“Медена земја” од утре во кината во Македонија

Advertisements

Втората сезона на „Фамилијата Марковски“ премиерно на Сараевскиот филмски фестивал

Првите две епизоди од втората сезона од ТВ-серијата „Фамилијата Марковски“ на 22 август (четврток) премиерно ќе бидат прикажани на годинешното јубилејно издание на Сараевскиот филмски фестивал. Првата сезона македонската серија ја имаше во 2017 и наиде на позитивни критики и популарност кај публиката.

„Со самото тоа што новата сезона ќе биде дел од една ваква селекција, на реномиран филмски фестивал како што е Сараевскиот, значи признание за нас, како и за модерната македонска телевизиска продукција. Серијата, секако, ќе се прикажува и во нашата земја, но со оглед дека сè уште се прецизираат деталите, информациите ќе ги објавиме набргу“, велат од продукцијата „Арт проект лаб“, која стои зад серијата „Марковски“.

Премиерно прикажана во 2017, со иницијални осум епизоди, „Фамилијата Марковски“ во фокусот го има секојдневието на едно просечно семејство, чии случувања се рефлексија на актуелното македонско општество. Главните улоги ги толкуваат Александар Микиќ, Силвија Стојановска, Владимир Петровиќ, Тамара Ристоска и Петар Петковски. Режисер на серијата е Даријан Пејовски. Втората сезона е составена од нови осум епизоди и ќе се емитува од есен.

Како изгледа најавната шпица за новата сезона на „Беверли хилс“

Носталгијата за деведесетите, денес ја ставаме во петта брзина благодарение на римејкот на култната серија „Беверли Хилс 90210“. Истата ќе започне да се емитува на „Тв Фокс“ и досега во план се шест нови епизоди, од кои и всушност зависи дали новата верзија ќе добие цела сезона или ќе остане мал потсетник на телевизискиот феномен кој остави белег низ генерациите.

Најавната шпица, музиката, кадрите и темата не враќаат во минатото.

Габриел Картерис, Шенон Доерти, Џени Гарт, Брајан Грин, Џејсон Присли, Тори Спелинг и Иан Зеринг се во главните улоги на новата верзија „Беверли хилс“. Од поранешната постава недостасува само Лук Пери, кој почина од мозочен удар во март годинава.

Симпсонови на „руски начин“, и тоа со „Едерлези“

Една од омилените серии, кои на средината на декември ќе го прослават 30-от роденден, доби од неодамна своја „руска верзија“ – „Шимпшони“.

Имено, рускиот аниматор кој се претставува како Лењи Квадратич измислил своја верзија, на оваа секаде во светот популарна анимирана ТВ серија.

Меѓутоа, неговата шпица ниту малку не е забавна, туку прилично депресивна. Додека во оригиналната серија преовладуваат весели бои, Лељиновата шпица е во сиви тонови.

После само три епизоди, серијата Чернобил има подобри оценки од Game of Thrones

Новата НВО мини серија „Chernobyl“ ги воодушеви гледачите до таа мера, што некои уште после првата епизода ја прогласија за една од најдобрите серии на годината.

Иако досега се емитувани само три епизоди (од вкупно петте), серијата веќе има добиено подобри оценки на IMDB и од планетарно популарната Game of Thrones.

Мини-серијата во пет продолженија прикажува што тргнало наопаку во нуклеарната електрана „Чернобил“ во бившиот Советски Сојуз, ноќта на 25. спроти 26. април, 1986 година. Но, прикажува и како дошло до експлозијата, а ги прикажува и последиците.

Очигледно фактот дека е снимена по вистинити настани најмногу го привлекува и задржува вниманието на гледачите, а многумина на социјалните мрежи ја прогласија за ремек-дело.

Chernobyl (2019) | Official Trailer | HBO

Први кадри од најновото продолжение на култната франшиза „Терминатор“

Стигнаа првите кадри од најавената научно-фантастична акција „Terminator: Dark Fate“, во која ќе имаме можност да ги гледаме легендите од култниот прв „Terminator“ од пред 35 години.

Ова ќе биде шесто продолжение од култната франшиза во кое прв пат, после вториот дел „Terminator 2: Judgment Day“ ќе ги обедини Арнолд Шварценегер, Линда Хамилтон и Џејмс Камерон.

Новото продолжение го режираше Тим Милер, познат по хитот „Deadpool“, а приказната ги следи настаните од филмот од 1991 година. Продукцијата е на визионерот Камерон и Дејвид Елисон.

За „Terminator: Dark Fate“ не се познати многу детали, освен дека ќе биде директно продолжение на вториот дел од познатата франшиза. Во филмот, освен споменатиот актерски тандем, ќе се појават и други актерски ѕвезди како Мекензи Дејвис, Натали Рејес, Габриел Луна и Диего Бнета.

Terminator: Dark Fate Teaser Trailer #1 (2019) | Movieclips Trailers

Култната серија “Беверли Хилс 90210” се враќа на 7 август – Излезе првата најава

По најавата дека екипата на култната серија „Беверли хилс“ ќе се собере повторно, вчера вечер излезе и првата најава за серијата која со нетрпение повторно ја очекуваме.

Како што беше и претходно потврдено, а и се гледа во видеото, и Шенон Доерти (Бренда) се приклучи кон екипата. За жал, Лук Пери почина непосредно пред да започне проектот и ќе недостасува во новите епизоди.

Сепак, едно е сигурно дека ова видео буди спомени на едно безгрижно детство. „Беверли Хилс“ обележа цели генерации, така што нема сомнение дека премиерата на 7. август на „Фокс“ ќе биде со неверојатна гледаност.

Редици во Сан Франциско за македонскиот документарен филм ,,Honеyland“ (Медена земја)

Ова се луѓето кои стрпливо чекаат во долга редица, односно редици, пред Викторија театарот во Сан Франциско, за да влезат на прикажувањето на македонскиот документарен филм ,,Медена земја“. Повеќе…

Објавен првиот трејлер за документарецот за Павароти

Американската компанија „Си-Би-Ес Филмс“ (CBS Films) го објави првиот трејлер за претстојниот документарен филм за оперската легенда Лучијано Павароти, кој е во режија на оскаровецот Рон Хауард. Закажан за 7 јуни, филмот насловен едноставно „Pavarotti“ нуди интимен поглед на животот, работата и делото на италијанската оперска икона, човекот кој успеа да ја доближи операта до пошироката светска публика.

Документарецот содржи снимки од историските настапи на познатиот тенор, интервјуа, како и снимки од приватната архива што досега не биле прикажани. Публиката ќе види и низа студиски и снимки во живо, меѓу кои и изведбата на „Miss Sarajevo“ од хуманитарниот концерт „Павароти и пријателите, заедно за децата од Босна“ (Pavarotti & Friends Together for the Children of Bosnia).

PAVAROTTI – Official Trailer – HD

Никој не остана рамнодушен на емоциите меѓу Бредли Купер и Лејди Гага на нивниот настап на „Оскарите“

Лејди Гага и Бредли Купер на 91. доделување на најпрестижните филмски награди „Оскар“ ја изведоа популарната композиција Shallow од нивниот заеднички филмски проект „Ѕвездата е родена“.

Во театарот „Долби“ завладеа целосен молк, а салата се исполни со голем емотивен набој кога двојката излезе на сцената, а по настапот, многумина оценија дека ова е нивната најромантична изведба на песната што стана планетарен хит.

Lady Gaga, Bradley Cooper – Shallow (Oscar Performance/2019)

Благој Веселинов се закити со „Ѕвезда во подем“ на Берлинале

Македонската актерска ѕвезда од филмот „Исцелител“, Благој Веселинов, за време на филмскиот фестивал во Берлин му беше врачена наградата „Ѕвезда во подем“, која им се доделува на повеќемина млади актери од Европа.

Наградите им ги врачија членовите на овогодишното жири за оваа програма, режисерката Теона Стругар-Митевска и актерот Ингвар Сигурдсон (Исланд).

Берлинскиот филмски фестивал во рамките на „Европски ѕвезди во подем“ промовираше пет актерки и пет актери од Европа, меѓу кои е и нашиот Веселинов. Целта на програмата е на актерите да им се овозможи полесна соработка и запознавање со кастинг-директори, продуценти и останати филмски работници. Ова е уникатна можност Веселинов да оствари лични контакти со видни професионалци од областа на европската кинематографија.

 

Untitled

Објавен е официјалниот трејлер на филмот „Господ постои, името ѝ е Петрунија“

На неколку дена пред светската премиера на филмот „Господ постои, името ѝ е Петрунија”, Продукцијата „Сестри и Брат Митевски“ го објави и официјалниот трејлер.

Инаку, филмот „Господ постои, името ѝ е Петрунија“ се снимаше 6 недели во Штип во текот на јануари и февруари 2018. Монтажата се одвиваше во Белгија, а звукот, лабараторијата и музиката во Белгија, Франција и Словенија.

Погледнете го трејлерот за македонскиот “Медена Земја”, најдобриот документарец на светот

Македонскиот документарец „Медена земја“ на режисерите Љубомир Стефанов и Тамара Котевска освои три награди на најголемиот американски фестивал на независен филм Санденс, меѓу кои и Главната награда од жирито во програмата Светски филм за документарци, Специјалната награда од жирито за влијание за промена за Котевска и Стефанов како и Специјална награда за камера за Фејми Даут и Самир Љума.

„Медена земја“ е филм за Атиџе, последната жена-одгледувач на диви пчели во Европа, која живее со нејзината мајка во централна Македонија. Главна идеја на филмот е да се прикаже припадноста на човекот кон природата и нарушување на природната рамнотежа преку судир на два различни начини на искористување на природните ресурси.

 

Најновиот филм на Теона Стругар Митевска „Господ постои, името ѝ е Петрунија” на 10 февруари премиерно во Берлин

Најновиот филм на Теона Стругар Митевска, „Господ постои, името ѝ е Петрунија”, кој е во главната конкуренција на престижниот Берлински Филмски Фестивал, својата премиера пред интернационалната публика ќе ја има на 10-ти февруари, а ќе биде прикажан осум пати во текот на фестивалските денови.

Инаку, „Господ постои, името ѝ е Петрунија” е прв македонски филм кој е избран во главна конкуренција на Берлинале, а пак прв пат по 25 години, односно по „Пред дождот“ во Венеција 1994 година, воопшто да биде во главна селекција на филмски фестивал од А категорија.

Погледнете еден мал дел од филмот

ПРЕСПАВ Сезона 3 (Трејлер) „Нов Газда“

После успешните две сезони на хит серијата “Преспав” ќе следува и трета сезона. Премиерата ќе биде на 17 декември 2018година на МРТ1 од 20 часот и 15 минути

Официјална најава за трета сезона на македонската ТВ серија “Преспав”.

Третата сезона на “Преспав” најавена со видео спот

После успешните две сезони на хит серијата “Преспав” ќе следува и трета сезона. Премиерата ќе биде на 17 декември 2018година на МРТ1 од 20 часот и 15 минути

„Куршлус“

Таму некаде на север од југот, едно малечко местенце Преспа се прочу во светот. Се појави чудовиште, се бараше нафта, дојдоа странски претставници, се организираа избори, и што ли уште не!

Пансионот што никогаш не спие.

Таму некаде е ПРЕСПАВ!

режија и монтажа: Ла Сандра Ѓоргиева

директор на фотографија: Дејан Димески

музика, текст и аранжман: Мите Димовски, студио „Тра ла ла“

продуцент: Пеце Талески

Ова е трејлерот на филмот “Ругање Со Христос” кој според Министерството за култура шири омраза

Министерството за култура се дистанцира од филмот „Ругање со Христос“ и го осудува јазикот на омраза, што тој го поттикнува, рече на прес-конференција, ресорниот министер Асаф Адеми.

– По објавување на трејлерот на филмот во кој војниците на ОНА се претставени како насилници-силувачи, Министерството за култура објаснува за јавноста дека овој филм нема никаква врска со Министерството и актуелниот состав на Министерството, туку е поддржан од Агенцијата за филм на Република Македонија во 2015 година, истакна Адеми

“Зајди, зајди” во познатиот Холивудски филм “300”?

Познатиот Холивудски филм “300” посветен на спартанците кои се спротивставиле на Персиската империја содржи една добро позната Македонска нумера.

Ако внимателно слушате ќе забележите дека се работи за познатата македонска песна Зајди, Зајди.

Нумерата е искористена за делот кога на сопругата на Леонид и соопштуваат дека кралот загинал во битката.

Проценете сами дали се работи за истата песна

300- Message for the Queen

 

 

Исто така „Зајди, зајди“ се најде и на саундтракот на играта Battlefield 1

Untitled.png

Пристигна трејлерот за новата македонска комедија „Година на мајмунот“

Необичното пријателство меѓу мајмунот Коко и чуварот на Зоолошка градина Цобе и нивниот живот во превртениот транзициски свет, се центар на дејството на „Година на мајмунот“, новата комедија на реномираниот режисер Владимир Блажевски, автор на култниот македонски филм „Панкот не е мртов“.