Полицијата не дозволи демонстрантите да се приближат до домот на Канческа Милевска

Од иницијативата „Македонија бојкотира“ вечерва се упатија кон домот на поранешната министерка за култура, Елизабета Канчевска Милевска, но полицијата не им дозволи на демонстрантите да се приближат до домот.

Се појави страшна снимка од падот на хеликоптерот- еве како загина сопственикот на Лестер

Во саботата се случи голема трагедија во Лестер, откако се урна хеликоптерот на сопственикот на клубот, Вичај Шриваданапраба.

Притоа загинаа тој и уште четири лица кои биле во леталото, меѓу кои и неговата ќерка.

Сега се појави и ново видео од падот на хеликоптерот, а го објави „Сан“ и тоа е снимено од самиот терен на стадионот „Кинг Пауер“ и изгледа навистина страшно

Обвинителството поведе предистражна постапка за претседателот Иванов

Скопското Јавно обвинителство почнало предистражна постапка за претседателот Иванов околу непотпишувањето на Законот за јазиците и Договорот од Преспа, за што биле поднесени две анонимни пријави.

И Јанко Бачев повикан на разговор во полиција поради закани

Претседателот на партијата „Единствена Македонија“, Јанко Бачев попладнево беше задржан во полициска станица. Извори од Министерството за внатрешни работи велат дека Бачев бил повикан на разговор во полиција поради закани на социјалните мрежи.

Македонските танчери со Даунов синдром светските прваци во хип-хоп, но колку државата знае да ги цени?

Со златни медали и победнички дух, светските прваци во хип-хоп гордо ја носат својата победа. Десетина македонски танчери со Даунов синдром, им пркосат на сите предрасуди и редат светски признанија.

МИЛЕНКО НЕДЕЛКОВСКИ ПУШТЕН ОД ПОЛИЦИСКА СТАНИЦА: Бил приведен за објави на Фејсбук!

По излегувањето од полициската станица во Автокоманда, Миленко Неделковски за камерата на „Инфомакс“ во кратка изјава објасни за што бил приведен – полицијата го гони поради наводна закана до премиерот Зоран Заев

Спасовски: 40 лица во МВР работеа со фалсификувани дипломи

Министерот за внатрешни работи, Оливер Спасовски во вчерашното издание на дебатниот магазин „Click Plius“ рече дека околу 40 лица вработени во МВР работеа со фалсификувани дипломи. Тој потенцираше дека овие лице стигнале и до значајна функција во МВР, но по откривањето добиле отказни решенија и се здобиле со кривична пријава. Исто кривични пријави биле поднесени и до факултетите кои ги издале тие дипломи.

Кекеновски: ВМРО-ДПМНЕ ќе го промени ставот под притисок од меѓународната заедница

Политичкиот аналитичар Јове Кекеновски очекува ВМРО-ДПМНЕ да го промени ставот во однос на договорот со Грција, со оглед на внатрешните состојби во партијата и силниот притисок од меѓународната заедница.

Сузбиена криминална група која организирала криумчарење мигранти со фалсификувани патни исправи со крајна дестинација во САД и Канада

Во текот на вчерашниот ден Одделот за сузбивање на организиран и сериозен криминал на Министерството за внатрешни работи во координација со Јавното обвинителство за гонење на организиран криминал и коорупција, во соработка со Регионалната канцеларија за безбедност и истраги при Амбасадата на САД во Република Македонија, Европол, Селек, како и полициите на Албанија, Австрија, Шпанија и Бугарија спроведе координирана полициска акција за сузбивање на деветчлена криминална група која организирала криумчарење мигранти со фалсификувани патни исправи, а делувала на територијата на Република Македонија и Република Албанија, соопшти министерот Оливер Спасовски на денешната прес конференција.

-Криминалистичката истрага се спроведуваше во изминатите 18 месеци. Криминалната група од Македонија беше идентификувана како дел од меѓународна организирана криминална мрежа составена од соработници од Албанија, Бугарија, Шпанија, Доминиканска Република, Хондурас, Гватемала и Мексико. Членовите на оваа криминална група организирале криумчарење на повеќе групи на илегални мигранти со потекло од Албанија и Македонија со крајна дестинација САД и Канада. Криумчарењето го организирале за лица кои не можеле да добијат виза за патување кон наведените дестинации по регуларен пат и од истите барале и добивале паричен надомест во висина од 20.000 до 25.000 долари по лице. Беа извршени претреси во вкупно 12 објекти во Охрид, Струга, Дебар и Скопје, а лишени од слобода се седум лица. При претресите пронајдени и привремено одземени се поголема сума на парични средства во различни валути, две патнички возила (БМВ и Мерцедес), пиштол, куршуми, мобилни телефони, сим картици, четири австралиски патни исправи, копија од канадска патна исправа; апликации за канадски визи, гарантно писмо од Канада, белешки со контакт информации и лични податоци од повеќе различни лица; уплатници за испорака на документи по брза пошта и разновидна банкарска документација- рече Спасовски.

До јавното обвинителство за гонење на организиран криминал и корупција поднесена е кривична пријава против вкупно девет лица: И.М. (52) од с.Волино-Охрид, Б. В. (33) и А. Д. (39) од с. Делгожди Струга, за сторени кривични дела „Организирање на група и поттикнување на извршување на делата трговија со луѓе, трговија со дете и криумчарење на мигранти“ по член 418-в став 1 и „Криумчарење на мигранти“ по член 418-б став 1 од КЗ на Р.Македонија, З. Д. (48) и Г. Д. (46) од с.Делогожди, Струга, за „Организирање на група и потикнување на извршување на делата трговија со луѓе, трговија со дете и криумчарење на мигранти“ по член 418-в став 2 вв член 24 и “Криумчарење на мигранти“ по член 418-б став 2 во вв со став 1 од КЗ на Р.Македонија, Б. Б. (47) и Р. М. (54), двајцата од Дебар за „Организирање на група и поттикнување на извршување на делата трговија со луѓе, трговија со дете и криумчарење на мигранти“ предвидено и казниво по член 418-в став 2 и „Криумчарење на мигранти“ по член 418-б став 2 во вв со став 1 од КЗ на Р.Македонија, Н. Ц. (39) и Г. К. (59), двајцата од Охрид, за „Организирање на група и потикнување на извршување на делата трговија со луѓе, трговија со дете и криумчарење на мигранти“ по член 418-в став 2, во врска со член 24 од КЗ на Р.Македонија.

-Оваа криминална група врбувала лица- потенцијални мигранти, а потоа им обезбедувала фалсификувани документи за идентификација, им резервирала и купувала автобуски и авионски билети до одредени дестинации во Европа и земјите на Централна Америка, потоа резервација на соби во хотели во Шпанија, како и во Панама, Доминиканска Република, Хондурас, Гватемала, Мексико и други земји. Организаторите на криминалната група ангажирале и лица кои ги прифаќале мигрантите и им обезбедувале дополнителни фалсификувани документи, особено за влез во Мексико, а го организирале и превозот и илегалното пренесување на мигрантите од Мексико до земјите на крајната дестинација – САД и Канада. Мигрантите биле криумчарени во групи од по двајца до четворица, со претходно договорен временски период во кој се предвидувало да се реализира целосната организација на криумчарењето, рутата по која ќе биде реализирано истото, локациите на кои во текот на криумчарењето мигрантите времено ќе престојуваат, односно ќе се засолнуваат, како и начинот на исплата на договорениот паричен износ- соопшти министерот Спасовски.

Криминалната група од Македонија во содејство со соработниците од Албанија во периодот од април 2017 година до март 2018 година, успеала да прокриумчари околу 50-тина лица мигранти кон САД, со што се стекнале со противправна имотна корист во износ од околу милион американски долари.

-Почитувани, ваквите акции ја покажуваат одлучноста на Министерството за внатрешни работи да се справи со секаков облик на сериозен и организиран криминал кој нанесува штета на безбедноста во државите, но и претставува потенцијален извор за финансирање на различни кривични активности кои носат безбедносни закани. Дозволете ми да им ја честитам успешната акција на колегите од Одделот за сузбивање на организиран криминал и да упатам огромна благодарност до партнерите од Регионалната канцеларија за безбедност и истраги при Амбасадата на САД во Република Македонија, Европол, Селек, како и полициите на Албанија, Австрија, Шпанија и Бугарија, со чија помош успеавме да ја реализираме акцијата за сузбивање на оваа криминална група- рече Спасовски.

Преземено од www.mvr.gov.mk

 

Уапсена група дилери на дрога пред бензинската на Стража

Ноќеска (02.10.) во рамки на засилените активности на Министерството за внатрешни работи во борба против недозволената трговија со дрога приведени се шест лица и запленети околу 22 килограми марихуана, соопшти денеска портпаролот на МВР Тони Ангеловски.

-Марихуаната била транспортирана од Албанија во Македонија. Имено, на превојот „Стража“ од страна на полициски службеници запрени се две патнички моторни возила и при извршен претрес во возилото „Шкода суперб“ пронајдени и одземени се две вреќи со марихуана. На местото на настанот лишени се од слобода три лица од Скопје, меѓу кои и организаторот на транспортот на дрогата К.Р.(29) од Скопје, кој претходно бил осуден на казна затвор во траење од 11 години и бил во бегство од Казнено поправна установа „Идризово“, а се барал по распишана потерница. Лишени од слобода се и Р.И.(23) и С.Е.(22)- рече Ангеловски.

Приврзаници на „Бојкотирам” со пцовки, навреди, клетви и јавно жигосување

На специјална страница  ,,предавници“ ,наменета за жигосување на тие што дошле да гласаат на референдумот на гласачките места во Австралија, конкретно во Мелбурн,  сѐ уште неидентификувана група македонски иселеници, стои пред зградата каде што се врши гласањето и ги снима гласачите. Притоа, им се закануваат и им вршат психичка тортура нарекувајќи ги ,,предавници“.

Дури за некои од гласачите го објавуваат и идентитетот.

Ексклузивна снимка од станот во зградата каде синоќа беа евакуирани станарите

Ексклузивна снимка од станот во зградата каде синоќа беа евакуирани станарите, објави ТВ 24 Вести.

Граѓаните кои живеат во зградата во ТЦ „Скопјанка“ вчера поради ширење на миризба од амонијак, неколку часа останаа надвор додека на терен реагираа противпожарни екипи, екипи од АРМ, Дирекцијата за заштита и спасување и Меѓуопштинскиот центар за социјални работи на Град Скопје.

Од видеото што го објави телевизијата се гледа хаосот во станот, расфрланите пелени, отпадоци итн.