Макфестовската „Чудни места“, со која Роберт Билбилов се врати на музичката сцена (како изведувач) по пауза од неколку години, сега си доби и соодветна, вселенска екранизација, а како локација уште посоодветно беше избрана една од најстарите мегалитски опсерватории во светот – Кокино. Воодушевувачките пејзажи и визуелните екфекти одлично ја дополнуваат песната, симболизирајќи ја љубовта како исто толку универзална, мистична и бескрајна како вселената.
