етер и македонската – „Ми доаѓа на вриснам“

Откако ја објави српската верзија на својот нов сингл, Ања Ветерова ја пушти во етер и македонската, овој пат насловена „Ми доаѓа на вриснам“. Како и на голем дел од претходните нејзини песни, така и на оваа автори се хитмејкерот Дарко Димитров и колешката Елена Ристеска, а видеото во режија на Марко Тодоровиќ и Петар Драшковиќ, го изработи екипата на српската продукција „Ај-ди-џеј“.

Евровизиската „Нинанајна“ на Елена доби турска верзија

Нашата евровизиска песна со највисок пласман досега, со која Елена Ристеска во 2006 година го освои 12. место во финалето, „Нинанајна“ 12 години подоцна доби верзија на турски јазик. Станува збор за песна во изведба на турската пејачка Севту Касапбашолу (Sevtuğ Kasapbaşoğlu), овој пат со наслов „Tam Vakti“ (Цело време).

Хрватската ѕвезда Северина го претстави видеото за својот нов сингл насловен „Магија“

Хрватската ѕвезда Северина го претстави видеото за својот нов сингл насловен „Магија“, во кој гостува колегата Јала Брат. Босанскиот рапер и продуцент се потпишува и како автор на музиката и стиховите, за што му помогна Буба Корели, а аранжманот е на РимДа. Режисер и кореограф на разиграното видео е Анже Шкрубе.

Лина Пејовска ја претстави и македонската варијанта, на „Одлучи се“

Веднаш откако ја објави српската верзија на својот нов сингл насловен „Одлучи се“, Лина Пејовска ја претстави и македонската варијанта, овој пат со наслов „Топло-ладно“. Како и на претходната, макфестовска балада „Ако ме сакаш“, автор на новиот сингл е Дарко Димитров, кој се потпиша на музиката, аранжманот и продукцијата, додека стиховите се дело на Елена Ристеска.

Лина Пејовска воодушевува со новиот сингл и видео за „Одлучи се“

Станува збор за вистинско освежување на македонската, но и регионалната сцена, имајќи предвид дека песната е снимена во две верзии – на македонски и на српски јазик, а сето тоа визуелно спакувано од Бошко Столиќ и продукцијата „Меџик рекордс“ прави целиот производ да звучи и изгледа свежо, модерно и тренди.

Овој одличен сингл е чекор во вистинската насока за младата Пинкова ѕвездичка, за која веруваме дека ѝ претстои успешна и блескава кариера, а како изгледа и звучи „Одлучи се“, дознајте во продолжение. Уживајте!

Стојне Николова и Џамбо Агушев ги здружија силите за „После мене“

Фолк-пејачката Стојне Николова деновиве го промовираше своето најново музичко остварување насловено „После мене“, во кое гостува колегата Џамбо Агушев. Станува збор за авторско дело на нејзиниот долгогодишен соработник Бобан Мојсовски, чиј потпис стои на музиката и аранжманот, а стиховите се дело на Љупче Василев, кој ја игра и главната машка улога во видеото.

Песната е снимена во студиото „ХЛ Момировски“, а на видеото работеше екипата на продукцијата „Зона М1“, во чии простории се одржа и самата промоција, додека снимањето се одвиваше на повеќе локации, меѓу кои и коњичкиот клуб „Бравадос“ од Скопје. Уживајте!

Нов сингл од Јелена Розга: „Земам колку што ми даваш“

„Узмем колико ми даш“ е насловот на новиот сингл кој хрватската пејачка Јелена Розга деновиве го промовира заедно со ведра и позитивна екранизација. Станува збор за уште едно авторско дело на нејзините долгогодишни соработници Тончи и Вјекослава Хуљиќ, кои ги потпишуваат музиката и стиховите, а аранжманот го направи Лео Шкоро, додека видеото е во режија на Дарио Радусин.

Ќерката на Цеца, Анастасија дебитира со песна од Дарко Димитров

Ќерката на балканската дива Цеца, Анастасија Ражњатовиќ тргна по стапките на својата славна мајка, а како прв чекор во нејзината музичка кариера денеска беше претставена песната насловена „Савршен пар“. Автор на музиката и аранжманот е нашиот Дарко Димитров, а стиховите си ги потпишува самата Анастасија, додека видеото е во реализација на продукцијата „Ај-ди-џеј видеос“, под режисерската палка на Андреј Илиќ.

За само неколку часа од објавувањето, под видеото се наредија бројни позитивни коментари од нејзините обожаватели, опишувајќи ја песната како летен хит. Уживајте!

 

Струмичанката Драгана втора во „Некои нови клинци“

Струмичанката Драгана Костова го освои второто место во финалната вечер на детската музичка емисија „Некои нови клинци“, освојувајќи 9.414 гласови, а на првото место се најде Босанката Вања Књежевиќ со 12.671 глас. Во оваа вечер се натпреваруваа 7 момчиња и 7 девојчиња, меѓу кои Драгана беше единствената Македонка.

Во текот на изминатите осум месеци, Драгана важеше за еден од фаворитите и постојано добиваше само пофални зборови од жирито, а за пофалба беше и нејзиниот последен настап во натпреварот.

Северина и „Милиграм“ имаат летен хит

Освен работата на сопствениот материјал, хрватската ѕвезда Северина Вучковиќ наоѓа време да сними и по некоја соработка со колегите од регионот, а овој ги здружи силите со српските колеги од групата „Милиграм“. Предводена од познатиот хитмејкер Александар Милиќ – Мили, групата ја покани Севе да им се придружи во нивниот најнов сингл насловен „Од лета до лета“, чиј наслов и самиот кажува дека се работи за летен хит.

Миа Мустафа (14 г. Скопје) блесна на сцената на “Ѕвездичките на Пинк”

Во 30-тата емисија на големото талент шоу “Pinkove Zvezdice” Миа одлучи да ја изведе песната “Доживотно” на Елена Ристеска и со тоа уште еднаш го докажа својот неверојатен талент за пеење.

14 годишната Скопјанка ги освои сите 5 гласови од жирито, а потоа проследија и нивните позитивни коментари.

Тајзи со нов хит – “Параноја”

Се работи за песна на македонски јазик и е вистински весел летен хит, кој го продуцираше Александар Иван Миличевиќ, млад и талентиран продуцент кој е роден и работи во Шведска. Во иднина Тајзи најавува уште соработки со продуценти од Шведска, бидејќи моментално тие се едни од најактуелните на светската музичка сцена.

Музика: Tyzee, Flexx

Текст: Tyzee

Аранжман: Александар Миличевиќ-Фјаза

Mix i master: Robert Bilbilov

Режија: Tyzee

DOP: Ilija Zogovski

Асистент: Boris Josifovski Montaza i kolor: Filip Paunovski

Модел: Ninna Red

Локација: Makedonija

„Тропико бенд“ со нова песна и спот – “Sinove Tame”

„Тропико бенд“ со нова песна и спот „Синови таме“ во која соработуваат со колегата Џенан Лончаревиќ. Режисерската палка, но и една од главните улоги во оваа неверојатно крими-приказна и овој пат му е доверена на еден од најдобрите актери од помладата генерација во соседна Србија, Вук Костиќ, со кого бендот има соработувано и претходно.

TROPICO BAND FEAT. DZENAN LONCAREVIC – SINOVI TAME (OFFICIAL VIDEO) 4K

Тајзи со нова песна и спот во стрип-техника за првпат кај нас!

На својот канал на Јутјуб, Тајзи го промовираше новиот спот за песната „Мој живот, моја ствар“, која е на српски јазик и носи интересна порака. Видеото е во вид на стрип и е нешто ново кое за првпат го гледаме на нашите простори, а режисер на спотот е самиот Драган Величковски Тајзи.

Јелена Розга има нова песна – „Најдобар ден“

По кусата пауза од музичката сцена, популарната хрватска пејачка Јелена Розга деновиве го претстави својот нов сингл насловен „Најбољи дан“.

Македонката се расплака и „растури“ на сцена

Во најновото издание од најновата сезона на Ѕвездичките, настап на нашата Миа Мустафа. “Полско цвеќе” од легендата Проески беше првата песна со која Миа се претстави пред жири комисијата. Може малку го заборави текстот, но одлично се снајде на сцена и се “извади” како што тоа го прават само најголемите и нахрабри светски музички ѕвезди.

Mia Mustafa – Poljsko cveće

Песната ја погоди нашата Македонка која не можеше да ги сокрие солзите на сцена, и токму тој настап и тие моменти ги разнежнија срцата на сите оние кои со задоволство уживаа во нејзиниот моќен настап. Миа “растури” со “Полско цвеќе”, а ја зацврсти својата вечерна позиција со втората песна – “You know, I am no good”.

Погледнете го светскиот хит од Sia – Cheap Thrills во изведба на 12 годишната Марија Спасовска

Создавајќи вистинска уметност со својот глас, нашата млада ѕвезда Марија Спасовска иако има само 12 години, може нескромно да се пофали со многубројни признанија како од кај нас, така и од повеќе земји во светот.

Марија Спасовска со кавер, пролетен и весел , и светски. Станува збор за песната од Sia – Cheap Thrills, а во продолжение погледнете и уживајте …

 

„Тропико бенд“ со ново видео – “Само иди”

Момците од „Тропико бенд“ решија да ги израдуваат своите фанови. После три години од излегувањето на последниот албум, подготвија три нови песни од кои една е веќе пуштена во јавноста.

„Синглот ’Само иди’ е една мала увертира за она што го подготвивме за нашата публика, иако сите три песни се сосема различни, не само една од друга, туку и од она што досега го работевме, со нетрпение ги очекуваме реакциите на публиката“, вели Сале, фронтменот на „Тропико“.

Пејач ја погоди песната и доби 6000 евра бакшиш

Пејач на босанска свадба ја погоди песната на вујкото и доби бакшиш од 6000 евра. Вујкото му рече дека ако погоди која песна му е омилена ќе добие одличен бакшиш, ако не само 50 евра. За среќа пејачот ја погоди песната. Е ова ти е бакшиш.

“Без тебе ме нема”: Саша Ковачевиќ со нов мега хит и видеозапис

Еден од најпознатите пеачи на Балканот, Саша Ковачевиќ ги израдува своите фанови со нов мега хит “Без тебе ме нема” и видеозапис за истиот. 

После огромниот успех кој го достигна со познатиот хит “Кажеш не”, Саша излезе со емотивната балада “Без тебе ме нема” и видеозапис кој го сними во Лондон и кадрови од кои ви се одзема здивот.