Нова песна на Антониа Гиговска наменета на регионалната музичка сцена

„Могли сме у двоје“ е насловот на темата која денеска ја промовираше младата пејачка, Антониа Гиговска. Оваа песна доби и свој видео запис, кој е снимен под режисерската палка на Даниел Јовески.
Текстот на песната авторски го потпишува Владимир Даниловиќ, а музиката е на Дарко Димитров.
Advertisements

Мадона го објави дуетот со Малума – „Medellín“

Музичарите ја најавија својата соработка уште пред два месеца, споделувајќи фотографија од студио, па уште тогаш претпоставуваме дека резултатот ќе биде мошне интересен и дека ќе нè натера на танцување. Токму тоа и го добивме, па подгответе се за танцување и притиснете плеј!

 

Криско е „Незаменлив“

Бугарската хип-хоп ѕвезда Криско, кого македонската публика најдобро го знае по соработката со Слаткаристика за хитот „Тик-так“, како и по гостувањата во рамките на заедничката турнеја „Една љубов“, деновиве го објави својот нов сингл насловен „Незаменим“. Станува збор за уште едно авторско дело на самиот Криско, чиј потпис стои на музиката, стиховите и на продукцијата, а аранжманот му е заеднички со Шоумјузик и Евгени Димитров – Маестрото.

Сузана Гавазова со песна му порача: „Роден си за грев“

Сузана Гавазова деновиве ја претстави својата нова, трета по ред песна на српски јазик – Сећање на твој грех“ – за која повторно соработуваше со авторскиот тим што застана зад „Намазана“, а сега ја имаме и македонската верзија насловена „Роден си за грев“.

Автор на музиката е композиторот Саша Диниќ, а аранжер Александар Саблиќ, додека стиховите на македонски јазик ги потпишува Орце Зафировски.

Објавен првиот трејлер за документарецот за Павароти

Американската компанија „Си-Би-Ес Филмс“ (CBS Films) го објави првиот трејлер за претстојниот документарен филм за оперската легенда Лучијано Павароти, кој е во режија на оскаровецот Рон Хауард. Закажан за 7 јуни, филмот насловен едноставно „Pavarotti“ нуди интимен поглед на животот, работата и делото на италијанската оперска икона, човекот кој успеа да ја доближи операта до пошироката светска публика.

Документарецот содржи снимки од историските настапи на познатиот тенор, интервјуа, како и снимки од приватната архива што досега не биле прикажани. Публиката ќе види и низа студиски и снимки во живо, меѓу кои и изведбата на „Miss Sarajevo“ од хуманитарниот концерт „Павароти и пријателите, заедно за децата од Босна“ (Pavarotti & Friends Together for the Children of Bosnia).

PAVAROTTI – Official Trailer – HD

Слаткаристика и Таско со нов хит „Марадона“

„Марадона“ е насловот на новиот сингл на Слаткаристика, за кој хип-хоп ѕвездата ги здружи силите со својот помлад колега Таско. Автор на музиката е самиот Марко Маринковиќ – Слаткаристика, а стиховите заеднички ги потпишуваат со Христијан Тасковски – Таско, додека аранжманот, миксот и мастерингот се на веќе редовниот соработник Иван Јованов – Ивајо.

Снимено на градскиот стадион во Скопје, кој од минатата недела го носи името „Тоше Проески“, видеото го реализираше екипата на „Год ај продакшн“ (God Eye Production) и е објавено на каналот на бугарско-германската компанија „Фејсинг д сан“ (FacingTheSun).

Slatkaristika feat. Tasko – Maradona

Музичкиот колектив „Флека“ ја објави својата нова песна насловена „Ајахуаска“

Музичкиот колектив „Флека“, чија приказна започна пред точно три години, деновиве ја објави својата нова песна насловена „Ајахуаска“.

Музиката и аранжманот се на целиот колектив, стиховите се на Тони Зен и Сиги, а миксот и мастерингот ги направи Бојан Филиповски „Глумие“. Како звучи „Ајахуаска“ дознајте во продолжение. Уживајте!

Излезе првата постхумна песна на починатиот диџеј Авичи

На YouTube е објавен новиот сингл од починатиот шведски диџеј Авичи, „траката“ SOS од постхумниот албум кој официјално ќе биде објавен на 6 јуни, оваа година.

Песната беше објавена вчера, а веќе до денес, 11 април, има над 1,5 милиони преслушувања. Видеото кое е направено за овој сингл содржи трогателни пораки кои фановите ги објавуваа на социјалните мрежи после веста за смртта на Авичи.

Џеј Ло со екстравагантно видео за новиот сингл „Medicine“

Џенифер Лопез деновиве го објави нејзиниот нов сингл насловен „Medicine“, кој мошне наликува на нејзините претходни хитови „Get Right“ и „Do It Well“, а сето тоа сега е дополнето и со екстравагантно видео каде што мултиталентираната пејачка, актерка и танчерка ги покажува сите таленти, како што е и вртењето на шипка.

За овој нов сингл, 49-годишната латино-дива уште еднаш ги здружи силите со колегата Френч Монтана, со кого претходно соработуваше за хитот „I Luh Ya Papi“ и за „Same Girl“, а продукцијата е на норвешкото продуцентско дуо „Старгејт“.

Симона Поповска сними видео за „Сама“

Несудената макфестовска песна со која Симона Поповска требаше да се натпреварува на популарниот штипски фестивал во 2017 година, темата „Сама“ конечно си доби своја екранизација. Авторското дело на композиторот и аранжер Иле Спасев и текстописката Даниела Хаџи-Тоневска сега е дополнето со видео снимено под режисерската палка на Андреј Ѓорѓиевски, а за изгледот за талентираната охриѓанка се погрижи стилистот Бобан Тодоровски.

Сузана Гавазова ја претстави новата песна на српски јазик

Сузана Гавазова продолжува да ја освојува регионалната сцена со уште една нова песна насловена „Сећање на твој грех“, за која повторно соработуваше со истиот тим што се потпиша на „Намазана“, односно автор на музиката е Саша Диниќ, стиховите се на Ана Диниќ, додека аранжманот го направи Александар Саблиќ. Придружните вокали ги отпеа Сузана Бранковиќ, а на саксофон гостува Тункај Туна Шавлев. Сето тоа визуелно го дополни Ник Скерлев, а снимањето се одвиваше на повеќе локации во соседна Бугарија.

Ова е трета песна на српски јазик за популарната македонска пејачка, која дебитираше на музичката сцена во соседството со темата „Хало“, по која следеше и „Намазана“. 

„2Бона“ ја претставија својата „Бела ноќ“

Хип-хоп, рап и ар-ен-би дуото „2Бона“, кое се појави на музичката сцена во 2015 година, деновиве ја претстави својота нова тема насловена „Бела ноќ“. Ова е нивна втора песна за нешто повеќе од еден месец, по соработката за темата „Дијаманти“ со Слаткаристика.

Овој пат се работи за тема во која членовите на дуото – Марио Јелиќ-Кун и Антонио Стојановски-Тонито – се сами изведувачи, додека музиката е авторско дело на Иван Јованов – Ивајо, кој заедно со Кун го направил и миксот и мастерингот, а за видеото се погрижи екипата на продукцијата „Год ај продакшн“ (God Eye Production).

 

Тијана и „Фрајлите“ со нова верзија на хитот „Негатив“

Седумнаесет години од објавувањето на еден од најголемите хитови на Тијана Дапчевиќ, песната „Негатив“ си доби нова, освежена верзија во заедничка изведба со нејзините колешки од групата „Фрајле“.

Ова авторско дело на композиторот Дарко Димитров и текстописецот Драган Брајовиќ Браја, сместено на истоимениот албум на Тијана од 2002 година, во ова ново руво ќе се најде на новиот, петти по ред албум на „Фрајлите“ што ќе го наследи „Љубав на дар“ (2017).

Ѓоко Танески го претстави видеото за својата најнова песна насловена „Тој што во срце те носи“

Популарниот македонски пејач Ѓоко Танески го претстави видеото за својата најнова песна насловена „Тој што во срце те носи“. Станува за уште една моќна балада од охридскиот музичар, чија музика и аранжман ги потпишува неговиот долгогодишен соработник и колега Дамјан Лазаров, а стиховите се дело на Ана Пандевска.

Сето тоа визуелно го дополни продукцијата „Крстевски ентертејнмент“, снимајќи на повеќе импресивни локации во охридскиот регион, вклучувајќи ги и идиличните извори кај Свети Наум, а покрај Ѓоко, во видеото се појавуваат и Анета Спиревска и Синиша Стојаноски.

Како изгледа и звучи најновото од Ѓоко Танески дознајте во продолжение. Уживајте!

Бурни реакции за новото шокантно видео на „Рамштајн“

Германскиот хард-рок бенд „Рамштајн“ предизвика бурни реакции со новото видео за синглот „Deutschland“, во кое музичарите се облечени како заробеници во нацистички логор, со јажиња околу нивните вратови. Десетминутното видео вклучува повеќе шокантни сцени од германската историја.

Бендот е познат по контроверзни видеа и стихови, со референци за некрофилија, садо-мазохизам и сексуално насилство, а во 1998 година искористија снимка од нацистичкиот пропаганден филм „Олимпија“ (1936) од Лени Рајфенстал.

Елена Ристеска ја претстави соработката со рускиот рапер Кирил

Елена Ристеска го претстави дуетот со својот руски колега Кирил, со кого започна да соработува минатата година. Станува збор за песната насловена „Superstar“, чија музика ја потпишува Дарко Димитров, а стиховите се дело на самиот Кирил алијас Кеј-Ди-Ди-Кеј (KDDK). Сето тоа стигна спакувано со видео што се снимаше во Мајами и за кое се погрижи Дејан Димковски, а за изгледот на Елена се погрижи Дани Димковска.

KDDK feat Elena Risteska – Superstar

Александра Јанева со нов хит „Одговор“

Александра Јанева ја претстави својата нова песна, воедно и најава за нејзиниот деби-албум „Срце отвори“, насловен по истоимениот сингл објавен пред неколку недели. Талентираната струмичанка за првпат се потпишува и како авторка на стиховите, а музиката ѝ е заедничка со Тино Стојановски, додека за аранжманот и продукцијата се погрижи Иван Јованов – Ивајо.

Сето тоа собрано под насловот „Одговор“, со текстуално видео визуелно го дополнија Пеце Здравковски и Ѓорѓи Вацев од продукцијата „Пинестел“, а за изгледот на Александра се погрижи Милена Танаскоска.

Aleksandra Janeva – Odgovor

Анастасија Ражнатовиќ со нова песна од Дарко Димитров – РАНИ (ВИДЕО)

Ќерката на Цеца Светлана Цеца Ражнатовиќ и младата музичка ѕвезда Анастасија Ражнатовиќ издаде уште еден сингл, кој се вика “Рани”. Како во првата, така и во оваа песна е “замешан” Дарко Димитров, каде е композитор и негов е аранжманот. Уживајте!

Anastasija – Rane – (Official Video 2019)

Јордан Митев го промовира неговото најново видео за темата „Наздрави за љубов, наздрави за среќа“

Јордан Митев деновиве го промовира неговото најново видео за темата „Наздрави за љубов, наздрави за среќа“, која е вистински хит во нашата земја и кај нашинците надвор, песна во која се пронаоѓаат сите генерации. Спотот го работеше со „Арт продукција“, а се снимаше во неговиот роден Радовиш.

„Некст тајм“ ја претставија преработката на „Нешто ќе те питам бабо“

Во Драмскиот театар во Скопје вчера се одржа промоцијата на новата песна и видео на „Некст тајм“, која е трета по ред од проектот со преработки на традиционални македонски песни и доаѓа по извонредните „Ја излези Ѓурѓо“ и „Слушам кај шумат шумите“.

Овој пат браќата Филиповски одлучија да ја препеат „Нешто ќе те питам бабо“, чиј аранжман повторно е на маестралниот Никола Мицевски, а сето тоа визуелно го долови екипата на продукцијата „Мелем“, под режисерската палка на Огнен Шапковски.

Андријана Јаневска ја освојува Хрватска со „Дај пољуби ме“

Во утринската програма на ХРТ 1, „Добро утро, Хрватска“, деновиве премиерно беше прикажана новата песна на Андријана Јаневска насловена „Дај пољуби ме“, со која македонската музичарка дебитира на тамошната сцена. Имено, како што открива Јаневска, соработката почнала по иницијатива на продуцентот М.М. Вили од Виена, кој е автор на музиката и на текстот, додека аранжманот го направи Јосип Шукер од Загреб.

Веднаш по премиерата на „Дај пољуби ме“, реакциите беа навистина одлични, па се надеваме дека ова ќе биде уште едно успешно поглавје во веќе плодната кариера на Андријана Јаневска.

„Dancin’“ е новиот хит на „Ај кју“

Популарната македонска група „Ај кју“ штотуку го објави својот нов сингл насловен „Dancin’“, со кој продолжува да ја освојува светската сцена, особено откако ги освои срцата на европската публика со минатогодишниот евровизиски хит „Lost And Found“. Станува збор за уште една денс-нумера и комплетно авторско дело на Бојан Трајковски кое се лепи за уво уште при првото слушање, а сето тоа е дополнето и со разиграно, шарено видео со потписот на Џејмс Галант.

Ристе Ристески со впечатливо видео за новиот сингл „Неизлечиво“

Охриѓанецот Ристе Ристески, кој (засега) е единствениот македонски победник во „Ѕвездите на Гранд“, деновиве ја промовираше својата втора студиска песна насловена „Неизлечиво“, заедно со мошне интересно и впечатливо видео објавено на неговиот канал на Јутјуб.

„Лилит“ е музичко откритие и вистинско „Чудо“

Зад уметничкото име „Лилит“ се крие една млада, шармантна и симпатична охриѓанка Емилија Колоска, која низ клубовите ширум Скопје и Македонија е позната како вокал на бендот „Балтер“.

Деновиве таа како дел од една екипа вонсериски музичари под името „Лилит“ на јавноста ѝ го претстави своето музичко „Чудо“, огледано во истоимената тема. Необична и чудна, но мошне ефектна фузија на стилови, од џез и блуз, до амбиентална атмосфера зачинета со беспрекорниот вокал на Емилија која на целата тема ѝ дава своевидна мистика, драматика и себесвојствен шарм, правејќи ја неподносливо лесна за слушање и уживање во миксот на комплицирани жанрови

Лозано ја претстави новата емотивна песна „Мајко“

Уште со најавната фотографија за новата песна и видео на Влатко Лозаноски знаевме дека станува збор за уште една емотивна музичка приказна од кичевскиот славеј, овој пат посветена на сите мајки, особено оние чии чеда заминуваат во туѓина… Популарниот пејач, кој на 23 март ќе го одржи својот голем славенички концерт по повод 10 години кариера, отсекогаш добивал особено позитивни критики со изведбите на нашите прекрасни народни песни, а токму во штотуку објавената „Мајко“ го направи можеби најдобриот спој на етно и поп-елементи.

Промовирана песната со која Тамара ќе настапи на Евровизија

Музичкото видео за песната „Горда“ (Proud) на Тамара Тодевска, македонски претставник за Евровизија во Израел, беше премиерно емитувано вечерва во централните вести на јавниот сервис.

Главна ѕвезда на музичкото видео на Тамара е нејзината тригодишна ќерка Хана.

Музичкото видео вклучува и појавувања од жени кои ја инспирирале Тамара, докажувајќи дека соништата се остваруваат.

„Горда“ e авторско дело на тимот што како потписници на музиката го сочинуваат Роберт Билбилов, Лазар Цветковски и Дарко Димитров, а текстот е дело на Коста Петров и Сања Поповска. Музичкото видео го режираше Чедо Поповски.

Манекенката Вера Мештеровиќ во најновиот спот на Владо Јаневски баладата „Откако си негова“

Непосредно пред концертот со кој ќе одбележи 25 години кариера, Владо Јаневски го промовираше новиот спот за „Откако си негова“.

58-годишниот пејач и атрактивната манекенка Вера Мештеровиќ го снимаа видеозаписот на неколку локации во Македонија.

Музиката и текстот на песната се дело на Владо, а аранжманот е на Никша Братош.

Проект „Брендирани млади органски салати“ на компанијата Аквапоника – од нива директно на трпеза

Проектот „Брендирани млади органски салати“ на компанијата Аквапоника има за цел да развие максимален квалитет во производството, а на потрошувачите да им понуди нова линија на млади органски салати и да ја зголеми довербата во органското производство во земјава.

Аквапоника: „Аквапоника е мало земјоделско стопанство, што се наоѓа во село Орешани, недалеку од Скопје. Се занимаваме со производство на органски зеленчук, а пред се на органски салати. Со овој проект кој е поддржан од #ФИТР на нашите потрошувачи ќе им понудиме нова линија на млади органски салати. Се работи за рукола, марула, спанаќ и блитва чии ливчиња не се поголеми од 10 сантиметри, а кои веднаш по бербата, токму тука, на нива, ќе ги измиеме и ќе ги спакуваме. По тоа ќе ги дистрибуираме, обидувајќи се целата свежина од нивата да ја донесеме во Вашата чинија дома.

На овој начин сакаме да постигнеме максимален квалитет, но и да ја зголемиме довербата на нашите потрошувачи во органското производство. Целата наша приказна ќе ја раскажеме во брендот што ќе биде развиен во текот на овој проект. Се надеваме дека на овој начин ќе ги поттикнеме и останатите земјоделци да размислуваат на одржлив развој на органското земјоделство, а кај потрошувачите ќе поттикнеме здрави навики во исхраната, но и потрошувачки навики со поголема одговорност за животната средина.“

Компанијата Аквапоника е една од над 130 домашни компании/конзорциуми поддржани од ФИТР во рамките на првиот јавен повик од Планот за економски раст на Влада на Република Северна Македонија

Со првиот и вториот инвестициски бран се реализираат инвестиции во домашниот приватен сектор во износ од 28 милиони евра. Се ангажираат над 780 лица, од кои 158 се нови работни места, со просечна плата од 45.000 денари.

„Кога не си ти до мене“ е новата песна на Наташа Малинкова

Откако минатата година нè почести со баладата „Ако грев е што те сакам“, дуетската „Еуфорија“ со Александра Јанева и макфестовската „Милион причини“, за која ја освои наградата за најдобра вокална интерпретација, Наташа Малинкова сега ја претставува својата нова песна насловена „Кога не си ти до мене“.

Станува збор за ар-ен-би балада, чиј автор на музиката и стиховите е долгогодишниот соработник на Наташа – Столе Аврамов, а за аранжманот и продукцијата му се придружи познатиот продуцент Зоран Алексиќ. Песната стигна во комплет со видео снимено во винаријата „Queen Marija“ во Демир Капија и на снежниот Пелистер, а го реализираше екипата на продукцијата „Пинестел“.

Невена Божовиќ ќе ја претставува Србија на „Евровизија 2019“ со „Круна“

Со темата „Круна“, младата српска пејачка Невена Божовиќ вчера триуфираше на финалето на годинашниот фестивал „Беовизија“, освојувајќи го и билетот за Тел Авив, каде што на 14 мај ќе ја претставува Србија. Божовиќ се потпишува и како авторка на музиката и стиховите, а аранжер и продуцент е нашиот Дарко Димитров, кој втора година со ред е дел од авторскиот тим на Македонија и на Србија.

Слаткаристика и „2Бона“ имаат полна чанта „Дијаманти“

Слаткаристика го претстави својот нов сингл насловен „Дијаманти“, за кој ги здружи силите со своите колеги од дуото „2Бона“. Марио Јелиќ-Кун и Антонио Стојановски-Тонито – кои дебитираа на музичката сцена во 2015 година, со Слаткаристика соработуваа и за нивната „Би направил сè“, а овој пат соработката ја заокружија и со филмско видео исполнето со акција.

Музиката на „Дијамантите“ ја потпишува самиот Слаткаристика, стиховите му се заеднички со „2Бона“, а аранжманот е на Марио Јелиќ – Кун и Иван Јованов – Ивајо, кој се погрижи и за миксот и мастерингот. Видеото, пак, е дело на продукцијата „Год ај“ (God Eye), а како изгледа и звучи сето тоа дознајте во продолжение. Уживајте!

„Срце отвори“ е новиот сингл на Александра Јанева

Популарната струмичанка и двократна победничка на „Макфест“, Александра Јанева го претстави својот нов сингл насловен „Срце отвори“, кој стигна во комплет со екранизација. Автори на музиката и аранжманот се колегите Иле Спасев и Панче Касапски, а стиховите се на познатиот текстописец Огнен Неделковски, односно истата екипа која застана и зад минатогодишниот хит „Ќе се вратам некој ден“, додека видеото е дело на екипата од продукцијата „Пинестел“, чиј потпис стои и на екранизацијата на ланскиот дует со Наташа Малинкова – „Еуфорија“.

Интересно е тоа што „Срце отвори“ е песна стара две години, но сега ја доживеа својата трансформација и доби сосема нов звук.

Малума има нов регетон-хит со „HP“

Колумбиската суперѕвезда Малума продолжува да работи со полна пареа, а освен што го подготвува својот нов албум, најде време и да сними дует со поп-кралицата Мадона, а сè уште необјавената соработка веројатно ќе се најде и на нејзиниот 14. студиски материјал што се очекува во текот на годинава.

Во меѓувреме, 25-годишниот шармер го објави и вториот сингл од претстојниот, 4. по ред студиски албум, а темата насловена „HP“ е регетон-хит што ќе ве натера да посакате да е веќе лето.

На Валери ѝ фалиш „Само ти“

Валери Димовска продолжува да реди одлични синглови, а најновиот во низата го носи насловот „Само ти“! Талентираната велешанка се потпишува и како авторка на музиката и стиховите, заедно со колегата Темелко Андреев, кој се погрижи и за аранжманот, миксот и мастерингот, а сето тоа визуелно го дополни Горан Симјаноски.

„Ласт експедишн“ по 22 години се враќа на сцената со нов спот

Со „Хеј хо“ македонскиот алтернативен рок бенд се враќа на сцената по цели 22 години.

Од вчера, откако беше објавена на „јутјуб“, песната досега има преку 8.000 прегледи. Бендот претходно ја најави на својата фејсбук страница и го промовира видео записот. Музика и текстот се на фронтменот Енис Хаџиќ-Енко, а аранжманот го потпишува „Ласт експедишн“. Снимањето, миксот и мастерот се на Мите Димовски.

 

„Ласт експедишн“ (Димитар Петров – тапани, Енко – бас, Сеад Хаџиќ – Сецко – гитара и Идриз Амети – вокал) се формираа во 1985 година. Нивната прва песна „Маршпира пропаста“ е објавена во 1990 година.

Last Expedition – Hey Ho (OFFICIAL VIDEO)

“Сирилик” снимија спот со велешанката Валери Димовска

Прилепското електронско дуо „Сирилик“ повторно напаѓа со нов сингл, а овој пат на браќата Андреј и Бојан Иваноски им се придружи велешанката Валери Димовска. Резултатот од нивниот заеднички труд е насловен „Доволни“, а како автори на музиката и стиховите се самите „Сирилик“ и Дина Јашари, со која ги снимија и хитовите „Во тебе се гледам“, „Feel Like“ и „Right Here“, продукцијата е исто така на „Сирилик“, додека миксот и мастерингот им се заеднички со Ивајо, во чие студио е снимена и самата песна.

Сузана Гавазова жешка и намачкана

После песната „Хало“, која се покажа како вистински погодок, Сузана Гавазова продолжува со походот за освојување на српскиот и балканскиот музички пазар.
Со првата песна и спот, Гавазова веднаш го привлече вниманието на балканската јавност, а тоа се докажа со многуте гостувања на српските и регионални ТВ канали во емисиите и шоуата на Прва, Гранд, Пинк, а и големиот број прегледи и коментари за „Хало“.
Нашата пејачка не чекаше да помине долго време, па затоа повторно околу себе собра проверена екипа и повторно изненади со нов проект.

Новитетот на нашата пејачка е насловен „Намазана“ (Намачкана).
Тимот кој работеше на оваа песна се Саша Диниќ и Ана Диниќ, а видеото го работеше “НН Медиа продукција”.

Тијана Дапчевиќ го прослави роденденот со нова песна

Наместо со роденденска торта, Тијана Дапчевиќ нè почести со нова песна насловена „Презир“, која доаѓа по минатогодишната преработка на „Километрите“ од Лозано, како и по хитот „Ресет“, чии автори се потпишуваат и на новиот сингл. Имено, автор на музиката и стиховите е Александар Делиќ – Динге, а аранжманот го направи Махир Сарихоџиќ.

Зоки Шумадинац – „Свесен сум дека сите ме гледаат како будала, но тоа не ми смета”

Зоки Шумадинац преку ноќ стана интернет сензација со својата песна „Аутотјин“, која веќе има милиони прегледи на каланот „Јутјуб“.

Пејачот Зоран Петровиќ, познат како Зоки Шумадинац, направи вистински бум со оваа песна, која за само три седмици достигна неверојатни 3.2 милиони прегледи.

„Дупер“ го имаат најбелиот спот на македонската сцена за синглот „Ние сме 2“

Едно од најнадежните нови имиња на македонската музичка сцена, скопското трио „Дупер“ штотуку го претстави својот нов, трет по ред сингл насловен „Ние сме 2“, кој стигна во комплет со видео. Наследникот на хитовите „Не сум твој тип“ и „Тело за на ТВ“ е уште едно авторско на самите членови на бендот, а за снимањето, миксот и мастерот се погрижија Ангел Ќосев и Драги Иванов во студиото „Подрумот“.

За белата екранизација на „Ние сме 2“, пак, беа задолжени режисерот Томи Акимовски, камерманот Томислав Живковиќ и монтажерот Иван Костадинов. Како што споменавме, ова е трет сингл за ексклузивците на „Авалон“, па се надеваме дека до крајот на годинава ќе нè почестат и со цел албум

Билбилов ги екранизираше своите „Чудни места“ во Кокино

Макфестовската „Чудни места“, со која Роберт Билбилов се врати на музичката сцена (како изведувач) по пауза од неколку години, сега си доби и соодветна, вселенска екранизација, а како локација уште посоодветно беше избрана една од најстарите мегалитски опсерватории во светот – Кокино. Воодушевувачките пејзажи и визуелните екфекти одлично ја дополнуваат песната, симболизирајќи ја љубовта како исто толку универзална, мистична и бескрајна како вселената.

Robert Bilbilov – Cudni Mesta (Official Video) 4K

Македонските пејачи ја претставија божиќната „Небо и земја“

 

Со намера да се возобноват православните традиции за прославување на Христовото раѓање, дел од македонската естрада годиниве ја препеа темата „Вечниот Бог“, а сега репертоарот е дополнет и со „Небо и земја. „Небо и земја“ ја изведуваат Елена Ристеска, Влатко Лозаноски, Викторија Лоба, Димитар Андоновски, „Некст тајм“, „Љубојна“ и дечињата од „Златно славејче“, а снимена е во студиото „Алшар“ . Повеќе…

Светско а наше | Мартија ја заокружи годината со „Get Crazy“

Само неколку дена до крајот на 2018, Мартија Станојковиќ одлучи оваа мошне успешна година да ја заокружи со темата насловена „Get Crazy“. Станува збор за уште еден потенцијален хит за талентираната кумановка, кој повторно го потпишуваат американските автори  Џеф Герити, Џош Глејзер, Алија Џејд и Ерл Коен, со кои соработуваше и за претходно објавените „Next To Me“ и „That’s The Way We Like It“.

„Фанк шуи“ ги претстави своите „Деца“

Скопското трио „Фанк шуи“ ја заокружува годината со ново видео за темата насловена „Деца“.

Песната е снимена во студијата „Подрумот“ на Ангел Ќосев (микс и мастеринг) и „Тра-ла-ла“ на Мите Димовски, со помош на Драги Иванов, а за видеото се погрижија самите членови на „Фанк шуи“ со Борис Ралев зад камерата.

Хитот на Билбилов, „Избриши ги ти солзите“ доби нова верзија

Еден од најголемите хитови на Роберт Билбилов – макфестовската „Избриши ги ти солзите“ (2006) си доби нова, освежена верзија, отпеана во дует од Александар Тарабунов и Барбара Поповиќ.

Триото „Кладенец“ ја екранизираше „Да си вечна земјо моја“

„Да си вечна земјо моја, темата со која вокалното трио „Кладенец“ се претстави на годинешниот „Лешочки фолк-фест 2018“, доби и свој автентичен видеозапис, кој деновиве беше промовиран и пуштен во македонскиот медиумски етер.

Инаку, вокалното трио „Кладенец“ е оформено од Сашо Костадиновски, дипломиран етнокореолог на Факултетот за музичка уметност во Штип и Уметнички раководител на  КУД „Кирил Пејчиновиќ“ – Теарце. Преку вокалното трио „Кладенец“, тој и неговата вокална дружина, која покрај него уште ја сочинуваат  Бобан Трпковски и Мирослав Симјановски, негувајќи ги изворните македонски песни, придонесуваат за зачувување на традиционалните вредности на Република Македонија, а изворниот фолклор е секако една од нив.

„Око мое“ е новиот хит на Стојне Николова

Фолк-пејачката Стојне Николова деновиве го промовираше видеото за својата најнова песна насловена „Око мое“, чија музика и аранжман ги потпишува постојаниот соработник на пејачката – Бобан Мојсовски, додека стиховите се дело на проверениот лиричар, текстописецот Огнен Неделковски. Песната е снимена и продуцирана во музичкото студио „Анастасија“, а во нејзината реализација уште учествувале и Јане Рафаиловски на кларинет и Дуле Божиновски на хармоника.

Stojne Nikolova – Oko moe(official video)

ЕКСКЛУЗИВНО – „Reminder“, нов сингл и видео на Кирил Џајковски

Македонскиот композитор и продуцент Кирил Џајковски го објави новиот сингл Reminder“, за кој е изработен и одличен видео спот, а со кој Џајковски се враќа на сцената по подолга дискографска пауза. Песната „Reminder“ е прва соработка со новиот член на неговиот концертен бенд, вокалистот Дејвид Лајон (David Lion) и претставува храбра комбинација на балкан-бит звукот со глич-хоп и реге-влијанија.

Djaikovski Ft David Lion – Reminder (Official Video)

ПРЕСПАВ Сезона 3 (Трејлер) „Нов Газда“

После успешните две сезони на хит серијата “Преспав” ќе следува и трета сезона. Премиерата ќе биде на 17 декември 2018година на МРТ1 од 20 часот и 15 минути

Официјална најава за трета сезона на македонската ТВ серија “Преспав”.

Третата сезона на “Преспав” најавена со видео спот

После успешните две сезони на хит серијата “Преспав” ќе следува и трета сезона. Премиерата ќе биде на 17 декември 2018година на МРТ1 од 20 часот и 15 минути

„Куршлус“

Таму некаде на север од југот, едно малечко местенце Преспа се прочу во светот. Се појави чудовиште, се бараше нафта, дојдоа странски претставници, се организираа избори, и што ли уште не!

Пансионот што никогаш не спие.

Таму некаде е ПРЕСПАВ!

режија и монтажа: Ла Сандра Ѓоргиева

директор на фотографија: Дејан Димески

музика, текст и аранжман: Мите Димовски, студио „Тра ла ла“

продуцент: Пеце Талески

Светско а наше | Викторија Лоба, Марга Сол и Дарлс Флоу се „Над небото“

„Feel It“ за англиската, а „Над небото“ за македонската верзија е насловот на новата соработка на Викторија Лоба со продуцентите Марга Сол и Дарко Цветкоски или Дарлс Флоу, кои се потпишуваат како автори на оваа дип-хаус тема, а освен што пее, Лоба се погрижи и за стиховите на македонски јазик. Сето тоа визуелно го дополни Дарко Митев, снимајќи на идличниот грчки остров Санторини.

Victoria Loba ft. Marga Sol, Darles Flow – NAD NEBOTO (Official Video)

Гавазова започна да ја освојува Србија со „Хало“

Фолк-ѕвездата Сузана Гавазова неодамна ги соопшти своите планови за освојување на српскиот пазар, а сега конечно ја имаме и нејзината прва песна на српски јазик насловена „Хало“. Сакајќи успехот да биде загарантиран, пејачката ги здружи силите со едни од најпознатите српски автори, па така стиховите на „Хало“ се дело на хитмејкерот Драган Брајовиќ Браја, а музиката и аранжманот ги потпишува Динајл Екс.

One Republic сними своја верзија на евергринот „White Christmas“

Популарниот американски поп-рок бенд „Уан репаблик“, кој пред три години го имаше својот прв спектакуларен концерт во Скопје, неодамна ја претстави својата верзија на познатиот празничен евергрин „White Christmas“. Песната е снимена за новата реклама на автомобилската компанија „џип“, а како звучи сето тоа дознајте во продолжение.

Слаткаристика денеска го промовираше својот нов сингл и видео насловени „Амстердам“

Марко Маринковиќ – Слаткаристика денеска го промовираше својот нов сингл и видео насловени „Амстердам“, а како што може да се претпостави и од самиот наслов, темата е поврзана со контроверзната тревка, чија легализација е цел и на Здружението за канабис и зелени политики „Билка“.

Соодветно со насловот на песната, видеото се снимаше токму во Амстердам, град што е веројатно најпознат по слободната употреба на марихуана, како и по „Квартот на црвените фенери“ (Red-Light Distict). Освен што ја изведува, Слаткаристика се потпишува и како автор на музиката и стиховите, додека аранжманот, миксот и мастерингот се на Иван Јованов – Ивајо и Јован Јованов. Видеото го изработи екипата на продукцијата „Мелем“, под режисерската палка на Огнен Шапковски, а како изгледа и звучи „Амстердам“ дознајте во продолжение. Уживајте!

По пауза од пет години, култниот поп-рок состав „Ареа“ со нова песна

По пауза од цели пет години, култниот поп-рок состав „Ареа“ конечно се враќа на сцената со нов материјал, а како најава за она што ќе биде шесто студиско издание за бендот, деновиве беше претставена темата „Зрак“. Станува збор за авторско дело на гитаристот Ивица Брчиоски, кој се потпишува на музиката и аранжманот, а стиховите се дело на неговата сопруга и вокалистка на бендот, Ружица Брчиоска.

Каролина Гочева со видео запис за „Бели цветови“!

Најновиот видеозапис на Каролина Гочева е за песната „Бели цветови”, нумера која е дел од албумот „Извор”.
Спотот се снимаше на повеќе локации низ Скопје, во режија на Чедо Поповски.

За новиот спот Каролина вели:
„Драги мои, со задоволство ви го претставувам видеозаписот за највеселата песна од албумот, ‘Бели цветови’. Се надевам дека нашава убава приказна дополнително ќе ви ги разубави овие последни сончеви денови. Уживајте!”

Калиопи доби „Пресуда“

По кусата пауза од музичката сцена, Калиопи конечно има нова песна. Станува збор за уште една емотивна балада насловена „Пресуда“, која повторно произлезе како резултат од долгогодишната соработка со нејзиниот некогашен сопруг Ромео Грил. Тој се потпишува како комплетен автор и продуцент на оваа песна, чие снимање се одвивало во студијата „ГМП“ во Базел (Швајцарија) и „Морис“ во Загреб, додека сниматели биле Дон Карло Џовани и Филип Видовиќ, кој стои и зад миксот и мастерингот.

Повеќе…

Лозано има нова песна – „Надеж“

Оваа јубилејна, десетта година од кариерата на Влатко Лозаноски се покажа како најплодна досега, па освен со анимираната „Камо тебе да те имам“, велигденската химна „Километри“ и летниот хит „Јако, јако“, кичевскиот славеј сега нè почести и со уште еден потенцијален хит, кој слободно можеме да го вброиме меѓу неговите најдобри песни досега.

Станува збор за оптимистичната тема насловена едноставно „Надеж“, чии автори секако дека се неговите најверни соработници Лазар и Магдалена Цветкоски, кои и овој пат се надминаа себеси, а во создавањето учествуваа уште и Бојан Рафајлоски на гитара и Сирта Сакс на саксофон.

Повеќе…

По стапките на вујко си Тоше: Кристијан Ристески дебитира со „We Are Blood“

„We Are Blood“ е насловот на првиот официјален сингл на младиот Кристијан Ристески, кој ќе се најде на новиот постхумен албум од неговиот славен вујко Тоше Проески, чија промоција е закажана за в петок, 2 ноември, на големиот концерт во чест на легендарниот пејач. Музиката и аранжманот ги создаде тимот на англискиот продуцент Енди Рајт, во чие студио и се снимаше целиот материјал на англиски јазик на Тоше, а стиховите заеднички ги потпишуваат Енди и Кристијан.

Повеќе…

Kristijan – We Are Blood (Official video)

Елена Ристеска со нов спот – “Снаге За Крај”

Елена Ристеска го збогатува своето музичко портфолио. 32-годишната пејачка ја објави својата нова песна „Снаге за крај“, која е на српски јазик.

Музиката и текстот на „Снаге за крај“ се дело на Сергеј Ќетковиќ, за аранжманот и продукцијата се погрижи Дарко Димитров.

Спотот Елена го снимаше во Македонската опера и балет на почетокот на јули.

„Фанк шуи“ го објави својот „Крик“

„Кога никој не слуша, можеби е време да зборуваме потивко. Свету, ова е ’Крик’, паметно гласен, разбирање и љубов“, вака скопското трио „Фанк шуи“ го претстави својот нов сингл и видео насловени „Крик“.

Автори на музиката и стиховите се самите членови на бендот, а продукцијата им е заедничка со Бен Милчев, чиј потпис стои и на миксот и мастерингот, додека снимањето се одвиваше во студијата „Подрумот“ на Ангел Ќосев и „Тралала“ на Мите Димовски.

Лука, Давид и Михаил се погрижија и за визуализацијата на „Крик“, а како изгледа и звучи сето тоа дознајте во продолжение. Уживајте!

Марио Еди со ремикс на хитот „Не сум твој тип“ од Дупер

Дебитантскиот хит-сингл на триото „Дупер“ продолжува да ја освојува публиката, но и да ги инспирира колегите од музичкиот свет да му дадат и свој печат на овој заразен рефрен. Имено, „Не сум твој“ тип неодамна доби ремикс и поддршка од маестралниот Роберт Билбилов, а сега сето тоа го добива и од младиот прилепски диџеј и продуцент Марио Еди.

Марија Спасовска со прекрасната балада „Дома“ ќе ги брани боите на нашата земја на детскиот Евросонг

„Секое дете заслужува топол дом“, порачува Марија Спасовска со прекрасната балада „Дома“, песна со која ќе ги брани боите на нашата земја на детскиот Евросонг, чие 16. издание ќе се одржи следниот месец во белоруската престолнина Минск. За овој прв евровизиски предизвик, 13-годишната надежна пејачка ги здружи силите со еден од нашите најдобри автори со богато искуство на овој фестивал – композиторот и продуцент Дарко Димитров, како и со својата постара колешка и наша евровизиска претставничка со најдобар пласман досега – Елена Ристеска, чиј потпис како коавтор стои на стиховите.

Marija Spasovska – Doma – Official Video – Junior Eurovision Song Contest 2018 HD

Дуа Липа има уште еден потенцијален хит со корејската сензација „Блекпинк“

„Kiss And Make Up“ е насловот на штотуку објавениот нов сингл на Дуа Липа, за кој популарната пејачка со косовско потекло соработуваше со корејските поп-кралици „Блекпинк“. Двојазичниот сингл излезе како најава за реизданието на деби-албумот на Липа, кој е дополнет со уште неколку нови песни, вклучувајќи го мегахитот „One Kiss“ со Келвин Харис и „Electricity“ со „Силк сити“.

Новата песна наскоро ќе добие и свое официјално видео, а додека ја очекуваме неговата премиера, слушнете како звучи оваа интересна англиско-корејска тема. Уживајте!

„Пеперминт“ му посветија песна на Лазар Бараков

„Фан на Лазар Бараков“ е насловот на новата песна на „Пеперминт“, во која групата го опеа македонскиот актер најпознат по улогите во македонските народни приказни. „Жално е за овие, ама Лазар Бараков сите ги шие! Секој може да е славен, ама Лазар Бараков за мене е главен“, пеат „Пеперминт“ откако ќе ги набројат имињата на светски музички и актерски легенди, а како звучи сето тоа дознајте во продолжение. Уживајте!

Светско, а наше – Томи Тасев и Полина дебитираат со „Broken“

Светско, а наше – вака може да се опише првенчето на младиот диџеј и продуцент Томи Тасев, кој за темата насловена „Broken“ ги здружи силите со својата братучетка Полина Тасева, а крајниот резултат е навистина воодушевувачки. Талентираните струмичани се вистинско освежување на нашата музички сцена и сигурни сме дека најдобро од нив допрва доаѓа.

„Broken“ е авторско дело на самиот Томи, чиј потпис стои на музиката, а стиховите му се заеднички со Давид Димовски, додека аранжманот е на Иван Петровски. Сето тоа го визуализираа Сашо Достинов и Ѓорѓи Вацев, со поддршка од „Лолипоп ентертејнмент груп“. Како звучи и изгледа ова одлично првенче на младите струмичани дознајте во продолжение. Уживајте!

„Кога ме сакаш ти“ е новиот хит на „Нокаут“

Како загревање за претстојниот славенички концерт, кој ќе се одржи на 23 ноември во СРЦ „Кале“, „Нокаут“ денеска го претстави најновиот сингл што го најавува нивниот 4. студиски албум. Станува збор за темата насловена „Кога ме сакаш ти“, чиј автор на музиката е Дарко Димитров, а стиховите се на Огнен Неделковски, со кого бендот соработува за првпат, додека аранжманот им е заеднички на Дарко и фронтменот на „Нокаут“, Никола Перевски – Пере.

Дрејк запеа на шпански во новиот сингл на Бед Бани – „Mia“

Порториканската рап-ѕвезда Бед Бани, кој со соработката со Карди Би за хитот „I Like It“ се искачи на врвот на Билбордовата, а и на многу други топ-листи ширум светот, деновиве го претстави својот нов сингл насловен „Mia“. Потенцијалниот мегахит доби засилување од канадскиот колега Дрејк, кој своите стихови ги изведува на шпански јазик!

Роберт Билбилов им направи ремикс на „Дупер“

Ремиксот на Билбилов стигна во пакет со видео во режија на Зоран Зонде Стојановски, а како изгледа и звучи сето тоа дознајте во продолжение. Уживајте!

Тајзи во Колумбија! Ексклузивно слушнете го најновиот балкански хит „Пабло“!

Нашиот познат пејач Тајзи не престанува да не изненадува со нова музика и спотови. Како што најави работи на повеќе проекти и песни  на македонски, англиски и српски јазик а една од нив е токму темата Пабло која од денес е во етер и можеме да ја слушаме на сите балкански радио мрежи.

Спотот е навистина со холивудски сцени, Колумбија во мало и нешто што навистина ретко се гледа на овие простори.Колумбиски картели ,згодни девојки, аеродроми, сиромашни гета, ретро автомобили, оружје, карактеристичен стајлинг,многу статисти и секакако една моќна порака…Како режисер на ова прекрасно дело се потпишува охриѓанецот Даниел Јовески кој уште еднаш покажа зошто е еден од најдобрите на Балканот.

Антонија го претстави видеото за победничката на Макфест „Никогаш не вели никогаш“

Победничката на 33. издание на фестивалот „Макфест“, Антонија Гиговска го претстави видеото за првонаградената композиција „Никогаш не вели никогаш“. Ова авторско дело на нејзините веќе редовни соработници – хитмејкерите Лазар и Магдалена Цветкоски – собра најмногу гласови и од жирито и од публиката, а сето тоа сега е дополнето и со одлична визуализација, за која се погрижи режисерот Даниел Јовески. 

Во урбаната и романтична екранизација, каква и што доликува за една млада пејачка ѕвезда како Антонија, се појавува и моделот Павле Николов, а како изгледа и звучи победничката тема на „Макфест 2018“ дознајте во продолжение. Уживајте!

Тијана ја препеа „Километри“ од Лозано

По пауза од речиси година и половина, Тијана Дапчевиќ конечно се враќа со нова песна и видео. Станува збор за српска верзија на велигденскиот мегахит на Лозано, „Километри“, чиј автор на музиката и аранжманот е Лазар Цветкоски, а новиот текст на српски јазик е на Милан Милетиќ. И двајцата соработуваат со Тијана за првпат.

Во создавањето на „Километри“ како придружни вокали учествуваа и самиот Лозано, Магдалена Цветкоска и Лазар Цветкоски, а гостуваат и Димитар Андоновски на виолина и Сирта Сакс на кларинет. Сето тоа е дополнето и со соодветна визуализација што ја изработи екипата на продукцијата „Сторителер“, под режисерската палка на Антонио Павловски, а како изгледаат и звучат новите „Километри“ на Тијана дознајте во продолжение. Уживајте!

Мина Блажев ја екранизираше макфестовската „Во други души“

Мина Блажев полека се докажува како една од најнадежните млади музички ѕвезди во Македонија, па откако нè претставуваше на минатогодишниот детски Евросонг, летово нè почести со хитот „Веќе нема“, а на првата полуфинална вечер на „Макфест 2018“ се рангираше на првото место според вкупниот резултат од жиријата и публиката.

На макфестовската сцена таа се претстави со темата „Во други души“, чиј автор на музиката, аранжманот и продукцијата е Роберт Билбилов, а стиховите ги потпишува Ивана Димова. Сето тоа веднаш доби и соодветна, црно-бела екранизација, која одлично ја дополнува песната и за која се погрижи режисерот Зоран Зонде Стојановски. 

Мартија продолжува да реди хитови со „Next To Me“

Tалентираната кумановка Мартија Станојковиќ продолжува да реди хитови во својата кариера, а следен во низата е штотуку објавениот сингл насловен „Next To Me“. Станува збор за песна отпеана на англиски јазик, чии автори се Џеф Герити, Џош Глејзер, Алија Џејд и Ерл Коен, во чие студио се снимаше, продуцираше и миксаше самата песна.

Мијата објави видео-приказна за нејзината песна „Дај ми ДА“

Мијата објави видео-приказна за нејзината песна „Дај ми ДА“, која е дел од кабаре-концертот „Јаболки и круши за уметнички души“ што изминативе неколку месеци патува низ Македонија, а ќе заврши во Скопје на крајот на ноември. Видеото е извадок од перформансот „Јаболки и круши за уметнички души“, а и пораката е силна: „Слободата на секој од нас“ – порачува Мијата.

Јелена Розга го претстави новиот сингл „Остани“

Хрватската ѕвезда Јелена Розга го промовираше видеото за својот нов сингл насловен „Остани“, кој е резултат од соработката со колешката Емина Јаховиќ и нашиот композитор и продуцент Дарко Димитров. Токму Емина се потпишува како авторка на музиката и стиховите, а Дарко беше задолжен за аранжманот и продукцијата. Тандемот во план има и уште неколку соработки кои би требало да ги слушнеме и видиме во наредниов период.

„Тело за на ТВ“ е новиот сингл на „Дупер“

Откако ја освои македонската публика со деби-синглот „Не сум твој тип“, триото „Дупер“ продолжува со исто темпо и со штотуку објавената песна насловена „Тело за на ТВ“. Станува збор за уште еден потенцијален хит од талентираната тројка, која се потпишува на музиката, текстот и аранжманот, а за снимањето, миксот и мастерот се погрижи Дејан Момироски во неговото студио „Икс-ел“. Сето тоа визуелно го дополни Томи Акимовски, чиј потпис стои на режијата на придружното видео за „Тело за на ТВ“.

„Чалгии мерак“ продолжуваат со „Бог да бие Наумчето“

По воведната тема од својот нов проект, „Три години стана“, македонскиот етно-состав „Чалгии мерак“ го претстави видеото и за втората песна „Бог да бие Наумчето“. Проектот се реализираше благодарение на Јован Лесански (видео), Томе Димовски (аудио), Јунус Емре и НУ Музеј на Република Македонија.

Невидено досега: Sara Fashion приреди светско шоу

Со спектакуларно модно шоу Diamond Sensation модниот бренд Sara Fashion
за сите свои соработници и потрошувачи, ја презентираа најновата колекција есен-зима 2018/2019,
и го одбележаа својот јубилеј, 19 години успешна македонска приказна.

Слаткар со “Отворено Писмо” до јавноста за подршка на референдумот

Познатиот македонски рапер кој успеа да се пробие на Балканот, по шест месеци објави нов потенцијален хит.

Марко Маринковиќ, или за широката јавност само Слаткар, вчера сподели нова песна со наслов „Отворено писмо“, во која ја опејува општата ситуација во нашата држава.

За новата песна, Слаткар веднаш добри позитивни критики од своите колеги и соработници, како и дел од медиумите, додека на на Јутуб каналот мислењата на неговите обожаватели се поделени.

Дуа Липа ги покажува своите танцувачи способности во новото видео „Electricity“

Иако сè уште е актуелна со мегахитот „One Kiss“, соработка со шкотскиот колега Келвин Харис, Дуа Липа продолжува со походот за освојување на топ-листите и со нови песни. Имено, таа деновиве ја објави темата насловена „Electricity“, снимена во соработка со „Силк сити“, односно со продуцентите Дипло и Марк Ронсон, која воедно е најавен сингл за реизданието на нејзиниот деби-албум „Dua Lipa“, закажан за 19 октомври.

Од 21.09-23.09 Штипска Пастрмалијада – која ќе биде главната ѕвезда?

Штип продолжува да го негува брендот на Штипската Пастрмалија. Годинава очекуваме голем број посетители на оваа манифестација.
Музичарите ќе приредат одлична забава, а
штипјани ќе бидат добри домаќини.

Тамара Тодевска со нов хит – „Довидување таго“

По три години музичка пауза и денови посветени на мајчинството, Тамара Тодевска вчера точно на пладне го промовираше својот нов сингл насловен „Довидување таго“. И зад оваа песна се потпишува тимот кој што веќе години наназад, животот на Тамара го раскажува низ песна. Музиката и аранжманот се на Роберт Билбилов, текст Игор Џамбазов, видео запис Чедо Поповски.

Се споија Симона Попоска и Роберт Билбилов – резултатот е заразен хит

Летен хит кој го промовираше минатиот месец во радискиот етер, во сосема поразличен стил од предходните песни чие комплетно авторско дело е на Роберт Билбилов.  За изработка и реализација на видеото се погрижи Андреј Ѓоргиевски, снимен е на три локации; главната локација во Охрид на плажа, на Галичица и во Скопје.

Спотот изобилува со летни и помалку жешки сцени, затоа што и песната со нејзиниот стил го бара тоа.

„Badman World“ е новиот сингл на „Конкеринг Лајон“

Македонските реге-предводници „Конкеринг лајон“ (Conquering Lion) го претставија видеото за својот нов сингл насловен „Badman World“, кој е снимен во соработка со италијанскиот колега Рафаел. За аудио продукцијата се погрижи Гоце Трпков (С.А.Ф.), додека видео продукцијата ја заврши Бренсис (Rotosotop Ent). Видеото се снимаше во градовите Охрид и Тетово

Покрај српската верзија на својот нов сингл, Ања Ветерова ја пушти во етер и македонската – „Ми доаѓа на вриснам“

Откако ја објави српската верзија на својот нов сингл, Ања Ветерова ја пушти во етер и македонската, овој пат насловена „Ми доаѓа на вриснам“. Како и на голем дел од претходните нејзини песни, така и на оваа автори се хитмејкерот Дарко Димитров и колешката Елена Ристеска, а видеото во режија на Марко Тодоровиќ и Петар Драшковиќ, го изработи екипата на српската продукција „Ај-ди-џеј“.

„Mala mia“ е новиот хит на Малума

Колумбискиот шармер Малума го продолжува успешниот поход за освојување на светот, па откако се проби на интернационалната сцена, благодарение особено на трите одлични соработки со колешката Шакира („Chantaje“, „Trap“ и актуелната „Clandestino“), на ред дојде неговиот нов соло-сингл насловен „Mala mia“.

Евровизиската „Нинанајна“ на Елена доби турска верзија

Нашата евровизиска песна со највисок пласман досега, со која Елена Ристеска во 2006 година го освои 12. место во финалето, „Нинанајна“ 12 години подоцна доби верзија на турски јазик. Станува збор за песна во изведба на турската пејачка Севту Касапбашолу (Sevtuğ Kasapbaşoğlu), овој пат со наслов „Tam Vakti“ (Цело време).

Хрватската ѕвезда Северина го претстави видеото за својот нов сингл насловен „Магија“

Хрватската ѕвезда Северина го претстави видеото за својот нов сингл насловен „Магија“, во кој гостува колегата Јала Брат. Босанскиот рапер и продуцент се потпишува и како автор на музиката и стиховите, за што му помогна Буба Корели, а аранжманот е на РимДа. Режисер и кореограф на разиграното видео е Анже Шкрубе.

Лина Пејовска ја претстави и македонската варијанта, на „Одлучи се“

Веднаш откако ја објави српската верзија на својот нов сингл насловен „Одлучи се“, Лина Пејовска ја претстави и македонската варијанта, овој пат со наслов „Топло-ладно“. Како и на претходната, макфестовска балада „Ако ме сакаш“, автор на новиот сингл е Дарко Димитров, кој се потпиша на музиката, аранжманот и продукцијата, додека стиховите се дело на Елена Ристеска.