Верувале или не Белгиец има испеано песна за македонка на Евросонг

Поминаа 30 години откако Филип Лафонтен испеа песна посветена на Македонка, која и се спомнува во песната, отпеана на Изборот на песна на Евровизија. Имено, на 5-ти мај 1990-та година кога Евросонг се одржувал во Загреб, овој познат музичар ја претставувал Белгија со песната “Мојата Македонка” (Macédomienne), авторска песна која што е посветена на неговата сопруга од Македонија.

Токму на денешен ден тој го прославува својот 65 роденден и воедно одбележува јубилејни 30 години од постоењето на оваа песна, посветена на неговата македонка, песна со која своевремено освои многу срца на евровизиската публика.

Младиот и талентиран Христијан Настески-Пајак нов ексклузивец на “Урбан Рекордс”

Христијан Настески-Пајак, е талентирано деветнаесет годишно момче кое ни доаѓа од убавиот Охрид, инаку студент во прва година на студии по информатика. Со музика започнал да се занимавам уште од негова шест годишна возраст, талентот го наследил од неговиот татко кој е поранешен гитарист и љубител на рок музиката.

Pajak – Dark Side (OFFICIAL VIDEO)

Музиката и текстот за “Darkside” се на Пајак, битот на Josh Petruicco x Bra!n, микс и мастеринг на Mecka warrior/Iwayo. Видео записот е снимен во напуштена фабрика, за целосна реализација на истиот се погрижи Борче Димоски и неговиот тим од “Digital Box” и покрај малите проблеми со кои се соочиле за време на снимањето поради ситуацијата со коронавирусот, на крај се се завршило како што треба.

Пајак кој со “Hell Boy” и “Mama” се прослави кај младата публика кај нас и во соседството, за само два месеци достигна над милион прегледи на YouTube со хитот “Hell Boy”.

Пајак карактеристичен по својот стил и специфичната боја на гласот, заедно со “Урбан Рекордс” работат на многу нови проекти кои ќе ги слушнеме за многу брзо време, надевајќи се дека со секоја песна ќе допрат и ќе остават важна порака на публиката.

Во продолжение, погледнете го новиот спот за “Darkside”, која е веќе на трендинг позиција на YouTube во Србија и Босна, а во топ 3 во Македонија.

Дац и Александар со ракометарките го оживееа повторно хитот за Кометал ЃП

Како што е познато, денес се навршуваат точно 18 години од големиот успех на македонскиот спорт, а тоа е европската титула на Кометал ЃП.

Во епското финале на Лигата на шампионите славеше над Херц со 26-22 што беше повод за ерупција на Скопје, но и поширокот во нашата држава.

За одбележување на овој момент, денес се погрижи музичкото дуо Дац и Александар кои со помош на ракометарките од таа генерација повторно ја оживееа химната на клубот.

Во видеото со песната се наоѓаа и легендарните Индира Кастратовиќ, Андријана Будумир, Милева Велкова, Анџела Платон, Лариса Кисељева, Наталија Тодоровска, Ања Андрушенко, Гордана Нацева, Мирјана Чупиќ, Златановска како и тогашниот газда Трифун Костовски.

ДНК со нов спот, а во спотот Заев, Мицкоски, Боки 13, Ахмети, Есма, Тоше, Елмас, Стоилов

За некого овие денови на карантин и изолација се денови за седење дома и уживање, но ова не важи и за момците од ДНК кои постојано творат. Така е и сега – Панчо и Андреј имаат нова песна.

„Јави ми“ е насловот на темата, која веќе вообичаено излегува во исто време со спот, а кој повторно поместува граници. „Јави ми“ е дело на Панчо, кој е автор на текстот, и Лазар Цветкоски кој стои зад аранжманот, мастерингот, додека музиката им е заедничка.

Кога станува збор за спотот, пак, тој е една интересно спакувана анимирана приказна за која идејата е всушност да се долови зближеноста и дружењето на познатите личности во едно комично и прилично несекојдневно издание. И воедно еден вид респект за секој поединечно, а кој е дел од проектот. Анимацијата, односно видеото е комплетно авторско дело на Никола Димов Nikola’s Art House (2020).

Во кадрите освен ликовите на Панчо и Андреј ги има и оние на Боки 13, Слаткар, Наум Петрески, Миле Кузмановски, Симон Трпчески, Заев, Мицкоски, Ахмети, Антиќ, Каролина, Есма, Тоше, Ѓорѓи Колозов, Манасков, Стоилов, Лазаров, Пандев, Елмаз, Врчак, Лозано…

DNK – Javi mi (official video)

Анастасија Ражнатовиќ ја објави својата прва балада „Промашена“

По еден ипол месец од објавувањето на песната „Волим те“, Анастасија Ражнатовиќ одлучи да ги израдува фановите со уште една нова песна.

Во песната „Промашена“ се зборува за љубовен бродолом на една девојка која неизмерно го сака својот маж, но го губи.

Автор на песната е Александра Милутиновиќ, а додека аранжманот и музиката се дело на Дарко Димитров.

Колегите со заедничка изведба на „Свирете ја зајди, зајди“ го поздравија Драган Вучиќ за последен пат

Група музичари заедно со Олгица Христовска во чест на Драган Вучиќ, го испеаа неговиот голем хит „Свирете ја зајди, зајди“ и се збогуваа од својот колега. Погледнете ја прекрасната преработка:

Роберт Билбилов и Тамара ја изненадија македонската публика со нивниот дует “Светот е”

Една година по огромниот евровизиски успех на “PROUD”, Роберт Билбилов и Тамара Тодевска ја изненадија македонската публика со нивниот нов дует за песната “Светот е”.

“Ова е песна за една безвременска љубов, таква љубов каква што сите ние посакуваме. Можеби во последните неколку недели нашите животи се променија и живееме во еден нов и поинаков свет, но музиката сеуште ја има моќта да не обедини сите. ” изјави Роберт Билбилов.

“Светот е” е авторско дело на Роберт Билбилов а режисер на спотот е Зоран Зонде Стојановски.

„СКАрантин“ – Суперхикс со нова забавна песна и видео со фанови од изолација

„СКАрантин, сите сме во СКАрантин“ – пеат Суперхикс во својата нова песна снимена во домашна изолација.

Спотот вклучува и снимки од нивни фанови кои се забавуваат во домашна изолација.

„Спотот е изработен во домашно-карантински услови со помош на нашите фанови кои што ни испратија видеа како танцуваат и се забавуваат на нашиот нов сингл ‘СКАрантин’. Многу сме горди и среќни што песната беше прифатена позитивно од нивна страна и ни покажаа уште еднаш дека вреди да твориме и во тешки и во убави времиња“ – изјавија членовите на Суперхикс.

„Ќе мине сè“ е песната со која велешките музичари му испратија охрабрувачка порака на светот, дека има излез од оваа ситуација…

„Ќе мине сè“ е насловот на песната со која велешките музичари му испратија охрабрувачка порака на светот, дека има излез од оваа ситуација со коронавирусот, но и дека таа не научи дека треба малите работи, а не парите, врските, добрите коли, славата и моќта, го прават човекот среќен.

Песната е снимена на музика од познатиот хит We are the world, која во 1985 година го изведоа тогаш најпознатите музичари на планетата, соединети во проектот USA for Africa, кој имаше за цел да собере пари за гладните во Африка.

Текстот за „Ќе мине сè“ го напиша еден од најпознатите македонски текстописци Огнен Неделковски, аранжманот е на Стојанче Иванов и Оливер Тевчев, а ја изведуваат Дејан Попов, Стефани Алчева, Трајче Бондиќов, Катерина Брезева, Трајче Малинов, Мими Јовановска, The Chicks (Сандра Јорданова, Наталија Мејанџиева, Моника Ѓоргиева), Баже Натов, Стојанче Иванов, Симеон Иванов, Трајче Ристов, Оливер Тевчев, Борче Стојанов и Тихомир Тевчев.

„Ќе мине сè“ е снимена во Импакт продукција, а за миксањето и мастерингот се погрижи Темелко Андреевски. Извршен продуцент е Владимир Тевчев, продуцент на проектот е http://www.batali.net, а промотор е велешкото Радио 5 ФМ.

И „Во светот на бајките“ доби своја карантинска верзија

Периодов посведочивме на многу нови верзии на познати песни, на многу онлајн изведби и соработки. Денеска ќе ви презентираме уште една таква.

Се работи за карантинска верзија на легендарната „Во светот на бајките“.

Александар Митервски и Драган Спасов Дац ги поканија членовите на гратскиот хор „Гласот на децата на Скопје“ да ја отпеат оваа песна, која инаку е дело на Славе Димитров и Васил Пујовски.

„Раширете ја љубовта насекаде и споделете. Пејте со нас. Од срце за децата“, стои во описот под објавата.

„Корона чао“ на Дац и Митевски ги запали социјалните мрежи

Александар Митевски и Драган Спасов – Дац направија кавер на познатата „Bella Ciao“, во придружба на Брастет Скопје.

Видеото на Александар и Дац кое го објавија вчера наиде на голема поддршка од граѓаните.

Препевот на популарната Бела Чао, со македонски зборови буквално ја размрда македонската публика.

АЛЕКСАНДАР И ДАЦ – КОРОНА ЧАО ( cover ) ft. Brasstet Skopje

Влатко Стефановски со цела естрада ја испеаа „Чукни во дрво“

Под мотото #ОстаниДома, група од врвни македонски артисти ги соединија своите гласови и позитивни енергии во изведба на легендарната „Чукни во дрво“.

Покрај авторот на песната Влатко Стефановски, свој придонес во проектот дадоа Мандолинскиот оркестар „Скопје“ во аранжаман и под диригентска палка на Ерхан Шукри, Иван Кукиќ на бас гитара и Јан Стефановски на тапани, Калиопи, Тамара, Весна Гиновска Илкова, Симон Трпчески, Андријана Јаневска, Ленче и Горан Кукиќ, Игор Џамбазов, Бени, Алкесандар Митевски и Драган Спасов-Дац, Вера од Љубојна, Влатко Лозановски, Пере од Нокаут, Миле Кузмановски и Васил Зафирчев.

Џокси и хорот „Мирче Ацев“ го преработија хитот „На Велигден“

Џокси е во изолација и годинава нема да може да се заљуби, е шегата на сметка на пејачот Ѓорге Васиќ се протнуваше по социјалните мрежи. Но, тој пред неколку дена изјави дека „нешто се крчка“ а тоа нешто излезењ денес. Станува збор за домашна преработка на хитот „На Велигден“ заедно со хорот „Мирче Ацев“..

Ова е втор пат Џокси да ја пее оваа песна со хорот „Мирче Ацев“. Тие заедно ја испејаа и на  манифестацијата „Златна Буба Мара“.

Како сето тоа звучи, а звучи многу убаво, погледнете во видеото:

Na Veligden, Joxy i Akademski hor Mirce Acev

Со љубов од Италија и Македонија – Дац и Александар пеат со нашиот тенор Благој Нацоски од Џенова

Музичка прегратка во време на корона – Дац и Александар од домовите во Скопје заедно со нашиот тенор, Благој Нацоски од домот во Џенова, стоплија многу срца со емотивна македонско-италијанска преработка на хит песната „Уште ми фалиш“.

Нашиот оперски пејач, Благој Нацоски од Скопје, кој живее и работи во Џенова, Италија, постојано упатува пораки до неговите фанови на социјалните мрежи и со музика се обидува да го разубави секојдневието на луѓето во овие тешки моменти низ кои минува светот.

Александар и Дац, пак, не престанаа да ја забавуваат публиката во овие времиња и преку Фејсбук видеа во живо им го разубавуваат времето поминато дома на нивните фанови.

Тие пеат љубовни песни во полициски час, а најновата соработка со нашиот тенор, Благој, виртуелно стопли многу срца.

Тие од удобноста на своите домови ја отпеаја нивната хит песна „Уште ми фалиш“, а потоа заедно со Благој продолжија со италијанска верзија.

Сега е време сите да бидеме сплотени, а најдобриот начин е преку музика и љубов.

Жива свирка во Лисиче – ги забавуваа соседите во време на карантин

На социјалните мрежи се споделува видео снимено во скопската населба Лисиче на кое се гледаат неколкумина кои од својот двор, но и пред него свират и пеат за време на карантинот кој трае цел викенд. По завршувањето добија аплауз од целото соседство.

Васил Гарванлиев ја промовираше баладата “Мојата улица”

Несудениот македонскиот евровизиски претставник Васил Гарванлиев ја промовираше својата нова песна. Се работи за баладата “Мојата улица” за која музиката ја компонираше самиот Васил. Автор на текстот е Игор Џамбазов а македонскиот композитор кој живее и работи во Канада, Давор Јордановски го придружува Васил на пијано.

Спотот е сниман во старата касарна во Струмица во режија на Ѓорги Вацев. Се напоменува дека се работи за автобиографска песна, а како инспирација на Џамбазов при пишувањето на текстот било животното патешествие на Васил.

ПОЗИТИВА НА ДЕНОТ, НАСТАП НА ЏОКСИ ОД ДОЧЕКОТ НА НОВАТА 1996 ГОДИНА

ПОЗИТИВА НА ДЕНОТ, Видео од македонската естрада од времето кога сите се сакаа…
НАСТАП НА ЏОКСИ ОД ДОЧЕКОТ НА НОВАТА 1996 ГОДИНА …Џокси пее, Петранка игра твист, Јонче Христовски наместо со палтото мафта со 100 гр. кафе…

“Џокер” е насловот на новата песна на веќе познатите 2 Бона

“Џокер” е насловот на новата песна на веќе познатите 2 Бона. Тие и овој пат направија интересна приказна во видеоспотот. За прв пат овие македонски хип хоп артисти соработуваат со српската Н Медија кои стојат зад видео продукцијата. Режисер и камера на видеото е Немања Новаковиќ, а и овој пат за песната се погрижија 2 Бона и Иван Јованов – Ивајо.

Александар Митевски, Дац и Бојана Скендеровски преку песна им се заблагодарија на сите кои се дел од битката против коронавирусот!

„Љуби ме и главата горе“ песна која во далечната 1982 година ја изведоа Зафир Хаџиманов и Сенка Велетанлиќ, во нов аранжман и наменски ја обработија Драган Спасов – Дац, Александар Митевски и Бојана Скендеровски.

Тие преку оваа песна упатуваат порака посветена на како што велат хероите на нашето секојдневие.

Докторите и медицинските лица од цела држава, Министерството за здравство, Клиниката за инфективни болести, Институтот за јавно здравје и сите здравствени установи, Министерството за внатрешни работи, Армијата, Црвениот крст, Дирекцијата за заштита и спасување, сите волонтери и добронамерници кои секојдневно се во борба против ширењето на корона вирусот.

Ова трио упатува благодарност до авторите на оваа преубава песна и велат „Да бидеме заедно и да се придржуваме кон препораките“.

Во 1982 година музиката за оваа песна ја направи Григор Копров, а текстот Зафир Хаџиманов.

СПАСЕН СИЛЈАНОВСКИ “МУ ОТПЕА” НА ЗАЕВ ,,Пуста да ти биде Заев судбината”

ПОЗНАТИОТ ФОЛК ПЕЈАЧ, СПАСЕН СИЛЈАНОВСКИ “МУ ОТПЕА” НА ЗАЕВ ,,Пуста да ти биде Заев судбината,
ти што сакаш да ми ја земеш татковината
и на моите деца, Заев, иднината!”

Промовирана песната со која Васил Гарванлиев ќе настапи на „Евровизија“

Вечерва на МТВ беше промовирана песната насловена „YOU“ со која Васил Гарванлиев ќе настапи на „Евровизија“ во Ротердам.

Музиката ја напиша Невена Нешкоска, а текстот е на Невена Нешкоска, Калина Нешкоска, Алис Шредер. Продукцијата и аранжманот го направија Невена Нешкоска, Дарко Димитров и Лазар Цветкоски.

Спотот е во режија на Милена Витман, монтажата ја направи Ѓорѓи Вацев, а како продуцент се потпишува Јелмаз Дервиши.

Гавранлиев ќе пее на првата полуфинална вечер на 12 мај.

„Someone you love“ од Луис Капалди прогласена за најдобра песна на британските музички награди

На синоќашното доделување на британските музички награди, титулата за најдобра песна му припадна на младиот уметник Луис Капалди, кој исто така беше прогласен за најдобар уметник во подем.

Станува збор за песната „Someone you love“, која на Јутјуб веќе има 90 милиони прегледи, а 23-годишниот пејач вчера ја изведе во живо пред многубројната публика на доделувањето на „Брит“ наградите.

Магдалена Ена Цветкоска промовираше нова песна, “Најдоброто”

Пејачка Магдалена Ена Цветкоска во изминатите години позната како текстописец, промовираше своја нова песна. “Најдоброто” излегува после 1 и пол година од последната песна. Автор на текстот и музиката е самата таа а аранжманот е на Лазар Цветкоски.

„Суперхикс“ со спот ја претстави новата песна „Ана“

Групата „Суперхикс“, која минатата година прослави 25 години успешна кариера, со многу настапи и концерти, со исто темпо ја продолжува и оваа година. Деновиве тие со интересна видеоприказна ја претставија својата најнова песна „Ана“, за која музиката ја напишаа: Петар Младеновски, Борис Минов и Дарко Попов, кој е автор и на текстот, а аранжманот е на сите членови на „Банда инструментале“. Песната е снимена во студиото „Тралала“ на Мите Димовски.

“Урбан Рекордс” побогати со уште еден убав и талентиран женски артсист – Луна

Запознајте ја дваесет и едно годишната Луна, вториот женски артист на “Урбан Рекордс”, кој ветува многу. Луна веќе го промовираше нејзиниот прв сингл “Kуш”, на YouTube каналот на “Урбан Рекордс.

Видео спотот се снимаше во Про Лајт Студио. Во него Луна менува неколку интересни модни комбинации, во друштво е со Тракер, а присутна е и една доста интересна бела мечка – маскота. Го изработи Гордан Божиновски – Год Ај Продукција. Песната е во трап стил, текстот и музиката се на самата Луна, аранжман/бит, микс и мастеринг се на хитмејкерот Иван Јованов – Ивајо.

Александар Тарабунов деновиве го промовира својот нов сингл “Senorita” пропратен со видеоспот

Пејачот Александар Тарабунов деновиве го промовира својот нов сингл “Senorita” пропратен со видеоспот. Композитор на песната е самиот Тара, додека текстот е на Лука Ристиќ. Спотот е сниман на неколку локации во Скопје, а покрај Тарабунов се појавуваат: Барбара Поповиќ, Ивана Савовиќ и Бојана Арсовска.

Тајзи ја промовираше новата песна „Сине“

За овој проект, Тајзи вели дека е круна на неговата десетгодишна кариера, а последните спотови во режија на Даниел Јовески изгледаат светски. Текстот е на Тајзи, а заедно со еден од нашите најдобри продуценти, Лазар Цветковски ја направија музиката.

Снимен е на повеќе локации, во Куклици ( Кратово), тврдината Зебрњак, како и боксерските клубови од Куманово и Скопје. Шминката на Андријана Станковска го трансформираше Тајзи во старец, а продукцијата Балкатон од Србија го најави видеото како нешто што дефинитивно ќе ги помести границите и дека им е многу мило што имаат ваков талентиран артист во своите редови.

Cyrillic ја спакуваа „Твоите очи Лено мори“ во модерен дип-хаус звук

Едни од најатрактивните имиња на електронската сцена во Македонија кои се појавиле последниве неколку години, дефинитивно се момците од Cyrillic, Андреј и Бојан. Од ден на ден нивната публика во нашата земја, но и надвор од неа е сè повеќе бројна, а тоа го мотивира ова електронско дуо да создава и во иднина нова и квалитетна музика.

По тој повод, „Севда“ е нивното најново остварување, а инспирација за истата е од македонската народна песна „Твојте очи Лено мори“, но спакувана во модерен дип-хаус аранжман со етно примеси. За овој сингл момците од Cyrillic соработуваа со пејачката Наташа Малинкова, која маестрално ги испеа вокалите.

За новиот сингл има и видеоспот во режија на Зоран Зонде Стојановски. Истиот се снимаше на неколку локации во Македонија, а моделот кој ја има главната улога во спотот е преубавата Марија Давчевска.

„Пак и пак“ – слушнете ја новата песна на Дупер

Момците од Дупер имаат нова песна. Талентираното музичко дуо ја објави новата песна насловена „Пак и пак“.

Музиката, текстот и аранжманот е дело на самите Борис Какуринов и Илчо Нечовски од бендот.

Слушнете ја:

Стојне Николова ја „воскресна“ легендарната патриотска песна „Крушево абер пристигна“

Откако кон средината на минатата 2019 година го издаде својот прв албум со авторски песни насловен „Мелем за душа“, најавувајќи го како: „Вистинско освежување на македонската фолк-сцена“, кој ги содржи хитовите: „Око мое“, „После мене“ и „Спремај мајко дарови“, динамитната струмичанка Стојне Николова сега се одлучи на еден сосема поинаков чекор.

Имено, македонската „фолк џепна венера“ реши да го следи примерот на колегите од рок сцената, „Некст Тајм“…

И тоа комплетно, па одлучи една стара македонска народна песна на покојната фолк икона Васка Илиева, да ја преработи во модерен стил, да ја визуелизира со видоспот, кој го екранизраше во вид на мини игран филм… Токму по теркот на браќата близнаци од споменатото рок дуо „Некст Тајм“.

Каролина промовираше нова песна во „Дајте Музика“

По скоро две години, Каролина Гочева има нова песна. Таа ја промовираше „Обичен необичен ден“ во „Дајте музика“ и откри дека песната е направена специјално за оваа детска музичка емисија. Автор на песната е нејзиниот долгогодишен соработник, Николче Мицевски.

Запознајте ја Ayana (синооката убавица) првиот женски артист на “Урбан Рекордс” (Фото+Видео)

Префинето и со стил кој плени со својата природна убавина, шарм и моќен вокал… Запознајте ја деветнаесетгодишната талентирана Ayana, првиот женски артист во “Урбан Рекордс”, новото музичко име кое што веруваме ќе прозвучи надалеку. Продукцијата која преферира модерен саунд ни ја представува Ayana во еден нов стил кој не е секојдневен за женските артисти од нашата земја.

Песната “Не ме моли” за која музиката и текстот се на самата Ayana е во трап, РнБ стил. Аранжманот и мастерингот е на Иван Јованов – Ивајо, додека пак видео спотот го изработи режисерот Гордан Божиновски – God Eye Production. Се снимаше на две локации, во “Хелиум Кафе” и во ексклузивниот ресторан/Кафе Бар “Ча Ча” во Скопје.

Промо: Нов спот на групата “Ван Гог”

Групата “Ван Гог” годината 2019 ја завршува со четвртото видео изработено за песната “Емотивно миниран”, песна која изминатите месеци е на врвот на домашните и регионални топ листи.

Направен е по несекојдневно сценарио за денешно време а по угледот на каубојските филмови за Дивиот Запад, пред се со динамиката, звучните ефекти и автентичните костуми од тоа време.

Слаткаристика не е Дедо Мраз но ви носи пакетче

Слаткар на својот YouTube канал го промовираше видеото за најновата песна едноставно насловена “Бетмен”. Видеото е снимено во Станица26, а во истиот учествуваат девојки од Queen Dance Studio, а го реализираше Имедија, зад аудиото стојат Иван Јованов – Ивајо и Слаткар.

Слаткаристика – Бетмен

Нова песна со силна порака од Марија Спасовска

Минатогодишната претставничка на Детската евровизија, Марија Спасовска која ја пееше песната “Дома” во продукција на Дарко Димитров и текст од Елена Ристеска објави нова песна на својот YouTube канал.

“Сакам” е новата песна од Марија Спасовска со која порачува “Човекот со срце да гледа, да исчисти очи од гордост и беда”. Текстот на оваа балада е од Марија Спасовска, а музиката и аранжманот се на познатиот Роберт Билбилов. Видеото кое дополнително ја надополнува убавината на приказната е во режија на Зоран Зонде Стојановски.

Интересен е фактот што Марија во видеото употребува знаковен јазик, сакајќи оваа песна со својата силна порака да допре до секој човек, за да можат да слушаат сите, дури и тие што не можат да слушаат.

Во продолжение погледнете го видеото:

Огномет и спектакл, Дино Мерлин пееше пред 60.000 луѓе во Скопје за Нова година

Со концертот на Дино Мерлин и спектакуларен огномет на полноќ, над 60.000 луѓе од земјава и од странство ја дочекаа Новата 2020 година на плоштадот „Македонија“ во Скопје.

Веселата атмосфера почна уште во 20:30 часот со настапот на музичките групи Gypsy Groove и „Суперхикс“, кои ја загрејаа атмосферата пред Мерлин да излезе на сцената. Тој ги испеа своите најголеми хитови и уште еднаш покажа зошто е толку голема ѕвезда на Балканот, со кариера што трае повеќе од 3 децении.

Организатор на новогодишната забава беше Град Скопје. Тие во текот на месец декември на плоштадот „Македонија“ секојдневно организираа и концерти за граѓаните на „Винтерленд“, поставен пред ГТЦ. Во јавноста се коментираше дека ова е една од најубаво организираните нови години кај нас, а дека Скопје овојпат личеше на големите светски метрополи.

“Нека те боли” на Лина Пејовска доби српска верзија

Нашата млада пејачка Лина Пејовска ја објави српската верзија на “Нека те боли”, песна со која се претстави во Тирана, Албанија на музичкиот фестивал “Kënga Magjike”. Оваа песна е авторско дело на прочуениот композитор Дарко Димитров и шоуменот Игор Џамбазов. По “Ако ме волиш”, “Одлучи се” и “Нема” ова е четврта песна која нашата Лина ја отпеа на српски.

За оваа песна пејачката со својата екипа сними и видео спот, кој ја доловува емоцијата на песната. Освен таа, во спотот се појавува и познатиот македонски манекен Димче Димчевски.

Lina Pejovska – Neka te boli (Official Video)

Теа Трајковска се враќа на музичката сцена со “Што би било”

По подолга музичка пауза, поп пејачката Теа Трајковска на македонската сцена се враќа со нова интересна певлива песна насловена “Што би било”. Автор на текстот е токму таа, додека музиката и аранжманот ги подготви најдобриот во својата област, Лазар Цветковски.

Видео спотот е снимен во Анталија, Турција.

“Пола света” е најновата песна на младиот Мартинијан Кириловски

“Пола света” е најновата песна на младиот Мартинијан Кириловски, кој што македонската публика го запозна како кандидат и натпреварувач во многубројните музички шоу програми, меѓу кое ќе го вброиме и “Ѕвездите на Гранд”. Оваа интересна и певлива песна која што е со модерен стил, како што и самиот тој вели е вистинско освежување на македонската музичка сцена, за разлика што оваа песна е пред се наменета за музичкиот балкански пазар бидејќи е на српски јазик. Музиката и аранжманот се дело на Иле Спасев, а текстот го напиша Огнен Неделковски.

Во продолжение слушнете за што станува збор.

Ексклузивците на “Урбан рекордс” Тракер и Таско доаѓаат со “Црна мечка”

Се попопуларните Таско и Тракер заедно во нов проект на Урбан Рекордс продукција, каде Таско се појавува како гостин во новата трап песна на Тракер. Оваа не им е прва соработка на двоецот Таско-Тракер, тие летото минатата година снимија спот за “Не ме боли”.

Сега Тракер и Таско ни доаѓаат со “Црна мечка”.

Музиката и текстот се на Андреј Трајковски-Тракер и Христијан Тасковски-Таско, аранжман и мастеринг на Иван Јованов-Ивајо, спотот комплетно го изработи Гордан Божиновски “God Eye Production”, а за организацијата и графичкиот дизајн се погрижи Борис Тасковски.

Боби Павловски ја промовира и третата песна наменета за пазарот во соседството

По одличните “Метар дана” и “Тамо негде”, Боби Павловски ја промовира и третата песна наменета за пазарот во соседството. Хитовската композиција со модерен призвук и која лесно влегува во уво е со наслов “Самица” и е работена со екипа од соседството. Музиката е со потписите на Еди Рамичевиќ и Милан Раѓен, а зад видеото, пак, стои тимот на Tropical Lifeisfun.

Позната македонска рок-група од Гостивар, “Ареа” изненади со нова песна

Позната македонска рок-група од Гостивар, “Ареа” ја промовира новата песна со видео запис насловена како “Те спомнувам”. Песната е целосно авторско дело на “Ареа” со текст, музика, аранжман и продукција. Спотот е сниман на неколку локации во Гостивар и тоа во Градскиот парк, Домот на културата и рок-барот “Пинк Флојд”, под режисерската палка на Кристијан Шемко. Младите артисти кои го разубавија спотот и му дадоа посебна ведрина се : Ана, Маги, Лејла,Теодора, Виктор, Росица, Ема и Војкан.

Уживајте!

Како би изгледал голот на Пандев од 40 метри ако коментираше Игор Трпевски

ГОЛ НА ПАНДЕВ ПРОТИВ ЛЕЧЕ
…од таму шутирај колку сакаш…

Тамара Тодевска – најдобар интернационален артист на Кенга Маџик во Албанија

Тамара Тодевска со песната „Monsters” вчера беше прогласена за најдобар интернационален артист на престижниот музички фестивал Кенга Маџик во Тирана, Албанија.

„Monsters” е авторско дело на Роберт Билбилов, Дарко Димитров и Лазар Цветковски, со текст на Коста Петров.

„Пресреќна сум. Оваа награда ја посветувам на моето семејство и на Македонија”, изјави Тамара при земањето на наградата која и беше врачена од овогодинешната претставничка на Евровизија за Албанија.

 

Наташа Малинкова ја промовираше новата песна “Биди со мене”

Денес во етер излезе нова македонска песна од поп пејачката Наташа Малинкова, насловена “Биди со мене”. Малинкова и понатаму работи со тимот со кој досега направи повеќе песни кои ја освоија публиката, а тоа се Столе Аврамов кој се потпишува како композитор, миксот и мастерингот го работеа Аврамов и Маликова.

“Искуството низ годините и ноќните настапи ни се единствениот репер за тоа што би сакала публиката да слуша. Мешање на стилови од ретро, до песни со модерни аранжмани… Сакавме во период кога ни претстојат убави празници, во моменти кога сме опкружени со луѓето што ги сакаме и не сакаат, да им подариме една убава поп – латино тема во која мислам дека секој еден може да се пронајде”, истакнува Малинкова.

“Тоа е една спонтана приказна за тоа како изгледа едно наше деноноќие. Работата во студио, дел од нашите ноќни настапи, нашите најмили и пријателите. Овојпат честа ја имав статисти во спотот да се појават моите драги колеги и пријатели – Даниел Данн и Марко Марк, а девојката во видеото ни е гостинка од Мелбурн, која случајно и со задоволство прифати да биде дел од ова, за неа прво искуство”, додава Малинкова.

Инструменталци во песната се Никола Дафов – Дафе на клавијатури, хармониката ја свири Александар Митревски, гитара Столе Аврамов, а пратечките вокали ги пејат Ѓоко Таневски и Наташа Малинкова.

Ѓоко Танески прави пресврт во кариерата со – „Една љубов имам“

Македонскиот поп пејач Ѓоко Танески реши да направи пресврт во кариерата по теркот на Каролина Гочева и нејзиното „Македонско девојче“. Имено, тој ја промоивираше новата песна насловена „Една љубов имам“ со која познатиот охриѓанец прави пресврт во начинот на музицирањето и својата изведба, па од поп-рок водите запливува во еден сосема поинако стил, подруг жанр кој може да се нарече етно-поп со фолк примеси, а на моменти и џез елементи.

Преслушајте ја „Една љубов имам“ и проследете го видеото во кои покрај пејачот главните улоги ги толкуваат моделите Марис Жолен и Мартин Нацевски, песна со која стартува новото поглавје во музичката кариера на Ѓоко Танески.

Зад видеото пак стои сограѓанинот на Ѓоко, проверениот режисер на видеоспотови Даниел Јовески од Охрид каде и е сниман спотот на неколку различни локации.

Тамара има нова песна „Мonsters“

По евровизиската „Proud“, Тамара Тодевска има нова песна насловена „Мonsters“.

Композицијата ја напишаа најдобрите македонски композитори: Дарко Димитров, Лазар Цветковски и Роберт Билбилов, а текстот Коста Петров.

Untitled

Песната премиерно беше отпеана на „Kenga Song Festival“ во Тирана Албанија, од каде е снимено и видеото.

Текстот е на англиски јазик, звучи модерно и хитовски, а на само неколку минути по објавувањето на интернет каналот Јутјуб има доста позитивни коментари.

Нашата претставничка, Мила Москов заврши шеста на јуниорската Евровизија

Мила Москов ја „запали“ сцената во Гливице, Полска. 14-годишната пејачка од Прилеп настапи со песната „Fire“ на јуниорската Евровизија.

Текстот на песната е дело на Магдалена Цветкоска, додека за композицијата и продукцијата се погрижи Лазар Цветкоски.

По пребројувањето на гласовите, Полска стана победник, а нашата Мила го освои шестото место.

Untitled.png

А ова е победничкта композиција

Лина Пејовска промовираше нова песна на фестивал во Албанија

Лина Пејовска и стана позната на македонската јавност по учеството во неколку музички талент шоу натпреварувања во регионот како „Пинковите ѕвездички“ во Србија или „Ѕвезди – летен хит“ во Хрватска, каде буквално сјаеше и доби многу позитивни коментари, за своите настапи.

Таа лани пееше на нашиот најпрестижен фестивал на поп музика – ,,Макфест”
, каде дебитираше со баладата „Нема“, која ја преработи и на српски јазик. А, потоа направи преработка на старата тема од 2010 година на некогашна македонска пејачка Снежана Џеповска, насловена „Крив си сам“.

Најновата композиција на Лина носи наслов „Нека те боли“, песна што уште еднаш ги потврдува нејзините гласовни можности и интерпретаторски квалитети.

Лина новата песна ја промовираше во Албанија, на фестивалот „Kenga Magjike 2019“.
Музиката и аранжманот на оваа преубава балада се на Дарко Димитров, а текстот е на Игор Џамбазов.

Како сето тоа звучи и изгледа во нејзиниот фестивалски настап, проследете од видеото во продолжение:

Менил Велиоски промовираше нова песна

Младиот Менил Велиоски кој учествуваше во талент шоуто “Неки нови клинци” на Гранд продукција, промовираше нова песна. Ова петта песна на Менил кој е родум од струшкото село Лабуништа, а со семејството живее во Словенија. Автор на текстот е познатата Марина Туцаковиќ, а композитор и аранжер е Александар Кобац.

Слаткар во „Дајте музика“ ја промовираше новата песна „Јас имам некој“

Марко Маринковиќ – Слаткар беше гостин во новата епизода од „Дајте музика“ каде ја промовираше својата нова песна „Јас имам некој“.

Малите ѕвезди во популарното шоу пееја заедно со 33-годишниот музичар. Погледнете видео:

 

Слаткар го објави и спотот за песната.

Слаткар со нова песна: Во спотот е Драгана Спасовска која не се родила да „сецка“ салати

Одисеа“ е најновото музичко остварување на познатиот рапер Слаткар. Тој преку социјалните мрежи ја објави новата песна.

Во спотот покрај раперот има уште неколкумина други статисти, а една од главните улоги ја толкува и познатата старлета Драгана Спасовска која пред извесно време ја насмеа македонската јавност со изјавата дека не е родена да сецка салати и да пие ракија со сопругот.

Неверојатно – Бора Чорба му посвети песна на Ивица Дачиќ (ВИДЕО)

Музичарот, поет и водач на легендарната група „Рибља чорба“, Бора Џорџевиќ, посвети нова песна на шефот на српската дипломатија Ивица Дачиќ.

Чорба песната, како што објасни, ја направил во знак на благодарност што за време на неговиот мандат 14 земји го повлекле признавањето на Косово.

Џорџевиќ истакнува дека ова е голем успех за Србија и на овој начин сакал да му се одолжи на Дачиќ. „Рибља чорба“ песната премиерно ја изведе во Јагодина, пред повеќе од 6 илјадна публика.